#🎙️அரசியல் தர்பார் #📰தமிழக அப்டேட்🗞️ #📺அரசியல் 360🔴
காங்கிரஸ் மற்றும் IUML கட்சிகள், தவெக அமைச்சரவையில் இணைக்கின்றன. நாளை விசிகவும் தன்னுடைய சம்மதத்தைத் தெரிவித்துவிடும்.
தவெகவின் பேச்சைக் கேட்டு அதிமுக விலிருந்து விலகி நம்பிக்கை வாக்கெடுப்பில் அரசுக்கு ஆதரவாக வாக்களித்த 25 எம்எல்ஏக்கள் இன்று திரிசங்கு நிலையில்!
இந்த 25 எம்எல்ஏக்களின் பதவி பறிபோனால் சட்டமன்றத்தின் எண்ணிக்கை 209. அதில் பெரும்பான்மை என்பது 105 மட்டுமே. எனவே அந்த எம்எல்ஏக்களை அப்படியே நட்டாற்றில் விட்டு விட்டாலும் தவெகவிற்கு இலாபமே!
அதன்பிறகு இடைத்தேர்தலில் மக்களை ஏமாற்றி வெற்றி பெறும் உத்தியை அவர்களுக்கு யாரும் சொல்லித்தரத் தேவையில்லை. அவர்கள் அதில் கரைக்கண்டவர்கள்.
ஆனால், அதன்பிறகு அவர்களுக்கு காங்கிரஸ், கம்யூனிஸ்ட், IUML மற்றும் விசிகவின் ஆதரவு தேவைப்படாது. அப்போது அவர்கள் தீயசக்தியின் கல்லாப்பெட்டி கூட்டணியில் இடம்பெற்றவர்கள் என்பது நினைவுகூறப்படும்.
திமுகவின் செலவில், திமுகவின் தயவில், திமுகவின் உழைப்பில், திமுகவின் வாக்கு வங்கியின் உதவியுடன் தேர்தல் வெற்றியைச் சுவைத்த இக்கட்சிகளுக்கு, இன்னும் சில மாதங்களில் நிகழவிருக்கும் மாற்றத்திற்கும் சேர்த்து என்னுடைய இனிய நல்வாழ்த்துகள்!
இத்தனை காலமாய் திருமா அவர்கள் வளர்த்தெடுத்த, தலித் வாக்குவங்கியைப் பெரும்பான்மையாகக் கொண்ட விசிக எனும் கட்சி, தவெகவில் கரைந்து காணாமல் போவதற்கான அறிகுறிகள் தென்படுவதால், அக்கட்சிக்கும் என்னுடைய வாழ்த்துகள்.
திமுகவிற்கு கூட்டணிக் கட்சிகள் இனி அவசியமில்லை என்பது என்னுடைய தாழ்மையான கருத்து.
கூட்டணிக் கட்சிகள் போட்டியிடும் தொகுதிகளில் திமுக தொண்டர்கள் அவர்களுக்கு வேலை செய்வது போல, திமுக போட்டியிடும் இடங்களில் கூட்டணிக் கட்சியினர் வேலை செய்யவில்லை. திருமா அவர்களே அதனை ஒரு பேட்டியில் ஒப்புக்கொண்டார்.
கூட்டணிக் கட்சிக்கு ஒதுக்கப்பட்ட இடங்களில் திமுகவின் வாக்குகள் அக்கட்சிகளுக்கு விழுந்துள்ளன. ஆனால், திமுக போட்டியிட்ட இடங்களில் காங்கிரஸ் விசிக ஓட்டுகள் தவெக விற்குச் சென்றுள்ளன.
இதற்கு திமுக தனியே நின்று, தகுதியான திமுக இளைஞர்களுக்கு வாய்ப்பளித்து தேர்தலைச் சந்தித்திருக்கலாம். கட்சியின் அடிமட்டத் தொண்டர்களுக்குள் நிலவும் அதிருப்தியைக் களைந்து, அவர்தம் குடும்பங்களை அரவணைத்துக் கொள்வதே இனி வரும் காலங்களில் கட்சியை வளர்க்கும். பலப்படுத்தும்.
கூட்டணிக் கட்சிகளைத் திருப்திப்படுத்த அவர்களுக்கு அதிகப்படியான சீட்டுகளும், மாநிலங்களவை உறுப்பினர் பதவிகளையும் கொடுத்ததற்கு, உண்மையான, தகுதியான திமுக தொண்டர்களுக்கு, இளைஞர்களுக்கு வாய்ப்பை வழங்கியிருக்கலாம்.
ஒரு அரசியல் பார்வையாளராக, திமுக ஆதரவாளராக இன்றைய அரசியல் சூழலில், இதுவே என்னுடைய பார்வை!
தனித்துவமிக்க திமுக, கொள்கைப் பிடிப்புள்ள திமுக, தனித்தும் தன்னை நிரூபிக்கும். திமுக போராடும்! திமுக வெல்லும்!
- Hameeda Hamid
