ఎన్నికల కోడ్,నిబంధనల పట్ల ప్రజలు అప్రమత్తంగా ఉండాలి - లేకపోతే లేనిపోని తలనొప్పులు తప్పవు! లేదా ఎన్నికల కోడ్ అమలులో వున్నప్పుడు ప్రజలు వీలయినంతవరకు తమ అవసరాల నిమిత్తమై ప్రయణాల్లో అధిక డబ్బులు తీసుకెళ్లడం వాయిదా వేసుకుంటే సర్వదా శ్రేయస్కరం! ఎన్నికల కోడ్ అమలులో వున్నప్పుడు ప్రజలు అంతా అత్యంత అప్రమత్తంగా ఉండాలి.ఎందుకంటే ఎన్నికల నిబంధనలకు విరుద్దంగా ఏ ఒక్క ప్రజానీకం అయిన వ్యవహారిస్తే మాత్రం వారి డ్యూటీ కి, అధికారాలకు అనుగుణంగా ఒక వైపు పోలీస్ డిపార్ట్మెంట్ వారి నుంచి మరోవైపు ఎన్నికల కమిషన్ నుంచి లేనిపోని తలనొప్పులు తప్పవు.ఎందుకయినా మంచిది ఈ ఎన్నికల కోడ్ అమలులో వున్నన్ని రోజులు ప్రజలు వీలయినంతవరకు ప్రయాణాల్లో తమ అవసరం నిమిత్తమై అధిక డబ్బులను తీసుకెళ్ళడాన్ని వాయిదా వేసుకుంటే మంచిది.అత్యవసరం అయితే కార్డుల ద్వారానో లేదా మరే ఇతరాత్ర రక్షణాత్మక మార్గాలలో డబ్బును పంపించే ఏర్పాట్లు చేసుకోవాలి. అలాకాకుండా ప్రజలు గుడ్డిగా,అవివేకంతో, మూర్కత్వంతో వ్యవహరించి ఏమవుతుందిలే, మనల్ని ఎవరు పట్టుకుంటారులే అనే నిర్లక్ష్య ధోరణితో వ్యవహరిస్తే మాత్రం భారీ మూల్యం చెల్లించుకోక తప్పదు.ఒక వేళ తగిన పత్రాలు,ఆధారాలు లేకుండా మీ అవసరాలకు అధిక మెత్తంలో డబ్బులు తీసుకెళ్తూ పోలీసు డిపార్ట్మెంట్ వారికి పట్టుబడితే మాత్రం వారు లేనిపోని ఇబ్బందుల్లో చిక్కుకుపోవడమే కాదు,పైగా ఇన్కమ్ టాక్స్ అధికారుల బారినపడి వీరు కష్టాలను కొని తెచ్చుకోవడంతో పాటు నరక యాతన చవిచూడటం తథ్యం.కాబట్టి ప్రజలు కాస్తంత ముందు వెనుక ఆలోచించుకొని,ఒళ్ళు దగ్గర పెట్టుకొని మరీ ఎలక్షన్ నియామవళికి అనుగుణంగా నడుచుకుంటే ఏ మాత్రం ఇబ్బందులు వారికి తలఎత్తవు.అలా కాకుండా ఎలక్షన్ కోడ్ ను తక్కువ అంచనా వేసి,ఎలక్షన్ కమిషన్ నియమావళిని బుట్ట దాఖలు చేసి ఏ ఒక్క ప్రజానీకం అయిన నిర్లక్ష్యంగా,దూకుడుగా వ్యవహరిస్తే మాత్రం వారి మెడ చుట్టూ వారు ఉచ్చు బిగించుకొని మరీ గిల గిల లాడటం తథ్యం.అంతేకాదు ఒక్క డబ్బు వ్యవహారాల్లోనే కాదు,అయా పార్టీలకు సంబందించిన వ్యవహారాల్లో కూడా అనవసరంగా తలదూర్చి గ్రూప్ రాజకీయాలు నడపడం,మీడియాలో ఏదేని పార్టీ మీద అసభ్య వ్యాఖ్యలు చేయడం వంటి చట్టవిరుద్ధమైన పనులు చేస్తే మాత్రం చట్టం తన పని తాను చేసుకుపోయి మిమ్మల్ని కట కటాల వెనక్కు తోసేయడం తథ్యం.అదే మాదిరి ప్రజలలో ఎవరైనా రోడ్లపై ఎక్కడ పడితే అక్కడ స్నేహితులతో బాత్కానీలు కొట్టడం,వాహనాలను ఎక్కడ పడితే అక్కడ పార్కింగ్ చేయడం,మద్యం సేవించి విచ్చలవిడిగా వ్యవహరించడం,దౌర్జన్యాలు చేయడం వంటి చేష్టలకు ఒడిగడితే మాత్రం పోలీసు డిపార్ట్మెంట్ వారి చేతిలో చిక్కి అష్టకష్టాల బారిన పడటం, శృతిమించితే వారి చేతిలో లాఠీ దెబ్బలు సైతం రుచి చూసే దయనీయ పరిస్థితి సైతం వారికి ఎదురుకావొచ్చు. ఏదిఏమైన ఈ ఎన్నికల కోడ్ అమలులో ఉన్నంతవరకు పోలీస్ డిపార్ట్మెంట్ వారికి,ఎలక్షన్ కమిషన్ వారికి పూర్తి స్థాయి అదనపు అధికారాలు సైతం వుంటాయి అనేది ఎవ్వరూ కాదనలేని అక్షర సత్యం.ఒక విధంగా చెప్పాలంటే ప్రస్తుత పరిస్థితుల్లో వారే బాస్ లు,వారే రథ సారథులు,పరిపాలన దక్షకులు కూడా,అందుకే వారిరువురు చెప్పినట్లుగా లా అండ్ అర్డర్ కు అనుగుణంగా ప్రతి ఒక్కరూ నడుచుకోక తప్పదు, నడుచుకొని తీరాలి కూడా. ఏమైనా ఎన్నికలు జరిగే వరకు ఆ తర్వాత ఫలితాలు వచ్చే వరకు కూడా ప్రతి ఒక్క ప్రజానీకం కూడా తమ హద్దుల్లో ఉండాలి,ఏ మాత్రం హద్దులు దాటిన,తోక ఆడించిన,ఎలక్షన్ నియమావళికి విరుద్దంగా నడుచుకొన్న అందుకు చట్టరీత్యా వారికి తగిన కఠిన చర్యలు తప్పవు కాక తప్పవు.ఒక విధంగా చెప్పాలంటే ఎలక్షన్ కోడ్ అమలులో వున్న అత్యవసర కాలంలో, క్లిష్ట సమయాలలో ప్రజలు ఎవరైనా పొరపాటున చట్టంతో పరాచకాలు,చెలగాటం ఆడాలని చూస్తే మాత్రం అందుకు వారు తప్పక భారీ చెల్లించుకోక తప్పదు.తస్మాత్ జాగ్రత్త! - బుగ్గన మధుసూదనరెడ్డి,సామాజిక విశ్లేషకుడు, బేతంచెర్ల,నంద్యాల జిల్లా! #elections