ന്യൂഡൽഹി: ഇന്ധനവില കുറയ്ക്കുന്നതിനും പരിസ്ഥിതി സൗഹൃദമായ ഗതാഗതം പ്രോത്സാഹിപ്പിക്കുന്നതിനുമായി കേന്ദ്ര സർക്കാർ സുപ്രധാന തീരുമാനം പ്രഖ്യാപിച്ചു. ഉയർന്ന അളവിൽ എഥനോൾ കലർത്തിയ പെട്രോളിന് (Ethanol blended petrol) ഏർപ്പെടുത്തിയിരുന്ന എക്സൈസ് ഡ്യൂട്ടി സർക്കാർ പൂർണ്ണമായും ഒഴിവാക്കി. പെട്രോളിൽ 22% മുതൽ 30% വരെ എഥനോൾ കലർത്തിയ ഇന്ധനത്തിനാണ് എക്സൈസ് ഡ്യൂട്ടിയിൽ ഇളവ് നൽകുന്നത്. 22%, 25%, 27%, 30% എന്നീ ക്രമത്തിൽ എഥനോൾ കലർത്തിയ പെട്രോളിനാണ് (E22, E25, E27, E30) സെൻട്രൽ എക്സൈസ് ഡ്യൂട്ടി ഒഴിവാക്കിയത്. അടിസ്ഥാന എക്സൈസ് ഡ്യൂട്ടിക്ക് പുറമെ റോഡ് ആൻഡ് ഇൻഫ്രാസ്ട്രക്‌ചർ സെസ്, കാർഷിക ഇൻഫ്രാസ്ട്രക്ചർ സെസ് (AIDC) എന്നിവയും സർക്കാർ നീക്കം ചെയ്‌തിട്ടുണ്ട് #new