#👩‍🍳 പാചകലോകം +------+------+------+------+ *🌶️ ഇന്നത്തെ പാചകം 🍳* *മാമ്പഴ ലഡു* +------+------+------+------+ ```പരമ്പരാഗത ലഡ്ഡുകൾ കഴിച്ച് മടുത്തവർക്കായി ഇതാ വേനൽക്കാലത്ത് തികച്ചും റിഫ്രഷിങ്ങായിട്ടുള്ള ഒരു സ്പെഷ്യൽ ലഡ്ഡു. കുട്ടികൾക്കും മുതിർന്നവർക്കും ഒരുപോലെ പ്രിയങ്കരമാകുന്ന ഈ വിഭവം വളരെ കുറഞ്ഞ ചേരുവകൾ കൊണ്ട് ചുരുങ്ങിയ സമയത്തിൽ വീട്ടിൽ തയ്യാറാക്കാൻ സാധിക്കും. പഴുത്ത മാമ്പഴത്തിന്റെ പൾപ്പും കണ്ടൻസഡ് മിൽക്കും തേങ്ങ ചിരകിയതും ഒപ്പം പോഷകസമൃദ്ധമായ അണ്ടിപ്പരിപ്പുകളും ചേരുമ്പോൾ ഈ ലഡ്ഡുവിന് സവിശേഷമായ ഒരു രുചിയാണ് ലഭിക്കുന്നത്. ``` ________________________ *ചേരുവകൾ* ________________________ _മാങ്ങ- 1 കപ്പ്_ _തേങ്ങ ചിരകിയത്- 1/2 കപ്പ്_ _കണ്ടൻസഡ് മിൽക്ക്- 1/4 കപ്പ്_ _ഏലക്കപ്പൊടി 1/2 ടീസ്പൂൺ_ _നെയ്യ്- 1 ടേബിൾസ്പൂൺ_ _പിസ്ത- ആവശ്യത്തിന്_ _ബദാം- ആവശ്യത്തിന്_ ________________________ *തയ്യാറാക്കുന്ന വിധം* ________________________ ```മാമ്പഴം വൃത്തിയായി കഴുകി തൊലി കളഞ്ഞ് ചെറിയ കഷ്ണങ്ങളാക്കിയെടുക്കാം. ഒരു പാനിലേക്ക് മാമ്പഴത്തിൻ്റെ പൾപ്പെടുത്ത് കണ്ടൻസഡ് മിൽക്ക് ചേർത്ത് ഇടത്തരം തീയിൽ ഇളക്കി യോജിപ്പിക്കാം. ഇതിലേക്ക് അര കപ്പ് തേങ്ങ ചിരകിയതും, അരടീസ്പൂൺ ഏലക്കപ്പൊടിയും, ബദാം പിസ്ത എന്നിവയും ചേർത്തിളക്കി യോജിപ്പിക്കാം. അടുപ്പണച്ച് ഇത് തണുക്കാൻ വക്കാം. ശേഷം കൈയ്യിൽ അൽപം നെയ്യ് പുരട്ടി തയ്യാറാക്കിയ മാവ് ചെറിയ ഉരുളകളാക്കാം. ഇത് ബാക്കി വന്ന തേങ്ങ ചിരകിയതിൽ മുക്കി കഴിക്കാം.``` +------+------+------+------+