अकोला महानगरपालिकेत जबरदस्त घमासान; सभागृहात गोंधळाचा स्फोट! 🔥 अकोला : अकोला महानगरपालिकेच्या सर्वसाधारण सभेत आज जोरदार राजकीय वाद पाहायला मिळाला. एका महत्त्वाच्या विषयावरून भाजपचे विजय अग्रवाल आणि उबाठा गटाचे सागर भारूका आमने-सामने आले. दोन्ही नेत्यांमध्ये सुरुवातीला शाब्दिक चकमक झाली; मात्र काही क्षणांतच वाद चिघळला आणि एकमेकांवर जोरदार आरोप-प्रत्यारोप सुरू झाले. गाली-गलौजपर्यंत पोहोचलेल्या या वादामुळे सभागृहात मोठा गोंधळ निर्माण झाला. परिस्थिती इतकी बिघडली की काही काळासाठी सभेचे कामकाज ठप्प झाले. उपस्थित नगरसेवक आणि अधिकाऱ्यांनी हस्तक्षेप करत परिस्थिती नियंत्रणात आणण्याचा प्रयत्न केला. या घटनेमुळे अकोला महानगरपालिकेतील राजकारण पुन्हा एकदा तापल्याचे चित्र पाहायला मिळत आहे. नागरिकांमध्येही या प्रकाराची जोरदार चर्चा सुरू असून, सभागृहात शिस्त राखण्याबाबत प्रश्नचिन्ह निर्माण झाले आहे. 👉 या प्रकरणावर पुढील कारवाई काय होते, याकडे सर्वांचे लक्ष लागले आहे.