*ശ്രീ ഗുരുവായൂരപ്പന്റെ ഇന്നത്തെ ഉച്ചപൂജ അലങ്കാരം*🙏🙏🙏 ഇന്ന്‌ (24/07/26) ഇടതുകാൽ മടക്കിവെച്ച്, വലതുകാൽ കുറച്ച്കുന്തിച്ചുവെച്ച് ഇരിക്കുകയാണ് കണ്ണൻ. വലതു കയ്യിൽ ഓടക്കുഴൽ പിടിച്ച് ഇടതുകൈ കുറച്ചൊന്നുയർത്തി വലിയ ഗമയിൽ അങ്ങനെ ഇരിക്കയാണ് പൊന്നുണ്ണിക്കണ്ണൻ ❤️ സദ്യയും തൃമധുരവും പായസവും ഒക്കെ കഴിച്ച് കുഞ്ഞിക്കുംഭ കുറച്ച് വീർത്തിട്ടുണ്ട്. പട്ടുകോണകവും, മണികിങ്ങിണി പൊന്നരഞ്ഞാണം, പീലിത്തിരുമുടിയും അലങ്കാരങ്ങളും, മാലകൾ, കൈവളകൾ, കാൽത്തളകൾ, ഒക്കെ ചാർത്തി ഒരുക്കിയ പൊന്നോമനക്കണ്ണൻ ഇന്ന് വലിയ സന്തോഷത്തിലാണ്. അതീവ തേജസ്സോടെ വിളങ്ങുന്നആ ഉണ്ണിയെ കാണാൻ എന്നും ഭക്തരുടെ ഒഴുക്കാണ് ഗുരുവായൂരിലേക്ക്!! കണ്ണനെ കാണാനും, ആനന്ദ ചിന്മയനായി വിളങ്ങുന്ന ആ തിരുവുടൽ, കണ്ണന്റെ ആ മനോഹരരൂപം മനസ്സിൽ എന്നും കണ്ട് അനിർവചനീയമായ ആനന്ദം അനുഭവിക്കാനും മഹാഭാഗ്യം കിട്ടാൻ ആരാണ് ആഗ്രഹിക്കാത്തത്🙏🙏 എന്നാലും എന്റെ കണ്ണാ... ഒരുപാടൊക്കെ ആഗ്രഹിച്ചിട്ടും ആ സന്നിധിയിൽ എത്താൻ സാധിക്കാത്ത ഒരുപാട് സാധുക്കളില്ലേ കണ്ണാ.. സദാ അവിടുത്തെ ഓർമ്മയിൽ ജീവിക്കാൻ ആഗ്രഹിച്ചിട്ടും പ്രാരബ്ധകർമ്മങ്ങളിൽ പെട്ടുപോയ വേറെയും ചിലർ!! എന്നും കണ്ണനെ കാണാനും അനുഭവിക്കാനും ഭാഗ്യമുണ്ടായിട്ടും കർമ്മബന്ധനത്തിൽ പെട്ട് ഉഴലുന്ന മറ്റു ചിലർ!! എല്ലാവർക്കും ആശ്രയം അവിടുന്ന് മാത്രമല്ലേ കണ്ണാ🙏ആശ്രിതവത്സലനായ ഭഗവാനേ, എന്നും അവിടുത്തെ തൃപ്പാദത്തിൽ മനസ്സുറപ്പിച്ചു നിർത്താൻ എല്ലാവരെയും പ്രാപ്തരാക്കണേ കണ്ണാ...അനുഗ്രഹിക്കണേ ഗുരുവായൂരപ്പാ !! ഭഗവാനേ.. 🙏🙏🙏 ഹരേ കൃഷ്ണ 🙏🙏🙏#krishna #കൃഷ്ണ#ഹരേ കൃഷ്ണ ❤❤❤❤ #ഹരേ കൃഷ്ണ സർവ്വം കൃഷ്ണമയം🙏 #bhakti