🙏शिवदिनविशेष📜, 📜इतिहास शिवरायांचा Image & Post

🆔Official_Sagar 💞💤👑 - Author on ShareChat: Funny, Romantic, Videos, Shayari, Quotes

“स्वराज्य लक्ष्मी शिवराई”...🙏🚩 ‘शिवराई’ चा इतिहास जाणून घेऊयात : राज्याभिषेकापुर्वी म्हणजेच १६६४ च्या दरम्यान छत्रपती शिवरायांनी पहिले चलन (नाणे) प्रासिध्द केले..या नाण्यावर ‘जी’ व ‘सी’ ही अक्षरे आढळून येतात ह्या नाण्याचे वजन अंदाजे पाऊण तोळा आहे हे स्वराज्याचे पहिले नाणे होते..! १५६५ साली विजयनगरचा सम्राट सदाशिवराय हा बहामनी सत्तेकडून पराभूत झाल्यानंतर १०० वर्षे परकिय चलन आपण वापरत होतो..छत्रपतींनी हे नाणे अस्तित्वात आणून ही कोंडी फोडली ह्यानंतर महाराजांनी “शिवराई” हे चलन अस्तित्वात आणले जे पेशवाईच्या अस्तापर्यंत म्हणजेच १८६० पर्यंत चलन म्हणून वापरले जात होते... ६ जून १६७४ म्हणजेच शिवराजाभिषेक या समयी छत्रपतींनी “सुवर्णहोन” हे चलन अस्तित्वात आणले..शिवरायांच्या मृत्युसमयी स्वराज्याच्या तिजोरीच्या झालेल्या मोजणी वरून सभासद संदर्भ असा की..., “तिजोरीत सर्व नाणी मिळून ७९ लाखाच्या पुढे होती त्यात सुवर्णहोन ४ लाखापेक्षा जास्त होती त्यात इतर सुवर्ण नाण्यांचे प्रकार गंबार, मोहरा, पुतळ्या, पातशाही होन, सनगरी, अच्युतराई, देवराई, रामचंद्रराई, गुत्तीहोन, धारवाडी, सतलाम्या, इभ्रराम्या, शिवराई, कावेरी पाक, प्रलयघटी, पाक नाईकी, आदवणी, जडमाल, ताडपत्री, आफरजी, बिलधरी, वेंकेटराई, उलफकरी, देवनहल्ली, त्रिसुळी, महंमदशाई, रामनाथपुरी, चंदावरी, वेळुरी, कुनगोटी ही नाणी होती...शिवाय चंद्रमे, निशाणी, येळुरी होनांची संख्या कोट्याहून अधिक होती ही फक्त सुवर्णनाण्यांची मोजदाद होती... शिवरायांच्या काळी प्रामुख्याने तीन सुवर्णनाणी त्यांनी निर्मीली ती होन, पुतळी, मोहोर अशी होती पैकी होन वजनाला २.७२८ ग्रॅम होता होनाची किंमत त्यावेळी साडेतीन ते चार रुपये, पुतळीची किंमत पाच रुपये व मोहोरची पंधरा रुपये होती.. सुवर्णहोनावर सुर्य, चंद्र, बेलाचे पान, वृक्ष आणि खंडा (तलवार) अशी चिन्हे आढळून येतात..ज्या शिवराईवर बिंदुमय वर्तुळ आहे त्या शिवरायांच्या काळातील असाव्यात असा इतिहासकारांचा अंदाज आहे... हा होता शिवरायांच्या काळातील चलनाचा धावता आढावा. अशा प्रकारे शिवरायांनी फारशी, मोगली, ईंग्रजी चलनांचे अस्तित्व झुगारून अर्थव्यवस्थेवरही आपली माराठेशाहीची मोहोर उमटवली... छत्रपती शिवराय एके ठिकाणी म्हणतात.., “इंग्रजाचे शिक्क्याचे रुपये व पैसे व मोरा (मोहरा) या मुलकात चालणार नाहीत..” अशा नरशार्दूल युगपुरूष शककर्त्या छत्रपती शिवरायांना त्रीवार मुजरा...🙏🚩 शिवराज्याभिषेक सोहळा चिरायू होवो 🚩🚩 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त