ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mDJgB5W?d=n&ui=v64j8rk&e1=cപെയ്തൊഴിയാതെ ഭാഗം..33 ******* ഈ ബന്ധത്തിൽ നിന്നും എങ്ങിനെയെങ്കിലും അവനെ പിന്തിരിപ്പിക്കണം എന്ന ചിന്തയോടെ ഫൈസലിനെ നോക്കികൊണ്ട് ഉമ്മ നിന്നു. **** ഫൈസലേ... ഫാസിൽ പറഞ്ഞതിനെ പറ്റി എന്താ നിന്റെ അഭിപ്രായം.. ഞാനിപ്പോ..എന്താ പറയാ അവൻക്ക് കൊഴപ്പൊന്നും ഇല്ലേൽ....... പക്ഷെ...... എനിക്ക് കൊഴപ്പമുണ്ട്. അന്ന് നമ്മൾ അവളുടെ കാൽ പിടികുന്നത് പോലെ ചെന്ന് പറഞ്ഞിട്ട് അവൾക്കായിരുന്നല്ലൊ സമ്മതം ഇല്ലായ്മ... ആ..ഒരറ്റ..കാരണത്താൽ അവൾക്ക് ഇങ്ങോട്ട് വരാനും നമ്മളോട് മിണ്ടാനും വരെ മടിയായിരുന്നല്ലോ... അങ്ങിനത്തെ അവളെ വീണ്ടും....എന്റെ കാര്യം പറയാല്ലോ...എനിക്ക് താല്പര്യമില്ല... എന്റെ ഉമ്മാ...അന്നത്തെ കാര്യങ്ങളൊന്നും വീണ്ടും എടുത്തിടണ്ട.അവൾക്ക് ഉൾകൊള്ളാൻ കഴിയാത്തത് കൊണ്ടല്ലേ...അന്ന് അങ്ങിനെയൊക്കെ പറഞ്ഞത്. പിന്നെപ്പോ.... അവൻ....അവന്റെ അഭിപ്രായം പറഞ്ഞന്നല്ലേ...ഒള്ളു.. അവളോട് നമ്മൾ പോയി ചോദിക്കുകയോ..ഒന്നും ചെയ്തിട്ടില്ലല്ലോ.. അവൾ ഇപ്പോഴും അത് പോലെത്തന്നെയാണോ എന്നൊന്നും നമ്മൾക്ക് അറിയുകയും ഇല്ല.. മ്മ്.... എന്തായാലും അവനെ ഇതിൽ നിന്നും പിന്തിരിപ്പിക്കണം എനിക്കെന്തോ...മനസ്സിന് ഉൾകൊള്ളാൻ പ്രയാസം ഉണ്ട്. ഉമ്മാ...... എന്താ...ഫാസിലെ.. ഇയ്യിവിടെ ഉണ്ടായിരുന്നോ.. ഉമ്മയോട് ഞാൻ ആദ്യമേ പറഞ്ഞു വേറെയൊരു പെണ്ണ് തിരഞ്ഞു നടക്കാനോ...വേറെയൊരു വിവാഹത്തിനോ... ഞാൻ തയ്യാറല്ല.... ഇനി എന്റെ ജീവിതത്തിൽ ഒരു പെണ്ണുണ്ടെങ്കിൽ അത് ജൂബിത്ത ആയിരിക്കും. ഇത് ഞാൻ ഇന്നോ ഇന്നലെയോ..തീരുമാനിച്ചതല്ല..മാജിദ എന്നെ വേണ്ടന്ന് പറഞ്ഞ അന്നുമുതൽ ഞാൻ മനസ്സിൽ കുറിച്ചിട്ടതാ.... എന്റെ ജീവിതത്തിൽ ഇനി വിവാഹം എന്ന ഒന്നുണ്ടെങ്കിൽ അത് ജൂബിയെ ആയിരിക്കുമെന്ന്. എടാ... പൊട്ടാ... നീയ് അവളെതന്നെ വിവാഹം കഴിച്ചു എന്നറിഞ്ഞാൽ ഇതല്ലാം സത്യം ആയിരുന്നുയെന്ന് മാജിദ തെറ്റിദ്ധരിക്കില്ലേ.. എന്നെ വേണ്ടെന്ന് പറഞ് വേറെ വിവാഹത്തിന് ഒരുങ്ങിക്കൊണ്ടിരിക്കുന്ന അവൾ ഇനി എന്ത് ധരിച്ചാലും എനിക്ക് ഒരു ചുക്കുമില്ല. അവളോടുള്ള വാശികൂടിയാണിതെന്ന് കൂട്ടിക്കോളൂ... ജൂബിയുമായുള്ള എന്റെ വിവാഹം...എങ്ങിനെ തലകുത്തിമറിഞ്ഞിട്ടായാലും ഇത് ഞാൻ നടത്തിയിരിക്കും. എടാ...എന്തിനാ വെറുതേ ആളുകളുടെ മുന്നിൽ പരിഹാസപാത്രമാവുന്നത് അവളോട് വാശിത്തീർക്കേണ്ടത് രണ്ടാം കെട്ടുകാരിയെ കെട്ടികൊണ്ടല്ല അവളെക്കാൾ ഭംഗിയും വിദ്യഭ്യസവും ഉള്ള ഒരുത്തിയെ കെട്ടികൊണ്ടാവണം..അതാണ് ആണത്തം...അല്ലാതെ ഇതല്ല... എന്റെ ഉമ്മാ..എനിക്ക് വേറെ പെണ്ണ് കിട്ടാത്തത് കൊണ്ടല്ല ഞാനിതിൽ തന്നെ കടിച്ച് തൂങ്ങുന്നത്... എന്റെ വിവാഹം മുടങ്ങിയതും. റഫീഖിന്റെ ഉമ്മയുടെ കുത്തുവാക്കുകളും.. എല്ലാം...ഞങ്ങളെ രണ്ട് പേരെയും എടുത്ത് പറഞ്കൊണ്ടാണല്ലോ.. അതിന്റെ പേരിൽ ജൂബിതയും ഒരുപാട് പ്രയാസപ്പെട്ടതാണ്. അവർക്കൊക്കെയുള്ള മറുപടി കൂടിയാണ്...ഇതൊക്കെയെന്ന് കൂട്ടിക്കോളു... പിന്നേ....... ജൂബിയുടെ കയ്യിലുള്ള മോൾ നമ്മുടേതാണ്...അതും നമ്മൾ ഓർക്കണം.. ഇതെല്ലാം ഓർത്തിട്ടു തന്നെയാണ് ഞാനും ഉപ്പയും അന്ന് ഇവന്റെ കാൽ പിടിച്ചതും അവളുടെ കാൽപ്പിടിച്ചതുമൊക്കെ രണ്ടുപേർക്കും അന്നത് മനസ്സിലായില്ല... ഉമ്മാ...എന്റെ കാരണങ്ങൾ ഞാനന്ന് വ്യക്തമാക്കിയതാണ് അതുകൊണ്ട് ആ വിഷയം ഇനിയിവിടെ എടുത്തിടണ്ട ഫാസിലിന്റെ തീരുമാനം അതുതന്നെയാണേൽ ഞാൻ മുജീബിനെ വിളിച്ച് അറിയിക്കാം...അവരുടെ തീരുമാനം എന്താണന്ന് അറിയുകയും ചെയ്യാം.. എന്നിട്ട് ആലോചിക്കാം ബാക്കി കാര്യങ്ങൾ....ഫൈസൽ അവരോടായി പറഞ്ഞു. "മതി.... എന്നിട്ട് മതി.." ഫാസിൽ... ഫൈസലിക്കാക്ക് മറുപടി കൊടുത്തുകൊണ്ട് ബൈക്കും എടുത്ത് പുറത്തേക്ക് പോയി... ***** ഉമ്മാ...ഇന്നലെ ഫൈസലിക്ക വിളിച്ചു പറഞ്ഞ കാര്യം നിങ്ങൾ ജൂബിയോട് സൂചിപ്പിച്ചോ... ഞാനും ജെസിയും കൂടി അവളോട് കാര്യങ്ങൾ അവതരിപ്പിച്ചു... എന്നിട്ട്... " അവൾ മറുപടിയൊന്നും പറഞ്ഞില്ല... ഓഹ്... അവളുടെ മുഖം കണ്ടിട്ട് അവൾക്ക് ഇഷ്ടപെട്ടില്ല തോന്നുന്നു... നിങ്ങളാരും അവളെ നിർബന്ധിക്കണ്ട...അവൾ അലോയ്കട്ടെ...എന്നിട്ട് അവൾക്ക് ഉചിതം എന്ന് തോന്നുന്നൊരുതീരുമാനം എടുക്കട്ടെ... മ്മ്... ഉമ്മയൊന്ന് മൂളി.. അവൾക്ക് സമ്മതിക്കുകയാണേൽ നല്ലതായിരുന്നു... എല്ലാകൊണ്ടും.. അതെ... അത് നമുക്ക് തോന്നിയത് കൊണ്ട് മാത്രം കാര്യം ഇല്ലല്ലോ...അവൾക്ക് കൂടി തോന്നണ്ടേ.... ഫൈസൽ വൈകീട്ട് വിളിക്കാ എന്ന് പറഞ്ഞിട്ടാണ് ഫോൺ വെച്ചത്.. മുജീബേ അവനോട് എന്താ പറയാ നമ്മൾ ജൂബിയുടെ ഉമ്മ ചോദിച്ചു. അവൾ വല്ലതും പറയുമോയെന്ന് നോക്കട്ടെ. അതിനനുസരിച്ചു പറയാം അല്ലാതെ എന്താ ചെയ്യാ... മ്മ്...എന്ന് മൂളിക്കൊണ്ട് ഉമ്മ സങ്കടത്തോടെ അകത്തേക്ക് കടന്നു. ***** മാജി...എന്താ നിനക്ക് പറ്റിയത്....ഈ വിവാഹത്തിന് നിനക്ക് സമ്മതം അല്ലേ.. ഇത് നിശ്ചയിച്ചത് മുതൽ എന്റെ കുട്ടി സങ്കടത്തിൽ ആണല്ലോ... ഒന്നുല്ല ഉമ്മാ... ഈ...വിവാഹം എന്നല്ല ആരെ വിവാഹം കഴിച്ചാലും ഞാൻ ഇങ്ങനെത്തന്നെയാവും.. ഉമ്മാന്റെ കുട്ടി എന്നോട് പറ എന്താ നിന്റെ മനസ്സിൽ..ആരോടുമൊന്നും പറയാതെ എന്തോ മനസ്സിലിട്ട് നീയ്...ഉരുകുന്നുണ്ടെന്ന് എനിക്കറിയാം... ഉമ്മാ... അത്... പറ മോളെ.. എന്താ.. നമുക്ക് പരിഹാരം കാണാം. ആദ്യം ഒന്നും മിണ്ടിയില്ലെങ്കിലും അവൾ മനസ്സിലുള്ളതൊക്കെയും ഉമ്മയോടായി തുറന്നു പറഞ്ഞു.... മോളെ... എന്തിനാ..നീയ്... ഇങ്ങനെ ചെയ്തത്....നിന്റെ ജീവിതം മറ്റൊരാൾക്ക്‌ ധാനം ചെയ്തു ജീവിതകാലം മുഴുവനും നീയ് സങ്കടപ്പെട്ടിരിക്കുകയോ.. എനിക്ക്...അറിയില്ല ഉമ്മാ. അവരുടെ ഓരോ കഥകൾ കേട്ടപ്പോൾ എനിക്ക്.. ഇങ്ങനെയൊക്കെ ചെയ്യാനാ തോന്നിയത്...എനിക്ക് ഒരുകാര്യത്തിലെ സങ്കടമൊള്ളൂ...എന്റെ മനസ് അറിയത്തിടത്തോളം കാലം ഫാസിലെന്നെ വെറുത്തു കൊണ്ടിരിക്കും... എന്റെ മോൾ അതോർത്തു സങ്കടപെടണ്ട...ആ...കുട്ടിക്ക് നീയ്..പുതിയൊരു ജീവിതം കൊടുക്കുമ്പോൾ...നീയും സന്തോഷത്തോടെ പുതിയ ജീവിതം തുടങ്ങണം അപ്പോഴേ അതിന് ഒരു അർത്ഥം ഒള്ളു. ഞാൻ ശ്രമിക്കുന്നുണ്ട് ഉമ്മാ. അതല്ല എനിക്ക് പേടി.. എന്റെ പ്രാണനെ ഞാൻ നഷ്ടപ്പെടുത്തിയിട്ട് ഞാൻ ആഗ്രഹിച്ചതല്ല..ഫാസിലിന്റെ ജീവിതത്തിൽ സംഭവിച്ചത് എങ്കിൽ....എക്കാലത്തേക്കും ഞാൻ നഷ്ടപെടുത്തിയത് എന്റെ സന്തോഷകരമായ ജീവിതം ആയിരുന്നില്ലേ... മോൾ വെറുതേ ഓരോന്ന് ഓർത്ത് വിഷമിക്കണ്ട.. നിനക്ക് അവനെ വിധിച്ചിട്ടില്ല അതുകൊണ്ടാണ് നിന്റെ ജീവിതത്തിൽ ഇങ്ങനെയൊക്കെ സംഭവിച്ചത്. നീ....എല്ലാം മറക്കണം മറന്നേ പറ്റു...ഇനി നിന്റെ മനസ്സിൽ അൻവർ മതി... വന്നേ..." വാ.... ' ഉമ്മയവളെ ഉമ്മറത്തേക്ക് കൂട്ടികൊണ്ട് പോയി.... **** ഉമ്മാ...... എനിക്ക് ഒരു കാര്യം പറയാനുണ്ട്... എന്താടാ... നിങ്ങൾ എത്രയും പെട്ടന്ന് ഷെമിയെ ഇവിടെ നിന്ന് പറഞ്ഞു വിടണം...ഞാൻ പുറത്തു പോയി വരുമ്പോ അവളെ ഇവിടെയിനി കാണാൻ പാടില്ല.... എടാ...ഇയ്യ് കാണുന്നില്ലേ എന്റെ കഷ്ടപ്പാട് പഴയ പോലെ അടുക്കളയിൽ കിടന്ന് തിരിയാനൊന്നും എനിക്ക് വെയ്യ... എന്നെ ഒരു കൈ സഹായിക്കാനാ ഞാൻ അവളെ ഇവിടെ നിർത്തിയിരിക്കുന്നത്. അവളെ നിക്കാഹ് കഴിക്കാൻ പറഞ്ഞാൽ ഇയ്യ് കേൾക്കത്തും ഇല്ലല്ലോ.. കഷ്ടപ്പാടിന്റെ കാര്യം നിങ്ങൾ മിണ്ടി പോവരുത്...ജുബി ഇവിടെ ഉണ്ടായിരുന്നപ്പോൾ അവൾ വല്ലതും നിങ്ങളെ അറിയിച്ചോ..എല്ലാം അവൾ ചെയ്തിരുന്നു.... പലവിധ കഥകളും മെനഞ്ഞുണ്ടാക്കി നിങ്ങളെക്കൊണ്ട് പറ്റുന്ന രൂപത്തിലൊക്കെ അവളെ ദ്രോഹിച്ച് അവളെ ഇവിടുന്ന് പുറത്തു ചാടിച്ചില്ലേ.... ഇനി സഹിക്കുക തന്നെ ... എന്റെ തീരുമാനത്തിൽ മാറ്റം ഒന്നുമില്ല....ഞാൻ വരുമ്പോ അവളെയിവിടെ കാണാൻ പാടില്ല.....അത്ര തന്നെ.. ദേഷ്യത്തോടെ റഫീഖ് അവിടെ നിന്നും ഇറങ്ങിപ്പോയി... മൂത്തമ്മ അവന്റെ ദേഷ്യം കണ്ടോ....എന്നെ സ്വീകരിച്ചാൽ അവനെന്താ കൊഴപ്പം.. എന്നോട് പറയാനുള്ളത് എന്റെ മുഖത്ത് നോക്കി പറയണം അല്ലാതെ അതിവിടെയല്ലല്ലോ പറയേണ്ടത്... ഇനിയിപ്പോ എന്താ ചെയ്യാ.. എന്റെമോൾ പോയിട്ട് പിന്നെവാ....ഭയങ്കര ദേഷ്യക്കാരനാ അവൻ തിരിച്ചു വരുമ്പോൾ നിന്നെയെങ്ങാനും ഇവിടെ കണ്ടാൽ പിന്നെന്താ സംഭവിക്കുകയെന്ന് എനിക്ക് പോലും അറിയില്ല... ഒന്ന് പോയെ മൂത്തമ്മ ഇങ്ങിനെ പേടിച്ചാൽ എങ്ങിനെയാ...ഞാൻ എങ്ങോട്ടും പോകുന്നില്ല. അവന്റെ മനസ്സിൽ കടന്നുകൂടാൻ പറ്റുമോയെന്ന് ഞാനൊന്ന് നോക്കട്ടെ.. ഷെമി...ഞാൻ പറയുന്നത് കേൾക്ക്...അവനെ സാവധാനം കാര്യങ്ങൾ പറഞ്ഞു മനസിലാക്കിക്കാം വെറുതേ...ഓരോന്ന് കാണിച്ചും പറഞ്ഞവനെ ദേഷ്യം പിടിപ്പിച്ച് വാശി കൂട്ടണ്ട.. ഒരുപാട് നാളായില്ലേ പറഞ്ഞു മനസ്സിലാക്കിക്കാൻ തുടങ്ങിയിട്ട് എന്നിട്ട് വല്ലതും നടന്നോ ഇല്ലല്ലോ... സോറി...അവന്റെ തീരുമാനത്തിൽ ഒരുമാറ്റവും ഇല്ലന്നല്ലേ..പറഞ്ഞത് അത് പോലെ എന്റെ തീരുമാനത്തിലും ഒരു മാറ്റവുമില്ല...അതും പറഞ്ഞവൾ അടുക്കളയിലെ പടിയിൽ കയറിയിരുന്നു. ഇവർക്ക് രണ്ടുപേർക്കും ഇടയിൽ ഇപ്പൊ ഞാനാണ് ശെരിക്കും കുടുങ്ങിയത്. എന്തായാലും അരുതാത്തത് ഒന്നും സംഭവികാതിരിക്കട്ടെ. റഫീഖിന്റെ ഉമ്മ സ്വയം പറഞ്ഞുകൊണ്ട്... ചെയ്തുകൊണ്ടിരിക്കുന്ന ജോലിയിലേക്ക് തിരിഞ്ഞു. **** ഇക്കാ... മുജീബ്ക്ക വിളിച്ചിരുന്നോ... ഫൈസലിക്കയോട് ഫാസിൽ അന്വേഷിച്ചു ഇല്ലഡാ... വിളിചില്ല അവൾ സമ്മതിച്ചു കാണില്ല ചിലപ്പോ. ഞാൻ അവിടെ വരെയൊന്ന് പോയിനോക്കിയാലോ... എന്താ ഇക്കാടെ അഭിപ്രായം.. അവിടെ ചെന്നുയെന്ന് കരുതി അവളുടെ മനസ്സ് മാറുമോ.. കുഞ്ഞിത്തയോട് സംസാരിക്കണം...അവരുടെ മനസ്സിൽ എന്താണന്ന് അറിയണം... എങ്കിൽ പിന്നേ നമുക്ക് രണ്ടുപേർക്കും കൂടി നാളെ അവിടെവരെയൊന്ന് പോയി നോക്കാം... വേണ്ട നിങ്ങൾ ആരും വേണ്ട ഞാൻ ഒറ്റക്ക് മതി.. അത് ശെരിയാവില്ല.. നിന്നോട് മിണ്ടുമെന്ന് നിനക്കെന്താ ഉറപ്പ്.. മിണ്ടിക്കാനൊക്കെ എനിക്കറിയാം...പിന്നെ ചെറിയൊരു പ്ലാനും കൂടി ഉണ്ട്. നടക്കുമോ അറിയില്ല... എന്ത് പ്ലാൻ..നീ അവിടെച്ചെല്ലുന്നതിലും അവളെ കാണുന്നതിലുമൊന്നും എനിക്ക് ഞങ്ങൾക്കാർക്കും കൊഴപ്പമില്ല... പക്ഷെ...അവൾക്കിഷ്ടമില്ലാതഒരിക്കലും നിന്റെജീവിതത്തിലേക്ക് അവളെ ക്ഷെണിക്കരുത്. പിന്നേ അത് ദു:ഖങ്ങൾക്കെ വഴിതെളിയിക്കു.... അഹ്... ഞാൻ അവളെ കാണട്ടെ എന്നിട്ട് തീരുമാനിക്കാം ബാക്കി.. ഓഹോ.. അവളോ.. റഹ്മത്തചിരിച്ചുകൊണ്ട് ചോദിച്ചു.. അഹ്... ഇനിയങ്ങിനെയൊക്കെ വിളിച്ചു ശീലിക്കണം.. പിന്നെ...പിന്നെ....വേണം. റഹ്‌മത് ചിരിച്ചുകൊണ്ട് പറഞ്ഞു...അതിനോടൊപ്പം ഫാസിലിന്റെ ചുണ്ടിലും ഒരു മധുര പുഞ്ചിരി വിടർന്നിരുന്നു (തുടരും... കണ്ണൂർകാരൻ 🥰🥰🥰 #📔 കഥ #💞 പ്രണയകഥകൾ #📙 നോവൽ #📚 ട്വിസ്റ്റ് കഥകൾ #✍ തുടർക്കഥ