🪷192లింగ మహాపురాణం🪷 🍀సహస్ర ధేను దానము - స్వర్ణ అశ్వ దానము - కన్యా దానము - సువర్ణ వృషభ దానము🍀 #నూట తొంభై రెండవ భాగం# సహస్ర ధేను దాన విధి: సహస్ర ధేను దానము చేయ సంకల్పించిన శివభక్తుడు వేయి దూడలతో ఉన్న చక్కని సహస్ర గోవులను సేకరించి ఒకచోటకు చేర్చి పూజించాలి. కొమ్ములకు సువర్ణ నాణెముకట్టాలి.గిట్టలకు వెండితొడుగులువేయాలి.మెడకు ఒక సువర్ణ నాణెము, కర్ణములకు వజ్రములు ఆభూషణాలుగా వేయాలి.  విధి విధానాలతో పూజలు చేసిన తరువాత గోవులన్ని శివునికి సమర్పించాలి. బ్రాహ్మణులను పిలిచి పూజలు చేయాలి. జత వస్త్రములు సమర్పించాలి. ఆవులను దూడలతో సహా బ్రాహ్మణులకు దానము ఇవ్వాలి. దక్షిణగా ఒకటి నుంచి పది నిష్కములు సమర్పించాలి. ఈవిధంగా గోవుల దానము చేసిన వ్యక్తి గోవుల శరీరాల పై ఎన్ని రోమాలున్నాయో అన్ని సంవత్సరాలు స్వర్గములో పూజితుడు అవుతాడు. స్వర్ణ అశ్వ దాన విధి : రాజునకు ఈ దానము వలన యుద్దరంగంలో విజయం లభిస్తుంది. ఈ దానము అశ్వమేధ యాగము కన్నా శ్రేష్టమైనది. అష్టోత్తర సహస్ర అనగా 1008 సువర్ణ నాణెములతో అశ్వము యొక్క ప్రతిమను తయారు చేయించాలి. అశ్వ విగ్రహము పంచ చిహ్నములు కలిగి ఆకారము సుందరంగా దివ్యముగా ఉండాలి. దానము చేయ సంకల్పం చేసిన భక్తుడు అశ్వ ప్రతిమను ఉచ్చైశ్రవంతో సమానంగా భావించి భక్తి శ్రద్థలతో పూజించాలి. తూర్పు దిశలో శివభక్తుడైన బ్రాహ్మణుని ఆసీనుని చేసి ఇంద్రుని సమానంగా భావించి పూజించాలి.  సువర్ణ అశ్వమును బ్రాహ్మణునికి దానము ఇవ్వాలి. దక్షిణగా ఐదు బంగారు నాణెములు సమర్పించాలి. బ్రాహ్మణులకు అన్న సంతర్పణ చేయాలి. దానము చేయించిన గురువుని పూజించి సత్కరించాలి. అనాధ బాలకులకు వృద్దులకు, రోగులకు, నిరుపేదలకు అన్నదానము చేయాలి. ఈవిధంగా దానము చేసిన వ్యక్తి ఇంద్రునితో సమానంగా పూజింపబడి స్వర్గసుఖాలు అనుభవిస్తాడు. కన్యాదాన విధి : దానములన్నింటిలో ఉత్తమమైనది కన్యాదానము. దానము చేయ సంకల్పించిన వ్యక్తి సర్వలక్షణములు గల కన్యను ఆమె తల్లితండ్రులతో మాటలాడి ఒప్పించి, తగిన ధనము ఇచ్చి తన కన్యగా  తీసుకోవాలి. ఆమెను నూతన వస్త్రాభరణాలతో అలంకరించి సుగంధ మాలల చేత ఆమెకు పూజలు చేయాలి. ఆమె గోత్ర నక్షత్రాలు తెలుసుకుని తగిన బ్రహ్మచారి, తపస్వి, వేదాధ్యయనము చేసిన వరుని అన్వేషణ చేయాలి. వరుడు లభించిన తరువాత ఇద్దరికి పెళ్లి చూపులు ఏర్పాటు చేయాలి. ఒకరినొకరు ఇచ్ఛాపూర్వకంగా వివాహమునకు అంగీకరించాలి. విధి పూర్వకంగా వారిరువురికి వివాహం చేసి కన్య దానం చేయాలి. భూమి, ధన ధ్యాన వస్త్రములతో పాటు దాసదాసీ జనము, ఆభరణాలు నూతన వధువరులకు సమర్పించాలి. దానము చేసిన కన్య సంతానము శరీరాలపై ఎన్ని రోమములు ఉంటాయో అన్ని సంవత్సరాలు దానకర్త రుద్ర లోకంలో ఉంటాడు సువర్ణ వృషభ దాన విధి : దానము చేయ సంకల్పించిన భక్తుడు వేయి లేక ఐదు వందల సువర్ణ నాణెములతో వృషభ ప్రతిమ తయారు చేయించాలి. లలాటము పై అర్ధచంద్రకారములో చిహ్నము ఉండాలి. గిట్టలు వెండితో, కంఠం పద్మరాగముతో, గంగడోలు గోమేధముతో చేయించాలి. మెడలో గుండ్రని త్రాడుతో కింకిణిలు (చిరుగంటలు) ఏర్పాటు చేయాలి. సువర్ణ వృషభాన్ని అలంకరించి మండపం లోని వేదిక పై ముఖము పశ్చిమ దిశవైపు ఉండేటట్టు నిలబెట్టాలి. వృషభము పై శివుని  ఆసీనుడిని చేయాలి. "తీక్ష్ణణశృంగాయ విద్మహే, ధర్మపాదాయ ధీమహీ, తన్నో వృషః ప్రచోదయాత్" అనే వృషభ గాయత్రి మంత్రము చేత వృషేంద్రునికి పూజలు చేసి నమస్కరించాలి. సువర్ణ వృషభమును  శివభక్తుడైన బ్రాహ్మణునికి తగిన దక్షిణతో దానము ఇవ్వాలి. ఈ దానము చేసిన వ్యక్తి నందీశ్వరునితో సమానంగా శివుని అనుచరుడై శివలోకంలో నివసిస్తాడు. *తరువాతకధ రేపటి భాగంలో చదువుదాం*. https://chat.whatsapp.com/DnFG7pWG3BkH6MKxaSFRFb #🌅శుభోదయం #🙏శుభాకాంక్షలు #🙏ఓం నమః శివాయ🙏ૐ 🌹శ్రీకాంత్ గంజికుంట కరణంగారి సౌజన్యంతో🌹 💜   ఓం శ్రీఉమా మహేశ్వరాయ నమ:💜 🙏లోకా:సమస్తాః సుఖినోభవన్తు🙏 రేపటి తరానికి బ్రతుకు, భద్రత లతోపాటు భారతీయత కూడా నేర్పండి.*      (సర్వం శ్రీశివార్పణమస్తు)                 🌷🙏🌷 శుభమస్తు 🌹 🌷 ♥️ 🙏 స్వస్తి. 🍀🌺🍀🌺🍀🌺🍀🌺🍀🌺