#🌷ଜୟ ମା ଲକ୍ଷ୍ମୀ👣 #🌷ଶୁଭ ଗୁରୁବାର ସୁଚିନ୍ତା ☺ #🌹🌹good morning 🌹🌹 ଲକ୍ଷ୍ମ୍ୟଷ୍ଟକମ୍ ଇଂଦ୍ର ଉଵାଚ - ନମସ୍ତେଽସ୍ତୁ ମହାମାୟେ ଶ୍ରୀପୀଠେ ସୁରପୂଜିତେ । ଶଂଖଚକ୍ର ଗଦାହସ୍ତେ ମହାଲକ୍ଷ୍ମି ନମୋଽସ୍ତୁ ତେ ॥ 1 ॥ ନମସ୍ତେ ଗରୁଡାରୂଢେ କୋଲାସୁର ଭୟଂକରି । ସର୍ଵପାପହରେ ଦେଵି ମହାଲକ୍ଷ୍ମି ନମୋଽସ୍ତୁ ତେ ॥ 2 ॥ ସର୍ଵଜ୍ଞେ ସର୍ଵଵରଦେ ସର୍ଵ ଦୁଷ୍ଟ ଭୟଂକରି । ସର୍ଵଦୁଃଖ ହରେ ଦେଵି ମହାଲକ୍ଷ୍ମି ନମୋଽସ୍ତୁ ତେ ॥ 3 ॥ ସିଦ୍ଧି ବୁଦ୍ଧି ପ୍ରଦେ ଦେଵି ଭୁକ୍ତି ମୁକ୍ତି ପ୍ରଦାୟିନି । ମଂତ୍ର ମୂର୍ତେ ସଦା ଦେଵି ମହାଲକ୍ଷ୍ମି ନମୋଽସ୍ତୁ ତେ ॥ 4 ॥ ଆଦ୍ୟଂତ ରହିତେ ଦେଵି ଆଦିଶକ୍ତି ମହେଶ୍ଵରି । ୟୋଗଜ୍ଞେ ୟୋଗ ସଂଭୂତେ ମହାଲକ୍ଷ୍ମି ନମୋଽସ୍ତୁ ତେ ॥ 5 ॥ ସ୍ଥୂଲ ସୂକ୍ଷ୍ମ ମହାରୌଦ୍ରେ ମହାଶକ୍ତି ମହୋଦରେ । ମହା ପାପ ହରେ ଦେଵି ମହାଲକ୍ଷ୍ମି ନମୋଽସ୍ତୁ ତେ ॥ 6 ॥ ପଦ୍ମାସନ ସ୍ଥିତେ ଦେଵି ପରବ୍ରହ୍ମ ସ୍ଵରୂପିଣି । ପରମେଶି ଜଗନ୍ମାତଃ ମହାଲକ୍ଷ୍ମି ନମୋଽସ୍ତୁ ତେ ॥ 7 ॥ ଶ୍ଵେତାଂବରଧରେ ଦେଵି ନାନାଲଂକାର ଭୂଷିତେ । ଜଗସ୍ଥିତେ ଜଗନ୍ମାତଃ ମହାଲକ୍ଷ୍ମି ନମୋଽସ୍ତୁ ତେ ॥ 8 ॥ ମହାଲକ୍ଷ୍ମଷ୍ଟକଂ ସ୍ତୋତ୍ରଂ ୟଃ ପଠେଦ୍ ଭକ୍ତିମାନ୍ ନରଃ । ସର୍ଵ ସିଦ୍ଧି ମଵାପ୍ନୋତି ରାଜ୍ୟଂ ପ୍ରାପ୍ନୋତି ସର୍ଵଦା ॥ ଏକକାଲେ ପଠେନ୍ନିତ୍ୟଂ ମହାପାପ ଵିନାଶନମ୍ । ଦ୍ଵିକାଲଂ ୟଃ ପଠେନ୍ନିତ୍ୟଂ ଧନ ଧାନ୍ୟ ସମନ୍ଵିତଃ ॥ ତ୍ରିକାଲଂ ୟଃ ପଠେନ୍ନିତ୍ୟଂ ମହାଶତ୍ରୁ ଵିନାଶନମ୍ । ମହାଲକ୍ଷ୍ମୀ ର୍ଭଵେନ୍-ନିତ୍ୟଂ ପ୍ରସନ୍ନା ଵରଦା ଶୁଭା ॥ [ଇଂତ୍ୟକୃତ ଶ୍ରୀ ମହାଲକ୍ଷ୍ମ୍ୟଷ୍ଟକ ସ୍ତୋତ୍ରଂ ସଂପୂର୍ଣମ୍ #😍ପ୍ରେମଭରା ଶୁଭେଚ୍ଛା💚 #🌞ସୁପ୍ରଭାତ🌞