🧟 പ്രേതകഥകൾ!, 📙 നോവൽ Image & Post | ShareChat

☠︎𝕧𝓲𝓫𝓲𝓷_𝓹_𝓶𝓮𝓷𝓸𝓷☠︎︎ - Author on ShareChat: Funny, Romantic, Videos, Shayari, Quotes

#🧟 പ്രേതകഥകൾ! #📙 നോവൽ #✍ തുടർക്കഥ #✍️ വട്ടെഴുത്തുകൾ #📔 കഥ സജിത്ത് റിട്ടേൺസ് ( കഥയും കഥാപാത്രങ്ങളും സാങ്കല്പികം. മരിച്ചവരോ മരിക്കാൻ പോകുന്നവരോ ആയി സാമ്യം തോന്നിയാൽ യാദൃശ്ചികം മാത്രം) ……………………………………. സാമുവലിന്റെ ഇരുപതേഴാം ജന്മദിന ആഘോഷം തകർപ്പനായിരുന്നു. സാമുവലിന്റെ വീട്ടിലെ പാട്ടും ബഹളവും കഴിഞ്ഞ്, വയറുനിറയെ ചിക്കൻ ബിരിയാണിയും കഴിച്ച് ഇറങ്ങിയപ്പോഴാണ് അലി, നിസാർ, ബിജുജോൺ, ആദർശ് എന്നിവർ ആ വലിയ യാഥാർത്ഥ്യം മനസ്സിലാക്കിയത്. നാലു പേർക്കും കൂടി ആകെ ഒരു പഴയ 'സെക്കൻഡ് ഹാൻഡ്' ബൈക്ക് മാത്രം! പോരാത്തതിന് വണ്ടിയിൽ പെട്രോളും തുച്ഛമാണ്. സൂചി എങ്ങാനും ഇളകിയാൽ വണ്ടി അപ്പോൾ നിൽക്കും. അപ്പോഴേക്കും സമയം രാത്രി പന്ത്രണ്ട് മണി കഴിഞ്ഞിരുന്നു. ആകാശത്ത് നല്ല വട്ടത്തിലുള്ള വെളുത്ത പൗർണ്ണമി നിലാവുണ്ടായിരുന്നു. "എടാ, മെയിൻ റോഡ് വഴി പോയാൽ പോലീസ് പിടിക്കും. ഈ രാത്രി നാല് പേർ ഹെൽമെറ്റും ഇല്ലാതെ ഒരൊറ്റ ബൈക്കിൽ ട്രിപ്പിൾ റൈഡിംഗും കഴിഞ്ഞ് ഫോർത്ത് റൈഡിംഗ് പോകുന്നത് കണ്ടാൽ പോലീസ് നമ്മളെ അകത്തിടും. നമുക്ക് ആ പഴയ റോഡ് വഴി പോകാം," അലി നിർദ്ദേശിച്ചു. ബാക്കി മൂന്നുപേരും പരസ്പരം നോക്കി. അവരുടെ മുഖത്ത് ഭയം നിഴലിച്ചു. 'പഴയ റോഡ്' എന്നാൽ ചുടുകാടിന് നടുവിലൂടെ പോകുന്ന ഒരു വീതികുറഞ്ഞ ഒറ്റയടിപ്പാതയാണ്. വെളിച്ചമില്ല, ആളനക്കമില്ല, കരിമ്പനകൾ ആകാശത്തേക്ക് കൈകൾ നീട്ടി നിൽക്കുന്നതുപോലെ നിരന്നു നിൽക്കുന്ന ആ വഴിയിൽ പകൽ പോലും കാക്കകൾ കരയാറില്ല. അതിനു പുറമെ, ആ ചുടുകാടിന് മറ്റൊരു പ്രത്യേകത കൂടിയുണ്ട്.അവിടെയാണ് അഞ്ചു വർഷം മുമ്പ് സജിത്ത് എന്ന അവരുടെ പ്രിയപ്പെട്ട കൂട്ടുകാരൻ അവസാനമായി കാണപ്പെട്ടത്. സജിത്തിന്റെ മരണം ഇന്നും ആ നാട്ടിലെ വലിയൊരു നിഗൂഢതയാണ്. ഒരു പൗർണ്ണമി രാത്രിയിൽ ചുടുകാടിനുള്ളിൽ പാതി കരിഞ്ഞ നിലയിലാണ് അവന്റെ ശരീരം കണ്ടെത്തിയത്. പോലീസ് കേസ് അന്വേഷിച്ചെങ്കിലും ഒന്നും തെളിഞ്ഞില്ല. നാട്ടിൽ പലതരം കഥകൾ പ്രചരിച്ചു ആഭിചാരക്രിയ, തട്ടിക്കൊണ്ടുപോകൽ, ഗുണ്ടാപ്പക... അങ്ങനെ പലതും. ആത്മഹത്യയോ കൊലപാതകമോ എന്ന് ആർക്കും ഉറപ്പില്ലായിരുന്നു. "എടാ, സജിത്തിനെ അവിടെയല്ലേ കിട്ടിയത്... നമുക്ക് വേറെ വഴി പോയാലോ? അല്ലെങ്കിൽ സാമുവലിന്റെ വീട്ടിലെ ബിരിയാണി ദഹിക്കാൻ പോലും സമയം കിട്ടില്ല, അതിനുമുമ്പ് നമ്മൾ പ്രേതമാകും," നിസാർ തന്റെ കാലുകളുടെ വിറയൽ പുറത്ത് കാണിക്കാതെ തമാശരൂപേണ ചോദിച്ചു. "സജിത്ത് നമ്മുടെ ചങ്കല്ലേടാ, വെള്ളം അടിച്ചു പുതിയ ഡാൻസ് സ്റ്റെപ്പുകൾ കണ്ടു പിടിച്ച അവൻ ജീവിച്ചിരുന്നപ്പോൾ നമ്മളോട് ചായ കടം വാങ്ങി കുടിച്ചതല്ലാതെ വേറെ ദ്രോഹമൊന്നും ചെയ്തിട്ടില്ല. അവൻ നമ്മളെ എന്ത് ചെയ്യാനാ? നീ വണ്ടി വിട്," അലി ധൈര്യം പകർന്നു. അലിക്ക് ഉള്ളിൽ നല്ല പേടിയുണ്ടെങ്കിലും കൂട്ടത്തിലെ നേതാവായതുകൊണ്ട് അത് പുറത്തുകാട്ടിയില്ല. ഒരു ബൈക്കിൽ നാല് പേരും കൂടി കഷ്ടപ്പെട്ട് കയറി ഇരുളടഞ്ഞ വഴിയിലേക്ക് നീങ്ങി. ചുടുകാടിന് അടുത്തായപ്പോൾ അന്തരീക്ഷം വല്ലാതെ മാറി. തണുത്ത ഒരു കാറ്റ് വീശിയടിച്ചു. വണ്ടിയുടെ ഹെഡ്‌ലൈറ്റ് പെട്ടെന്ന് മങ്ങാൻ തുടങ്ങി—ബാറ്ററി തീരാറായ ടോർച്ച് പോലെ. കരിമ്പനകളുടെ ഓലകൾ കാറ്റിൽ ഉരസുന്ന ശബ്ദം ആരോ ഇരുട്ടിലിരുന്ന് പല്ല് കടിക്കുന്നതുപോലെ തോന്നിപ്പിച്ചു. പെട്ടെന്ന്, ബൈക്കിന്റെ പുറകിലെ ടയർ 'ഠിം' എന്നൊരു വലിയ ശബ്ദത്തോടെ താണുപോയി. വണ്ടി റോഡിൽ കിടന്ന് പാമ്പ് ഇളകുന്നതുപോലെ ഇളകി നിന്നു. "എന്താടാ പറ്റിയേ? പെട്രോൾ കഴിഞ്ഞോ?" ബിജുജോൺ ആവലാതിയോടെ ചോദിച്ചു. "പെട്രോളല്ലടാ, പുറകിലെ ടയർ കംപ്ലീറ്റ് പങ്ക്‌ചറായി! കല്ലറയുടെ ഭാഗത്തുനിന്ന് ഏതോ പഴയ ആണി കേറിയതാണെന്ന് തോന്നുന്നു," ആദർശ് വണ്ടിയിൽ നിന്ന് ഇറങ്ങി തലയിൽ കൈവെച്ചു. …….. ഈ അർദ്ധരാത്രിയിൽ, വിജനമായ ചുടുകാടിന് നടുവിൽ, ഒരൊറ്റ ബൈക്കും പങ്ക്‌ചറായി നിൽക്കുന്ന ആ അവസ്ഥ അവരെ ശരിക്കും ഭയപ്പെടുത്തി. വണ്ടി തള്ളിപ്പോകാൻ പോലും പറ്റാത്ത വിധം ടയർ റിമ്മിൽ മുട്ടിയിരുന്നു . പെട്ടെന്ന് കല്ലറകൾക്കിടയിൽ നിന്ന് ഒരു നേർത്ത പുക ഉയരുന്നത് അവർ കണ്ടു. സാധാരണ പുകയല്ല, നീലനിറത്തിലുള്ള ഒരു പ്രകാശം മരങ്ങൾക്കിടയിൽ മിന്നിമറയുന്നു. കരിയിലകൾക്കിടയിലൂടെ ആരോ നടന്നു വരുന്ന ശബ്ദം.” ക്രാപ്പ്... ക്രാപ്പ്…” ഓരോ ചുവടുവെപ്പിലും ആ ശബ്ദം വ്യക്തമായി വരുന്നു. അത് എല്ലുകൾ തമ്മിൽ കൂട്ടിയുരസുന്ന ശബ്ദമായിരുന്നു! "എടാ, അവിടെ നോക്കിയേ..." ബിജുജോൺ വിറയ്ക്കുന്ന വിരൽ ചൂണ്ടി. ഒരു പഴയ കല്ലറയുടെ മുകളിൽ ഒരാൾ ഇരിക്കുന്നു. രൂപം കണ്ടാൽ സജിത്തിനെപ്പോലുണ്ട്, പക്ഷേ ശരീരം വെളുത്ത എല്ലുകൾ മാത്രമായി മാറിയിരിക്കുന്നു! അവന്റെ തലയിൽ ഒരു പഴയ പാർട്ടി ക്യാപ്പ്ചെരിഞ്ഞിരിപ്പുണ്ട്. കയ്യിലാണെങ്കിൽ സാമുവലിന്റെ വീട്ടിൽ കണ്ടതുപോലെയുള്ള ഒരു വലിയ കേക്കിന്റെ കഷ്ണം! "സ... സജിത്തേ?" അലി വിറച്ചുകൊണ്ട് വിളിച്ചു. അസ്ഥികൂടം പതുക്കെ തിരിഞ്ഞു. അതിന്റെ ശൂന്യമായ കണ്ഠരന്ധ്രങ്ങളിൽ നിന്ന് ഒരു ചെറിയ വെളിച്ചം മിന്നി. "എടാ അലീ... സാമുവൽ ബിരിയാണി വെച്ചിട്ടുണ്ടായിരുന്നു എന്ന് ഞാൻ അറിഞ്ഞു. നിങ്ങൾ നാലുപേരും കൂടി ഒരൊറ്റ ബൈക്കിൽ ഇരുന്ന് അത് മുഴുവൻ തിന്ന് എല്ലിൻ കഷ്ണം പോലും ബാക്കി വെക്കാതെ പോന്നു അല്ലേ? എനിക്ക് വേണ്ടി ഒരു പൊതി പോലും കൊണ്ടുവന്നില്ലേ? കുറഞ്ഞപക്ഷം ഒരു ലെഗ് പീസെങ്കിലും?" അസ്ഥികൂടം താടിയെല്ല് ആട്ടി സംസാരിച്ചു. നാലുപേരും സ്തബ്ധരായി നിന്നു. അലിക്ക് ബോധം പോകാൻ ആഞ്ഞു. ആദർശ് മാത്രം എങ്ങനെയോ ധൈര്യം സംഭരിച്ച് ചോദിച്ചു. "സജിത്തേ, അന്ന് ആ രാത്രി ശരിക്കും എന്താ ഉണ്ടായത്? നീയെങ്ങനെയാ മരിച്ചത്? ആ മരണം... അതൊരു കൊലപാതകമായിരുന്നോ? നാട്ടുകാർ പറയുന്നത് ആരോ നിന്നെ തട്ടിക്കൊണ്ടുപോയി കൊന്നതാണെന്നാണ്. എന്താ ശരിക്കും സംഭവിച്ചേ?" അസ്ഥികൂടം പതുക്കെ എഴുന്നേറ്റു. അതിന്റെ സന്ധികൾ ഓരോന്ന് നടുങ്ങുമ്പോൾ 'ക്രാക്ക് ക്രാക്ക്' എന്ന് ശബ്ദം കേട്ടു. സജിത്ത് ഗൗരവത്തിൽ ഒരു വലിയ നിശ്വാസം വിട്ടു ശ്വാസകോശമില്ലെങ്കിലും ആ ശബ്ദം ഭീകരമായിരുന്നു! "അന്ന്... അന്ന് രാത്രി..." സജിത്ത് തന്റെ ഫ്ലാഷ്‌ബാക്ക് കഥ പറയാൻ തുടങ്ങി. "ഞാൻ ഇവിടെ വന്നിരുന്നത് എന്തിനാണെന്ന് അറിയാമോ? സാമുവലിന്റെ കഴിഞ്ഞ ജന്മദിനത്തിന് ഒരു സർപ്രൈസ് ഗിഫ്റ്റ് കൊടുക്കാൻ ഒരു വിലകൂടിയ വിദേശ മദ്യം ഞാൻ ഈ ചുടുകാട്ടിലെ കരിമ്പനയുടെ ചുവട്ടിൽ ഒളിപ്പിച്ചു വെച്ചിരുന്നു. അത് എടുക്കാൻ ഒരു ലോക്കൽ അര കുപ്പി അകത്താക്കിയിട്ട് ഒരു സിസ്സറും വലിച്ചു ഇരുട്ടത്ത് ഇവിടെ വന്നു കുനിഞ്ഞപ്പോൾ എന്റെ തല നേരെ ആ മരത്തിലിടിച്ചു. ബോധം പോയി ഞാൻ വീണത് ആരോ കൂട്ടിയിട്ടിരുന്ന കരിയിലകൾക്കും ചപ്പുചവറുകൾക്കും മുകളിലാണ്. നിർഭാഗ്യവശാൽ, ഞാൻ ബോധം കെടുന്നതിന് തൊട്ടുമുമ്പ് വലിച്ചെറിഞ്ഞ സിഗരറ്റ് കുറ്റി ആ കരിയിലയിൽ വീണു തീ പടർന്നു!" നാലുപേരും ശ്വാസമടക്കിപ്പിടിച്ചു കേട്ടു. സജിത്ത് തുടർന്നു. "എന്റെ ഷർട്ടിൽ തീ പിടിച്ചപ്പോൾ മദ്യത്തിന്റെ ലഹരിയിൽ ബോധമില്ലാതിരുന്ന ഞാൻ കരുതി അതൊരു പുതിയ ടൈപ്പ് റൂം ഹീറ്റർ ആണെന്ന്! മഞ്ഞു കാലമായിരുന്നതുകൊണ്ട് ഞാൻ ആ ചൂട് നന്നായി ആസ്വദിച്ചു കിടന്നുറങ്ങി... അങ്ങനെ ഞാൻ സ്വന്തം മണ്ടത്തരം കൊണ്ട് സെൽഫ് റോസ്റ്റ്' ആയി!" നിശബ്ദത... പത്തു സെക്കൻഡ് ആരും ഒന്നും മിണ്ടിയില്ല. സജിത്തിന്റെ മരണരഹസ്യം തേടി അലഞ്ഞ ക്രൈംബ്രാഞ്ചിനും നാടിനും മുന്നിൽ ഇതാ ഒരു വലിയ മണ്ടത്തരത്തിന്റെ സത്യം തുറക്കപ്പെട്ടിരിക്കുന്നു! "അപ്പോൾ... നിന്നെ ആരും കൊന്നതല്ലേ? ആ എന്നിട്ട് ആ മദ്യക്കുപ്പി എവിടെ?" ബിജുജോൺ അന്തംവിട്ടു ചോദിച്ചു. "അത് ആ കേസ് അന്വേഷിക്കാൻ വന്ന പോലീസ് ഇൻസ്പെക്ടർ സുരേഷ് തെണ്ടി തൊണ്ടിമുതലായി സ്റ്റേഷനിലേക്ക് കൊണ്ടുപോയി അകത്താക്കി കാണും! എനിക്ക് സങ്കടമൊന്നുമില്ല, പക്ഷേ ചുടുകാട്ടിലെ ലൈഫ് ഭയങ്കര ബോറാണ് മക്കളേ. ഇവിടെ മനുഷ്യന്മാരില്ല, വർത്തമാനം പറയാൻ ആരുമില്ല. പത്രം പോലും കിട്ടാറില്ല. നിങ്ങൾ വന്ന സ്ഥിതിക്ക് നമുക്കൊന്ന് പഴയതുപോലെ വട്ടത്തിൽ ഇരുന്ന് പാട്ടുപാടി കഥകൾ പറഞ്ഞാലോ? കുറച്ചു കാലമായി ഒന്ന് ഡാൻസ് കളിച്ചിട്ട്." …….. സജിത്ത് തന്റെ കൈവിരലുകളിലെ എല്ലുകൾ കൊണ്ട് 'ടക് ടക്' എന്ന് താളം പിടിക്കാൻ തുടങ്ങി. എന്നിട്ട് സ്വന്തമായി വായുകൊണ്ട് റേഡിയോയിലെ പഴയൊരു ഫാസ്റ്റ് നമ്പറിന്റെ ട്യൂൺ പാടി അവൻ ചുവടുവെച്ചു. “ റമ്പ ഹൊയ് റമ്പ ഹോയ്യ് ഹൊയ് ഹൊയ് “ പെട്ടെന്ന് ആവേശത്തിൽ തുള്ളിച്ചാടിയപ്പോൾ അവന്റെ ഇടുപ്പിലെ ഒരു എല്ല് ഇളകി താഴെ വീണു! "അയ്യോ, എന്റെ പെൽവിക് ബോൺ! എടാ ബിജൂ, അതൊന്ന് എടുത്തു തരണേ... എനിക്ക് കുനിയാൻ പറ്റുന്നില്ല, നട്ടെല്ല് ലോക്ക് ആയിരിക്കുകയാണ്. റീമേക്ക് ചെയ്യാൻ പറ്റാത്ത ബോൺസാണ്” ആ കാഴ്ച കണ്ടതും നാലുപേരുടെയും ധൈര്യം ആവിയായി. സജിത്തിന്റെ ഓരോ ഭാഗങ്ങൾ ഇളകി വീഴുന്നത് കണ്ടപ്പോൾ പേടിയേക്കാൾ കൂടുതൽ അവർക്ക് അറപ്പും ചിരിയുമാണ് തോന്നിയത്. "എടാ സജിത്തേ, ഞങ്ങൾക്ക് വീട്ടിൽ പോകണം. വണ്ടി പങ്ക്‌ചറായി കിടക്കുകയാണ്," അലി പറഞ്ഞു. * "അതെയോ? പങ്ക്‌ചറായോ? ഞാൻ വണ്ടി ഒന്ന് മെക്കാനിക്ക് ലുക്കിൽ നോക്കട്ടെ," എന്ന് പറഞ്ഞ് സജിത്ത് ബൈക്കിന് അടുത്തേക്ക് നടന്നതും നാലുപേരും ആ പങ്ക്‌ചറായ വണ്ടിയും വായുവിൽ പൊക്കിപ്പിടിച്ച് മെയിൻ റോഡിലേക്ക് ഒരൊറ്റ പാച്ചിൽ പാഞ്ഞു. ജീവനിലുള്ള കൊതി കാരണം നാലുപേരും കൂടി ബൈക്കും ചുമന്ന് ഓടിയ വേഗത കണ്ടാൽ ഒളിമ്പിക്സിലെ ഓട്ടക്കാർ പോലും തോറ്റുപോകും! ……. കൃത്യം ഒരു വർഷം കഴിഞ്ഞു. സാമുവലിന്റെ ഇരുപത്തിഎട്ടാം ജന്മദിനം വീണ്ടും വന്നു. ഇത്തവണയും പാർട്ടി ഗംഭീരമായിരുന്നു. പക്ഷേ, നമ്മുടെ നാലവർ സംഘത്തിന്റെ മനസ്സിൽ ഒരു ഭയമുണ്ടായിരുന്നു. സജിത്തിനെ അവർ മറന്നിട്ടില്ല. "എടാ, സജിത്ത് പറഞ്ഞത് ഓർമ്മയുണ്ടല്ലോ? ഇത്തവണ അവന് ബിരിയാണി കൊടുത്തില്ലെങ്കിൽ അവൻ നമ്മുടെ വീട്ടിൽ വന്ന് ഡാൻസ് കളിക്കും," ആദർശ് ഓർമ്മിപ്പിച്ചു. അങ്ങനെ അവർ പേടിച്ച് വിറച്ച്, നല്ല നെയ്മണമുള്ള ഒരു വലിയ പൊതി ചിക്കൻ ബിരിയാണിയും രണ്ട് എക്സ്ട്രാ ലെഗ് പീസുംവാങ്ങി കൃത്യം രാത്രി 12 മണിക്ക് ആ പഴയ ചുടുകാടിയുടെ ഗേറ്റിൽ കൊണ്ട് ചെന്നു വെച്ചു. എന്നിട്ട് ദൂരെ മാറി ഒളിച്ചിരുന്നു. കുറച്ചു കഴിഞ്ഞപ്പോൾ, കല്ലറകൾക്കിടയിൽ നിന്ന് അതേ 'ക്രാക്ക് ക്രാക്ക്' ശബ്ദം കേട്ടു. സജിത്ത് അസ്ഥികൂടം പതുക്കെ നടന്നു വന്നു. ഗേറ്റിലിരുന്ന ബിരിയാണി പൊതി കണ്ടതും അവന്റെ കണ്ണിലെ വെളിച്ചം കൂടി! അവൻ സന്തോഷത്തോടെ പൊതി തുറന്നു. ഒരു വലിയ ലെഗ് പീസ് എടുത്ത് അസ്ഥികൂട വായയിലേക്ക് വെച്ചു. പക്ഷേ...സജിത്തിന് വയറോ കുടലോ ഇല്ലാത്തതുകൊണ്ട്, അവൻ കഴിച്ച ബിരിയാണിയും ചിക്കൻ കഷ്ണങ്ങളും നേരെ താഴേക്ക് ഒലിച്ചിറങ്ങി നിലത്ത് വീണു! എല്ലുകൾക്കിടയിലൂടെ ബിരിയാണി മുഴുവൻ താഴേക്ക് വീഴുന്നത് കണ്ട് സജിത്ത് സങ്കടത്തോടെ നോക്കി നിന്നു. പെട്ടെന്ന് സജിത്ത് ദൂരെ കാട്ടിൽ ഒളിച്ചിരിക്കുന്ന കൂട്ടുകാരെ ലക്ഷ്യമാക്കി ഉറക്കെ വിളിച്ചു പറഞ്ഞു: "എടാ അലീ... ആദർശേ... ഒളിച്ചിരിക്കാതെ ഇങ്ങോട്ട് വാടാ തുരപ്പൻ മാരെ! ബിരിയാണി സൂപ്പറാണ്, നല്ല നെയ്യൊക്കെയുണ്ട്. പക്ഷേ ഇത് എന്റെ ഉള്ളിൽ നിൽക്കുന്നില്ലടാ, കഴിക്കുന്നതൊക്കെ താഴെ വീഴുന്നു! എന്നെ സ്നേഹിക്കുന്ന എന്റെ ചങ്കുകളല്ലേ നിങ്ങൾ... അടുത്ത തവണ വരുമ്പോൾ ബിരിയാണി താഴെ പോകാതിരിക്കാൻ എന്റെ വാരിയെല്ലിന്റെ ഉള്ളിൽ ഫിറ്റ് ചെയ്യാൻ പറ്റിയ ഒരു വലിയ പ്ലാസ്റ്റിക് കവർ കൂടി കൊണ്ടുവരുമോടാ? പ്ലീസ്... ഇല്ലെങ്കിൽ ഞാൻ നാളെ നിങ്ങളുടെ വീട്ടിലേക്ക് വരും! “ അത്രയും കേട്ടതും ഒളിച്ചിരുന്ന നാലുപേരും അവിടെ നിന്നും ഉരുണ്ട് പിരണ്ടോടി! സജിത്തിന്റെ മരണരഹസ്യം ഇന്നും നാട്ടുകാർക്ക് വലിയൊരു നിഗൂഢതയാണ്. അന്വേഷണ ഉദ്യോഗസ്ഥർ ഇന്നും സ്റ്റേഷനിൽ പഴയ ഫയലുകൾ തപ്പുന്നു. പക്ഷേ ആ നാലുപേർക്ക് മാത്രം അറിയാം സജിത്തിന്റെ മരണ രഹസ്യം …… End

🧟 പ്രേതകഥകൾ! - SAJITH RETURNS (ھ!0@30 &00303(@060930 003&00هل60 urlgjQieno urlenotট GolJeauuier9 (90] (uano 6mallmatu @aRuolmo n3(@) SPOOKY CONEDY TALE HELLYS SKELEOTING! NISAR ADARSH ALI ALI NISAR BIJU JOHN ADARSH Fictional cast PecoucToos ' D SAJITH RETURNS (ھ!0@30 &00303(@060930 003&00هل60 urlgjQieno urlenotট GolJeauuier9 (90] (uano 6mallmatu @aRuolmo n3(@) SPOOKY CONEDY TALE HELLYS SKELEOTING! NISAR ADARSH ALI ALI NISAR BIJU JOHN ADARSH Fictional cast PecoucToos ' D - ShareChat