चिचाळा येथे महाराजस्व अभियान शिबीर यशस्वीरित्या संपन्न आयोजित शिबिरामध्ये विविध शासकीय योजनांचा लाभ देण्यात आला नागपूर मालेवाडा, भिवापूर बिनधास्त न्यूज मिडीया मालेवाडा: (दि १८ एप्रिल) राज्याचे महसूल मंत्री चंद्रशेखर बावनकुळे यांच्या संकल्पनेतून छत्रपती शिवाजी महाराज महाराजस्व अभियानांतर्गत समाधान शिबीर आयोजन करण्याबाबत शासन निर्णय जारी केलेले असून त्याचाच भाग म्हणून भिवापूर तालुक्यातील चिचाळा येथे मालेवाडा मंडळ अधिकाऱ्याच्या माध्यमातून शिबिराचे आयोजन करण्यात आले होते. या शिबिरामध्ये हजारोच्या संख्येने नागरिक उपस्थित होते. शिबिरामध्ये विविध शासकीय योजनांचा लाभ देण्यात आला, यामध्ये प्रामुख्याने महसूल विभागाच्या १५ पेक्षा जास्त सेवा पुरवण्यात आल्या तसेच पंचायत समिती, तालुका कृषी अधिकारी कार्यालय, बाल विकास प्रकल्प अधिकारी कार्यालय, भूमी अभिलेख कार्यालय, तालुका आरोग्य अधिकारी कार्यालय तसेच तालुक्यातील विविध कार्यालयाचे स्टॉल लावण्यात आलेले यामधून नागरिकांना विविध शासकीय सेवा पुरवण्यात आल्या, तसेच शासकीय योजनांची माहिती देण्यात आली. यामध्ये प्रामुख्याने पुरवठा विभाग २२, सेतू विभाग मार्फत १०८ दाखले वाटप, संजय गांधी निराधार योजनेचे १६ लाभार्थी, तालुका कृषी अधिकारी ४७, बालविकास प्रकल्प अधिकारी कार्यालय मार्फत ०२ लाभार्थ्यांना दाखले वाटप, तालुका आरोग्य अधिकारी कार्यालय मार्फत २५५ लाभार्थ्यांना लाभ वाटप केला तसेच २५५ लाभार्थ्यांची आरोग्य तपासणी करण्यात आली. महसूल विभागामार्फत १६ फेरफार निकाली काढण्यात आले तसेच सातबारा दुरुस्ती संदर्भात ८ फेरफारचे अर्ज स्वीकारले गेले, डिजिटल सातबारा ९७, नमुना आठ अ उतारा ९०, जिवंत सातबारा - २३, एक खिडकी व्यवस्थेअंतर्गत १३ अर्ज स्वीकारले गेले. असे एकूण ६९६लाभार्थ्यांना सेवा देण्यात आल्या. आयोजित शिबिराचे उद्घाटक आमदार संजय मेश्राम, तर अध्यक्ष म्हणून उपविभागीय अधिकारी विद्यासागर चव्हाण हे होते, तसेच माजी आमदार सुधीर पारवे, तहसीलदार श्री संजय राठोड, गट विकास अधिकारी डॉ. चेतन जाधव, तालुका कृषी अधिकारी सुप्रिया कोकणी, उप अधीक्षक भूमी अभिलेख दिपाली सोनसरे, तालुका आरोग्य अधिकारी प्रवीण राऊत, नायब तहसिलदार प्रवीण राठोड, बालविकास प्रकल्प अधिकारी विजय जिडगीलवार, भिवापूर कृषी उत्पन्न बाजार समितीचे सभापती बाळू इंगोले, उपसभापती चंद्रशेखर ढाकुलकर, संचालक मिलिंद राऊत तालुकास्तरीय इतर सर्व विभागाचे अधिकारी व कर्मचारी, तसेच चिचाळा येथील नागरिक मोठ्या संख्येने सदर शिबिरामध्ये उपस्थित होते. या शिबिरामध्ये तालुकास्तरीय सर्व योजनांची माहिती त्याचप्रमाणे सर्व सेवा पुरवण्यात आल्यामुळे नागरिकांमध्ये समाधान व्यक्त केले जात आहे.