കവിത. നിശ്ചലം. നീലാംബരപ്പൂക്കൾ വിരിഞ്ഞതില്ലയെങ്ങുമാ നിസ്വനം കേട്ടതില്ല നാൾവഴി പാതിയിലടർന്നു മാറി നാരായ വേരറുത്തു മാറ്റി നടവഴി പിന്നോട്ട് തെന്നിമാറി നികുഞ്ചമാളില്ലാതൊഴുകി നീങ്ങി നന്നേ കറുപ്പിച്ച മേഘങ്ങളൊരിത്തിരി കണ്ണീർ പൊഴിച്ചകന്നു പോയി നൽവസന്തം വിടരാനാവാതെയെതോ മഞ്ഞിലാഹുതിയായി നടുമുറ്റമന്നു വിറച്ചു പോയി തളിരിലകളത്രയും കൊഴിഞ്ഞു പോയി നല്ലോർമ്മ പങ്കിട്ട ചെമ്പരത്തി നിറങ്ങളില്ലാതെ വിളർത്തു പോയി നല്ലുമ്മ തന്നൊരാ വീഥികളും ചങ്ങലയൊന്നിൽ തളർന്നു പോയി നൂപുരമഴിച്ചു സന്ധ്യാംബരം നീർത്തടമൊന്നിൽ ലയിച്ചു പോയി നിലാവിൻ ഗദ്ഗദമിറ്റിയ മണ്ണിലിന്ദുവിൻ സ്വപ്നം പൊലിഞ്ഞു പോയി നീരറ്റ മാരിയിൻ ചുടുനിശ്വാസത്തിൽ സാഗരം വറ്റിവരണ്ടു പോയി നിർമ്മാല്യമില്ലാതെ സൂര്യനിൻ തേജ,സ്സേതോയരുവിയിൽ താഴ്ന്നു പോയി നിത്യ വർണ്ണങ്ങളില്ലാതെ മാരിവിൽ ഗഗന പുതപ്പിൽ മരിച്ചു പോയി നീട്ടിയ കൈകളിൽ മലരുകൾ വിങ്ങിയടരുവാനാകാതെ, യശ്രുവായി നീളെ പുതപ്പിക്കാൻ മേഘമിറങ്ങി താരങ്ങളൊന്നായ് പിണ്ഡമേന്തി നാലു ദിശകളും നിശ്ചലമായി പ്രണയമാ മണ്ണിൻ ചിതയിലഗ്നിയായി. false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #🥳 അടിപൊളി ചൊവ്വാഴ്ച സ്റ്റാറ്റസുകൾ #നിശ്ചലം