മഴകാത്തിരിപ്പ് #🥵 വേനൽ ചൂട്! ​ചുട്ടുപൊള്ളും വെയിലേറ്റു വാടി- ത്തളർന്നൊരീ ഭൂമി തൻ മൗനഗീതം, പുഴകൾ വറ്റി, കരിഞ്ഞ പുൽക്കൊടികൾ കണ്ണീരില്ലാതെ വിങ്ങുന്നു പാവം. ​തണൽ മരങ്ങൾ തൻ ഇലകൾ കരിഞ്ഞു ദാഹിച്ചു നിൽക്കുന്നു വേഴാമ്പലായി, ആകാശനീലിമയിൽ വെളുത്ത മേഘങ്ങൾ മഴയുടെ കരിനിഴൽ തേടി നടപ്പൂ. ​എപ്പോഴാണാവോ വരിക നീ പെയ്യാൻ? മണ്ണിലൊരിത്തിരി കുളിരു പകരാൻ, ഇടവപ്പാതിതൻ താളം പിടിച്ചു- മണ്ണിന്റെ ഗന്ധമായ് ഓടിയെത്താൻ. ​ഒരു കുഞ്ഞു മഴത്തുള്ളി വീഴുന്ന നേരം പുതുജീവൻ വയ്ക്കും ഈ പാരിനാകെ, വേനൽച്ചൂടിന്റെ വിങ്ങലകറ്റി കുളിരായി പെയ്യുക വേഗത്തിൽ നീ