✒️ 𝐖𝐚𝐲 𝐓𝐨 𝐉𝐚𝐧𝐧𝐚𝐡 (హదీస్) 📚 *పుస్తకం పేరు*: హదీస్ మకరందం (బులూఘుల్ మరామ్) 🌴*6వ అధ్యాయం*: వుజూను భంగపరిచే విషయాలు 🛑*హదీస్ నెంబర్* - 62 🌱*62. హజ్రత్ అనస్ (రజి) ఇలా తెలిపారు:* `దైవప్రవక్త (సల్లల్లాహు అలైహి వ సల్లం) రాక కోసం సహచరులు ఇషా నమాజ్‌లో తీవ్రంగా నిరీక్షించేవారు. నిద్రమత్తుతో ఒక్కోసారి వారి తలలు వాలిపోయేవి (కునుకు వచ్చేది). కానీ వారు సరికొత్తగా వుజూ చేయకుండానే నమాజ్ చేసేవారు.` 📚(దీనిని అబూ దావూద్ ఉల్లేఖించారు. దారె ఖుత్నీ దీనిని ప్రామాణికమైనదిగా ధృవీకరించారు. దీని మూలం మాత్రం ‘ముస్లిం’లో ఉంది). 🍁*సారాంశం* *మనిషి గాఢ నిద్రకు లోనయ్యే వరకూ అతని వుజూ భంగం కాజలదని ఈ హదీసు ద్వారా స్పష్టమవుతోంది. అదీగాక ఏ నిద్రవల్ల వుజూకు భంగం కలుగుతుందో, మరే నిద్రవల్ల వుజూ భంగం కాదో ప్రవక్త ప్రియ సహచరులకు తెలుసు. దీని గురించి వివరాల్లోకి పోనవసరం లేదు. ఒక విషయం మాత్రం గమనార్హం. దేనికయినా అనుకుని లేదా తలగడను ఆశ్రయించి నిద్రించటం వల్ల వుజూ ప్రమాదంలో పడవచ్చు. వేరితర పరిస్థితుల్లో వచ్చే నిద్రవల్ల, కునుకు వల్ల వుజూకు వాటిల్లే నష్టం ఏమీలేదు. అనుకుని నిద్రించటం వల్లనూ, తలగడ ఆసరా పొందటంవల్లనూ మానవ శరీరం అతని అదుపులో ఉండదు. పైగా ఆ స్థితిలో కడుపులో నుంచి వాయువులు విసర్జితమయ్యే అవకాశాలు హెచ్చు. ఈ కారణంగా జాగ్రత్త కోసం సరికొత్తగా వుజూ చేసుకోవాలని ఆజ్ఞాపించబడింది.* 📣 *ఇలాంటి మరెన్నో ఇస్లామిక్ సందేశాల కొరకు మా ఛానెల్ ను ఫాలో అవ్వండి* https://whatsapp.com/channel/0029Va5GiDoDTkK7P7cVBx3y #Quran