వెంకటేశ మంగళాశాసనం.............!! శ్రియః కాంతాయ కల్యాణనిధయే నిధయేర్థినాం | శ్రీవెంకటనివాసాయ మంగళం ||౧|| లక్ష్మీసవిభ్రమాలోకసుభ్రూవిభ్రమచక్షుషే | చక్షుషే సర్వలోకానాం వేంకటేశాయ మంగళం ||౨|| శ్రీవేంకటాద్రిశృంగాగ్రమంగలాభరణాంఘ్రయే | మంగలానాం నివాసాయ వేంకటేశాయ మంగళం ||౩|| సర్వావయవసౌందర్యసంపదా సర్వచేతసాం | సదా సమ్మోహనాయాస్తు వేంకటేశాయ మంగళం ||౪|| సిత్యాయ నిరవద్యాయ సత్యానందచిదాత్మనే | సర్వాంతరాత్మనే శ్రీమద్వేంకటేశాయ మంగళం ||౫|| స్వతస్సర్వవిదే సర్వశక్తయే సర్వశేషిణే | సులభాయ సుశీలాయ వేంకటేశాయ మంగళం ||౬|| పరస్మైబ్రహ్మణే పూర్ణకామాయ పరమాత్మనే | ప్రయుంజే పరతత్వాయ వేంకటేశాయ మంగళం ||౭|| అకాలతత్త్వమశ్రాంతమాత్మనామనుపశ్యతాం | అతృప్త్యమృతరూపాయ వేంకటేశాయ మంగళం ||౮|| ప్రాయస్స్వచరణౌ పుంసాం శరణ్యత్వేన పాణినా | కృపయాదిశతే శ్రీమద్వేంకటేశాయ మంగళం ||౯|| దయామృతతరంగిణ్యాస్తరంగైరివ శీతలైః | అపాంగైస్సించతే విశ్వం వేంకటేశాయ మంగళం ||౧౦|| స్రగ్భూషాంబరహేతీనాం సుషమావహమూర్తయే | సర్వార్తిశమనాయాస్తు వేంకటేశాయ మంగళం ||౧౧|| శ్రీవైకుంఠవిరక్తాయ స్వామిపుష్కరిణీతటే | రమయా రమమాణాయ వేంకటేశాయ మంగళం ||౧౨|| శ్రీమత్సుందరజామాతృమునిమానసవాసినే | సర్వలోకనివాసాయ వేంకటేశాయ మంగళం ||౧౩|| మంగళాశాసనపరైర్మదాచార్యపురోగమైః | సర్వైశ్చ పూర్వైరాచార్యైః సత్కృతాయాస్తు మంగళం ||౧౪|| #🙏శ్రీ వెంకటేశ్వర స్వామి