Part 37 അവന്റെ അനക്കം ഒന്നും കാണാതെ വന്നതും ഗൗരി മെല്ലെ തല ചെരിച്ച് അവനെ നോക്കി. ഇപ്പോഴും സംശയത്തോടെ ഗ്ലാസ്സിലേക്കും അവളെയും നോക്കുവാണ് അവൻ. " അത്... ആ വെള്ളം കുടിക്കേണ്ട. ഞാൻ വെള്ളം വേറെ തിളപ്പിച്ച് വെച്ചിട്ടുണ്ട്. " : ഒരു പരുങ്ങലോടെ സൈഡിൽ വെച്ച്ചിരിക്കുന്ന കളത്തിലേക്ക് ചൂണ്ടി കൊണ്ട് പറഞ്ഞു ആ നിമിഷം തന്നെ തിരിഞ്ഞ് അവളുടെ ജോലി ചെയ്യാൻ തുടങ്ങി. ____________________________________________ അവൾ പറഞ്ഞത് കേട്ടതും അവന്റെ കണ്ണ് ഒന്ന് അല്പം വിടർന്ന് പോയി. അവളെ നോക്കിയതും ഇപ്പോഴും തന്നെ കാണിക്കാൻ വേണ്ടി തിരക്ക് കാണിക്കുന്നവളെ കണ്ടതും ഒന്ന് മന്ദഹസിച്ച് കൊണ്ട് കലത്തിൽ നിന്ന് വെള്ളം എടുത്ത് കുടിച്ചു. " രാത്രി എന്താ വേണ്ടത്...? " : അടുക്കള വാതിൽ കടക്കുന്നതിന് മുന്നേ അവൻ അവളോട് ചോദിച്ചു. " അ.. അത് ഒന്നും വേണ്ട. ഞ.. ഞാൻ ഉണ്ടാകാം " : അവൾ അവനെ നോക്കാതെ തന്നെ മെല്ലെ അവനുള്ള ഉത്തരം നൽകി. " ഹ്മ്മ് ഞാൻ ഇറങ്ങുവാ വന്ന് വാതിൽ അടച്ചോ " : അതും പറഞ്ഞ് മുന്നിൽ നടക്കുന്നവന്റെ ചുണ്ടിൽ ചെറു ചിരി ഉണ്ടായിരുന്നു. രാത്രിയിലേക്ക് ആഹാരം ഉണ്ടാക്കുന്നത് അവൻ കണ്ടതാണ് എങ്കിലും അവളിൽ നിന്ന് എന്തെങ്കിലും കേൾക്കാൻ വേണ്ടി ആണ് അങ്ങനെ ചോദിച്ചതും. പിന്നാലെ വരുന്നവളെ അറിഞ്ഞതും താടിയിൽ ഒന്ന് തടവി അവൻ പുറത്തേക്ക് നടന്നു. ചെരുപ്പ് ഇട്ട് തിരിഞ്ഞതും കണ്ടു വാതിൽ പടിയിൽ നിൽക്കുന്നവളെ. ഒന്ന് നോക്കി തിരഞ്ഞ് നടക്കാൻ ആഞ്ഞവൻ എന്തോ ഓർത്ത പോലെ അവൾക്ക് നേരെ തിരിഞ്ഞു. " ഗൗരി നന്ദയ്ക്ക് പേടി ഉണ്ടോ ഇവിടെ ഇങ്ങനെ ഒറ്റക്ക് നിൽക്കാൻ...? " : അവൻ വേണോ വേണ്ടയോ എന്ന ഒരു അവസ്ഥയിൽ ചോദിച്ചു. അവൾ അതിന് മറുപടി പറയാതെ അവനെ കണ്ണ് വിടർത്തി നോക്കി. നിമിഷങ്ങൾ കഴിഞ്ഞിട്ടും മറുപടി തരതെ തന്നെ നോക്കി നിൽക്കുന്നവളെ കണ്ടതും അവൾ ഇവിടെ ഒന്നും അല്ലെന്ന് അവന് മനസ്സിലായി അല്ലെങ്കിൽ അറിയാതെ പോലും തനിക്ക് നോട്ടം തരാത്തവൾ ആണ് ഇപ്പൊ കണ്ണും വിടർത്തി നോക്കി നിൽക്കുന്നത് എന്ന് അവൻ ഓർത്തു. " പേടിക്കണ്ട ഞാൻ സന്ധ്യ ആകുമ്പോൾ എത്താം. എപ്പോഴാണെങ്കിലും പുറത്ത് ആരാണെന്ന് നോക്കിയിട്ട് വേണം കതക് തുറക്കാൻ. ഹ്മ്മ് കയറി കതക് അടച്ചോ ഞാൻ ഇറങ്ങുവാ. " : അവളിൽ നിന്ന് മറുപടി ഒന്നും കിട്ടിയില്ലെങ്കിലും അത്രയും പറഞ്ഞ് അവൻ അവിടെ നിന്ന് തിരഞ്ഞ് നടന്നു. അവൻ കണ്ണിൽ നിന്ന് മറഞ്ഞപ്പോഴാണ് ഗൗരിക്ക് താൻ ഇത്രയും നേരം അവനെ തന്നെ നോക്കി നിന്നതാണെന്ന ബോധം വന്നത്.  അവൻ എന്ത് കരുതി കാണും എന്ന വല്ലയിമയോടെ അവൾ അകത്തേക്ക് കയറി കതക് അടച്ചു. എപ്പോഴൊക്കെയോ വേണ്ടപെട്ടവരിൽ താൻ ആഗ്രഹിച്ച ചോദ്യം ആണ് ഇന്ന് അവൻ തന്നോട് ചോദിച്ചത്. °°°  ഒരിക്കൽ തന്നെ കൊണ്ട് പോകാതെ പുറത്ത് പോയതാണ് അച്ഛനും ചെറിയമ്മയും അമ്മമ്മയും ലെച്ചു ചേച്ചിയും ഒക്കെ. എന്നത്തേയും പോലെ പോയിട്ട് നേരത്തെ വരാം എന്ന് കരുതി ആയിരിക്കണം പോയത് പക്ഷെ അന്ന് പതിവിലും വൈകി കൂടാതെ നല്ല മഴയും. രാത്രി ഒരു എട്ട് മണി കഴിഞ്ഞിട്ടും അവരെ കാണാതെ വന്നതും തന്നിൽ ചെറിയ പേടി ഉടലെടുത്ത് തുടങ്ങി പിന്നെ അടുത്ത് ഒക്കെ വീടുകൾ ഉണ്ടായിരുന്നത് കൊണ്ട് വലിയ കാര്യം ആക്കിയില്ല. പിന്നെയും സമയം കടന്ന് പോയതും മഴയുടെ ശക്തി കൂടിയത് അല്ലാതെ കുറവ് ഒന്നും വന്നില്ല. ഒപ്പം കറന്റും പോയി. അപ്പോഴേക്കും എന്നിൽ പേടി കൂടി വന്നു. മുറിയിൽ ഇരുന്ന താൻ മെഴുകുതിരി എടുക്കാൻ ആയി അടുക്കളയിൽ പോകാൻ നിന്ന നേരത്താണ്, അടുക്കളയിൽ നിന്ന് എന്തോ തട്ടി വീഴുന്ന ശബ്ദം കേട്ടതും. അതും കൂടി ആയതും തനിക്ക് ഒന്ന് അനങ്ങാൻ പോലും കഴിയാത്ത വിധം പേടി തന്നെ കാർന്ന് തിന്നു. ആരെയെങ്കിലും വിളിക്കാൻ ആണെങ്കിലോ ഫോൺ പോലും കയ്യിൽ ഇല്ല. പെട്ടന്ന് എന്തോ ഓർത്ത പോലെ ഓടി പോയി മുറിയുടെ വാതിൽ കുറ്റിയിട്ടു. മഴയുടെ ശബ്ദം ഒഴിച്ച് മറ്റൊരു ശബ്ദവും കേൾക്കാൻ കഴിയുന്നില്ല, ഈ മഴയത്ത് താൻ ഒന്ന് അലറി വിളിച്ചാൽ പോലും ആരും കേൾക്കാൻ പകുന്നില്ലെന്ന് അവൾക്ക് മനസ്സിലായി. പെട്ടന്നാണ് കതകിന്റെ ഹാൻഡിലിൽ പിടിച്ച് തിരിക്കുന്നത് അറിഞ്ഞത്. എന്ത് ചെയ്യണം എന്നോ എങ്ങോട്ട് പോകണം എന്നോ അറിയാത്ത വിധം ബുദ്ധിയെ ഭയം കാർന്നു. കതക് ലോക്ക് ആണെന്ന് മനസ്സിലാക്കിയിട്ട് ആയിരിക്കും കതക് ശക്തമായി കൊട്ടാനും തള്ളാനും തുടങ്ങി. അപ്പോഴേക്കും ഭയം കൊണ്ട് വാ പൊത്തി അലമാരയുടെ സൈഡിൽ പതുങ്ങി ഇരുന്നു. അൽപ നേരത്തെ പരിശ്രമത്തിന് ഒടുവിൽ കതക് തുറന്നത് ഞാൻ അറിഞ്ഞു. ഒപ്പം തന്നെ ആരോഗ്യവാനായ ഒരു പുരുഷ ശരീരം മുറിയിലേക്ക് കടന്ന് വരുന്നതും. ഇരുട്ട് ആയത് കൊണ്ട് തന്നെ മുഖം ഒന്നും അത്ര വ്യക്തം അല്ലായിരുന്നു എങ്കിലും ഒറ്റ നോട്ടത്തിൽ അയാൾ ഈ നാട്ടുകാരൻ അല്ല എന്ന് എനിക്ക് മനസ്സിലായി. എത്ര പിടിച്ച് വെക്കാൻ ശ്രമിച്ചിട്ടും എന്നിൽ നിന്ന് ഒരു തേങ്ങൽ പുറത്ത് വന്നു. അത് കേട്ടതും മുന്നോട്ട് നടന്നയാൽ പെട്ടന്ന് നിശ്ചലം ആകുന്നത് താൻ ഇരിക്കുന്നിടം നോക്കുന്നതും കണ്ടു. എന്നെ തന്നെ നോക്കി അടുത്തേക്ക് വരുന്നതനുസരിച്ച് നെഞ്ച് പൊട്ടും വിധം ഇടിക്കാൻ തുടങ്ങി കൂടാതെ ചെവി ഒക്കെ ആരോ ഊതി അടച്ചത് പോലെ, തൊണ്ട കുഴിയിൽ ആരോ അമർത്തി പിടിച്ച വിധം ശ്വാസം മുട്ടാനും തുടങ്ങി. അയാൾ തന്റെ അടുത്ത് എത്തിയതും ഒരു അലർച്ചയോടെ തന്റെ ബോധം മറഞ്ഞു. പിന്നെ കണ്ണ് തുറക്കുമ്പോൾ ചുറ്റും അച്ഛനും ചെറിയമ്മയും അമ്മമ്മയും ചേച്ചിയും ഒക്കെ ഉണ്ടായിരുന്നു. ഒരു നിമിഷം തന്നെ അയാൾ കൊന്ന് കാണും എന്ന് വരെ കരുതി. അവരെ ഒക്കെ കണ്ടതും വീണ്ടും തന്നിൽ കണ്ണുനീർ ഒഴുകി പക്ഷെ അത് ആശ്വാസത്തിന്റെ ആയിരുന്നു എന്ന് മാത്രം. ഒരു സാന്ത്വനത്തിന് ചെറിയമ്മയെ ചേർത്ത് പിടിച്ച് കരയാൻ ഒരുങ്ങിയതും മുഖം അടച്ച് ഒരു അടി ആയിരുന്നു തനിക്ക് കിട്ടിയത്. അടിയേക്കാൾ വേദനിപ്പിച്ചത് അതിന് ശേഷം അവർ പറഞ്ഞ വാക്കുകൾ ആയിരുന്നു. അവർ പുറത്ത് പോയ തക്കം നോക്കി കാമുകനെ വിളിച്ച് കയറ്റിയവൾ ആയി താൻ. എത്രയൊക്കെ എതിർത്തിട്ടും ആരും അത് വിശ്വസിച്ചില്ല, അവർ വന്ന് ഇറങ്ങുമ്പോഴാണ് അത്രേ ആരോ വീടിന്റെ പിണപ്പുറത്ത് കൂടി ഇറങ്ങി ഓടിയത് കണ്ടത് എന്ന് മഴ ആയത് കൊണ്ട് തന്നെ ആരാണെന്ന് വെക്തം ആയില്ല പോലും, കൂടാതെ തന്റെ മുറിയിലെ ലോക്ക് പൊട്ടിയത് അല്ലാതെ ഒന്നും മോഷണം പോയിട്ടില്ല എന്ന് അപ്പൊ അത് കള്ളൻ ഒന്നും അല്ല ഞാൻ തന്നെ വിളിച്ച് കയറ്റിയതാണ് എന്ന്. അച്ഛൻ എല്ലാം മൗനമായി കേട്ടിരുന്നു. ഒരു ആശ്വാസ വാക്കോ ചേർത്ത് പിടിക്കലോ ആരും നൽകിയില്ല, എന്തിന് ഞാൻ പേടിച്ച് പോയോ എന്ന് ഭംഗി വാക്കിന് പോലും ആരും ചോദിച്ചില്ല എന്നുള്ളതാണ് സത്യം. °°° കണ്ണൻ എന്ന വ്യക്തിയെ ആദ്യമായി കണ്ടപ്പോൾ തന്റെ മനസ്സിൽ ആദ്യമായി ഓടി എത്തിയത് ഈ രംഗങ്ങൾ ആണ്. ഒപ്പം അയാൾ ചെയ്യുന്ന പ്രവർത്തിയും. പക്ഷെ അത് ഇയാൾ ആയിരുന്നില്ല രണ്ട് പേരുടെയും ശരീര ഘടനാ നന്നേ വെത്യാസം ഉണ്ട്. എന്നിരുന്നാലും എനിക്ക് ഇയാളെ പേടി ആയിരുന്നു എന്നതാണ് സത്യം. ഇന്ന് അയാൾ പേടിയുണ്ടോ എന്ന് ചോദിച്ചപ്പോൾ ആദ്യം ഓടി എത്തിയത് അന്ന് നടന്ന സംഭവങ്ങൾ ഒക്കെ തന്നെയാണ്. അന്ന് ഒരുപാട് ആഷിച്ചതാണ് ആരെങ്കിലും ഒരാളെങ്കിലും ഇതുപോലെ ഒന്ന് ചോദിച്ചിരുന്നു എങ്കിൽ എന്ന് പക്ഷെ ആരിൽ നിന്നും ഉണ്ടായിരുന്നില്ല. പിന്നെയും സമയം പോകുന്നത് കണ്ട് അവൾ അടുക്കളയിലേക്ക് നടന്നു. _____________________________________________ ഇതേ സമയം എല്ലാരോടും എങ്ങനെ കാര്യം അവതരിപ്പിക്കും എന്ന് ഓർത്ത് ടെൻഷൻ അടിച്ച് മുറിയിൽ ഇരിക്കുവാണ് ലെച്ചു. ശ്രീയും ആയുള്ള കൂടി കാഴ്ച അവസാനിച്ചപ്പോഴേക്കും എന്ത് തന്നെ ആയാലും ശ്രീയും വീട്ട് കാരും ഞായറാഴ്ച തന്ന പെണ്ണ് കാണാൻ വരും എന്ന് അവൻ തീർത്ത് പറഞ്ഞു. അമ്മയും അമ്മമ്മയും തന്റെ ആഗ്രഹത്തിന് കൂട്ട് നില്കും എങ്കിലും അച്ഛനെ ആണ് അവൾക്ക് സംശയം. ഇതുവരെ തന്റെ ആഗ്രഹത്തിന് എതിരൊന്നും പറഞ്ഞിട്ടില്ലെങ്കിലും നാട്ടുകാരെയും സമൂഹത്തെയും നോക്കി ജീവിക്കുന്ന വെക്തി ആയത് കൊണ്ട് തന്നെ പ്രേമം പറഞ്ഞ് ചെന്നാൽ എങ്ങനെ ആയിരിക്കും പ്രതികരണം എന്ന് ഓർത്ത് അവൾക്ക് നല്ല പേടി ഉണ്ട്. കൂടാതെ ഗൗരിക്ക് പ്രണയം ഉണ്ടെന്ന് പറഞ്ഞപ്പോൾ ഉള്ള സതീശന്റെ ഭാവം കൂടി ഓർത്തത്തും അയാൾ ഇതിന് എതിര് നിൽക്കുമോ എന്ന പേടി അവളിൽ വർധിച്ചു. എന്ത് ചെയ്യണം എന്ന് അറിയാതെ മുറിയിൽ അങ്ങോട്ടും ഇങ്ങോട്ടും നടന്നപ്പോഴാണ് അമ്മമ്മയോട് കാര്യം പറഞ്ഞ എന്തെങ്കിലും വഴി കണ്ട് പിടിച്ച് തന്നേക്കാം എന്ന് കരുതി അവൾ ലതയുടെ മുറിയിലേക്ക് നടന്നു. " ലെച്ചു നിനക്ക് കഴിക്കാൻ ഒന്നും വേണ്ടേ....? " : മുകളിൽ നിന്ന് ഇറങ്ങി വരുന്ന മകളെ കണ്ടതും ടി വിക്ക് മുന്നിൽ ഇരുന്ന സരസ്വതി ചോദിച്ചു. " എനിക്ക് ഒന്നും വേണ്ട അമ്മ എത്രാമത്തെ തവണയ ഞാൻ ഇത് പറയുന്നേ. അമ്മയ്ക്ക് ഒരു വട്ടം പറഞ്ഞാൽ ഒന്നും മനസിലാക്കത്തില്ലേ " : ലെച്ചു ഒരു രോഷത്തോടെ പറഞ്ഞു. " നീ എന്തിനാ അതിന് ദേഷ്യപെടുന്നേ സാദാരണ കോളേജ് വിട്ട് വന്നാൽ എന്തേലും ഉണ്ടോ അമ്മ എന്ന് ചോദിച്ച് എന്റെ പിന്നാലെ നടക്കലല്ലേ നീ അതുകൊണ്ട് ചോദിച്ചെന്നെ ഉള്ളു. നിനക്ക് വേണ്ടെങ്കിൽ വേണ്ട ഞാൻ ഒന്നും ചോദിക്കുന്നില്ല " : ഒരു കേറുവോടെ അതും പറഞ്ഞ് സരസ്വതി വീണ്ടും ശ്രദ്ധ ടി വി യിലേക്ക് തിരിച്ചു. " അമ്മ അമ്മമ്മ എവിടെ...? " : ലതയെ അവിടെ എങ്ങും കാണാതെ വന്നതും ലെച്ചു  സരശ്വതിയോട് ചോദിച്ചു. " ഇത്രയും നേരം ഇവിടെ ഉണ്ടായിരുന്നു കുറച്ച് മുന്നെയാ പുറത്തോട്ട് ഇറങ്ങിയേ. " : സരസ്വതി അലസമായി പറഞ്ഞു. അത് കേട്ടതും അവൾ ഒരു ഓട്ടം ആയിരുന്നു പുറത്തേക്ക് " ഈ പെണ്ണിന് ഇത് എന്ത് പറ്റിയോ ആവോ " :  സരസ്വതി ലെച്ചു പോയ വഴിയേ നോക്കി സ്വയം പറഞ്ഞു. ____________________________________________ സന്ധ്യക്ക് മുന്നേ തന്നെ ഗൗരി എല്ലാം പണിയും ഒതുക്കി തീർത്തിരുന്നു. അവളെ സംബന്ധിച്ച് പണി എന്ന് പറയാത്തക്ക ഒന്നും ഇല്ലായിരുന്നു എന്നതാണ് സത്യം. രാത്രിയിലേക്ക് ഉള്ള ഭക്ഷണം ഉണ്ടാകാൻ മാത്രമേ അവൾക്ക് പണി ആയിട്ട് ഉണ്ടായിരുന്നുള്ളു. ഒന്നും ചെയ്യാൻ ഇല്ലാത്തത് കൊണ്ട് അവൾക്ക് ആകെ മടുപ്പ് തോന്നുന്നുണ്ടായിരുന്നു. സന്ധ്യ ഇരുട്ടുന്നതിന് മുന്നേ തന്നെ മേൽ ഒന്ന് കഴുകി ഇട്ടിരുന്ന വസ്ത്രം അലക്കിയിട്ട് അവൾ അകത്തേക്ക് കയറി. അപ്പോഴേക്കും കണ്ണനും എത്തിയിട്ട് ഉണ്ടായിരുന്നു. തുടരും............. ഹലോ എല്ലാർക്കും സുഖല്ലേ ❤️ അപ്പൊ ഞാൻ പറഞ്ഞത് പോലെ എനിക്ക് എക്സാം ഒക്കെ വരുവാണ് സൊ ആകെ പുക മയം ആണ് ഇപ്പോൾ 🙂 കഥയൊന്നും നേരെ എഴുതാൻ പോലും കഴിയുന്നില്ല അതാണ് അവസ്ഥ 😬 സൊ പറ്റുന്നത് പോലെ ഒക്കെ ഞാൻ post ചെയ്യവേ 🫣 #നോവൽ #തുടർകഥ #പ്രണയം #viral #trending