ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mpA78Zp?d=n&ui=v64j8rk&e1=cമന്ത്രകോടി :പാർട്ട്‌ -45🌺💚 പിറ്റേന്ന് രാവിലെ തന്നെ കാവ്യയുടെ വീട്ടിൽ നിന്ന് അച്ഛനുമമ്മയുമെത്തിയിരുന്നു...... അവിടുത്തെ കാര്യങ്ങളെല്ലാം കാവ്യയുടെ അച്ഛനായ വേണുവിനോട് നന്ദൻ പറഞ്ഞിരുന്നു..... രാവിലെ അച്ഛനെ കണ്ടപ്പോ അവളുടെ കണ്ണുകൾ നിറഞ്ഞുപോയി ....... അവൾ ഓടി വന്നാ നെഞ്ചിലേക്ക് ചാഞ്ഞു. കൂടെ അമ്മയുണ്ടെങ്കിലും അവളവരെ ശ്രെദ്ധിക്കാൻ പോയില്ല...... എന്താ മോളെ ഉണ്ടായേ......... എന്താ സംഭവിച്ചേ...... അയാളവളെ ചേർത്തു നിർത്തി ചോദിച്ചു. എന്നെക്കൊണ്ട്..... എന്നെക്കൊണ്ട് പറ്റാത്തതുകൊണ്ടാ അച്ഛാ ഇറങ്ങി വന്നത്...... അത്രയ്ക്ക് ദുഷ്ടനാ അയാൾ...... പുറമേ കാണുന്നവനല്ല ........ എന്നെ ഒത്തിരി ഉപദ്രവിച്ചു.... കുറേ സ്ത്രീകളുമായി ബന്ധവുമുണ്ട്..... അതൊക്കെ കണ്ടുപിടിച്ചപ്പോഴാ എന്നെ...... അവൾ വിതുമ്പി പോയി..... മോൾക്കത്‌ തോന്നിതുടങ്ങിയപ്പോഴേ എന്നെ വിളിക്കാരുന്നില്ലേ...... വിളിച്ചതാ....... അയാളൊരു ദുഷ്ടനാണെ ന്നറിഞ്ഞപ്പോ തന്നെ വീട്ടിലേക്ക് ഞാൻ വിളിച്ചതാ..... ഈ അമ്മയാ ഫോൺ എടുത്തത് . ഇതൊക്കെയാ ജീവിതം ഇങ്ങനെ ഒക്കെയാ ജീവിതം നിനക്ക് താഴെയൊരു പെൺകുട്ടി കൂടി ഉള്ളതാ എന്നൊക്കെ പറഞ്ഞ് എന്നെ ഒന്ന് കേൾക്കാൻ പോലും തയ്യാറാകാതെ അച്ഛന് ഒന്ന് ഫോൺ പോലും തരാതെ കട്ട് ചെയ്തത് ഈ അമ്മയാ.... പിന്നെ..... എനിക്ക് വീട്ടിലേക്ക് വിളിക്കാൻ തോന്നിയില്ല...... അവൾ വിങ്ങി കരഞ്ഞു...... അയാൾ തിരിഞ്ഞ് തനിക്കരികിൽ നിൽക്കുന്ന ശാരദയെ ഒന്ന് നോക്കി...... കാവ്യ ഈ പറഞ്ഞതൊക്കെ നേരാണോ ശാരദേ..... അയാൾ ദേഷ്യത്തോടെ ചോദിച്ചു..... അവരുടെ ഉള്ളൊന്ന് വിറച്ചെങ്കിലും അത്‌ പുറത്ത് കാണിക്കാതെ അയാളുടെ മുഖത്തേക്ക് നോക്കിയവർ..... അവള്.... അവള് വിളിച്ചതൊക്കെ നേരാ...... അവർ വിക്കി വിക്കിയാണ് തുടങ്ങിയതെങ്കിലും മനസ്സിൽ കുറച്ച് ധൈര്യം കൊണ്ടുവന്നു. ഞാൻ പറഞ്ഞതിൽ എന്താ തെറ്റ്.... ചെറിയ ചെറിയ വഴക്കുകൂടുമ്പോ തന്നെ വീട്ടിൽ വിളിച്ചു പറഞ്ഞ് അവിടെ അടിയും ഉണ്ടാക്കി ഇറങ്ങി വരാൻ ഞാനിവളെ പ്രോത്സാഹിപ്പിക്കാണോ? ചില്ലറ ചിലവൊന്നും നടത്തിയല്ലലോ കെട്ടിച്ചു വിട്ടത്..... ഇവൾക്ക് താഴെയും ഒരു പൊങ്കൊച്ച് കൂടിയില്ലേ ..... അവളുടെ ഭാവി നോക്കണ്ടേ..... നാളെ ഇവള് ബന്ധം മുറിഞ്ഞു വീട്ടിൽ വന്ന് നിന്നാ അവൾക്കൊരു നല്ല ആലോചന വരുവോ പെൺപിള്ളേരായാൽ ക്ഷമിക്കണം അത്രേ ഞാൻ പറഞ്ഞു കൊടുത്തൊള്ളൂ. അല്ലാതെ വിളിച്ചു സങ്കടം പറഞ്ഞാലുടനെ അവിടെ ചെന്ന് പ്രശ്നം പരിഹരിക്കാതെ കെട്ടിയ താലിയും പെട്ടിച്ച് വീട്ടിലേക്ക് കൊണ്ട് വരുകയല്ല വേണ്ടത്. ചിലർക്ക് അതിനൊക്കെ സപ്പോർട് കൊടുക്കാൻ നല്ല മിടുക്കാ..... കെട്ടിയവനെ കളഞ്ഞു വീട്ടിൽ വന്ന് നിൽക്കുമ്പോ നാട്ടുകാർക്ക് ഉത്തരം കൊടുക്കേണ്ടത് നമ്മളാ..... അവർ കലിയോടെ എന്നാൽ അതിലും വെറുപ്പോടെ ഭാമയേയും നന്ദനേയും നോക്കി പറഞ്ഞു..... നിമിഷ നേരം കൊണ്ട് വേണുവിന്റെ കൈപത്തി അവരുടെ കവിളിൽ പതിഞ്ഞു.... നീയൊരു അമ്മ തന്നെയാണോ ടീ..... ഇവളെ പ്രസവിച്ചത് നീതന്നെയാണോ....... അടികൊണ്ട് ഒരു വശത്തേക്ക് ചരിഞ്ഞ അവരുടെ മുഖത്തേക്ക് നോക്കി അയാൾ കലിയോടെ ചോദിച്ചു...... പെറ്റമ്മയുടെ വാക്കുകൾ കേട്ടതും കാവ്യയുടെ മിഴികൾ കവിഞ്ഞൊഴുകി....... നീ ഒറ്റയൊരുത്തിയാ ..... ഈ ആലോചന കൊണ്ട് വന്നത് നീ ഒറ്റ ഒരുത്തിയാ പിടിവാശി കാണിച്ച് ഇപ്പോ കല്യാണം നടത്തി അതിന്റെ ജീവിതം ഇങ്ങനെയാക്കിയത്...... ഇനി അവളെ കൊലക്ക് കൊടുക്കുക കൂടി ചെയ്താലേ നീ അടുങ്ങു അല്ലേ..... അയാൾ അവരെ നോക്കി അലറി..... അയാളെ വിറച്ചു...... ആരോഗ്യപ്രശ്നങ്ങൾ ഏറെയുള്ള ആളാണ്..... അച്ഛനെ ഇതുവരെയും ഇങ്ങനെ ദേഷ്യപ്പെട്ട് കണ്ടിട്ടില്ല..... അതുകൊണ്ട് തന്നെ കാവ്യയും ഭാമയും പെട്ടന്ന് തന്നെ അച്ഛനരികിലേക്ക് ചെന്നു..... നന്ദനും അയാൾക്കരികിലേക്ക് ചെന്ന് ഒന്നും ചേർത്ത് പിടിച്ച് സോഫയിലേക്ക് കൊണ്ടിരുത്തി...... കുട്ടികളുടെ ജീവിതം ഇല്ലാണ്ടാക്കുന്ന ഇവളെയൊക്കെ എങ്ങനെയാ അമ്മയെന്നു വിളിക്കുന്നത്..... അയാൾ ആ സോഫയിൽ ഇരുന്നുകൊണ്ട് അവർക്ക് നേരെ ആരാഞ്ഞു...... ശാരദ പിന്നീട് ഒന്നും മിണ്ടിയില്ല..... കിട്ടിയ അടിയുടെ പവറും അത്രക്കുണ്ടായിരുന്നു.... ഒരുവേള അയാൾക്കൊപ്പം വരേണ്ടിയിരുന്നില്ല എന്നുപോലും ചിന്തിച്ചു പോയി. നന്ദാ..... ഇനി..... എന്താ ചെയ്യേണ്ടത്? അയാൾ ഒരു വിറയലോടെ ചോദിച്ചു..... കാവ്യക്ക് അവിടെ തുടർന്ന് ജീവിക്കാൻ താല്പര്യമില്ലച്ഛാ..... കൂടാതെ അവൾ പറഞ്ഞ കാര്യങ്ങൾ വച്ച് നോക്കുമ്പോ വല്ലാത്തൊരു മൈൻഡ് ഉള്ള യാളാണ് ജീവൻ..... മാത്രമല്ല അയാളുടെ കുടുംബവും. പുറമെ നല്ലൊരു മനുഷ്യൻ എന്ന ഇമേജിൽ ജീവിക്കുന്നു..... കാവ്യയുടെ തീരുമാന പ്രകാരം നിയമപരമായി നീങ്ങാൻ തന്നെയാണ് വിചാരിക്കുന്നത്. ഇനിയൊരിക്കലും ഒരു പെൺകുട്ടിയോടും അവനിങ്ങനെ ചെയ്യരുത്..... ഡിവോഴ്സിന്റെ കാര്യങ്ങളെല്ലാം പതിയെ നീക്കാം.... പിന്നെ അതുവരെ അവളിവിടെ ഞങ്ങളോടൊപ്പം നിൽക്കട്ടെ എന്നാണ് ഞങ്ങൾ വിചാരിക്കുന്നത്..... മോനേ അത്...... ഒന്നും പറയണ്ടച്ഛാ എന്റെ കൂടെയല്ലേ.... അവളിവിടെ നിൽക്കട്ടെ..... അവളുടെ മനസ്സ് ഒന്ന് ഓക്കേ ആകട്ടെ....... ഭാമ പെട്ടന്ന് പറഞ്ഞു. പറ്റില്ല..... പെട്ടന്നാണ് ശരാധയുടെ ശബ്ദമവിടെ കേട്ടത്..... എല്ലാവരും അവരെ ഉറ്റുനോക്കി..... അത്‌ നീയാണോ തീരുമാനിക്കുന്നത് അവരുടെയാ എതിർപ്പ് കണ്ട് വേണു ചോദിച്ചു. അവർ മിണ്ടിയില്ല..... അവളിവിടെ നിൽക്കും..... അയാൾ അവിടെ ഇരുന്നുകൊണ്ട് തന്നെ കാവ്യയെ അരികിൽ വിളിച്ചു..... അവൾ അച്ഛനരികിലേക്ക് വന്നിരുന്നു..... അച്ഛന്റെ കുഞ്ഞ് ഒന്നുകൊണ്ടും പേടിക്കണ്ട...... അച്ഛനുണ്ട്..... ഭാമയും നന്ദനും എല്ലാരുമുണ്ട്..... എന്റെ കുഞ്ഞിനെ തട്ടിക്കളിക്കാൻ ആർക്കും കൊടുക്കില്ല...... അവൾ ആ മുഖത്തേക്ക് നോക്കി വിങ്ങികരഞ്ഞു.... അയാളുടെ നെഞ്ചിലേക്ക് ചാഞ്ഞിരുന്നു..... അയാൾ അവളുടെ മുടിയിഴയിൽ മെല്ലെ തലോടി..... മോളുടെ ബുക്കും പുസ്തകവും എല്ലാം വീട്ടിൽ നിന്ന് കൊണ്ട് വരാൻ പറയാം കേട്ടോ....... മ്മ്മ്..... അവളൊന്ന് മൂളി..... ശാരദയെല്ലാം കണ്ടു നോക്കി നിന്നതല്ലാതെ ഒന്നും മിണ്ടിയില്ല..... എടുത്തു ചാടണ്ടായിരുന്നു..... അവരുടെ മനസ്സിലും ആരോ ഇരുന്ന് പറയും പോലെ ...... എന്നാലും നന്ദനോടും ഭാമയോടുമുള്ള വാശി മനസ്സിൽ മുന്നിട്ട് നിന്നു. കുറച്ച് നേരം കൂടി കഴിഞ്ഞതും അയാൾ പോകാനെഴുന്നേറ്റു കൂടെ ശാരദയും..... നന്ദനുമായി കുറച്ച് നേരം മാറിനിന്ന് സംസാരിച്ചിട്ട്‌ കൂടിയാണ് അയാൾ ഇറങ്ങിയത്. അച്ഛനോടൊപ്പം സംസാരിച്ച് കഴിഞ്ഞപ്പോൾ കാവ്യക്ക് കുറച്ച് കൂടി ആശ്വാസമായി...... 🦋🦋🦋 പിറ്റേ ദിവസം തന്നെ കാവ്യയുടെ പ്രശ്നത്തിൽ പോലീസിൽ ഒരു കേസ് രജിസ്റ്റർ ചെയ്തു. എല്ലാ കാര്യങ്ങൾക്കും കാവ്യക്ക് പിന്തുണയുമായി കൂടെ ഉണ്ടായിരുന്നത് ഭാമയും നന്ദനും തന്നെയായിരുന്നു....... ഗാർഹീക പീഡനവും മാനസിക പീഡനവും എല്ലാം കൂടി ചേർത്ത് ജാമ്യം പോലും കിട്ടാത്ത വകുപ്പ് ചുമത്തി,....... എല്ലാ സഹായങ്ങൾക്കും സഞ്ചു കൂടി ഉണ്ടായിരുന്നു...... ഡിവോഴ്സ് ഫയൽ ചെയ്യാൻ ആറു മാസം വേണമെന്നുള്ളത് കൊണ്ട് അക്കാര്യങ്ങളെല്ലാം പതിയെ മാത്രമേ നീങ്ങാൻ കഴിയൂ എന്ന് വക്കീൽ പറഞ്ഞിരുന്നു. ❤️❤️❤️ പതിയെ ദിവസങ്ങളോരോന്നും കടന്ന് പോകാൻ തുടങ്ങി...... കാവ്യയുടെ പരാതി പ്രകാരം പോലീസ് കേസെടുത്തു..... ജീവനെ അറസ്റ്റ് ചെയ്തു. സ്റ്റേഷൻ കേസ്,കോടതി അങ്ങനെ പോയി തുടങ്ങി കാവ്യയുടെ ദിവസങ്ങൾ....... എത്ര കേറി ഇറങ്ങിയാലും അവനെ വെറുതേ വിടരുത് എന്നത് അവളുടെ തീരുമാനം തന്നെയായിരുന്നു. ❤️ അങ്ങനെയിരിക്കേ കേസിന്റെ കാര്യങ്ങൾക്കെല്ലാം പോയി തളർന്നു കയറി വന്നിന്നൊരു ദിവസം ഭാമയുടെ മുറിയിലേക്ക് ചെല്ലുമ്പോഴാണ് അടുത്ത മുറിയിൽ നിന്ന് ഒരു വിളിയൊച്ച കേൾക്കുന്നത്...... അതെന്താണെന്നറിയാൻ പെട്ടന്നാ മുറിയിലേക്ക് കയറി ചെല്ലുമ്പോഴായിരുന്നു കട്ടിലിന്റെ ഒരു വശത്തു നിന്നും താഴേക്ക് വീഴാനായി പോകുന്ന മഹിയെ കാണുന്നത്. അവൾ പെട്ടന്ന് തന്നെ ഓടി അവനരികിലേക്കെത്തി ഒരു വശത്തു നിന്നും തന്റെ നെഞ്ചിലേക്ക് അവനെ സപ്പോർട്ട് ചെയ്ത് പിടിച്ചു. ശേഷം അവൾ പതിയെ ഒരു തലയിണ നേരെ വച്ച് അതിലേക്കവനെ ചാരിയിരുത്തി....... മഹി നെഞ്ചിലേക്ക് കൈ വച് ഒരു നിമിഷമൊന്നു ശ്വാസമൊന്നാഞ്ഞുവലിച്ചു...... എന്ത് പറ്റിയതാ.....ഓക്കെ യാണോ....... അവനെ നോക്കി അവൾ ചോദിച്ചു. ഓക്കേ യാ...... മനു ഫ്രഷ് ആകാൻ കയറിപ്പോ ഒറ്റക്കൊന്ന് നിവർന്നിരിക്കാൻ നോക്കിയതാ പെട്ടന്ന് ബാലൻസ് കിട്ടിയില്ല...... തന്നെ നോക്കി നിന്നവളോടായി അവൻ പറഞ്ഞു...... ഹ്മ്മ്.... ഇരുവരും ആദ്യമായാണ് ഇങ്ങനെ കാണുന്നത്...... മഹി ഈ വീട്ടിൽ ഉണ്ടെന്നറിയാം എന്നല്ലാതെ അവനെ മുറിയിൽ ചെന്നവൾ കണ്ടിട്ടില്ലായിരുന്നു. അതുപോലെ തന്നെ അവനും കാവ്യ ഈ വീട്ടിൽ നിൽക്കുന്നു എന്നല്ലാതെ അവളെ നേരിട്ട് കണ്ടിട്ടില്ലായിരുന്നു. ഇരുവരും പരസ്പരമൊന്നു നോക്കി..... ഞാൻ പൊക്കോട്ടെ....... ഹ്മ്മ്.... അവൻ പൊക്കോ യെന്ന് തല കുലുക്കി..... കുട്ടി... ഭാമയുടെ അനിയത്തി ആണോ....... തിരിഞ്ഞു നടക്കാൻ തുടങ്ങിയവളെ നോക്കി അവൻ ചോദിച്ചു. അതേ...... തുടരും. കണ്ണൂർകാരൻ 👍👍👍👍 #📙 നോവൽ #📔 കഥ #💞 പ്രണയകഥകൾ #📝 ഞാൻ എഴുതിയ വരികൾ #📝 ഞാൻ എഴുതിയ വരികൾ