" ഇതിന്റെ പേരില്‍ ആ ചേട്ടനെ ശിക്ഷിക്കരുത് ആള്‍ക്കും ഒരു കുടുംബമുള്ളതല്ലേ. അത് മാത്രമല്ല ദിവസവും ഞങ്ങൾ കാണുന്ന ചേട്ടനാണ്. നാളെയും ഞങ്ങൾക്ക് ആളെ കാണേണ്ടതല്ലേ. പെട്ടെന്ന് വീട്ടിലെത്താനുള്ള തിടുക്കത്തിലാണ് ആ ചേട്ടനോട് കൈ കൂപ്പി കൊണ്ട്‌ ചോദിച്ചത്. കണ്‍സഷൻ ആണല്ലോ അത് കൊണ്ടാണ് അപേക്ഷിച്ചത്. കയ്യില്‍ കാശുണ്ടെങ്കില്‍ ഫുൾ ടിക്കറ്റ് എടുക്കുമായായിരുന്നു. ഇനി ഇതിന്റെ പേരില്‍ ആള്‍ക്ക് ഒരു ബുദ്ധി മുട്ടും ഉണ്ടാകാന്‍ പാടില്ല" ഇന്നലെ ബസില്‍ കയറാന്‍ വേണ്ടി കണ്ടക്ടറോട് അപേക്ഷിച്ച പത്താം ക്ലാസ് കാരന്റെ വാക്കുളാണ് ഇത്... ഒന്ന് ആലോചിച്ചു നോക്ക് ആ മോന്റെ നല്ല മനസ്സിന്റെ ഒരു ശതമാനം പോലും മുതിർന്നവര്‍ക്ക് ഇല്ലാതെ പോയല്ലോ... എന്നാല്‍ ഈ സംഭവം വളരെ ഗൗരവത്തോടെയാണ് ഡിപ്പാര്‍ട്ട്മെന്റ് എടുത്തിരിക്കുന്നത്. കണ്ടക്ടറെ നേരിട്ട് വിളിച്ചു വരുത്തി ആളുടെ ലൈസന്‍സ് വാങ്ങി വെച്ചിട്ടുണ്ട്. കൂടാതെ സംഭവത്തെ കുറിച്ച് വിശദീകരണം നല്‍കാനും ആവശ്യപ്പെട്ടു.അതിന് ശേഷം ഉടന്‍ തന്നെ ആള്‍ക്ക് എതിരെ നടപടി ഉണ്ടാകും. ഇന്നലെ വീഡിയോ പിടിച്ച വ്യക്തിയെ കുറ്റപ്പെടുത്തി കൊണ്ട് ഒരുപാട് കമന്റ് കണ്ടിരുന്നു. ആ വ്യക്തി അങ്ങനെ ചെയ്തില്ല എങ്കില്‍ ഇത് ഒരു മനുഷ്യ കുഞ്ഞ് പോലും അറിയുമായിരുന്നില്ല. ഒരു സ്ഥലത്ത് മാത്രമല്ല ഇങ്ങനെ നടക്കുന്നത്. ബസില്‍ എത്ര സ്ഥലമുണ്ടെങ്കിലും കുട്ടികളെ കയറ്റാന്‍ ഇവര്‍ക്ക്‌ എന്തോ വല്ലാത്ത ഒരു വിഷമമാണ്. ഉച്ചയ്ക്ക് ഒരു നേരത്തെ ഭക്ഷണം മാത്രം കഴിച്ചു ഇരിക്കുന്ന മക്കളാണ്. വിശപ്പും ദാഹവും എല്ലാം അവര്‍ക്ക് കാണും. അതും നമ്മൾ മനസിലാക്കണം. അത് കൊണ്ട് ലാഭത്തിനപ്പുറം കുറച്ച് മനുഷ്യത്വം കാണിക്കാം കുട്ടികളോട്. ഇതിന്റെ ചുമതലയുള്ള ഉദ്യോഗസ്ഥരോട് ഒരു അപേക്ഷ. കുട്ടികള്‍ക്ക് വേണ്ടി സ്കൂളിലേക്ക് പോകുന്ന സമയത്തും തിരിച്ചു വരുന്ന സമയങ്ങളിലും സ്കൂൾ പരിസരങ്ങളിലും ബസ് സ്റ്റാന്‍ഡുകളിലും സിവില്‍ ഡ്രസില്‍ ഉദ്യോഗസ്ഥരെ നിര്‍ത്തണം. കൂടാതെ കേരളത്തിലെ എല്ലാ ബസ് സ്റ്റാന്‍ഡ് പരിസരങ്ങളിലും ബസ് ജീവനക്കാര്‍ക്കും വിദ്യാര്‍ത്ഥികള്‍ക്കും ബോധവല്‍ക്കരണ ക്ലാസുകളും സംഘടിപ്പിക്കണം. കഴിഞ്ഞ ആഴ്ച ഇരിഞ്ഞാലക്കുടയില്‍ ബസില്‍ കയറിയ കുട്ടികള്‍ക്ക് നോട്ട് ബുക്കും മറ്റും കൊടുത്ത ബസ് മുതലാളിയുടെ വാര്‍ത്ത നമ്മൾ വായിച്ചതാണ്. അത് പോലെ നന്മ നിറഞ്ഞവരും ഉണ്ട് കൂട്ടത്തില്‍.എന്നാല്‍ ഒരാള്‍ ചെയ്ത തെറ്റിന് എല്ലാവരും പഴി കേള്‍ക്കുന്നു...❤️🙏 #📰ബ്രേക്കിങ് ന്യൂസ് #📳 വൈറൽ സ്റ്റോറീസ് #🕵️‍♂️ സാമൂഹിക വിഷയങ്ങൾ #💚തനി മലയാളി #സ്പെഷ്യൽ സ്റ്റോറീസ് ✍