താരാട്ട് പാട്ട് ആരോമലേ ആട് കണ്ണാ ആടാട് കണ്ണാ ആടിയാടിയുറങ്ങന്റെ കണ്ണാ ആലില പോലെ മനമുള്ള കണ്ണാ ആലില കണ്ണാ നീ ആടാട് കണ്ണാ അമ്മ തന്നോമന പുഞ്ചിരി കണ്ണാ അല്ലലറിയാതുറങ്ങന്റെ കണ്ണാ ( ആട് കണ്ണാ... അഗ്നി പോൽ സത്യമായ് നീ വളരേണം ആഴിയെ പോലെ നീ പന്തലിക്കേണം അറിവിലും നിറവിലുമഭിമന്യുവായ് നീ അഴകിനെ തോൽപ്പിക്കും മാനവനാകണം അച്ഛന്റെ സ്വപ്നങ്ങൾ പൂ വിടർന്നാടുമ്പോൾ അമ്മയിൻ മോഹങ്ങൾ മയിലാടി വിടരുമ്പോൾ ഓമന പൂമുഖം താതനായ് മാറണം ഓമനിക്കാനെന്നും സോദരർ വാഴണം സോദര സ്വപ്നങ്ങൾ പങ്കു വെക്കേണം സാദരം ഈ ഭൂമി നിന്നെ വണങ്ങേണം ( ആട് കണ്ണാ... വളരുന്ന മാത്രയിൽ വിതയാകും മോഹങ്ങൾ വഴി മറക്കാതെ നീ വലിയവനാകേണം മാതാപിതാഗുരു ദൈവത്തെ പ്രാർത്ഥിക്കും മാനസമുള്ളോരു മാതൃകയാകേണം പ്രപഞ്ച സത്യത്തിൻ പ്രഭ ചൊരിഞ്ഞീടണം പകലിനുമിരവിനും നാഥനായിടേണം പന്തിരു കുലത്തിന്റെ പൈതൃകമേന്തുന്ന പാർത്ഥനായ് നീയെന്നും വിളങ്ങി നിൽക്കേണം ജന്മ ബന്ധങ്ങളും രക്തബന്ധങ്ങളും ജനനിക്കു വരമായ് നീ മൊഴിഞ്ഞീടണം * എല്ലാ അമ്മമാർക്കും വേണ്ടി സമർപ്പിക്കുന്നു... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #😎 ബുധനാഴ്ച സ്പെഷൽ സ്റ്റാറ്റസ് #ആരോമലേ