*നെഞ്ചോരം നി മാത്രം 💞* ഭാഗം : 29 ✍️ ഇമ്മു പിറ്റേ ദിവസം..... അവൾ എഴുന്നേറ്റ ഉടനെ അവനെ നോക്കാതെ വേഗം പോയി കുളിച്ചു.കുളിച്ചിറങ്ങിയപ്പോൾ കാണുന്നത് സുഖമായി കിടന്നുറങ്ങുന്ന കാശിയെയാണ്.അവന്റെ കിടപ്പ് കണ്ടതും അവൾക്ക് ഒരു കുസൃതി തോന്നി.തലയിൽ നിന്നും ടവൽ അഴിച്ചു മാറ്റി പതിയെ ശബ്ദമുണ്ടാക്കാതെ അവനടുത്തേക്ക് നടന്നു ചെന്നു. മുടിയിലെ വെള്ളം അവന്റെ മുഖത്തേക്ക് തെറിപ്പിച്ചു. മുഖത്ത് വെള്ളം വീണപ്പോൾ ഉറക്കം നഷ്ടമായതിന്റെ ഈർഷ്യത്തിൽ കണ്ണുകൾ വലിച്ചു തുറന്ന് നോക്കുമ്പോൾ കാണുന്നത് തന്നെ നോക്കി വായ പൊത്തി ചിരിക്കുന്ന അമ്മുവിനെയാണ്. കുറച്ചു നിമിഷത്തേക്ക് അവൻ കണ്ണിമചിമ്മാതെ അവളെ തന്നെ നോക്കി നിന്നു. ഒരു ഹാഫ് ടോപ്പും പാലാസയും ആണ് വേഷം. ആഭരണമായി താൻ കെട്ടിയ താലി മാത്രമേ ഉള്ളൂ.തല തുടച്ചു കൊണ്ടിരുന്ന ടവൽ കെട്ടി വെക്കാതെ മുന്നിലേക്ക് ഇട്ടിട്ടുണ്ട്. കഴുത്തിലും മുഖതും അങ്ങിങ്ങായി പറ്റി പിടിച്ചിരിക്കുന്ന ജലകണികകൾ. നനവ് വറ്റാത്ത അവളുടെ മുടിയിഴകൾ നെറ്റിയിലേക്ക് വീണു കിടപ്പുണ്ട്. അവൾ മുഖത്തേക്ക് പിന്നെയും മുടിയിൽ നിന്നും വെള്ളം തെറിപ്പിച്ചപ്പോഴാണ് അവൻ അവളിൽ നിന്നും കണ്ണുകൾ പിൻവലിക്കുന്നത്. എന്തുകൊണ്ടോ ഇത്രയും സമയം അവളെ നോക്കി നിന്നതിന്റെ ജാള്യത മുഖത്ത് നിന്നും സമർത്ഥമായി മറച്ചു പിടിച്ചുകൊണ്ടു അവൻ അവളെ അടിക്കാനെന്ന പോൽ കയ്യൊങ്ങിയപ്പോഴേക്കും അവൾ വാതിൽ തുറന്ന് മുറിയുടെ പുറത്തെത്തിയിരുന്നു. അവളുടെ കുസൃതി അവനിൽ മന്ദസ്മിതം വിരിയിച്ചു.അവൻ അവളുടെ മുടിയിൽ നിന്നും അവന്റെ മുഖത്തേക്ക് തെറിച്ചു വീണ വെള്ളത്തുള്ളികളെ പുറംകയ്യാൽ തുടച്ചു നീക്കികൊണ്ട് കിടക്കയിൽ നിന്നും എഴുന്നേറ്റ് ഫ്രഷ് ആവാനായി ബാത്റൂമിലേക്ക് നടന്നു. അവൾ മുറിയിൽ നിന്നും ഇറങ്ങി നേരെ പോയത് അടുക്കളയിലേക്ക് ആയിരുന്നു.ഒരു പുഞ്ചിരിയോട് കൂടി അവൾ തലയിൽ ഇട്ടിരുന്നു ടവൽ കൊണ്ട് മുടി കെട്ടി വെച്ച് പടികൾ ഇറങ്ങി അടുക്കളയിലേക്ക് നടന്നു. അവിടെ എത്തുമ്പോൾ അമ്മ പ്രാതൽ ഒരുക്കുന്നതിന്റെ തിരക്കിലായിരുന്നു. അത് കണ്ടതും അവൾ അവരെ സഹായിക്കാനായി അമ്മയുടെ അടുത്തേക്ക് നടന്നു നീങ്ങി. അപ്പോഴാണ് അവൾ അമ്മ ഉണ്ടാക്കുന്ന ഭക്ഷണം കാണുന്നത്. അപ്പവും മുട്ടക്കറിയും ആയിരുന്നു അത്. " അമ്മേ.... " അവൾ അമ്മയുടെ പിന്നിൽ ചെന്നു നിന്ന് അവരുടെ ഇരുത്തോളിലും പിടിച്ചുകൊണ്ടു വിളിച്ചു. " ഹാ... മോൾ എഴുന്നേറ്റോ..... " അവർ നിന്നിടത്തു തന്നെ നിന്ന് ഒരു കൈയാൽ അവളുടെ കൈയിൽ പിടിച്ച് അവളെ ചേർത്തു നിർത്തി അവളുടെ തലമുടിയിൽ അരുമയായി തലോടിക്കൊണ്ട് ചോദിച്ചു. എന്നാൽ അവളുടെ മിഴികൾ അമ്മയുണ്ടാകുന്ന ഭക്ഷണത്തിൽ തന്നെയായിരുന്നു. " ആഹാ എന്ത് മണമാ ഇതിന്..... എന്നെയും കൂടി ഇങ്ങനെ ഉണ്ടാക്കുവാൻ പഠിപ്പിക്കുമോ അമ്മേ.... " അമ്മയുണ്ടാക്കി വെച്ച മുട്ടക്കറി പാത്രത്തിലേക്ക് പകർത്തുന്നത് കണ്ട് അതിന്റെ രുചിയൂറുന്ന  ഗന്ധം അവൾ തന്റെ നാസികയിലേക്ക് ആവാഹിച്ചെടുത്തുക്കൊണ്ട് അവരോടായി പറഞ്ഞു.അവർ അത് കേട്ടതും ഒരു പുഞ്ചിരിയോടു കൂടി പഠിപ്പിച്ച് തരാമെന്നർത്ഥത്തിൽ തലയാട്ടുക മാത്രം ചെയ്തു. " അല്ല മോളെ......  മോൾ വീട്ടിലായിരിക്കുമ്പോഴും ഈ സമയത്ത് തന്നെ ആണോ എണീക്കുന്നെ... ? " അവർ തെല്ലൊരു അത്ഭുതത്തോടെ അവളോട് ചോദിച്ചു.അമ്മയുടെ ഭാഗത്തും തെറ്റ് പറയാനാവില്ല കാരണം ഇക്കാലത്തെ പെൺകുട്ടികൾ അങ്ങനെ ആണല്ലോ. പുലർച്ചെ വരെ ഫോണും നോക്കി ഇരുന്ന് കിടക്കുമ്പോൾ തന്നെ ഒരു നേരമാകും പിന്നെ എങ്ങനെയാണ് നേരത്തെ എഴുനേൽക്കുന്നത്.അവരുടെ ചിന്ത പലവഴിക്കും സഞ്ചരിച്ചു. " അതെ അമ്മേ... എല്ലാ ദിവസവും രാവിലെ ഞാൻ അമ്പലത്തിൽ പോകാനായി ഈ സമയത്ത് ഒക്കെയാണ് എഴുനേൽക്കുന്നത്... അത്കൊണ്ട് എത്ര നേരം വൈകി കിടന്നാൽ പോലും ഞാൻ ഈ സമയമാകുമ്പോൾ തന്നെ താനേ അറിയും.... " അമ്മയുടെ ഉള്ളിലെ സംശയം അറിഞ്ഞെന്ന പോലെ അവൾ  മനോഹരമായൊരു പുഞ്ചിരി ചുണ്ടിൽ നിറച്ചുകൊണ്ട് തന്നെ അതിനുള്ള മറുപടി അമ്മക്കു നൽകി. ഇവർ സംസാരിച്ചുകൊണ്ടിരിക്കുന്നതിനു ഇടയിലാണ് ആമി അവിടേക്ക് കയറി വരുന്നത്.എന്നാൽ എന്തൊക്കെയോ സംസാരിച്ചു കൊണ്ടിരുന്ന ഇവർ ഇതൊന്നും അറിഞ്ഞില്ല. ആരുടെയോ കാൽപെരുമാറ്റം കേട്ടാണ് രണ്ടു പേരും തങ്ങൾ ചെയ്തു കൊണ്ടിരിക്കുന്ന ജോലി നിർത്തി വെച്ച് പിന്നിലേക്ക് തല ചെരിച്ചു നോക്കുന്നത്. അമ്മുവും അമ്മയും നോക്കുമ്പോൾ കാണുന്നത് കോട്ടുവായും ഇട്ടുവരുന്ന ആമിയെയാണ്. അവളുടെ പിച്ചക്കാരി കണക്കെയുള്ള കോലം കാണെ രണ്ടു പേർക്കും ചിരി പൊട്ടിയെങ്കിലും അവളെ കളിയാക്കിയതാണെന്നു മനസിലായാൽ ചിലപ്പോൾ ഇവിടെ കിടന്ന് ഭദ്രകാളി തുള്ളും എന്നറിയാവുന്നത് കൊണ്ട് അവർ വന്ന ചിരി അടക്കി പിടിച്ചു നിന്നു. " മോളെ പുറത്തു ചെന്ന്  കാക്ക വല്ലതും മലർന്നു പടിക്കുന്നുണ്ടോ എന്ന് നോക്കിക്കേ.... " അടക്കി പിടിച്ച ചിരിയാലെ അമ്മ അവളോട് പറഞ്ഞു. ' ഇത് എന്നെ ഉദ്ദേശിച്ചാണ് എന്നെ മാത്രം ഉദ്ദേശിച്ചാണ്.... അമ്മയാണത്രേ അമ്മ സ്വന്തം മോളെ പരിഹസിക്കുന്നത് കണ്ടില്ലേ.... ' ( ആമി ആത്മ ) " ആ അമ്മേടെ മോൾ ചെന്ന് നോക്ക് ഇനി കാക്ക എങ്ങാനും മലർന്നു പറക്കുന്നുണ്ടെങ്കിലോ... " അവൾ കെറുവിച്ചുകൊണ്ട് അമ്മയെ നോക്കി കിച്ചൻ ടോപ്പിൽ കയറിയിരുന്നു.അവളെ കളിയാക്കിയതിലുള്ള അമർഷം അവളുടെ വാക്കുകളിൽ നിറഞ്ഞു നിൽക്കുന്നുണ്ടായിരുന്നു. " അയ് വിട്ട് കള ആമി കൊച്ചേ അമ്മയല്ലേ പറഞ്ഞത്.... " അവൾ ആമിയെ സമാധാനിപ്പിച്ചുകൊണ്ട് പറഞ്ഞു.അപ്പോഴാണ് അവൾ ഒരു പാത്രത്തിലായി വെച്ചിരിക്കുന്ന കറി കാണുന്നത്. അത് കണ്ടതും അവൾ വേഗം ഒരു ടിസ്പൂൺ എടുത്ത് അതിൽ നിന്നും കുറച്ചു കറിയെടുത്തു കൈയിലേക്ക് ഒഴിച്ച് അതൊന്നു രുചിച്ചു നോക്കി. അവളെ തന്നെ നോക്കി നിന്ന അമ്മു അവളുടെ കണ്ണുകൾ വിടരുന്നതു കണ്ടതും അവൾക്ക് ആ കറി ഒരുപാട് ഇഷ്ടമായെന്നു മനസിലായി. " ടി നീ പല്ല് തേച്ചാ...? " അവൾ കറി രുചിച്ചു നോക്കുന്നത് കണ്ട് അമ്മ അവളെ അടിക്കാനെന്ന പോലെ കൈ പൊക്കിക്കൊണ്ട് ആമിയോട് ചോദിച്ചു. അവൾ അമ്മ ചോദിച്ചതിന് മറുപടി പറയാതെ വെറുതെ ഇളിക്കുക മാത്രം ചെയ്തു.അവളുടെ ഇളി കണ്ടപ്പോഴേ അമ്മക്കു മനസിലായി പല്ല് തേക്കാതെയുള്ള വരവാണെന്ന്. അത് മനസിലായതും അമ്മ അവളുടെ കയ്യിലൊന്ന് കൊട്ടി. " ഔച്.... എന്തുവാ അമ്മേ.... " അവൾ അമ്മയെ നോക്കി ദേഷ്യത്തോടെ ചോദിച്ചു. " എന്ത് എന്തോന്ന്... പിന്നെ പല്ല് തേക്കാതെ തിന്നാൻ വരുന്ന നിന്നെ ഞാൻ എന്തോ ചെയ്യണം.... " അമ്മ അവളുടെ ചോദ്യത്തെ പുച്ഛിച്ചുകൊണ്ട് പറഞ്ഞു. അത് കേട്ടതും അമ്മു അവളെ കളിയാക്കി ചിരിച്ചു. അത് കണ്ടപ്പോൾ നമ്മുടെ ആമിക്ക് സഹിച്ചില്ല. അവൾ " നിനക്ക് ഞാൻ വെച്ചിട്ടുണ്ടെടി " എന്ന ഭാവത്തിൽ അമ്മുവിനെ നോക്കി ചിരിച്ചുകൊണ്ട് അവളുടെ പല്ലുകൾ ഞെരിച്ചു. അവർ ഒരു കൈയാൽ അപ്പം വെച്ച പാത്രവും മറ്റൊരു കൈയാൽ മുട്ടക്കറി നിറച്ചു വെച്ച പാത്രം അമ്മുവിന്റെ കൈയിലും ഏൽപ്പിച്ചു അവർ അടുക്കളയിൽ നിന്നും അകത്തേക്ക് നടന്നു.ആമിയും വേഗം മുറിയിൽ പോയി ഫ്രഷ് ആയിരുന്നു കഴിക്കാൻ ആയിരുന്നു ടേബിളിൽ വന്നിരുന്നു.ആമിയും കൂടെ എത്തിയതും അവിടേക്ക് അച്ഛനും കാശിയും വന്ന് അവിടെയുള്ള കസേരകളിൽ സ്ഥാനം പിടിച്ചിരുന്നു. അമ്മുവും അമ്മയും കൂടി മൂന്ന് പേർക്കുള്ളത് വിളമ്പി കൊടുത്തു. തങ്ങൾക്ക് കഴിക്കാനുള്ളത് കൂടി വിളമ്പി അവർ കഴിക്കാനായി ഇരുന്നു. ഭക്ഷണം കഴിക്കുമ്പോൾ കാശിയുടെ കണ്ണുകൾ ഇടയ്ക്കിടെ അമ്മുവിന്റെ മേൽ പാറി വീഴുന്നുണ്ടായിരുന്നു. എന്നാൽ അവൾ അവനെന്ന മനുഷ്യൻ അവിടെ ഉണ്ടെന്ന് ഭാവിക്കാതെ ഭക്ഷണം കഴിക്കുന്ന തിരക്കിൽ ആയിരുന്നു. ഇടക്ക് കണ്ണുകൾ അറിയാതെ അവനിൽ തങ്ങി നിന്നെങ്കിലും അവൾ വേഗം തന്നെ അവനിൽ നിന്നും അവളുടെ നയനങ്ങൾ പിൻവലിച്ചു. അതിനു ശേഷം ആമിയെ നോക്കിയതും അവൾ ആരെയൊക്കെയോ ബോധിപ്പിക്കാനെന്ന പോലെയാണ് ഓരോ ഉരുളയും വായിലേക്ക് വെക്കുന്നത്. അമ്മുവിനു അതിന്റെ കാരണം നന്നായി അറിയാവുന്നത് കൊണ്ട് തന്നെ ഇതിനു എന്തെങ്കിലും തീരുമാനം ഇന്ന് തന്നെ ഉണ്ടാക്കണം എന്ന് തീരുമാനിച്ചു കൊണ്ട് ഭക്ഷണം വേഗം കഴിച്ചു തീർത്തു.കാരണം ഇനിയെന്ത്‌ എന്നു ഒരൂഹവുമില്ലാതെ ഇവിടെ ആരോടും അടുപ്പമില്ലാത്തതിനാൽ വന്ന് കയറിയപ്പോൾ തന്നെ ഒരുപാട് ആശങ്കകൾ മനസിനുള്ളിൽ ഉണ്ടായിരുന്നുവെങ്കിലും വന്ന അന്ന് മുതൽ സഹോദരന്റെ ഭാര്യ എന്നതിലുമപ്പുറം ഒരു കൂടപ്പിറപ്പിനെ പോലെയാണ് അവൾ തന്നോട് പെരുമാറിയത്. ആ അവൾക്കൊരു പ്രതിസന്ധി ഘട്ടം വരുമ്പോൾ താനല്ലാതെ മാറ്റാരാണ് അവളെ സഹായിക്കുക....? എല്ലാവരും ഭക്ഷണം കഴിച്ചെഴുന്നേറ്റത്തും അമ്മയും അമ്മുവും കൂടി കൈ കഴുകി ഓരോ പത്രവുമെടുത്തു അടുക്കളയിലേക്ക് നടന്നു. എന്നിട്ട് പാത്രങ്ങൾ കഴുകി വെക്കുവാനും പച്ചക്കറി അരിയുവാനും അമ്മയെ സഹായിച്ചിട്ട് അമ്മയോട് പറഞ്ഞു അവൾ ആമിയുടെ മുറിയിലേക്ക് പോയി.വാതിൽ തുറന്നു അകത്തു കടന്നപ്പോൾ കാണുന്നത് നഖവും കടിച്ച് ബെഡിൽ ഇരിക്കുന്ന ആമിയെയാണ്. ഡ്രസ്സ്‌ മാറി ഭബാഗും മടിയിൽ വെച്ചാണ് ഇരിക്കുന്നത്.അവളുടെ ഉള്ളിലെ ഇപ്പോഴത്തെ സംഘർഷം മനസിലായത് കൊണ്ട് തന്നെ വാതിൽ ചാരി ഞാൻ അവളുടെ അടുത്തേക്ക് നടന്നു. വാതിൽ ചാരുന്ന ശബ്ദം കേറ്റി ഞെട്ടി പിടിഞ്ഞേഴുനേറ്റ് നോക്കുമ്പോൾ അവൾ ഭയന്ന പോലെ മാറ്റാരുമല്ല ഞാനാണ് വന്നതെന്നറിഞ്ഞതും അവളൊന്നു നിശ്വസിച്ചു. " അയ്യോടി അത്രക്ക് ബഹുമാനമൊന്നും വേണ്ട ട്ടോ.... " ഞാൻ ചിരിച്ചുകൊണ്ട് പറഞ്ഞതും രണ്ടു കണ്ണുകളും കൂർപ്പിച്ചു കൊണ്ടുള്ള നോട്ടമാണ് മറുപടിയായി എനിക്കവളിൽ നിന്നും ലഭിച്ചത്. __________________________________________________ രാവിലെ തന്നെ എഴുനേൽക്കുന്നത് തന്നെ കോളേജിലേക്ക് എങ്ങനെ പോകും എന്നാലോചിച്ചു കൊണ്ടാണ്.എന്ത് ചെയ്യണമെന്നറിയാതെ അവിടെ തന്നെ കിടന്നെങ്കിലും അമ്മുവേച്ചിയോട് ചോദിക്കാം എന്ന് കരുതി വേഗം തന്നെ പല്ല് പോലും തേക്കാതെ മുറിക്കു പുറത്തിറങ്ങി നോക്കി. അകത്തൊന്നും കാണാതെ തിരികെ മുറിയിലേക്ക് പോകാൻ തുനിഞ്ഞപ്പോഴാണ് അടുക്കളയിൽ അമ്മയുടെയും ചേച്ചിയുടെയും ശബ്ദം കേൾക്കുന്നത്. അവർ അവിടെ ഉണ്ടെന്ന് മനസിലായപ്പോൾ ഞാൻ വേഗം അവിടേക്ക് നടന്നു. പിന്നെ ഉണ്ടായതൊക്കെ നിങ്ങൾ കണ്ടതല്ലേ. ഒരു അവസരം കിട്ടുമ്പോൾ ചോദിക്കാമെന്ന് ആണ് കരുതിയിരുന്നത്. എന്നാൽ അമ്മ അവിടെ തന്നെ നിൽക്കുന്നത് കൊണ്ട് ഒന്നും ചോദിക്കാനും കഴിഞ്ഞില്ല. പിന്നെ  ബ്രേക്ഫാസ്റ് ഒക്കെ കഴിച്ചു ഞാൻ മുറിയിലേക്ക് തന്നെ പോയി. ഭക്ഷണം ഒന്നും തൊണ്ടയിൽ നിന്നും ഇറങ്ങുന്നില്ലെങ്കിൽ പോലും ആർക്കും സംശയമൊന്നും തോന്നാതിരിക്കാൻ എന്തൊക്കെയോ കഴിച്ചെന്നു വരുത്തിയാണ് ഞാൻ മുറിയിലേക്ക് പോയത്. മുറിയിൽ എത്തി ഒരു ചുരിദാറും എടുത്തിട്ട് ബുക്കെല്ലാം ബാഗിൽ വെച്ച് അതും പിടിച്ച് ഞാൻ കട്ടിലിൽ ഇരുന്നു.അൽപ സമയം കഴിഞ്ഞതും ആരോ വാതിൽ തുറക്കുന്ന ശബ്ദം കേട്ട് ഞാൻ ഞെട്ടി എഴുന്നേറ്റു. ചേച്ചിയാണെന്ന് മനസിലായപ്പോഴാണ് എനിക്കാശ്വാസമയത്. ഞാൻ ചേച്ചിയെ നോക്കി ഒന്ന് ചിരിച്ചെന്നു വരുത്തി വേഗം കട്ടിലിൽ ചെന്നിരുന്ന്.അതിന്റെ പിന്നാലെ തന്നെ ചേച്ചിയും വന്നിരുന്നു. " ആമി ഞാൻ നിന്നോട് ഒരു കാര്യം ചോദിക്കട്ടെ.... " " ആ എന്താ...? " " നീ എന്നോട് പറഞ്ഞതല്ലാതെ മറ്റെന്തെങ്കിലും സംഭവിച്ചിട്ടുണ്ടോ....? " അമ്മു അവളുടെ ഉള്ളിൽ തോന്നിയ സംശയം ആമിയോട് ചോദിച്ചു. അമ്മുവിന്റെ ചോദ്യം കേട്ടതും അവളൊന്നു ഞെട്ടി. അതിൽ നിന്നു തന്നെ അമ്മുവിന് മനസിലായി അവൾ പറഞ്ഞതിൽ കൂടുതൽ മറ്റെന്തൊക്കെയോ കോളേജിൽ സംഭവിച്ചിട്ടുണ്ടെന്ന്. അത് അവളിൽ നിന്നും അറിയാൻ തന്നെയാണ് അമ്മു അങ്ങനെ ചോദിച്ചത്. " അത് ചേച്ചി.... പിന്നെ.... " അവളുടെ വാക്കുകൾ ഇടറുന്നുണ്ടായിരുന്നു. അത് കണ്ടതും അമ്മു അവളുടെ കൈക്കു മുകളിൽ കൈകൾ വെച്ചുകൊണ്ട് എന്താണെന്നു പിന്നെയും ചോദിച്ചു. അപ്പോൾ അവൾ അവൾ ഇട്ടിരുന്ന പലാസാ മാറ്റി മുട്ടിൽ ഉള്ള മുറിവ് അമ്മുവിനു കാണിച്ച് കൊടുത്തു. " ഇത് എന്ത് പറ്റിയതാ.... നീ എവിടെയെങ്കിലും വീണോ.... ? " അവൾ തെല്ലൊരു ആശങ്കയോടെ അവളുടെ മുറിവിനടുത്തു തൊട്ടുകൊണ്ട് ചോദിച്ചു. " അ... അത്.... മിനിഞ്ഞാന്ന് ഞാൻ കോളേജിൽ പോയിരുന്നില്ലേ.... അവൾ അന്നത്തെ സംഭവങ്ങൾ ഓരോന്നായി ഓർത്തെടുത്തു പറയുവാൻ തുടങ്ങി. അന്ന് ക്ലാസ്സ്‌ കഴിഞ്ഞ് ബ്രേക്ക്‌ നു കാന്റീനിലേക്ക് പോകാൻ പുറത്തിറങ്ങി. നടന്നു പകുതി എത്തിയതും കാണുന്നത് അകലെ നിന്നും നടന്നു വരുന്ന അവനെയും അവന്റെ ഗാങ്ങിനെയും ആണ്. അവനെ കണ്ടപ്പോൾ ഞങ്ങൾ മൂന്ന് പേരും ആദ്യമൊന്ന് ഭയന്നെങ്കിലും അവനെ മൈൻഡ് ചെയ്യാതെ പോകാമെന്നു അവർ രണ്ട് പേരും പറഞ്ഞതും ഞങ്ങൾ അത് പോലെ തന്നെ അവനെ മൈൻഡ് ചെയ്യാതെ അവനെ മറികടന്നു പോകാൻ ശ്രമിച്ചു. എന്നാൽ അറ്റത്തു നിന്നിരുന്ന എന്നെ അവൻ അടുത്തുകൂടി കടന്നപ്പോൾ അവന്റെ കാൽ വെച്ച് എന്നെ വീഴ്ത്തി. അധികം ആഴത്തിൽ അല്ല അവൻ തട്ടിയത് അതിനാൽ തന്നെ മുട്ടുകുത്തിയാണ് ഞാൻ വീണത്. സ്.... വീണപ്പോൾ കാലിൽ ഉണ്ടായ മുറിവിന്റെ വേദനയാൽ എന്നിൽ നിന്നും ഒരു എങ്ങൽ അവിടെ ഉയർന്നു കേട്ടു.അപ്പോഴേക്കും അവർ രണ്ടു പേരും ( അവളുടെ ഫ്രണ്ട്സ് ) എന്നെ നിലത്തു നിന്നും പിടിച്ചെഴുനേൽപ്പിച്ചിരുന്നു. തുടരും..... #📙 നോവൽ #💞 പ്രണയകഥകൾ #📔 കഥ