#📙 നോവൽ നന്ദേ.... വാതിൽ തുറക്ക്... നീ ആഗ്രഹിച്ചത് പോലെ അഗ്നിയുമായുള്ള വിവാഹം മുത്തശ്ശി നടത്തി തരും....ഈ മുത്തശ്ശി പറയുന്നത് നീ അനുസരിക്കില്ലേ മോളെ.. എന്റെ നന്ദൂട്ടി ഈ വാതിൽ ഒന്ന് തുറന്നു വന്നെടാ അംബികയുടെ ആ വാക്കുകൾ വല്ലാത്തൊരു നടുക്കമാണ് പുറത്തു നിന്ന അഗ്നിയിലും അത് കേട്ടുകൊണ്ട് റൂമിൽ നിന്ന നന്ദയിലും സൃഷ്ടിച്ചത്. അതിനേക്കാൾ ഏറെ ആ തീരുമാനം ലക്ഷ്മിയെ ചൊടിപ്പിച്ചു.... ഇവൾ എന്തോ വിവരക്കേട് പറഞ്ഞു.. എന്ന് കരുതി അമ്മ അതിനു ചുക്കാൻ പിടിക്കുവാണോ.. ലക്ഷ്മിയ്ക്ക് തന്റെ ദേഷ്യം നീയന്ത്രിക്കാൻ ആവുന്നില്ല... പക്ഷേ അഗ്നിയുടെ അമ്മ ഭാമക്ക് മുഖത്തൊരു പുഞ്ചിരി ആയിരുന്നു അത് കേട്ടപ്പോൾ. കാരണം അവർക്ക് നന്ദയെ ജീവന്റെ ജീവനാണ്..അത് നന്ദയ്കും അറിയാം. സ്വന്തം അമ്മയേക്കാൾ സ്നേഹത്തോടെ ഭാമമ്മ അവളെ നോക്കുന്നത്. കുറെ നേരമായിട്ടും അവൾ വാതിൽ തുറക്കാതെ നിൽക്കുന്നത് കണ്ടതും ഓരോ മുഖങ്ങളിലും ഭയത്തിന്റെ ആക്കം കൂടി... നന്ദ... മോളെ.. വാതിൽ തുറക്ക് കണ്ണാ.. ഇങ്ങനെ എന്തിനാ നീയ് എല്ലാവരേം വിഷമിപ്പിക്കുന്നത് മോളെ. അവസാനം രണ്ടും കൽപ്പിച്ചു നന്ദ വന്ന് വാതിൽ തുറന്നു ആ ഉലഞ്ഞുള്ള നന്ദയുടെ നിൽപ്പും മട്ടും ഭവവും എല്ലാം എല്ലാവരിലും പേടി നിറച്ചു. ലക്ഷ്മിയിൽ അടക്കം. "നിങ്ങളുടെ വിവാഹം ഞാൻ നടത്തി തരും. മോള് അവിവേകം ഒന്നും കാണിക്കരുത്.. നിയ്ക്ക് അത് സഹിക്കാൻ പോലും ആവില്ല കുട്ട്യേ..ഞാൻ പറയുന്നത് അനുസരിക്കില്ലെ നീയ് അംബിക അത് പറഞ്ഞതും നന്ദ ക്ക് ഒന്ന് തലകുലുക്കാൻ മാത്രമേ സാധിച്ചുള്ളൂ. അതിനേക്കാൾ ഏറെ അഗ്നിയെ നോക്കാൻ അവൾക്ക് ഭയം തോന്നി.... അഗ്നിയുടെ കണ്ണുകളിലെ ആ ഭാവം ഇപ്പോൾ അവന്റെ മുഖത്തേക്ക് നോക്കാതെ തന്നെ നന്ദക്ക് ഊഹിക്കാം. ഒരു വിധം എല്ലാവരും പിരിഞ്ഞു പോയതും ആരോഹി ഓടി മുറിയിലേക്ക് കയറി "നിനക്ക് സമാധാനം ആയോ നന്ദ... എന്റെ ഏട്ടന്റെ ലൈഫ് സ്പോയിൽ ആക്കിയപ്പോൾ...." ആരോഹിയുടെ ഭാഗത്തു നിന്ന് അങ്ങനെയൊരു പ്രതികരണം പ്രതീക്ഷിക്കാത്തതിനാൽ നന്തയൊന്ന് പതറി... ''നീയെന്താ ആരു ഇങ്ങനെ സംസാരിക്കുന്നത്.... ഞാൻ അങ്ങനെയൊന്നും കരുതിയില്ല...... " നന്ദ അവളുടെ ഭാഗം പറഞ്ഞു നിർത്തിയിട്ടു വിടാൻ ഉദ്ദേശ്യം ഇല്ലാത്തതു പോലെ ആരോഹി തുടർന്നു. എടി.. എന്റെ ഏട്ടന്റെ ഭാര്യയിട്ട് നിന്നെ കാണാൻ ഞങ്ങൾ ഒരുക്കമല്ല... അത് ഓർക്കാൻ പോലും എനിക്ക് അറപ്പാ.. ദേഷ്യംമാ.. നാണമില്ലേ നിനക്ക് ഇങ്ങനെ ഒക്കെ പറയാന്..പാവം ന്റ ഏട്ടൻ... എത്രമാത്രം ഏട്ടൻ ഇപ്പൊ സങ്കടപ്പെടുന്നത് "പിന്നെ നിന്റെ ഏട്ടൻ ഒരു പുണ്യാളൻ.... അങ്ങേര് ആ വീഡിയോ ഡിലീറ്റ് ചെയ്യാൻ പറഞ്ഞപ്പോൾ തന്നെ ഞാൻ ചെയ്തില്ലേ...? എന്നിട്ട് നിന്റെ ഏട്ടൻ എന്നോട് ചെയ്തതോ.... നടന്നതെല്ലാം നേരെ എന്റെ വീട്ടിൽ വിളിച്ചു പറഞ്ഞിരിക്കുന്നു. ഇതിന്റെ പേരിൽ ആ തോന്ന്യവാസം നടക്കുന്നവനെ ഞാൻ കല്യാണം കഴിക്കേണ്ടി വന്നാലുള്ള അവസ്ഥ.... അതിനെ പറ്റി നീ എന്താ ആലോചിക്കാത്തത്... നിന്റെ ഏട്ടൻ ഒരാളുടെ എടുത്ത് ചാട്ടം കൊണ്ട് എത്ര പേരുടെ ജീവിതം ആണ് നശിച്ചത്.... നിനക്ക് അതിനെ പറ്റി യാതൊന്നും പറയാനില്ലേ....??" ആരോഹിയോട് അത് അത്രയും പറഞ്ഞപ്പോൾ നന്ദയും ഒന്ന് വിങ്ങി പോയിരുന്നു. പിന്നീടുള്ള രണ്ട് ദിവസങ്ങൾ..... കുറ്റപ്പെടുത്താലിന്റെയും ഒറ്റപ്പെടലിന്റെയും ദിനങ്ങൾ ആയിരുന്നു അവൾക്ക്... അഗ്നി യുട മുൻപിൽ ചെന്ന് പെടാതെ അവൾ തന്റെ റൂമിൽ തന്നെയിരുന്നു. ആരോടും മിണ്ടാതെ.. ആർക്കും മുഖം കൊടുക്കാതെ.. ആരോഹി അവളോട് മിണ്ടിയിട്ടും രണ്ട് ദിവസങ്ങൾ പിന്നിട്ടിരിക്കുന്നു.ഇങ്ങനെ ഇ ഒരു മാറ്റം ആരോഹിയിൽ നിന്നു ഉണ്ടാവും എന്നവൾ സ്വപ്‌നത്തിൽ പോലും കരുതിയില്ല.. ജീവൻ ആണ് അവർ രണ്ട് പേർക്കും ഇടയിൽ കിടന്ന് നട്ടം തിരിഞ്ഞത്. അന്നേ ദിവസം വൈകുന്നേരം റൂമിന്റെ ജനൽ അഴികളിൽ പിടിച്ച് തെക്കേ പറമ്പിലേക്ക് നോക്കി നിൽക്കുകയായിരുന്നു നന്ദ അവളുടെ മനസ്സിലൂടെ എണ്ണമില്ലാത്തത്ര ചിന്തകൾ കടന്നു പൊയ്ക്കൊണ്ടിരുന്നു. നിറഞ്ഞു വരുന്ന കണ്ണീർ തുള്ളികളെ അലസമായി തോളിൽ കൂടി കിടന്ന ദവണി തുമ്പിൽ ഒപ്പിയെടുക്കുന്നുണ്ട് അവൾ.... പെട്ടന്ന് റൂമിന്റെ കതക് ആരോ ഉള്ളിൽ നിന്ന് കുറ്റിയിടുന്ന ശബ്ദം കേട്ടാണ് അവൾ തിരിഞ്ഞു നോക്കിയത്... പിന്നിലൊരു കള്ള ചിരിയുമായി അഗ്നി... "ദേ.... ദേവേട്ടൻ എന്താ ഇവിടെ....?? പുറത്ത് പോ...." പറയുമ്പോൾ അവളുടെ ശബ്ദം ഇടാറുന്നുണ്ടായിരുന്നു.... "ഞാൻ എന്തിന് പുറത്തു പോകണം.... ഞാൻ നിന്നെ ശെരിക്കൊന്ന് കാണാൻ വേണ്ടി വന്നതാ... രണ്ട് ദിവസം നിന്നെ കാണാതെ ഞാൻ എത്രമാത്രം വിഷമിച്ചെന്ന് അറിയുവോ.... നീ എന്താ താഴെക്കൊന്നും വരാതിരുന്നത്..... ദേവേട്ടനെ പേടിയാണോ പെണ്ണെ ...??" അഗ്നി മുന്നോട്ട് വരുന്നത് അനുസരിച്ചു പിന്നോട്ട് നീങ്ങുന്ന നന്തയെ നോക്കിയാണ് അവനത് ചോദിച്ചത്.... ദേവേട്ട.. ഇറങ്ങി പോയെ.. ഇല്ലെങ്കിൽ ഞാൻ അമ്മേ വിളിക്കും കെട്ടോ.. അവൾ അവനെ നോക്കി. ആരെ വേണേലും വിളിക്ക്.. അതിനിപ്പോ എന്താ പെണ്ണെ... എല്ലാരും വരട്ടെ... ഞാൻ നിന്നെ സ്നേഹിക്കുന്ന കാമുകൻ അല്ലേടി.. അപ്പൊ പിന്നെ കുഴപ്പമില്ലന്നെ.. അവൻ അല്പം കൂടി മുന്നോട്ട് വന്നപ്പോൾ നന്ദ ചുവരിൽ തട്ടി നിന്നു. അതിനു അനുസരിച്ചു തന്നെ അഗ്നി യും അവളിലേക്ക് അടുത്ത് വന്നു. ഒടുക്കം അഗ്നിയുടെ ദേഹം നന്ദയുടെ ഉടലിനോട് ചേർന്നു... നന്ദ മിഴികൾ ഇറുക്കി അടച്ചു കളഞ്ഞു.... തുടരും.