உடல் ஒரு விலைமதிப்பற்ற பொக்கிஷம் Audio Track: https://drive.google.com/file/d/1FlKKw5l0VEunG8tsBLCJDwTptuUyVFcp/view?usp=drivesdk Transcript: நாம் உடலையும் பேணவில்லை... உள்ளத்தையும் பேணவில்லை! சாப்பாட்டிற்கு அடுத்தபடி, பல் துலக்குவது மற்றும் குளிப்பது மட்டும் உடலைப் பேணுவதாக அமையாது. அதுவும் கண்டதை தின்கிறோம், அதையும் ஒழுங்காகத் தின்பதில்லை. நொறுங்கத் தின்றால் நூறு ஆயுள் என்றாலும், குருட்டுக் கோழி தவிட்டை விழுங்குவது போல அவசரம் அவசரமாக விழுங்குகிறோம். "உணவே மருந்து, மருந்தே உணவு" என்றார் திருமூலர். நாம் ருசிக்கு அல்லது கடமைக்கு (Belly filling) உண்கிறோம். அதனால் காலப்போக்கில் உணவைவிட அதிகமாக மருந்தை எடுத்துக்கொள்கிறோம். பல சமயங்களில் மருந்து சாப்பிடவேண்டுமே என்பதற்காக உணவையும் கொஞ்சம் கஷ்டப்பட்டு சாப்பிடுகிறோம். நமது உடலும் ஒரு எந்திரம் போன்றதுதான். அதற்கு எரிபொருள் வேண்டும். அதுதான் உணவு. அதுவும் தரமானதாக இருக்கவேண்டும். மெஷினுக்கு தேய்மானம் ஏற்படுவதைப்போல எலும்பும் சதையும் தேய்மானத்திற்கு ஆட்படுகின்றன. வயது ஏற ஏற புதிய செல் வளர்ச்சி சன்னஞ்சன்னமாக குறைகிறது; சித்திரை மாதத்து வெயிலும் பொறுக்காது, கார்த்திகை மாதத்து மழையும் ஆகாது. பொறாமை, கோபம், கவலை மட்டுமல்லாமல் அதிகநேர செல்போன் பயன்பாடும் நமது உடல்நலத்தை பாதிக்கிறது. ஒரு மெஷினை துடைக்கிறோம். முக்கியமான பாகங்களை பார்த்துப்பார்த்து செப்பனிடுகிறோம். தேவைப்படும் இடங்களில் எண்ணெய் போடுகிறோம். பலர் பயபக்தியுடன் அதற்கு சூடம் ஏற்றி வழிபடுவதுண்டு. அந்த மெஷினுக்குள்ள மரியாதை விலை உயர்ந்த நம் உடலுக்கில்லை. உண்மையிலேயே நமது உடலுறுப்புக்கள் விலை உயர்ந்தவை. சமயங்களில் அவை கிடைப்பதில்லை என்பதால் விலைமதிப்பற்றவை. நமது உடலின் பாகங்கள் எவ்வளவு விலை உயர்ந்தவை என்பதை உறுப்பு மாற்று அறுவை சிகிச்சை செய்தவர்களை கேட்டுப் பாருங்கள். இதயம், கல்லீரல், கண்கள் என்று தனித்தனி விலை! உதாரணத்திற்கு, சென்னையில் இதய மாற்று அறுவை சிகிச்சைக்கான செலவு, மருத்துவமனை, அறுவை சிகிச்சைக்கு முந்தைய பரிசோதனைகள் மற்றும் அறுவை சிகிச்சைக்குப் பிந்தைய பராமரிப்பு ஆகியவற்றைப் பொறுத்து, பொதுவாக ₹18,00,000 முதல் ₹35,00,000 வரை ஆகிறது. நாம் நமது குழந்தைகளிடம் உடல்நலம் பேணல் பற்றிய விழிப்புணர்சியை உருவாக்குகிறோமா? பெரும்பாலும், "இல்லை" என்பதே பதிலாக இருக்கும். உடற்பயிற்சியும் யோகாவும் எத்தனை குழந்தைகள் தினசரி செய்கின்றன? உடலைப் பேணவேண்டும் என்ற உறுதியுடன் இருக்கும் பொருட்டு நாம் உள்ளத்தைப் பேணவில்லை என்பதே உண்மை! அப்படி பேணுவது உண்மையாக இருந்தால் போதை மற்றும் புகைபிடித்தல் கலாச்சாரமும் வளருமா? Video courtesy: cottonbro studio - Pexels #உடல்நலம் #உணவுப்பழக்கம் #ஆரோக்கியவாழ்வு #உடல்பேணுதல் #HealthyLifestyle #HealthyEating #Wellness #HealthAwareness Lux Cozi Men's Cotton Boxers #Ad https://link.amazon/B0gea9UUa #🚹உளவியல் சிந்தனை #📺அரசியல் 360🔴