#🥲 'പാൽ തൊണ്ടയിൽ കുടുങ്ങി കുഞ്ഞ് മരിച്ചു': കുട്ടിയുടെ അച്ഛൻ മരിച്ചത് വെള്ളിയാഴ്ച അച്ഛൻ മരിച്ചിട്ട് രണ്ട് ദിവസം, 18 ദിവസംപ്രായമായ കുഞ്ഞ് തൊട്ടിലിൽ മരിച്ചനിലയിൽ; പാൽ തൊണ്ടയിൽ കുടുങ്ങിയെന്ന് സംശയം രാവിലെ കുട്ടിയെ പാൽ കൊടുത്ത് ഉറക്കിയിരുന്നു പിന്നീട് നോക്കിയപ്പോഴാണ് മരിച്ച നിലയിൽ കണ്ടെത്തിയത്. തൃശൂർ: 18 ദിവസം പ്രായമായ കുഞ്ഞ് തൊട്ടിലിൽ മരിച്ച നിലയിൽ. തൃശൂർ‍ വെള്ളറക്കാട് തറമേൽഞാലിൽ വീട്ടിൽ പരേതനായ സുധീഷിൻ്റെയും - മനുരാധയുടെയും മകളാണ് മരിച്ചത്. പാൽ തൊണ്ടയിൽ കുരുങ്ങിയതാവാം മരണകാരണമെന്നാണ് പ്രാഥമിക നിഗമനം. ഇക്കഴിഞ്ഞ വെള്ളിയാഴ്ചയാണ് കുഞ്ഞിൻ്റെ അച്ഛൻ സുധീഷ് (25) വാഹനാപകടത്തിൽ മരിച്ചത്. ഞായറാഴ്ച പുലർച്ചെ നാല് മണിയോടെയാണ് കുഞ്ഞിനെ തൊട്ടിലിൽ മരിച്ച നിലയിൽ കണ്ടത്. കുട്ടിക്ക് പാൽ കൊടുത്തശേഷം തൊട്ടിലിൽ ഉറക്കാൻ കിടത്തിയതായിരുന്നു. പിന്നീട് നോക്കുമ്പേഴേക്കും കുട്ടിയുടെ വായിൽനിന്ന് നുരയും പതയും മൂക്കിൽ നിന്ന് രക്തവും വന്ന നിലയിലായിരുന്നു. ഉടനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. അസ്വഭാവിക മരണത്തിൽ പോലീസ് കേസെടുത്തു. സുധീഷിൻ്റെ സഞ്ചയന ദിവസമായിരുന്നു ഇന്ന്. അക്കിക്കാവിൽ കണ്ടെയ്നർ ലോറിയും സ്കൂട്ടറും കൂട്ടിയിടിച്ചുണ്ടായ അപകടത്തിലാണ് സുധീഷ് മരിച്ചത്. വെള്ളിയാഴ്ച പുലർച്ചെ 2:30 ഓടെയായിരുന്നു അപകടം. അപകടത്തിന് ശേഷം നിർത്താതെ പോയ ലോറി അതുവഴി വന്ന മറ്റൊരു ബൈക്ക് യാത്രികൻ പിന്തുടർന്ന് തടയുകയായിരുന്നു. അപകടത്തിൽപ്പെട്ട സുധീഷിൻ്റെ സ്കൂട്ടർ ലോറി നൂറുമീറ്ററോളം വലിച്ചിഴച്ചു കൊണ്ടുപോയിരുന്നു. സ്കൂട്ടർ പൂർണമായും തകർന്ന നിലയിലാണ് കാണപ്പെട്ടത്. അപകടത്തിൽ തലയ്ക്ക് ഗുരുതരമായി പരിക്കേറ്റ സുധീഷിനെ കുന്നംകുളത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഈ അപകട മരണത്തിൻ്റെ ആഘാതം മാറും മുന്നേയാണ് പിഞ്ചുകുഞ്ഞും മരിച്ചത്. #🆕 ലേറ്റസ്റ്റ് അപ്ഡേറ്റ് #📰ബ്രേക്കിങ് ന്യൂസ് #📳 വൈറൽ സ്റ്റോറീസ് #🗞 ട്രെൻഡിങ് അപ്ഡേറ്റ്സ്