#📰ହେଡଲାଇନ୍ସ🆕 #📰ଦେଶ-ବିଦେଶ ଅପଡେଟ #📺Flash ଅପଡେଟ📢 #🗞ଓଡ଼ିଶା ଅପଡେଟ📺 #🗞ଲାଟେଷ୍ଟ ଅପଡେଟ🎙 ୭୯ ବର୍ଷ ପରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ ନେତୃତ୍ୱରେ ଓଡ଼ିଶାରେ ସାମାଜିକ ନ୍ୟାୟର ଏକ ନୂଆ ଅଧ୍ୟାୟ ଆରମ୍ଭ ହୋଇଛି। ଚଳିତ ୨୦୨୬-୨୭ ଶିକ୍ଷା ବର୍ଷରୁ ରାଜ୍ୟର ବୈଷୟିକ ଶିକ୍ଷା କ୍ଷେତ୍ରରେ ସଂରକ୍ଷଣ ସୀମା ବୃଦ୍ଧି କରି ସରକାର ଏକ ଯୁଗାନ୍ତକାରୀ ଓ ଐତିହାସିକ ପଦକ୍ଷେପ ଗ୍ରହଣ କରିଛନ୍ତି। ଏହି ନୂଆ ବ୍ୟବସ୍ଥା ଅଧୀନରେ ଅନୁସୂଚିତ ଜନଜାତି (ST) ସଂରକ୍ଷଣକୁ ୧୨% ରୁ ୨୨.୫% ଏବଂ ଅନୁସୂଚିତ ଜାତି (SC) ସଂରକ୍ଷଣକୁ ୮% ରୁ ୧୬.୨୫% କୁ ବୃଦ୍ଧି କରାଯାଇଛି। ଏହି ସଂସ୍କାରର ସବୁଠାରୁ ଗୁରୁତ୍ୱପୂର୍ଣ୍ଣ ଦିଗ ହେଉଛି ସାମାଜିକ ଓ ଶିକ୍ଷାଗତ ପଛୁଆ ବର୍ଗ (SEBC) ଛାତ୍ରଛାତ୍ରୀଙ୍କୁ ମିଳିଥିବା ସୁଯୋଗ। ପୂର୍ବରୁ ବୈଷୟିକ ଶିକ୍ଷାରେ ଏହି ବର୍ଗ ପାଇଁ କୌଣସି ସଂରକ୍ଷଣ ବ୍ୟବସ୍ଥା ନଥିବା ବେଳେ ବର୍ତ୍ତମାନ ସେମାନଙ୍କ ପାଇଁ ୧୧.୨୫% ସଂରକ୍ଷଣ ସୁନିଶ୍ଚିତ ହୋଇଛି। ଏ ସମ୍ପର୍କିତ ବିଧିବଦ୍ଧ ସରକାରୀ ଆଦେଶନାମା ପ୍ରକାଶ ପାଇସାରିଛି, ଯାହା ପଛୁଆ ବର୍ଗର ମେଧାବୀ ଛାତ୍ରଛାତ୍ରୀଙ୍କୁ ଉଚ୍ଚଶିକ୍ଷା କ୍ଷେତ୍ରରେ ସମାନ ଅଧିକାର ଓ ସୁଯୋଗ ପ୍ରଦାନ କରିବ। ରାଜ୍ୟର ସମସ୍ତ ମେଡିକାଲ୍ ଏବଂ ଇଞ୍ଜିନିୟରିଂ କଲେଜ ସମେତ ସମସ୍ତ ବିଶ୍ୱବିଦ୍ୟାଳୟ, ଆଇ.ଟି.ଆଇ (ITI) ଓ ପଲିଟେକ୍ନିକ୍ ଅନୁଷ୍ଠାନରେ ଏହି ନୂଆ ନିୟମ ସୂଚାରୁରୂପେ ଲାଗୁ କରାଯିବ। ବୈଷୟିକ ପାଠ୍ୟକ୍ରମରେ ଏହି ସଂରକ୍ଷଣ ବ୍ୟବସ୍ଥା ଛାତ୍ରଛାତ୍ରୀଙ୍କ ଭବିଷ୍ୟତ ପାଇଁ ଏକ ନୂଆ ଦିଗନ୍ତ ଉନ୍ମୋଚନ କରିବ। ସମାଜର ପ୍ରତ୍ୟେକ ବର୍ଗକୁ ସଶକ୍ତ ଓ ସ୍ୱାବଲମ୍ବୀ କରିବା ପାଇଁ ଆମ ସରକାର ସର୍ବଦା ଦୃଢ଼ ପ୍ରତିଶ୍ରୁତିବଦ୍ଧ।