യക്ഷിക്കാവ് വളവിലെ യക്ഷി (119) "ഇവിടെ എവിടെയോ പിച്ചിപ്പൂ തോട്ടമുണ്ട്... നമുക്ക് അല്പം ഇറങ്ങി നിന്ന് ആസ്വദിച്ചിട്ട് പോകാം..." ശരത് ചന്ദ്രപ്രസാദ്: "പിച്ചിപ്പൂ അല്ലെടാ കഴുതേ...മുല്ലപ്പൂ മണമാണ്..." ശരത്: "രണ്ടും ഒന്ന് തന്നെയാണെടാ മരക്കഴുതേ..." "ശരത് ചന്ദ്രപ്രസാദ്: "ദേ...നോക്കെടാ...ഈ പാതിരാത്രി ഒരു പെൺകുട്ടി റോഡിൽ നില്ക്കുന്നു..." ശരത്: "നില്ക്കുകയല്ലെടാ...നടന്ന് വരികയാണ്...പെൺകുട്ടിയല്ല...അതൊരു യുവതിയാണ്...ചുരിദാറല്ല വെളള സാരിയാണ്...തല നിറയെ മുല്ലപ്പൂ കണ്ടില്ലേ... അതാ മുല്ലപ്പൂ മണം..." ശരത് ചന്ദ്രൻ: "പാലപ്പൂ മണമല്ലേടാ...പിച്ചിപ്പൂ മണമല്ല...പാലപ്പൂ മണമാണ്..." ശരത്: "എടാ കഴുതേ... നിനക്ക് വല്ല വിവരോം ഉണ്ടോ... പാലപ്പൂവിന് എവിടെയാടാ മണം?" "ഇങ്ങോട്ട് വരട്ടെ... ഞാൻ തന്നെ ചോദിച്ചേക്കാം...നിൻ്റെയൊക്കെ സംശയം തീരുമല്ലോ..." അവർ അഞ്ചു പേരും ഇറങ്ങി കാത്തു നിന്നു. ശരത്: "എടാ കഴുതകളേ...അവൾ അവിടെ നില്ക്കുകയാണ്". ശരത് ചന്ദ്രൻ: "ബസ് കാത്ത് നില്ക്കുകയാണ്...എന്തായാലും ലിഫ്റ്റ് ചോദിക്കും... ഞാൻ കയററിക്കോളാം..." ശരത് ചന്ദ്രപ്രസാദ്: "അങ്ങനെയിപ്പോ നീ കയററണ്ട... ഞാനാണ് ലീഡർ... അതൊക്കെ ഞാൻ നോക്കിക്കോളാം..." ശരത്: "അങ്ങനെയിപ്പോ നീ മാത്രം നോക്കണ്ട...ഞങ്ങൾക്കും നോക്കണം..." ശരത് ചന്ദ്രപ്രസാദ്: "അങ്ങനെയെങ്കിൽ ലിഫ്റ്റ് ചോദിച്ചാൽ ഇഷ്ടപ്പെട്ട ബുളളററിൽ കയറട്ടെ". ശരത്: "അതാ അതിൻ്റെ ശരി... എല്ലാവരും വണ്ടി സ്റ്റാർട്ടാക്കിക്കോ..." അവർ ബുളളററ് സ്റ്റാർട്ടാക്കി... ശരത് ആ രൂപത്തിൻ്റെ അടുത്ത് ബുളളററ് നിർത്തി. ആ രൂപം ലിഫ്റ്റ് ചോദിച്ചു... ശരത് പുഞ്ചിരിയോടെ കയറാൻ പറഞ്ഞു... ആ രൂപം പിന്നിൽ കയറി... അപ്പോഴേയ്ക്കും മററ് നാലുപേരും പോയിക്കഴിഞ്ഞിരുന്നു... ശരത് ബുളളററ് മുന്നോട്ടെടുത്തു... ബുളളററിൻ്റെ വേഗം ക്രമാതീതമായി വർദ്ധിച്ചു... എവിടെ നിന്നോ ശരത്തിൻ്റെ കാതിൽ ആ പാട്ട് മുഴങ്ങി... "നിഴലായ്... ഒഴുകി വരും ഞാൻ...യാമങ്ങൾ തോറും കൊതി തീരുവോളം... ഈ നീലരാവിൽ...ഈ നീലരാവിൽ...വിവേകേട്ടാ...വിവേകേട്ടാ..." (തുടരും) #🧟 പ്രേതകഥകൾ! #📔 കഥ #📙 നോവൽ #🍲 ഇന്നത്തെ രുചി #🕵️‍♀️ കുറ്റാന്വേഷണ കഥകൾ