രാവിലെ പുറത്തെ ചെടി നനച്ച് കൊണ്ടിരുന്ന ഉപ്പ, ഒരു ചെറുപ്പക്കാരനേയും കൂട്ടി അകത്തേക്ക് വരുന്നത് കണ്ട് ഞാൻ സൂക്ഷിച്ച് നോക്കി. ''നിനക്ക് ആളെ മനസ്സിലായോ?'' ഉപ്പ. ആ സുമുഖ സുസ്മേരവദനനെ നോക്കി ഞാനും പുഞ്ചിരിച്ചു. ആ കണ്ണുകൾ എവിടെയോ കണ്ടത് പോലൊരോർമ്മ. ''നാട്ടിലെ തറവാടിന്റെ അടുത്തുള്ള അലി പോലീസിന്റെ മോനാണ്, സഹൽ ''. ഉപ്പ പറയുന്നത് കേട്ട് ഞാൻ തലയനക്കി ചിരിച്ചു. 'പണ്ട് സ്കൂളിൽ പഠിക്കുമ്പോൾ അലി പോലീസിന്റെ വീട്ടിൽ പുളിയെടുക്കാൻ പോകാറുണ്ട്. സഹലിന്റെ അനിയത്തി സൈറയായി അന്ന് വലിയ കൂട്ടായിരുന്നു. പക്ഷെ സഹലിനെ ഫോട്ടോയിലല്ലാതെ ഒരിക്കൽ പോലും നേരിട്ട് കണ്ടിട്ടില്ല. അവനവന്റെ ഉമ്മയുടെ വീട്ടിൽ നിന്നാണ് പഠിച്ചിരുന്നത്. ഹ, അതൊക്കെ എത്ര നാൾ മുൻപേയാണ്'. ഞാൻ സഹലിനെ നോക്കി പഴയതൊക്കെ ഓർത്തു. വെട്ടിയൊതുക്കിയ മീശയും ഹെയർ കട്ടും കണ്ടിട്ട് പോലീസാണെന്ന് തോന്നുന്നു. എന്തായാലും കൊള്ളാം. എന്റെയുള്ളിലെ കോഴികുഞ്ഞുങ്ങൾ പതിയെ തലപൊക്കി. ''നിനക്ക് പോകാൻ സമയമായില്ലെങ്കിൽ ഒരു ചായയിട് മോളെ'' ഉപ്പ ക്ലോക്കിലേക്ക് നോക്കിയാണ് പറഞ്ഞത്. 'സമയമൊക്കെ ആയി. ന്നാലും സഹലിനെ ഞാൻ ചായ കുടിപ്പിച്ചിട്ടേ വിടുന്നുള്ളു'. ഞാൻ ചിരിയോടെ ഓർത്ത് കൊണ്ട് അടുക്കളയിലേക്ക് പോയി. ''ഉപ്പ മരിച്ചത് ഞാനറിഞ്ഞു. അന്ന് ഞാൻ ഹോസ്പിറ്റലിൽ അഡ്മിറ്റായിരുന്നു. തറവാട് വിറ്റു പോയതിൽ പിന്നെ അവിടെക്കൊന്നും പോകാറില്ല'' ഉപ്പ പറയുന്നത് കേട്ട് സഹൽ ഒന്ന് മൂളി. ''ഞാൻ ഇവിടെ അടുത്തുള്ള സ്‌റ്റേഷനലിൽ എസ് ഐ ആയി ചാർജെടുത്തു. ഒരാഴ്ച കഴിഞ്ഞു. ഒരു കേസിന്റെ ആവശ്യത്തിന് ഇത് വഴി പോയപ്പോൾ ആണ് ഗേറ്റിൽ ഈ നെയിം ബോർഡ് കണ്ടത്. സംശയിച്ച ആളെ മുറ്റത്ത് കണ്ടപ്പോൾ ഒന്ന് കയറിയെന്നേ ഒള്ളു. അല്ലെങ്കിലും ഞാൻ ഇവിടേക്ക് ഒന്ന് വരണമെന്ന് വിചാരിച്ചിരുന്നു. .''. ഉപ്പ സഹൽ പറയുന്നത് കേട്ട് തലകുലുക്കി. ഒപ്പം ഒരു ചെറിയ സംശയവും ആ കണ്ണുകളിൽ തെളിഞ്ഞു. ''സഫിയ ടീച്ചർ ഇവിടെ ഇല്ലേ''? സഹൽ ചുറ്റിലും നോക്കിയാണ് അത് ചോദിച്ചത്. ''ഇല്ല. നൂറിന്റെ ഉമ്മി ഇന്നലെ അവളുടെ വീട്ടിൽ പോയതാണ്. ഇനി ഇന്ന് വൈകീട്ടെ വരൂ''. ഉപ്പ ''നൂർ ഇപ്പോൾ എന്ത് ചെയ്യുന്നു?''. സഹൽ ''അവൾ സി എ ക്കുള്ള കോച്ചിങ് ക്ലാസ്സിൽ പോകുന്നുണ്ട്. വലിയ കാര്യമൊന്നുമില്ല'' ഉപ്പ കളിയാക്കി ചിരിച്ച് കൊണ്ട് പറയുന്നത് കേട്ടാണ് ഞാൻ ചായയുമായി അവിടേക്ക് വന്നത്. ഉപ്പയെ ഒന്ന് കൂർപ്പിച്ച് നോക്കികൊണ്ടാണ് ഞാൻ സഹലിന് നേരെ ചായ കപ്പ് നീട്ടിയത്. എന്റെ മുഖഭാവം കണ്ടിട്ടാവും അയാൾക്ക് ചിരിവരുന്നുണ്ടായിരുന്നു. ''സൈറ ഇപ്പോൾ?'' ഞാൻ എന്നെക്കുറിച്ചുള്ള സംസാരവിഷയം മാറ്റാൻ ആയി സഹലിനു നേരെ തിരിഞ്ഞു. ''അവളുടെ എൻഗേജ്മെന്റ് കഴിഞ്ഞമാസം ആയിരുന്നു. കല്യാണം അടുത്ത ജൂണിലേക്ക് തീരുമാനിച്ചു''. സഹൽ എന്റെ കണ്ണുകളിലേക്ക് തന്നെ നോക്കിയാണ് അത് പറഞ്ഞത്. ഞാൻ അയാളിലെ നോട്ടം മാറ്റി. 'കേൾക്ക്, എന്റെ പ്രായത്തിലുള്ളവർക്കൊക്കെ കല്യാണമായി, ഇവിടെ എനിക്ക് ജോലി ആയിട്ടേ കേട്ടിക്കൂ എന്ന ഒറ്റവാശിയിലാണ് ഉപ്പ'. ഞാൻ ആലോചനയോടെ ദയനീയമായി ഉപ്പയെ നോക്കി. ''നീ ക്ലാസ്സിൽ പോകാൻ നോക്ക്, സമയം കളയണ്ട''. എന്റെ നോട്ടത്തിന്റെ അർഥം മനസ്സിലായ ഉപ്പ, എന്നെ പറഞ്ഞുവിടാൻ തിരക്ക് കൂട്ടി. ഞാൻ എന്റെയുള്ളിലെ കോഴികുഞ്ഞുങ്ങളെയെല്ലാം അടക്കിനിർത്തി ബാഗുമെടുത്ത് ഉപ്പയെ കൂർപ്പിച്ച് നോക്കി സഹലിനോട് പുഞ്ചിരിച്ച് യാത്രപറഞ്ഞിറങ്ങി. ''സൈറ മോളെ എവിടേക്കാണ് കല്യാണം കഴിപ്പിക്കുന്നത്?'' നൂറിന്റെ ഉപ്പ നൗഷാദ് സഹലിനോട് തിരക്കി. ''അവിടുന്ന് അടുത്ത് തന്നെയാ. ഒരു അഞ്ചു കിലോമീറ്റർ ദൂരം. രണ്ട് പേരും ഇഷ്ടത്തിലായിരുന്നു. അവന്റെ പേര് സജ്ജാദ് ,അവൻ എന്റടുത്ത് വന്നു നികാഹ് ചെയ്തു തരണമെന്ന് പറഞ്ഞു. എല്ലാവര്ക്കും സമ്മതമായത്കൊണ്ട് അതങ്ങു ഉറപ്പിച്ചു വെച്ചു''. സഹൽ പിന്നെയും അവരെ കുറിച്ച് ഡീറ്റൈൽ ആയി നൗഷാദിനോട് പറഞ്ഞു കൊണ്ടിരുന്നു. സിറ്റൗട്ടിലിരുന്നു ഷൂ ഇടുമ്പോഴും എന്റെ ശ്രദ്ധ മുഴുവൻ അകത്തെ സംസാരത്തിലായിരുന്നു. 'അമ്പടി!! കള്ളി സൈറ. മിണ്ടാപ്പൂച്ചയെ പോലെ ഇരുന്ന നിനക്ക് പ്രേമമല്ലേ' ഞാൻ മനസ്സിലോർത്ത് ചിരിച്ചു. വീണ്ടും ഞാൻ അകത്തേക്ക് എന്റെ ചെവി വട്ടം പിടിച്ചു. ''എനിക്ക് നൂറിനെ നിക്കാഹ് ചെയ്‌താൽ കൊള്ളാമെന്നുണ്ട്'' സഹൽ മുഖവുരയില്ലാതെ നൗഷാദിനോട് കാര്യം അവതരിപ്പിച്ചു. സഹൽ പറഞ്ഞത് കേട്ട് നൗഷാദ് അല്പം ഒന്ന് ആലോചിച്ചു. സഹലിനെയും വീട്ടുകാരെയും തനിക്ക് ചെറുപ്പം തൊട്ടേ അറിയാം. നല്ല സ്വഭാവമുള്ള പയ്യൻ ആണ്. കാഴ്ച്ചയിലും ആർക്കും കുറ്റമൊന്നും പറയാനില്ല. ''അവൾക്ക് ഒരു ജോലി ആയിട്ട് മതി നിക്കാഹ് എന്നാണ് ഞങ്ങളുടെ ആഗ്രഹം.'' നൗഷാദ് പറഞ്ഞു. ''നൂറിനിഷ്ടമുള്ളത്രയും പഠിച്ചോട്ടെ. ജോലിക്കും പോകാമല്ലോ '' സഹൽ സൗമ്യതയോടെ പറഞ്ഞു. ''ഓൾക്ക് പഠിക്കാൻ കുറച്ച് മടിയാണ്. പിന്നെ ഇത് വല്ലതും കേട്ടാൽ തീർന്നു'' ഉപ്പയുടെ ഒപ്പം സഹലും ചിരിച്ചു. ''എന്തായാലും ഞങ്ങൾ ഒന്ന് ആലോചിച്ചിട്ട് അറിയിക്കാം. അവളുടെ ഇഷ്ടം കൂടെ അറിയണമല്ലോ ''. നൗഷാദ് പുഞ്ചിരിയോടെ പറഞ്ഞു. ''ഓക്കേ. എന്നാൽ ഞാൻ ഇറങ്ങട്ടെ. പിന്നെ കാണാം''. ചായ കപ്പ് ടേബിളിൽ വെച്ച് കൊണ്ട് സഹൽ എഴുന്നേറ്റു. സഹൽ യാത്ര പറയുന്നത് കേട്ടതും ഞാൻ ഗേറ്റ് കടന്നു ബസ്‌സ്റ്റോപ്പിലേക്ക് ഒരു ഓട്ടമായിരുന്നു. ഓടുന്നതിനിടയിൽ സഹൽ പറഞ്ഞ ഓരോ വാക്കും എന്റെ മനസ്സിൽ കിടന്നു കറങ്ങി. എന്റെ നികാഹ് ആയി എന്ന് ഓർത്തപ്പോൾ എനിക്കെന്തോ നാണം വന്നു. സഹലിന്റെ ചിരിക്കുന്ന മുഖം എന്റെ മനസ്സിലേക്ക് വന്നു. ഞാൻ ബസ് സ്റ്റോപ്പിലേക്ക് എത്തുന്നതിനു മുൻപേ സഹലിന്റെ ജീപ്പ് എന്റെ അടുത്തായി നിന്നു. ഞാൻ ഇല്ലാത്ത ബഹുമാനവും നാണവും ഒക്കെ മുഖത്ത് വാരി വിതറി തട്ടം തലയിലുറപ്പിച്ച് പുഞ്ചിരിച്ചു. ''താൻ ഇവിടെ എത്തിയതേ ഒള്ളു? ഞാൻ ഡ്രോപ്പ് ചെയ്യണോ?'' സഹലിന്റെ ചോദ്യത്തിന് എന്ത് പറയണമെന്നോർത്ത് ഞാൻ പരുങ്ങി നിന്നു. @@@@@@@ ''ടീ... മൂട്ടിൽ വെയിലടിച്ചാലെങ്കിലും എഴുനേറ്റു പൊക്കൂടെ? ഇങ്ങനേം ഉണ്ടോ ഒരു ഉറക്കം. ഇതിനെയൊക്കെ നാളെ എങ്ങനെ കെട്ടിച്ച് വിടും''? ഉമ്മി എന്നെ ഉറക്കത്തിൽ നിന്നും വിളിക്കുന്നത് കേട്ട് ഞാൻ സ്വപ്നത്തിൽ നിന്നും ഞെട്ടി ഉണർന്നു തരിച്ചിരുന്നു. ''ശ്യോ ഇത് സ്വപ്നമായിരുന്നോ പടച്ചോനെ? ഈ ഉമ്മിക്ക് വിളിക്കാൻ കണ്ട ഒരു നേരം. ഇന്ന് സൺ‌ഡേ അല്ലെ ഉമ്മി. ഞാൻ കുറച്ച് കൂടെ കിടക്കട്ടെ..'' ഉമ്മി ഒന്നും പറയാതെ പോയി. ഞാൻ പുതപ്പ് തല വഴിമൂടി. എവിടെ ഒരു കാര്യവുമില്ല. സ്വപ്നത്തിന്റെ ബാക്കി കാണാനൊന്നും പറ്റില്ലല്ലോ. എനിക്ക് ആകെ സങ്കടമായി. ഞാൻ സഹലിന്റെ കൂടെ ആ പോലീസ് ജീപ്പിൽ കയറി കാണുമോ? ഞാൻ എന്നോട് തന്നെ ചോദിച്ചു. പല ഉത്തരങ്ങൾ മനസ്സിൽ തെളിഞ്ഞതും ഞാൻ ഫോണെടുത്ത് ഫേസ്ബുക്കിൽ സൈറയെ തിരഞ്ഞു. സ്കൂളിൽ ഒന്നിച്ചായിരുന്നെങ്കിലും പിന്നെ ഞങ്ങൾ ഇവിടേക്ക് വീട് മാറി വന്നതിൽ പിന്നെ വലിയ കോണ്ടാക്ട് ഒന്നുമില്ല. അവളുടെ എൻഗേജ്മെന്റിന്റെ ഫോട്ടോയിൽ സഹലിനെ കണ്ട ഞാൻ ഷോക്ക് ആയി. ഞാൻ സ്വപ്നത്തിൽ കണ്ടത് പോലെ തന്നെയുള്ള ലുക്ക്. എന്നാലും ഇതെങ്ങനെ? എനിക്ക് അത്ഭുതം തോന്നി. സഹലിനെ പണ്ട് എപ്പഴോ കണ്ട ഓർമയെ ഒള്ളു. എന്നിട്ടും എങ്ങനെ ഇത്ര കൃത്യമായി എന്റെ സ്വപ്നത്തിൽ വന്നു? ഇതിനു പിന്നിൽ പടച്ചവന്റെ എന്തേലും പ്ലാൻ കാണില്ലേ? അസ്വസ്ഥമായ എന്റെ മനസ്സിനോട് ഞാൻ തന്നെ ചോദ്യങ്ങൾ ചോദിച്ച് കൊണ്ടിരുന്നു. 'ഒന്ന് തറവാട് വരെ പോയാലോ. അവിടെ ഇപ്പോൾ ആരും ഇല്ല. സൈറയെ കണ്ടാലോ?' ചിന്തകളോടെ ഞാൻ വീണ്ടും കിടന്നു. കണ്ണടക്കുമ്പോൾ തെളിയുന്ന സഹലിന്റെ മുഖം എന്റെ ഉറക്കം കളഞ്ഞു. ഞാൻ എഴുനേറ്റു വീടിന്റെ മുൻ വശത്തേക്ക് പോയി. ഉപ്പ അപ്പോഴും ചെടികളോട് കിന്നാരം പറഞ്ഞും മറ്റും അവിടെ നിൽപ്പുണ്ട്. ഞാൻ എല്ലാം തുറന്നു പറയാറുള്ള ഉപ്പയോട് തന്നെ സഹലിനെ കുറിച്ച് പറയാം അല്ലെ? അത് വേണോ? ഉപ്പ കളിയാക്കും അത് ഉറപ്പാണ്. പലവിധ ചിന്തകളോടെ ഞാൻ ഉപ്പയ്ക്കരുകിലേക്ക് നടന്നു. ഒന്ന് മുരടനക്കി കൊണ്ട് ഉപ്പയുടെ ശ്രദ്ധ പിടിച്ചു പറ്റാൻ ശ്രമിച്ചു. 'ഒന്ന് തറവാട് വരെ പോയാലോ. അവിടെ ഇപ്പോൾ ആരും ഇല്ല. സൈറയെ കണ്ടാലോ?' ചിന്തകളോടെ ഞാൻ വീണ്ടും കിടന്നു. കണ്ണടക്കുമ്പോൾ തെളിയുന്ന സഹലിന്റെ മുഖം എന്റെ ഉറക്കം കളഞ്ഞു. ഞാൻ എഴുനേറ്റു വീടിന്റെ മുൻ വശത്തേക്ക് പോയി. ഉപ്പ അപ്പോഴും ചെടികളോട് കിന്നാരം പറഞ്ഞും മറ്റും അവിടെ നിൽപ്പുണ്ട്. ഞാൻ എല്ലാം തുറന്നു പറയാറുള്ള ഉപ്പയോട് തന്നെ സഹലിനെ കുറിച്ച് പറയാം അല്ലെ? അത് വേണോ? ഉപ്പ കളിയാക്കും അത് ഉറപ്പാണ്. പലവിധ ചിന്തകളോടെ ഞാൻ ഉപ്പയ്ക്കരുകിലേക്ക് നടന്നു. ഒന്ന് മുരടനക്കി കൊണ്ട് ഉപ്പയുടെ ശ്രദ്ധ പിടിച്ചു പറ്റാൻ ശ്രമിച്ചു. …………………….. ഉപ്പ എന്തിയെ എന്ന ഭാവത്തിൽ മുഖമുയർത്തി. ഗൗരവത്തോടെയുള്ള ഉപ്പയുടെ നോട്ടം കണ്ട് ഞാൻ പരിഭവിച്ചു. വഴക്കിട്ടത് പോലെ മുഖം തിരിച്ചു. '' രാവിലെ 11 മണി വരെയൊക്കെ നീ കിടന്നു ഉറങ്ങുന്നു, എന്ന് പറഞ്ഞു നിന്റെ ഉമ്മി ഇപ്പോൾ ഇവിടുന്നു കലി തുള്ളി പോയതേ ഒള്ളു...നന്നായിക്കൂടെ നൂറൂസ്'' പറഞ്ഞു കഴിഞ്ഞതും ഉപ്പ ചിരിച്ചു. അതോടെ ഞാൻ എന്റെ പരിഭവം മാറ്റി. ''ഒരു സൺ‌ഡേ അല്ലെ ഉപ്പ...ഞാൻ ഇങ്ങനെ കിടക്കാറുള്ളു'' എന്റെ കൊഞ്ചിയുള്ള സംസാരത്തിൽ ഉപ്പ വാത്സല്യത്തോടെ എന്നെ നോക്കി പുഞ്ചിരിച്ചു. ''ആ അത് പോട്ടെ എന്താ ഇപ്പൊ നീ പറയാൻ വന്നേ?''ഉപ്പ എന്റെ കണ്ണുകളിലേക്ക് നോക്കി. എന്റെ മുഖത്ത് എന്ത് കള്ളത്തരം ഉണ്ടെങ്കിലും അത് എന്റെ ഉപ്പ പെട്ടെന്ന് കണ്ട് പിടിക്കും. പിന്നെ എല്ലാത്തിനും ഉപ്പാടെ സപ്പോർട്ട് ഉള്ളത് കൊണ്ട് ഞാൻ ഹാപ്പിയാണ്. ഞാൻ എങ്ങനെ പറഞ്ഞു തുടങ്ങണം എന്ന ഒരു ഇതിൽ ഒന്ന് പരുങ്ങി നിന്നു. ''നൂറ്‌സെ വേഗം പറ'' ഉപ്പ ചെടികളിൽ ഓരോന്ന് ചെയ്തുകൊണ്ട് ഒന്ന് കൂടെ പറഞ്ഞു. ഞാൻ, ഞങ്ങളുടെ പഴയ നാടും തറവാടും അവിടുത്തെ കുട്ടിക്കാലവും സൈറയും ഒന്നിച്ചുള്ള സ്കൂളിലേക്കുള്ള പോക്കും കളിയും, അയൽക്കാരെയും കുറിച്ചൊക്കെ ഓരോന്ന് പറഞ്ഞു തുടങ്ങി. ഉപ്പ അതെല്ലാം ശ്രദ്ധയോടെ കേട്ടുകൊണ്ട് ഓരോന്നിനും മറുപടി പറഞ്ഞു. അങ്ങനെ ഞാൻ അലി പോലീസിനെ കുറിച്ച് ചോദിച്ചു. സഹലിന്റെ ഉപ്പയാണ് അഷ്‌കർ അലി. അലി പോലീസ് എന്ന് നാട്ടുകാർ പറയുന്ന അയാളെ കുറിച്ച് എല്ലാവർക്കും നല്ലതേ പറയാനുള്ളു. ഞാൻ അങ്ങനെ പതിയെ സഹലിനെ കുറിച്ച് ചോദിച്ചു. പക്ഷെ എന്റെ ഉപ്പാക്ക് എന്നെ അറിയാലോ... ഉപ്പ എന്നെ കയ്യോടെ പിടി കൂടി. ഇപ്പോൾ ഞാൻ ഇതൊക്കെ പെട്ടെന്ന് അന്വേഷിക്കനുള്ള കാരണം ഉപ്പാക്ക് അറിയണം. എന്തായാലും സഹലിന്റെ വീട്ടുകാരെ കുറിച്ച് ഉപ്പാക്ക് നല്ല മതിപ്പാണെന്നു അറിഞ്ഞതും ഞാൻ കണ്ട സ്വപ്നം എല്ലാം വള്ളി പുള്ളി വിടാതെ പറഞ്ഞു. (പക്ഷെ സഹലിനെ ഞാൻ വായിൽ നോക്കിയത് പറഞ്ഞില്ലട്ടാ...ഉപ്പാനോട് അതൊക്കെ പറയുന്നേ മോശമല്ലേ ). എല്ലാം കേട്ട് കഴിഞ്ഞതും ഞാൻ പ്രതീക്ഷിച്ചത് പോലെ തന്നെ ഉപ്പ ചിരിക്കാൻ തുടങ്ങി. കുറച്ച് നേരം എന്നെ അതും പറഞ്ഞു കളിയാക്കി. എനിക്ക് പെട്ടെന്ന് കല്യാണം കഴിക്കാനുള്ള അടവാണെന്നു വരെ പറഞ്ഞു. അത് സത്യമാണെങ്കിലും പാവം ഞാൻ മിണ്ടാതെ നിന്ന്. കാരണം ആവശ്യക്കാരന് ഔചിത്യം ഇല്ലല്ലോ. ഞാൻ എന്റെ അടുത്ത ആവശ്യം പറഞ്ഞു. എനിക്ക് ആ നാട്ടിലേക്ക് ഒന്ന് പോകണം. സഹലിനെയും സൈറയെയും കാണണം. ഉപ്പ എന്റെ ആവശ്യം കേട്ട് മിണ്ടാതെ ആലോചനയോടെ നിന്നു. ''അത് വേണോ? പെട്ടെന്ന് ഇപ്പോൾ എന്ത് പറഞ്ഞു ചെല്ലും? അതും നീ ഒറ്റക്ക് എങ്ങനെ പോകും?ഉമ്മിയോട് എന്ത് പറയും? ഉപ്പ മനസ്സിൽ തോന്നിയ സംശയങ്ങൾ എല്ലാം പറഞ്ഞു. ''ഞാൻ എന്റെ സ്കൂട്ടി ആയിട്ട് പൊക്കോളാം. ഉപ്പ ഉമ്മിയോട് എന്തേലും പറഞ്ഞു സെറ്റ് ആക്കിയാൽ മതി''.ഞാൻ ആവേശത്തോടെ ഉപ്പാടെ കൈ പിടിച്ച് സന്തോഷം പ്രകടിപ്പിച്ചു. ഉപ്പ അത് കണ്ട ചിരിച്ചു. ''പക്ഷെ നൂറ്‌സെ... അത് മോശമല്ലേ...നീ അവിടെ പോയി ആ ചെക്കനെ കാണുക എന്നൊക്കെ പറഞ്ഞാൽ...?'' ഉപ്പ ആലോചനയോടെ നിന്നു. ''അതിനു ഞാൻ അങ്ങനെ അല്ലല്ലോ പോകുന്നത്. ജസ്റ്റ് ഒരു ക്യാഷുൽ ടാൽക് അല്ലെ? അത് വഴി വന്നപ്പോൾ കയറിയതാണെന്നു പറയാം. കുറച്ച് നേരം അല്ലെ. പ്ളീസ് ഉപ്പ....'' ഞാൻ കുറച്ച് സെന്റി ആയി തന്നെ പറഞ്ഞു. ഉപ്പ ഒന്ന് മൂളി. ''പക്ഷെ ടീച്ചറോട് എന്ത് പറയും.?''ഉപ്പ ആലോചനയുടെ പറഞ്ഞു. ഉപ്പാക്ക് ഉമ്മിനെ കുറച്ച് പേടി തന്നെയാ. ഉമ്മിടെ വിചാരം ഞങ്ങളൊക്കെ ഉമ്മി പഠിപ്പിക്കുന്ന സ്കൂളിലെ കുഞ്ഞു കുട്ടികൾ ആണെന്നാണ്. ഉമ്മി കുറച്ച് സ്ട്രിക്ട് ആണ്. ''അത് ഉപ്പ എന്തേലും പറഞ്ഞാൽ മതിന്നെ. ന്നാൽ പിന്നെ ഞാൻ ഇന്ന് വൈകുനേരം തന്നെ പോകാം അല്ലെ?'' ഞാൻ അതും പറഞ്ഞു അകത്തേക്ക് നടന്നു. ''നില്ല്...ഇന്ന് തന്നെ പോകണോ?'' ഉപ്പ സംശയത്തോടെ എന്നെ നോക്കി. ''വേണം ഇന്ന് തന്നെ പോകാമെന്നേ''ഞാൻ ചിരിയോടെ അകത്തേക്ക് ഓടി. സാധരണ ഞായറാഴ്ചകളിൽ ഉള്ള മടിയൊക്കെ മാറ്റി വെച്ച് ഞാൻ വേഗം വേഗം ഓരോ കാര്യങ്ങളും ചെയ്തു. കുളിച്ചു വന്നു ബ്രെക്ക് ഫാസ്റ്റും ലഞ്ചും കൂടെ ഒന്നിച്ച് എന്നപോലെ അകത്താക്കി. ഒരു സ്വപ്നം തന്ന ധൈര്യത്തിലാണ്. ഉമ്മിനെ ദേഷ്യം പിടിപ്പിക്കാതെ ചെറിയ ചില സഹായങ്ങൾ ഒക്കെ അടുക്കളയിൽ ചെയ്തു കൊടുത്തു. ഉമ്മിടെ അത്ഭുതം നിറഞ്ഞ നോട്ടം ഞാൻ അവഗണിച്ചു. ഉപ്പ പറഞ്ഞത് പോലെ വൈകീട്ട് ഉള്ള ചായ മൂന്നുപേർക്കും ഗ്ലാസ്സിലേക്ക് പകർന്നുകൊണ്ട് , ഞാൻ എന്റെ കൂട്ടുകാരി അഖില വീട്ടിൽ പോകുന്ന കാര്യം പറഞ്ഞു. ഉപ്പ പറഞ്ഞത് പോലെ തന്നെ ഞാൻ ഉമ്മിയുടെ മുന്നിൽ പറഞ്ഞു. കാരണം, അല്ലാതെ ഉമ്മ എന്തായാലും തന്നെ ഒറ്റക്ക് അവിടേക്ക് വിടില്ല. ബുക്ക് വാങ്ങിക്കാൻ ആണെന്നുള്ള ഒരു കള്ളം പറഞ്ഞുകൊണ്ട് ഉമ്മിടെ സമ്മതം വാങ്ങി. പെട്ടെന്ന് തന്നെ ഞാൻ റെഡി ആയി വന്നു. സ്കൂട്ടിയുടെ കീ കയ്യിലിട്ട് കറക്കി കൊണ്ട് ഞാൻ ഒരു കള്ള ചിരിയോടെ ഉപ്പാനെ നോക്കി കൈ വീശി കാണിച്ചു. '' നൂറു... ഇരുട്ടുന്നതിനു മുന്നേ വന്നേക്കണം'', ഉമ്മി വിളിച്ച് പറഞ്ഞു. ഞാൻ തമ്പ് കാണിച്ചുകൊണ്ട് പുറത്തേക്കിറങ്ങി. സ്കൂട്ടിയുമെടുത്ത് ഒരു പ്രാർത്ഥനയോടെ ഗേറ്റ് കടക്കുമ്പോൾ ഉപ്പ അവിടെ നിന്ന് നോക്കുന്നുണ്ടായിരുന്നു. ഞാൻ ഒന്നുകൂടെ കൈ വീശി കാണിച്ചു. ഞാൻ എപ്പോൾ പുറത്തേക്കിറങ്ങിയാലും അതെ ഉപ്പാക്ക് ടെൻഷൻ ആണ്. സ്കൂട്ടി എടുത്താണെങ്കിൽ പിന്നെ പറയേം വേണ്ട. ഉപ്പ പറഞ്ഞുകൊടുത്ത വഴികളിലൂടെ ഞാൻ പതിയെ നീങ്ങി. ഞയറാഴ്ച ആയത് കൊണ്ട് റോഡിൽ തിരക്ക് വളരെ കുറവായിരുന്നു. എന്റെ വീട്ടിൽ നിന്നും ഏതാണ്ട് ഒരു 20 മിനിട് ദൂരമേ സഹലിന്റെ വീട്ടിലേക്കുള്ളു. ഞാൻ പഴയ വഴികളിലൂടെ പതിയെ വണ്ടി ഒടിച്ച് പോയി. പുതിയ ബിൽഡിങ്ങുകളും വഴികളുമൊക്കെ പഴയ ആ നാടിൻറെ മുഖച്ഛായ തന്നെ മാറ്റിയിരുന്നു. സൈറാടെ വീട്ടിനടുത്തെത്തുംതോറും എന്റെ ഹൃദയ മിടിപ്പ് കൂടി വന്നു. ഇത്രയും നേരം ഇല്ലാത്ത ടെൻഷൻ ഒക്കെ എന്റെ മുഖത്ത് നിറഞ്ഞു. വലിയ വ്യത്യാസങ്ങളില്ലാതെ നിൽക്കുന്ന സഹലിന്റെ ആ പഴയ വീട് കണ്ട് ഞാൻ വണ്ടി സൈഡ് ആക്കി. ഉപ്പ പറഞ്ഞുകൊടുത്ത വഴികളിലൂടെ ഞാൻ പതിയെ നീങ്ങി. ഞയറാഴ്ച ആയത് കൊണ്ട് റോഡിൽ തിരക്ക് വളരെ കുറവായിരുന്നു. എന്റെ വീട്ടിൽ നിന്നും ഏതാണ്ട് ഒരു 20 മിനിട് ദൂരമേ സഹലിന്റെ വീട്ടിലേക്കുള്ളു. ഞാൻ പഴയ വഴികളിലൂടെ പതിയെ വണ്ടി ഒടിച്ച് പോയി. പുതിയ ബിൽഡിങ്ങുകളും വഴികളുമൊക്കെ പഴയ ആ നാടിൻറെ മുഖച്ഛായ തന്നെ മാറ്റിയിരുന്നു. സൈറാടെ വീട്ടിനടുത്തെത്തുംതോറും എന്റെ ഹൃദയ മിടിപ്പ് കൂടി വന്നു. ഇത്രയും നേരം ഇല്ലാത്ത ടെൻഷൻ ഒക്കെ എന്റെ മുഖത്ത് നിറഞ്ഞു. വലിയ വ്യത്യാസങ്ങളില്ലാതെ നിൽക്കുന്ന സഹലിന്റെ ആ പഴയ ഇരുനില വീട് കണ്ട് ഞാൻ വണ്ടി സൈഡ് ആക്കി. ……………… ഗേറ്റിനു പുറത്തായി സ്കൂട്ടി നിർത്തി ഹെൽമെറ്റ് അഴിച്ച് വെച്ച് മുടി ശരിയാക്കി ചുരിദാറിന്റെ ഷാൾ തോളിൽ നിന്നും എടുത്ത് തലയിലിട്ടു. ഗേറ്റിനകത്തേക്ക് നോക്കിയിട്ട് ആരെയും കണ്ടില്ല. പതിയെ ഗേറ്റ് തുറന്നു സ്കൂട്ടി അകത്തേക്ക് കയറ്റി വെച്ചു. പോലീസ് ജീപ്പ് ഒന്നും മുറ്റത്ത് കണ്ടില്ല. കാലിന് ചെറിയൊരു വിറവൽ പോലെ തോന്നി എങ്കിലും ഞാൻ ധൈര്യം സംഭരിച്ച് സിറ്റ് ഔട്ടിലേക്ക് കയറി. ആരായിരിക്കും ഡോർ തുറക്കുന്നത് എന്ന് ഓർത്തുകൊണ്ട് ഞാൻ എന്നെ തന്നെ പരിചയപ്പെടുത്തേണ്ട രീതി പ്രാക്റ്റീസ് ചെയ്തുകൊണ്ടിരുന്നു. സൈറ ആണ് ഡോർ തുറന്നത്. അവൾ എന്നെ കണ്ട് അത്ഭുതത്തോടെ നിന്നു. ഞാൻ ഒരു ചിരിയോടെ അവളെ ഒന്ന് നോക്കി. പണ്ടത്തെ രൂപമൊക്കെ ആകെ മാറി, ഫോട്ടോയിൽ കണ്ടതുപോലെ തന്നെ കുറച്ചു വണ്ണം വെച്ചിട്ടുണ്ട്. ''അറിയോ''സർപ്രൈസ്ഡ് ആയി നിൽക്കുന്നവളെ നോക്കി ഞാൻ ചോദിച്ചു. ''അറിയാതെ പിന്നെ. നീ എന്താ പെട്ടെന്ന്'' സൈറ പറഞ്ഞുകൊണ്ട് എന്റെ കയ്യിൽ പിടിച്ച് വലിച്ചു. ഒരുപാട് നാളുകൾക്ക് ശേഷം കണ്ട സന്തോഷത്തിൽ അവൾ എന്നെ കെട്ടിപിടിച്ചു. അകത്തേക്ക് കൊണ്ട് പോയി. ഒത്തിരി വിശേഷങ്ങൾ ഒന്നിച്ച് ചോദിക്കുകയും പറയുകയും ചെയ്യുന്ന സൈറക്ക് മുന്നിൽ ഞാൻ ചിരിയോടെ മിണ്ടാതെ ഇരുന്നു. ഒരു ഗ്യാപ് തരുന്നേ ഇല്ല പെണ്ണ്. പണ്ടത്തെ മിണ്ടാപൂച്ചയുടെ സംസാരം കേട്ട് ഞാൻ വന്ന കാര്യം മറന്നു പോയി. ശബ്ദം കേട്ട് സൈറയുടെ ഉമ്മ ഹഫ്സ അവിടേക്ക് വന്നു. കണ്ണട ഉറപ്പിച്ച് വെച്ച് കൊണ്ട് എന്നെ നല്ലവണ്ണം നോക്കി. ഞാൻ എഴുനേറ്റു നിന്ന് കൊണ്ട് സലാം പറഞ്ഞു. അവർ സലാം മടക്കി കൊണ്ട് സംശയ രൂപേണ സൈറയുടെ മുഖത്തേക്ക് നോക്കി. ''ഉമ്മാക്ക് മനസ്സിലായോ ഇവളെ'' സൈറടെ ചോദ്യത്തിന് അവർ ഇല്ലെന്നു തലയാട്ടി. ''ഇത് നമ്മുടെ നൂർ...നൂറുമ്മ, നമ്മുടെ സഫിയ ടീച്ചറിന്റെ മോൾ ഇല്ലെ. അവളാണ്'' സൈറ പറഞ്ഞതും അവർ എന്റെ അടുത്തേക്ക് ഓടിവന്നു. എന്നെ ചേർത്ത് പിടിച്ച് വിശേഷങ്ങൾ ഓരോന്നായി ചോദിച്ചു. ഞാൻ എല്ലാത്തിനും മറുപടി പറഞ്ഞു ചിരിച്ചു. ആ ഉമ്മ എന്നെയും കൂട്ടി ഡൈനിങ്ങ് ടേബിളിനടുത്തേക്ക് പോയി. എന്നിട്ട് അവിടെ ഞങ്ങളെ ഇരുത്തികൊണ്ട് അടുക്കളയിലേക്ക് പോയി. ചായ എടുക്കാനുള്ള പരിപാടി ആണെന്ന് മനസ്സിലായതും ഞാൻ ഒന്നും വേണ്ടാന്ന് പറഞ്ഞുകൊണ്ട് പുറകെ ചെന്നു. എന്റെ വാക്കൊന്നും കേൾക്കാതെ ഉമ്മ ജ്യൂസ് ഉണ്ടാക്കാൻ തുടങ്ങി. അതെ സമയം സൈറ എന്നെയും കൊണ്ട് സ്വീകരണമുറിയിലേക്ക് പോയി. എന്റെ കണ്ണുകൾ വീട് മുഴുവൻ പരതികൊണ്ടിരുന്നു. ചോദിക്കാനും പറ്റില്ല.'പോലീസ് ഇനി ഇവിടെ ഇല്ലേ? അതോ മുകളിൽ എങ്ങാനും കിടന്നു ഉറങ്ങുകയാവോ?' ഞാൻ മനസ്സിൽ പറഞ്ഞുകൊണ്ടിരുന്നു. പെട്ടെന്നാണ് ഒരു സ്റ്റാൻഡിൽ വെച്ചിരുന്ന സഹലിന്റെ ഒരു ചെറിയ ഫോട്ടോ കണ്ടത്. ഞാൻ കൗതുകത്തോടെ അതിനടുത്തേക്ക് നിന്നു. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/53550/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ