ഹരി അകത്തേക്ക് കയറി. അവൻ അകത്തേക്ക് ചെല്ലുമ്പോൾ വിനോദ് മാളുവിനെ അരികിൽ ഇരുത്തി അവളോട് എന്തൊക്കെയോ പറയുകയായിരുന്നു. മാളുവും ദേവികയും ബാക്കിയുള്ളവരും എല്ലാം ഇന്ദിരയൊക്കെ പോകുന്നതിനു മുന്നേ ആഹാരം കഴിച്ചിരുന്നു.. വിനോദ് ഓരോ കുസൃതികൾ കാണിച്ച് മാളുവിനെ ചിരിപ്പിക്കുകയായിരുന്നു. ഹരി മനസ്സ് നിറഞ്ഞ സന്തോഷത്തോടെ അവരെ നോക്കി നിന്നു. ഹരി അവരുടെ അടുത്തേക്ക് നടന്നു.. അവൻ വന്ന് അവരുടെ മുന്നിൽ ഉള്ള സോഫയിൽ ഇരുന്നതും മാളു അവനെ തല ഉയർത്തി നോക്കി. ഹരി അവളെ നോക്കി ചിരിച്ചു.. അവളും അവനായി ഒരു പുഞ്ചിരി സമ്മാനിച്ചു. മാളുവിന്.... അവൻ അത്രയും പറഞ്ഞുകൊണ്ട് വിനോദിനെ നോക്കി... വിനോദ് ഹരിയെ കൂർപ്പിച്ചുനോക്കി ഇരിക്കുന്നുണ്ടായിരുന്നു. ഓഹ് സോറി... ഗായു എന്താ പ്ലസ് ടു കഴിഞ്ഞ് പഠിക്കാതിരുന്നേ... അവൻ അവളെ നോക്കി അതേ . പുഞ്ചിരിയോടെ തന്നെ ചോദിച്ചു മാളുവിന്റെ മുഖം മങ്ങി. പഠിക്കാൻ ഇഷ്ട‌മായിരുന്നു.. പ്ലസ് ടു വിന് നല്ല മാർക്കും ഉണ്ടായിരുന്നു.. പക്ഷെ പിന്നീട് പഠിക്കാൻ പോവാൻ കഴിഞ്ഞില്ല.. അവളുടെ ശബ്ദം പതിഞ്ഞിരുന്നു. അതെന്താ... കാരണം അറിയാമായിരുന്നിട്ടും ഹരി അവളോട് ചോദിച്ചു അമ്മാവൻ വിട്ടില്ല... അവളുടെ തല താഴ്ന്നു മോൾക്ക് പ്ലസ് ടു കഴിഞ്ഞിട്ട് എന്ത് പഠിക്കാൻ ആയിരുന്നു ആഗ്രഹം... എന്താകാൻ ആയിരുന്നു ആഗ്രഹം.. അവൻ ആകാംഷയോടെ അവളോട് ചോദിച്ചു എനിക്ക് ഒരു ടീച്ചർ ആകാൻ ആയിരുന്നു ആഗ്രഹം.. കുട്ടിക്കാലത്ത് എൻ്റെ അച്ഛനും അമ്മയും എപ്പോഴും പറയുമായിരുന്നത്രെ എന്നെ ഒരു ടീച്ചർ ആക്കണം എന്ന്.. അവരുടെ വലിയ ആഗ്രഹം ആയിരുന്നു എന്ന് അപ്പച്ചി പറയാറുണ്ട്.. അച്ഛന്റെയും അമ്മയുടെയും ഓർമയിൽ അവളുടെ കണ്ണ് നിറഞ്ഞു. ഹരിക്ക് അവളോട് പാവം തോന്നി...അവൻ വാത്സല്യത്തോടെ അവളെ നോക്കി. അയ്യോ ഗായു എന്തിനാ കരയണേ... നീ എന്തിനാ ടാ എന്റെ ഗായൂനെ കരയിപ്പിച്ചേ..വിനോദ് കലിപ്പോടെ ഹരിയെ നോക്കി ചോദിച്ചു. എന്റെ പൊന്ന് വിനു... ഞാൻ നിന്റെ പെണ്ണിനെ കരയിപ്പിച്ചിട്ടൊന്നും ഇല്ല. അല്ലേലും അവൾക്ക് കരയാൻ അങ്ങനെ പ്രത്യേകിച്ച് കാരണം ഒന്നും വേണ്ട... ആരേലും ഒന്ന് തുറിച്ചുനോക്കിയാൽ അവൾ നിന്ന് വിറച്ചോളും... അത്പോലെ ആരുടെ എങ്കിലും വൃത്തികെട്ട നോട്ടം അവളുടെ ശരീരത്തിൽ പതിച്ചാലും അവൾ പ്രതികരിക്കാതെ നിന്ന് കരഞ്ഞോളും.. ഹരി ആദ്യം തമാശയുടെയും അവസാനം ഗൗരവത്തോടെയും പറഞ്ഞു. ഹരി... ഹരിയേട്ടാ... മാളു അവനെ ഞെട്ടലോടെ വിളിച്ചു എന്താ മാളു.. ഞാൻ പറഞ്ഞത് സത്യമല്ലേ... അവൻ അതേ ഗൗരവത്തോടെ തന്നെ അവളോട് ചോദിച്ചു.. അവളുടെ കണ്ണുകൾ നിറഞ്ഞു. ഹരിയേട്ടാ.. അവൾ വേദനയോടെ വിളിച്ചു വിനോദ് പെട്ടന്ന് ഹരിയെ ദേഷ്യത്തോടെ നോക്കിക്കൊണ്ട് മാളുവിനെ അവന്റെ നെഞ്ചിലേക്കിട്ട് പൊതിഞ്ഞ് പിടിച്ചു. ഹരിക്ക് ചിരി വന്നു. ഒന്നൂല്ല ട്ടോ... ഗായു കരയണ്ട... ഇവൻ ചീത്തയാ... ഉണ്ണിയേട്ടൻ ഇവനെ അടിക്കട്ടെ... അവൻ മാളുവിനോട് ചോദിച്ചു. മാളു അവൻ്റെ നെഞ്ചിൽ നിന്ന് മുഖം ഉയർത്തി അവനെ നോക്കി. വേണ്ട... ഹരിയേട്ടൻ പാവമാണ്... ൻ്റെ ഉണ്ണിയേട്ടന്റെ ഫ്രണ്ട് അല്ലെ.. അവൾ അവനോട് സ്നേഹത്തോടെ ചോദിച്ചു ആണോ... അവൻ്റെ മുഖം വിടർന്നു അതേലോ... അവൾ അവനോട് വാത്സല്യത്തോടെ പറഞ്ഞു.. വിനോദ് ഹരിയെ നോക്കി അവൻ വിനോദിനെ നോക്കി ചിരിച്ചു കൊടുത്തു. നീയെന്റെ ഫ്രണ്ട് അല്ലെ... അപ്പൊ എന്റെ ഗായൂനെ കരയിക്കണ്ട ട്ടോ.. എൻ്റെ ഗായു പാവമാണ്... അവൻ ചിരിയോടെ ഹരിയോട് പറഞ്ഞു ഞാൻ കരയിച്ചില്ല... അവളോട് സംസാരിച്ചതാണ് .. അവൾ വെറുതെ കരയുവാ... ഹരി വിനോദിനോട് സ്നേഹത്തോടെ പറഞ്ഞപ്പോൾ അവൻ മാളുവിനെ നോക്കി. ആണോ ഗായു... അവൻ സംശയത്തോടെ ചോദിച്ചു മ്മ്... അവൾ വെറുതെ മൂളിക്കൊണ്ട് ഹരിയെ നോക്കി എങ്ങനെ മനസ്സിലായി... അവളുടെ ശബ്‌ദം താഴ്ന്ന പോയിരുന്നു. അവൻ നിന്നോടുള്ള നോട്ടം കണ്ടപ്പോൾ മനസ്സിലായി...ഇന്ദ്രനെ ഓർക്കേ ഹരിയുടെ മുഖം വലിഞ്ഞു മുറുകി പ്രതികരിക്കണം എന്നുണ്ട്... പക്ഷെ അപ്പച്ചി... ന്റെ അപ്പച്ചി പാവമാണ് ഹരിയേട്ടാ... അവൾ കണ്ണുനീരോടെ പറഞ്ഞു. ഹരി എഴുന്നേറ്റ് അവളുടെ അടുത്ത് പോയി ഇരുന്നു. വിനോദ് കുശുമ്പോടെ അവളെ അടുത്തേക്ക് വലിച്ചു. മാളു അവനെ കൂർപ്പിച്ചു നോക്കി ... വിനോദിന് അത് കണ്ടപ്പോൾ ദേഷ്യമാണ് വന്നത്.. അവൻ അതേ ദേഷ്യത്തോടെ മാളുവിന്റെ കൈ കുടഞ്ഞെറിഞ്ഞ് മുകളിലേക്കുള്ള പടി കയറി. ഉണ്ണിയേട്ടാ... അവൻ പോകുന്നത് കണ്ട അവൾ ആകുലതയോടെ വിളിച്ചു വേണ്ട... ഞാൻ ഗായൂനോട് പിണക്കാ... അവൻ അവളെ നോക്കി മുഖം വീർപ്പിച്ചു പറഞ്ഞുകൊണ്ട് മുകളിലേക്ക് പോയി. മാളുവിൻ്റെ മുഖം മങ്ങി. അവൾ പെട്ടന്ന് അവിടെ നിന്നും എഴുന്നേറ്റ് വിനോദിന്റെ അടുത്തേക്ക് പോകാൻ ഒരുങ്ങി. എന്നാൽ ഹരി അതിനനുവദിക്കാതെ അവളെ അവന്റെ അടുത്ത് പിടിച്ചിരുത്തി. അവൾ എന്താ എന്ന പോലെ അവനെ നോക്കി. അത് അവന്റെ കള്ള പിണക്കമാ പെണ്ണെ... നിന്നോട് എന്തെങ്കിലും കുസൃതി കാണിക്കാൻ ആകും.. ഹരി കുറുമ്പോടെ പറഞ്ഞപ്പോൾ മാളു അവൻ പറഞ്ഞത് മനസ്സിലാകാതെ അവനെ തന്നെ നോക്കി ഇരുന്നു. ഹരി അവളുടെ തലയിൽ ചെറുതായിട്ടൊന്നു കൊട്ടി.. മാളു അവനെ കൂർപ്പിച്ചു നോക്കി. അവന് എന്റെ മോളോട് കള്ള പരിഭവം കാണിക്കുന്നത് എന്തിനാന്ന് അറിയോ... ഹരി കുസൃതിയോടെ ചോദിച്ചു എന്തിനാ... അവളുടെ മുഖം ചുളിഞ്ഞു ആവൊ എനിക്കറിയില്ല... ഹരി ചിരിച്ചുകൊണ്ട് പറഞ്ഞു ഹരിയേട്ടാ പറയ്... അവൾ ചിണുങ്ങി.. ഹരി ചിരിച്ചുപോയി അതിപ്പോ ഞാൻ എന്ത് പറയാനാ... ചെക്കന് എന്തൊക്കെയോ ഒരു ഇളക്കമൊക്കെ തുടങ്ങിയിട്ടുണ്ട്... ഇതുവരെ ഇങ്ങനെ ഒന്നും ഇല്ലായിരുന്നു.. ഇന്ന് തന്നെ ചിന്നൂട്ടിയോട് ചുണ്ട് പൊട്ടിയ കാര്യം പറയുന്നത് കേട്ടില്ലേ ഹരി ഒറ്റക്കണ്ണിറുക്കി ചിരിയോടെ പറഞ്ഞു.. മാളുവിന്റെ കണ്ണ് മിഴിഞ്ഞുപോയി. അവൾ മിഴിഞ്ഞ കണ്ണോടെ അവനെ നോക്കി.. അവൻ അവളെ നോക്കി കുറുമ്പോടെ ചിരിച്ചു.. മാളുവിൻ്റെ മുഖം ചുവന്നു.. സന്തോഷത്തോടെ ഹരി ആ കാഴ്ച നോക്കി കണ്ടു. മാളു പെട്ടന്ന് തല താഴ്ത്തി. ഹരി അവളുടെ മുഖം പിടിച്ചുയർത്തി.. മാളു അവൻ്റെ മുഖത്തേക്ക് നോക്കി. ഇതുവരെ നീ പ്രതികരിച്ചില്ലായിരിക്കും മോളെ... കാരണം നീ തനിച്ചായിരുന്നു ഇതുവരെ. പക്ഷെ.. പക്ഷെ ഇന്ന് നീ തനിച്ചല്ല... നിനക്ക് തുണയായി നിൻ്റെ ഭർത്താവുണ്ട്.. ഹരി പറഞ്ഞപ്പോൾ അവളുടെ കണ്ണ് നിറഞ്ഞു. ഹരി അവളുടെ കണ്ണ് തുടച്ചുകൊടുത്തു. വിനു മാത്രമല്ല... മോൾക്ക് എന്ത് ആവശ്യം വന്നാലും മോളുടെ സ്വന്തം ഏട്ടൻ്റെ സ്ഥാനത്ത് എന്നും ഈ ഹരിയേട്ടൻ ഉണ്ടാകും.. എൻ്റെ മോള് ഇനിയും ഇന്ദ്രനെ ഭയക്കരുത്.. ഹരി സ്നേഹത്തോടെ അവളോട് പറഞ്ഞപ്പോൾ അവളുടെ ചുണ്ട് വിതുമ്പി. ഏട്ടൻ... ഒരുപാട് വിളിക്കാൻ കൊതിച്ച പേര്... ഒത്തിരി ആഗ്രഹത്തോടെ ആദ്യമായി ആ പേര് വിളിച്ചത് ഇന്ദ്രേട്ടനെ ആയിരുന്നു. പക്ഷെ ആ വിളി അയാൾ അർഹിക്കുന്നില്ല എന്ന് കണ്ടപ്പോൾ മനസ്സുകൊണ്ട് വെറുത്താണ് പിന്നീട് തനിക്ക് നേരെ വരുമ്പോൾ നിസ്സഹായതയോടെ ഇന്ദ്രേട്ടാ എന്നെങ്കിലും വിളിക്കുന്നത്. പക്ഷെ ഇന്ന്... ഇന്ന് എനിക്ക് ഒരു ഏട്ടൻ... എന്റെ സ്വന്തം... അവൾ നിറഞ്ഞ കണ്ണോടെ ഹരിയെ നോക്കി. അവളുടെ മനസ്സിൽ എന്തായിരിക്കും എന്ന് ഹരിക്കിപ്പോൾ വ്യക്തമായി അറിയാമായിരുന്നു. അവൻ സ്നേഹത്തോടെ അവളുടെ കണ്ണുകൾ തുടച്ചുകൊണ്ട് അവളുടെ നെറുകയിൽ പതിയെ ചുണ്ടമർത്തി.. ആ ചുംബനത്തിൽ നിറഞ്ഞു നിന്നത് പ്രണയമായിരുന്നില്ല... കാമമായിരുന്നില്ല.... സ്നേഹം... പരിശുദ്ധമായ സ്നേഹം.... അവളോടുള്ള വാത്സല്യത്താൽ ചാലിച്ച ചുംബനമായിരുന്നു അത്. മാളു പതിയെ അവൻ്റെ നെഞ്ചിലേക്ക് ചാഞ്ഞു. അവൻ പുഞ്ചിരിയോടെ അവളെ ചേർത്തുപിടിച്ചു. ഈ കാഴ്ച കണ്ടുകൊണ്ടാണ് ചിന്നുവും ഗൗരിയും അങ്ങോട്ടേക്ക് വന്നത്.. ഗൗരിയുടെ മുഖം ദേഷ്യം കൊണ്ട് വിറച്ചു.. ചിന്നു അവരെ മുഖം വീർപ്പിച്ചു നോക്കിക്കൊണ്ട് അവരുടെ അടുത്തേക്ക് നടന്നു. ഏട്ടാ... ചിന്നു കുശുമ്പോടെ വിളിച്ചു.. മാളു അവന്റെ നെഞ്ചിൽ തന്നെ ചാഞ്ഞുകൊണ്ട് ചിന്നുവിനെ നോക്കി.. ഹരി കുസൃതി ചിരിയോടെ ചിന്നുവിനെ നോക്കി. എന്താടി... അവൻ ഒന്നും അറിയാത്തത് പോലെ ചോദിച്ചു കുന്തം... അവൾ മുഖം വീർപ്പിച്ചു പറഞ്ഞുകൊണ്ട് അവന്റെ മടിയിൽ കയറി ഇരുന്ന് അവനെ കെട്ടിപ്പിടിച്ചു.. ഹരി ചിരിയോടെ അവളെ ചേർത്തുപിടിച്ച് അവളുടെ നെറുകിൽ ചുണ്ടമർത്തി.ചിന്നു പുഞ്ചിരിച്ചുകൊണ്ട് ഹരിയെയും മാളുവിനെയും ചേർത്തുപിടിച്ച് ഇരുന്നു. ഗൗരി അസൂയയോടെയും ദേഷ്യത്തോടെയും ഹരിയുടെ നെഞ്ചിൽ കിടക്കുന്ന മാളുവിനെ നോക്കി. എങ്ങനെയാണ് ഇവൾ ഇത്രയും പെട്ടന്ന് എല്ലാവരുടെയും മനസ്സിൽ കയറിപ്പറ്റിയത്. അതിനുമാത്രം എന്ത് പ്രത്യേകതയാണ് ഇവൾക്കുള്ളത്... ഇനി ഗായത്രിയുടെ മുഖം ഉള്ളത് കൊണ്ട് ആയിരിക്കുമോ... അവൾ ആകുലതയോടെ ചിന്തിച്ചു. അവൾ മാളുവിൻ്റെ നിറഞ്ഞ പുഞ്ചിരിയിലേക്ക് ഒരു നിമിഷം നോക്കി നിന്നു. നിന്നേ ഇവരൊക്കെ സ്നേഹിക്കുന്നത് എന്ത് കാരണം കൊണ്ടായാലും വാഴിക്കില്ലെടി നിന്നേ ഞാൻ ഇവിടെ അധികകാലം... ആദ്യം ഒരു ഗായത്രി... ഇപ്പോൾ അവളുടെ അതേ മുഖവുമായി ഒരു മാളവിക.. നിന്നേ ഇവിടെ നിന്ന് ആട്ടിയോടിച്ചിരിക്കും ഈ ഗൗരി.. കണ്ണിൽ കത്തുന്ന പകയോടെ മാളുവിനെ ഒരിക്കൽ കൂടി നോക്കിക്കൊണ്ട് ഗൗരി അവളുടെ വീട്ടിലേക്ക് നടന്നു. മോളെ മാളു.... കുറച്ച് നേരത്തിന് ശേഷം ഹരി അവളെ വിളിച്ചു. എന്താ ഏട്ടാ... അവൾ സ്നേഹത്തോടെ ചോദിച്ചു. ഹരിയുടെ മുഖം വിടർന്നു. അവൻ വാത്സല്യത്തോടെ അവളെ നോക്കി. ഒരാൾ ഇവിടെ നിന്ന് കള്ള പിണക്കം കാണിച്ച് മുകളിലേക്ക് പോയിട്ട് നേരം കുറേ ആയി ട്ടോ.. ഇനി നീ പിണക്കം മാറ്റാതെ അവൻ ഇറങ്ങി വരും എന്ന് തോന്നുന്നില്ല. ഹരി പറഞ്ഞപ്പോൾ അവൾ പെട്ടന്ന് അവനിൽ നിന്നും അകന്ന് അവനെ ജാള്യതയോടെ നോക്കി. ആഹാ... വിനുവേട്ടൻ ഏടത്തിയോട് പിണങ്ങിയിട്ടാണോ പോയിരിക്കുന്നെ.. എന്ന ഇപ്പൊ അടുത്ത ചുണ്ട് പൊട്ടാനുള്ള വകുപ്പ് ആയല്ലോ മോളെ.. ചിന്നു അവളെ കളിയാക്കി. മാളുവിന്റെ മുഖം ചുവന്നു. പോടീ... അവൾ പറഞ്ഞുകൊണ്ട് അവരെ രണ്ടാളെയും നാണത്തോടെ നോക്കി മുകളിലേക്ക് ഓടി. ഹരിയും ചിന്നുവും അത് കണ്ട് ഉറക്കെ ചിരിച്ചുപോയി...!! തുടരും 💘 #📔 കഥ #💞 പ്രണയകഥകൾ #📙 നോവൽ