ഏപ്രിൽ 23:വി.സാംബശിവൻ
ഓർമ്മദിനം
ᚙᚙᚙᚙᚙᚙᚙᚙᚙᚙᚙᚙᚙ
നവോന്മേഷ ശാലിനിയായ പ്രതിഭയുമായി മലയാള മനസ്സുകൾക്കുമേൽ കലാചാരുതയുടെ ശ്യാമമേഘമായി, അര നൂറ്റാണ്ടുകാലത്തെ സപര്യയുമായി അതിരും എതിരുമില്ലാത്ത ഭാവപ്പെരുമയോടെ കഥ പറഞ്ഞ കാഥിക സമ്രാട്ടാണ് വി.സാംബശിവൻ. 1924-ൽ സ്വാമി സത്യദേവൻ തുടക്കമിട്ട കഥാപ്രസംഗ കലയെ കാലോചിതമായി പരിഷ്കരിച്ച് ജനകീയമാക്കുന്നതിൽ മുഖ്യപങ്കുവഹിച്ചു. കെ പി എ സി നാടകങ്ങളെപ്പോലെ കേരളത്തിൽ പുരോഗമന ആശയങ്ങൾ ജനകീയമാക്കാൻ സാംബശിവൻ വഹിച്ച പങ്ക് നിസ്തുലം.
🟣
1929 ജൂൺ 16-ന് കൊല്ലം ജില്ലയിലെ ചവറ തെക്കുംഭാഗം നടുവത്തുചേരി മേലൂട്ട് വേലായുധന്റെയും ശാരദയുടെയും മകനായി ജനിച്ചു.
കൊല്ലം ശ്രീനാരായണ കോളജിൽ നിന്നു ബി.എ ഒന്നാം ക്ലാസ്സിൽ പാസ്സായി. ഓൾ ഇന്ത്യാ സ്റ്റുഡൻറ്സ് ഫെഡറേഷന്റെ നേതാവായിരുന്നു. 1957-ൽ ഗുഹാനന്ദപുരം ഹൈസ്കൂളിൽ അദ്ധ്യാപകനായി.
🟠
1949-ൽ ഗുഹാനന്ദപുരം ക്ഷേത്രസന്നിധിയിൽ ആദ്യ കഥാപ്രസംഗം അവതരിപ്പിച്ചു - ചങ്ങമ്പുഴയുടെ ‘ദേവത’. പഠിക്കുന്ന കാലത്തുതന്നെ തിരക്കുള്ള കാഥികനായി. 1963-ൽ ലിയോ ടോൾസ്റ്റോയിയുടെ 'ദ പവർ ഓഫ് ഡാർക്നെസ് ' (തമശ്ശക്തി) എന്ന നാടകം ‘അനീസ്യ’ എന്ന പേരിൽ കഥാപ്രസംഗമായി അവതരിപ്പിച്ചു. ഒഥല്ലോ ദി മൂർ ഒഫ് വെനീസ്’ എന്ന ഷേക്സ്പീരിയൻ ദുരന്തനാടകം 1964ൽ കഥാപ്രസംഗവേദികളിൽ എത്തിച്ചു. വിലക്ക് ലംഘിച്ച് കഥ അവതരിപ്പിച്ചതിനെത്തുടർന്ന് അടിയന്തിരാവസ്ഥക്കാലത്ത് ജയിലിലായി.
🟤
നാലര ദശകത്തിലേറെ നീണ്ട കഥാപ്രസംഗ ജീവിതത്തിൽ അൻപതിലേറെ കഥകൾ 15000 ത്തോളം വേദികളിൽ അവതരിപ്പിച്ചു.
പല്ലാങ്കുഴി' എന്ന സിനിമയിൽ നായകനായി അഭിനയിച്ചിട്ടുണ്ട്. ഈ സിനിമയിലെ 'ഏതു നാട്ടിലാണോ' എന്ന ഗാനം പ്രസിദ്ധമാണ്.
🟡
1980-ലെ കേരള സംഗീതനാടക അക്കദമി ഫെല്ലൊഷിപ്പ് ലഭിച്ചു.
പാങ്കുളം മാടൻ നടയിൽ(ആറ്റിങ്ങൽ) 1996 മാർച്ച് 7നായിരുന്നു അവസാനമായി കഥ പറഞ്ഞത്.
കഥ: ഏഴു നിമിഷങ്ങൾ(ഇർവിംഗ് വാലസ് എഴുതിയ ദി സെവൻ മിനിറ്റ്സ് എന്ന നോവലിൻ്റെ കഥാപ്രസംഗാവിഷ്കാരം)
🔴
1996 ഏപ്രിൽ 23-ന് അന്തരിച്ചു.
പരേതയായ സുഭദ്രയാണ് ഭാര്യ.
മൂത്ത മകനായ വസന്തകുമാർ സാംബശിവൻ കഥാപ്രസംഗരംഗത്തുണ്ട്.
പ്രശാന്ത് കുമാർ, ജിനരാജ്കുമാർ, ജീസസ് കുമാർ, ഐശ്വര്യ എന്നിവരാണ് മറ്റ് മക്കൾ.
കൃതികൾ
🟣
ദിവ്യതീർത്ഥം (നോവൽ)
അർത്ഥം (നോവൽ)
വ്യാസനും മാർക്സും (നോവൽ)
കഥാപ്രസംഗം അമേരിക്കയിൽ (യാത്രാവിവരണം)
കഥാവേദിയുടെ കാൽച്ചിലമ്പൊലി (ആത്മകഥാപരമായ സ്മരണകൾ)
കഥാപ്രസംഗ കലാവിദ്യ (പഠനം)
🟢
സാംബശിവനെ സംബന്ധിച്ച പുസ്തകങ്ങൾ.
സാംബശിവന്റെ ജീവിതരേഖ (ജീവചരിത്രം) -ഡോ.വസന്തകുമാർ സാംബശിവൻ
സാംബശിവൻ ശതാവധാനി (ജീവചരിത്രം) -കടയ്ക്കോട് വിശ്വംഭരൻ
വി സാംബശിവൻ - പാവങ്ങളുടെ പാട്ടുകാരൻ (ജീവചരിത്രം)
-വി. സുബ്രമണ്യൻ
വി.സാംബശിവനും കഥാപ്രസംഗ കാലവും: -ഡോ.വസന്തകുമാർ സാംബശിവൻ. #വി.സാംബശിവൻ 🙏 #കഥാപ്രസംഗം
✒️Prepared by
◼️Adv V V Jose Kallada◼️
📱9400586501📱
#വി സാംബശിവൻ 🙏
