#🙏ଜଗନ୍ନାଥ ମନ୍ଦିର🙏 #🙏ପୁରୀ ବଡ଼ଦେଉଳ କଥା #🙌🏼ଜୟ ଜଗନ୍ନାଥ🙏 #🌷ଜୟ ମା ଲକ୍ଷ୍ମୀ👣 #🚩ସନାତନ ଧର୍ମ💪 🙏*ଓଁ ଶ୍ରୀଜଗନ୍ନାଥ ସ୍ବାମୀ ନୟନ ପଥଗାମୀ ଭବତୁ ମେ* 🙏🌸🚩 🍄🍄🍄🍄🍄🍄🍄🍄🍄🍄🍄 ✍️ କ୍ଷେତ୍ର ପରିକ୍ରମା ଅବସରରେ,"*ଖୋର୍ଦ୍ଧା ଗଡ଼ ସ୍ଥିତ ଗୋପାଳ ମନ୍ଦିରରେ ବ୍ରହ୍ମ ପଦାର୍ଥ ଙ୍କ ବିଜେ ଓ ଚତୁର୍ଦ୍ଧା ବିଗ୍ରହଙ୍କ କଳେବର ନିର୍ମାଣ*"-:- ବିଶିଷ୍ଟ ଔପନ୍ୟାସିକ ସୁରେନ୍ଦ୍ର ମହାନ୍ତିଙ୍କ ନୀଳଶୈଳରୁ ଜଣାଯାଏ ଯେ, ଖୋର୍ଦ୍ଧା ରାଜସିଂହାସନରେ ରାମଚନ୍ଦ୍ର ଦେବ ଅଭିଷିକ୍ତ ହେବା ପରେ, ସେ କୁଜଙ୍ଗରୁ ବ୍ରହ୍ମ ପଦାର୍ଥ ଅଣାଇ ଚତୁର୍ଦ୍ଧା ବିଗ୍ରହଙ୍କ ନବକଳେବର କରାଇଥିଲେ। ବହୁ ଆଡ଼େ ଅନୁସନ୍ଧାନ ପରେ ମଧ୍ୟ ବିଗ୍ରହ ନିର୍ମାଣ ପାଇଁ ଶାସ୍ତ୍ରୋକ୍ତ ବିଧି ଅନୁଯାୟୀ ଲକ୍ଷଣ ସଂପନ୍ନ ଦାରୁ ମିଳିଥିନଲା। ଶେଷରେ ବର୍ତ୍ତମାନ ଯେଉଁଠି ଦଧିବାମନ ମନ୍ଦିର ଅଛି, ସେଠାରେ ମହାପ୍ରଭୁ ଶ୍ରୀଜଗନ୍ନାଥଙ୍କ ଦାରୁର ସନ୍ଧାନ ମିଳିଥିଲା। ଯେଉଁ ବୃକ୍ଷ ପଞ୍ଚଶାଖା ବିଶିଷ୍ଟ ଓ ଶଙ୍ଖ, ଚକ୍ର ଚିହ୍ନ ସ୍ପଷ୍ଟ ଜଣାପଡ଼ିଥିଲା। ଅନ୍ୟାନ୍ୟ ଆନୁସଙ୍ଗିକ ଲକ୍ଷଣ ମାନ ମଧ୍ୟ ସ୍ପଷ୍ଟ ବାରି ହୋଇ ପଡ଼ୁଥିଲା। ତାହାର ସ୍ମାରକୀ ରୂପେ ସେହିଠାରେ ସ୍ଥାପିତ ହୋଇଥିଲା ବ୍ରହ୍ମ ପୁରା ଗ୍ରାମ ଓ ଦଧିବାମନ ମନ୍ଦିର। ରାମଚନ୍ଦ୍ର ଦେବ ବିଶର ମହାନ୍ତିଙ୍କୁ ଗଡ଼ ନାୟକ ପଦବୀ ପ୍ରଦାନ କରିଥିଲେ ଓ ତତ୍ ସହିତ ମନ୍ଦିରର ରକ୍ଷଣାବେକ୍ଷଣ ଓ ଚଉପାଢି ନିର୍ମାଣ ପାଇଁ ତିନି ଶହ ଷାଠିଏ ବାଟି ନିଷ୍କର ଜମି ଖଞ୍ଜି ଦେଇଥିଲେ। ସିଂହଳ - ବ୍ରହ୍ମପୁର ଚଉପାଢି ଓ ଦଧିବାମନ ମନ୍ଦିରର ଇତିବୃତି ଏବେ ସୁଦ୍ଧା ଚଉପାଢିର ଭଉଁରିଆ ଖେଦା ମାନଙ୍କରେ ଲେଖା ହୋଇ ରହିଛି।ବିଶର ମହାନ୍ତି ଗଡ଼ ନାୟକ ବଂଶ ଜାଗିରି ପାଇ ପାଞ୍ଚ ପିଢ଼ି ପର୍ଯ୍ୟନ୍ତ ଦଧିବାମନ ମନ୍ଦିରର ସେବକ ଥିଲେ। ପଞ୍ଚମ ପିଢ଼ିର କୁଞ୍ଜ ଗଡ଼ ନାୟକ ଅପୁତ୍ରିକ ଥିବାରୁ ମହାନ୍ତି ବଂଶ ସବୁଦିନ ପାଇଁ ଲୋପ ପାଇ ଯାଇଛି। କ୍ରମଶଃ