ചുളിഞ്ഞ മുഖവുമായി തന്റെ മുന്നിൽ നിൽക്കുന്നവനെ നോക്കാതെ പാർവതി ശ്വാസം വലിച്ചു വിട്ടു.. ചുറ്റിനും കൂടിയ ആൾക്കാരുടെ കണ്ണുകൾ എല്ലാം തങ്ങളിൽ ആണ്.. ചെങ്കുത്തായ പാറയുടെ അരികിൽ ആണ് തങ്ങൾ ഇരുവരും.. പാർവതിയുടെ നേർത്ത ഷിഫോൺ സാരി കാറ്റിൽ തലങ്ങും വിലങ്ങും പാറി കളിക്കുന്നുണ്ട്..അവളുടെ ഉടലഴകുകൾ എല്ലാം വ്യക്തമായി കാണാം..സ്റ്റൈൽ ചെയ്ത പട്ടു പോലെ ഉള്ള മുടിയിഴകൾ കാറ്റിന്റെ താളത്തിൽ ഉലയുന്നുണ്ട്.. "പാർവതി ഡോണ്ട് ബി നേർവസ്.. ബി കോൺഫിഡന്റ്.." മൈക്കിലൂടെ വിളിച്ചു പറയുന്ന ശബ്ദം കേട്ടതും അവൾ കണ്ണുകൾ അടച്ചു ധൈര്യം സംഭരിച്ചു.. നിന്നെ കൊണ്ടു കഴിയും പാർവതി.. നിനക്ക് താണ്ടാൻ ഉയരങ്ങൾ ഏറെ ഉണ്ട്.. മനസ്സിൽ പറഞ്ഞു ധൈര്യം സംഭരിച്ചു കൊണ്ടു അവൾ കണ്ണുകൾ തുറന്നു നോക്കി.. മേക്കപ്പ് അസിസ്റ്റന്റ് വന്നു അവളുടെ ചുണ്ടിനു മേൽ പൊടിഞ്ഞ വിയർപ്പ് കണങ്ങൾ എല്ലാം ടിഷ്യു കൊണ്ടു ഒപ്പി മാറ്റി.. "പാർവതി അമ്മാ.. ഇങ്ക പാര്.. " കുറച്ചു മാറി ഒരു ഷോൾ ചുറ്റി അതു വിടർത്തി നടന്നു കാണിക്കുന്നവരെ കണ്ടതും പാർവതി ഓക്കേ എന്ന് വിരൽ ഉയർത്തി കാണിച്ചു... കോറിയോഗ്രാഫറുടെ അസിസ്റ്റന്റ് ശാന്തി ആണ്.. കുറച്ചു മാറി നിന്നു അവൾക്ക് സ്റ്റെപ് കാണിച്ചു കൊടുക്കുന്നുണ്ട്...അവൾ തയ്യാറാണ് എന്ന് കണ്ടതും പ്ലേ ബാക്ക് ഓഡിയോ വലിയ ശബ്ദത്തിൽ മുഴങ്ങി കേട്ടു.. "ആക്ഷൻ.." മോണിട്ടറിന് പിന്നിൽ നിന്നും ആ ശബ്ദം കേട്ടതും അവൾ കണ്ണുകളിൽ പ്രണയം നിറച്ചു.. ""ഇള വെയിലായ്.. കുളിർ കാറ്റായ് നറു മഞ്ഞായ്.. നിന്നെ തഴുകും ഞാൻ..."" ശ്രേയ ഘോഷാലിന്റെ മധുര ശബ്ദം ഒഴുകി വന്നു.. ചുണ്ടുകൾ പാട്ടിനു ഒത്തു ചലിപ്പിച്ചു ഇടതു കൈ വീശി സാരി പിടിച്ചു കൊണ്ടു ഇടുപ്പ് ചെറുതായ് അതിനൊപ്പം ചലിപ്പിച്ചു കൊണ്ടു അവനു ചുറ്റും നടന്നു വന്നു അവൾ..അവന്റെ കയ്യുകൾ അവളുടെ ഇടുപ്പിന് ചുറ്റും വലയം തീർത്തു.. നഗ്നമായ ഇടുപ്പിൽ അവന്റെ കൈയുടെ സ്പർശനം അറിഞ്ഞതും ഒന്ന് വിറച്ചു പാർവതി.. എന്നാൽ മുഖത്ത് ആ ഭാവം വരാതെ ഇരിക്കാൻ ശ്രദ്ധിച്ചു അവൾ.. ഒരൊറ്റ വലിയിൽ അവന്റെ നെഞ്ചിൽ തട്ടി നിന്നവളുടെ താടി പിടിച്ചുയർത്തി ചുണ്ടുകളിലേക്ക് ചേക്കേറി അവൻ.. നേർമ്മയായി ഒരു തൂവൽ കൊണ്ടു തഴുകി തലോടുന്നത് പോലെ അധരങ്ങളിൽ, അവന്റെ മൃദുലമായ ചുണ്ടുകൾ സ്പർശിക്കുന്നു.. തേൻ കുടിക്കുന്ന വണ്ട് പോലെ തന്റെ ഉയിരിനെ കൂടെ വലിച്ചെടുക്കുന്ന വിധമുള്ള ആ ചുംബനത്തിൽ അവൾ തളർന്നു.. കോരിത്തരിച്ചു.. ക്യാമറയെയും ക്രൂവിനെയും ചുറ്റിനും കൂടി നിൽക്കുന്ന ആളുകളെയും മറന്നവൾ ആ ചുംബനത്തിൽ അലിയാൻ തുടങ്ങി..കണ്ണുകൾ അടഞ്ഞു.. "കട്ട്.."" സംവിധായകൻ വിളിച്ചു പറഞ്ഞത് അവളുടെ ബോധമണ്ഡലത്തിലേക്ക് വീണില്ല.. എല്ലാം മറന്നു അവനിൽ നിന്നും അവൾ ഏറ്റെടുത്തു തുടങ്ങിയിരുന്നു ആ ചുംബനം.. ആഞ്ഞൊരു തള്ളലിൽ അവൾ ഞെട്ടി കണ്ണ് തുറന്നു.. മുന്നിൽ നിൽക്കുന്നവന്റെ കണ്ണുകളിൽ നിന്നും തീ പാറുന്നത് പോലെ തോന്നിയവൾക്ക്..ചുളിഞ്ഞ പുരികങ്ങൾക്ക് ഇടയിലെ കുഞ്ഞു കണ്ണുകളിൽ ആരെയും വീഴ്ത്തുന്ന കുസൃതി ഇല്ല.. വെറുപ്പ് മാത്രം.. "സ്റ്റുപ്പിഡ്..ബി എ പ്രൊഫഷണൽ.." അവൾക്ക് കേൾക്കാൻ വേണ്ടി മാത്രം പല്ല് ഞെരിച്ചു പറഞ്ഞു അസിസ്റ്റന്റ് കൊണ്ടു വന്ന കുടക്കുള്ളിലേക്ക് കയറി നടന്നു പോകുന്നവനെ നോക്കി അവൾ ഉരുകി ഒലിച്ചു നിന്നു.. ചുറ്റിനും ചിരിയുടെ ചെറിയ അലകൾ ഉയർന്നു..നാണക്കേട് കൊണ്ടു തല ഉയർത്തി നോക്കാൻ പോലും കഴിയുന്നില്ല.. എത്രയോ കണ്ണുകൾ തന്റെ മേലേക്ക് പതിപ്പിച്ചു ഇരിക്കുകയായിരിക്കും എന്ന് ആലോചിച്ചു നോക്കിയതും അവൾക്ക് തോൽ ഉരിഞ്ഞു കളയുന്നത് പോലെ.. "ലഞ്ച് ബ്രേക്ക്.." ആരോ വിളിച്ചു പറയുന്നുണ്ട്.. അവൾക്ക് ആശ്വാസം തോന്നി.. "അമ്മാ.. നീങ്ക സാപ്പിട വാങ്കെ.." അസിസ്റ്റന്റ് ഒരു കുടയുമായി അവളുടെ അടുത്തേക്ക് വന്നു.. പക്ഷേ അതൊന്നും അവളുടെ കാതിൽ കെട്ടില്ല.. കുറച്ചു മുൻപേ തന്നെ വെറുപ്പോടെ നോക്കിയ കണ്ണുകൾ മാത്രം..അവൾ വേഗത്തിൽ അവൻ പോയ പിന്നാലെ പാഞ്ഞു.. അതു കണ്ടതും ട്രോളിയിൽ ഇരുന്ന ക്യാമറമാൻ സംവിധായകനെ നോക്കി അർത്ഥഗർഭമായി ചിരിച്ചു.. പാർവതി ഓടി എത്തിയതും അവന്റെ അസിസ്റ്റന്റ് അഖിൽ അവളെ തടഞ്ഞു.. "സർ വാഷ് റൂമിൽ ആണ്.." "സാരമില്ല.. ഞാൻ സർ വരുന്നത് വരെയും വെയിറ്റ് ചെയ്യാം.." അസിസ്റ്റന്റ് തലയാട്ടി അവിടെ നിന്നും മാറി നിന്നു.. പാർവതി അവിടെ തന്നെ നിന്നു.. അകത്തു നിന്നും ഓക്കാനിക്കുന്ന ശബ്ദം കേട്ടതും അവൾ ഞെട്ടലോടെ തിരിഞ്ഞു നോക്കി.. ശരിയാണ്.. അവൻ മൌത്ത് ഗാർഗിൾ ചെയ്തു കളയുകയാണ്.. താൻ ഉമ്മ വച്ചത് കൊണ്ടായിരിക്കുമോ..? അപമാനം കൊണ്ടു തൊലി ഉരിഞ്ഞു പോകുന്നത് പോലെ പാർവതി നിന്നു.. രണ്ട് നിമിഷത്തിന് ശേഷം ടിഷ്യു കൊണ്ടു ചുണ്ടുകൾ അമർത്തി തുടച്ചു അവൻ ഇറങ്ങി വന്നു.. "എന്താ..? ഒരു മയവും ഇല്ലാതെ അവളെ കണ്ടവൻ ചോദിച്ചു.. എന്ത് പറയണം എന്ന് അറിയാതെ പാർവതി ഒരു നിമിഷം നിന്നു.. "സോറി സർ.. ഞാൻ അറിയാതെ.. ഇതെന്റെ ഫസ്റ്റ് കിസ്സ് സീൻ ആണ്..അതാണ്.." തപ്പി തടഞ്ഞു വാക്കുകൾ എടുത്തു പറഞ്ഞവൾ "ഓഹ് ഷട്ട് അപ്പ്..!! ഞാൻ വിശദീകരണം ഒന്നും ചോദിച്ചില്ലല്ലോ നിന്നോട്.. എനിക്ക് അറിയുകയും വേണ്ട.. ഗെറ്റ് ലോസ്റ്റ്‌..! അറുത്തു മുറിച്ച വാക്കുകളിൽ അവൻ പറഞ്ഞതും അവൾ തല കുനിച്ചു പുറത്തേക്ക് ഇറങ്ങി.. അവളെയും കടന്നു അവൻ കാരവാനിലേക്ക് കയറി.. മലയാളത്തിന്റെ യുവ രാജാവ്.. കഴിഞ്ഞ നാല് വർഷമായി മോളിവുഡിലെ റെക്കോർഡുകൾ എല്ലാം തിരുത്തി തന്റെ പേരിൽ ആക്കിയ പ്രതിഭ.. ഇന്ദ്രജിത്ത് വർമ്മ..!!! ഇന്ദ്രജിത്തിന്റെ പിന്നാലെ അഖിലും ഓടി എത്തി.. "എവിടെ ചെന്നു കിടക്കുവായിരുന്നെടാ @#%&*.. ആ വൃത്തികെട്ടവൾ എന്റെ പുറകെ വാഷ്റൂമിൽ കയറി വന്നത് നീ കണ്ടില്ലായിരുന്നോ.? അഖിൽ കയറി ചെന്ന പാടെ ഇന്ദ്രൻ ഒരു ചാട്ടം.. "അത് ചേട്ടാ ഞാൻ..പാർവതി മാഡം പെട്ടെന്ന് വന്നപ്പോൾ.." "നിന്നെ ഞാൻ എന്റെ അസിസ്റ്റന്റ് ആയി വച്ചിരിക്കുന്നത് എന്തിനാണ് എന്നറിയാല്ലോ..? "ഹ്മ്മ്.." "എന്നാൽ ആ പണി നേരെ ചൊവ്വേ ചെയ്യണം.. അവന്റെ ഒരു പാർവതി മാഡം.. അവളുടെ ഒരു ഉമ്മ.. നായിന്റെ മോള്..!!! ടിഷ്യു എടുത്തു അവൻ വീണ്ടും ചുണ്ടുകൾ അമർത്തി തുടച്ചു.. ഇയാൾക്ക് വട്ടാണോ ദൈവമേ..?മാഡത്തിന്റെ ആദ്യത്തെ ഓൺസ്‌ക്രീൻ കിസ്സ് ആണ്.. അതൊക്കെ ഒരു ഭാഗ്യം എന്ന് വിചാരിക്കുന്നതിനു പകരം ഇയാൾ ചുണ്ട് ഉരച്ചു കഴുകുന്നു.. എറിയാൻ അറിയാവുന്നവന്റെ കയ്യിൽ അല്ലെങ്കിലും ദൈവം വടി കൊടുക്കില്ലല്ലോ.. അഖിൽ അവനെ നോക്കി നിന്ന് ആലോചിച്ചു.. "ടാ.." ഇന്ദ്രന്റെ അലർച്ചയിൽ അഖിൽ ഞെട്ടി കണ്ണ് മിഴിച്ചു നോക്കി.. "പറയാനുള്ളത് ഒക്കെ പറഞ്ഞു കഴിഞ്ഞോ..? "എന്തോന്ന് ചേട്ടാ..? "തേങ്ങ എന്ന്.. എന്നെ മനസ്സിൽ ചീത്ത ഒക്കെ പറഞ്ഞു കഴിഞ്ഞോ എന്ന്..? എങ്കിൽ പോയി ഫുഡ്‌ എടുത്തോണ്ട് വാടാ.." "ദാ ഇപ്പോ കൊണ്ടു വരാം.." ഇന്ദ്രന്റെ അലർച്ച കേട്ടതും അഖിൽ ഒറ്റ ചാട്ടത്തിനു കാരവാനിൽ നിന്നും ഇറങ്ങി.. പാർവതി ആകെ വിഷമത്തിൽ ആയിരുന്നു.. അവൾക്കുള്ള ഫുഡ്‌ അസിസ്റ്റന്റ് വാണി കൊണ്ടു കൊടുത്തു.. രണ്ട് സ്പൂൺ ചോറും ദാൽ കറിയും ബാക്കി ചിക്കൻ സാലഡും.. "കഴിക്കമ്മാ.." വാണിക്ക് പത്തുനാല്പത് വയസ്സുണ്ട്.. എങ്കിലും നടിമാരെ അവർ അമ്മാ എന്നേ വിളിക്കു..മലയാളി ആണെങ്കിലും തമിഴ് നടിമാരുടെ കൂടെ അസിസ്റ്റന്റ് ആയിരുന്നു വാണി..അതുകൊണ്ട് മിക്കവാറും തമിഴിലായിരിക്കും അവർ സംസാരിക്കുന്നത്.. പിന്നെ ചിലപ്പോ മലയാളത്തിലും സംസാരിക്കും.. "എനിക്ക് വേണ്ട വാണി.. വിശപ്പില്ല.." പാർവതി ഭക്ഷത്തിനു നേരെ മുഖം തിരിച്ചു.. "അപ്പടി സൊല്ലാതമ്മ.. ഒന്നാമതെ നീങ്ക ഡയറ്റ് താനേ.. സാപ്പിടാമ എപ്പടി ഇരിക്കും..? നൈറ്റ്‌ വരേയ്ക്കും ഔട്ട്‌ ഡോർ ഷൂട്ട്‌ താനെ..." "വേണ്ട വാണി.. എനിക്ക് വേണ്ട.. ഒരു മൂഡില്ല.." പാർവതി തല കുനിച്ചു ഇരുന്നു.. ജീവിതത്തിൽ ആദ്യമായിട്ടാണ് ഇങ്ങനെ ഒരു അപമാനം.. കോളേജിൽ പഠിച്ചിരുന്നപ്പോൾ ചെറിയ ചെറിയ മോഡലിങ്ങ് ചെയ്താണ് പരിചയം.. പിന്നെ പരസ്യങ്ങളിൽ അഭിനയിക്കാൻ തുടങ്ങി.. ഒപ്പം മലയാള സിനിമയിൽ ചെറിയ വേഷങ്ങൾ ഒക്കെ കിട്ടിത്തുടങ്ങി.. അനിയത്തി ആയും കൂട്ടുകാരി ആയും ഒക്കെ കിട്ടിയ വേഷങ്ങൾ നന്നായി ചെയ്തു...ആദ്യം നായികയായി കിട്ടിയത് തമിഴിൽ ആയിരുന്നു.. ഒരു നാടൻ പെൺകുട്ടിയുടെ വേഷം.. ആ സിനിമ സൂപ്പർ ഹിറ്റായി..അതിനു ശേഷം കിട്ടിയ രണ്ട് സിനിമയും വിജയിച്ചുവെങ്കിലും അതേ കഥാപാത്രം ആയിരുന്നു.. പിന്നെ ആണ് മലയാളത്തിൽ നിന്നും ഓഫർ വരുന്നത്.. ഒരു സൂപ്പർ താര സിനിമയിൽ.. നായിക വേഷം അല്ലെങ്കിലും പ്രധാന സ്ത്രീ കഥാപാത്രം ആയിരുന്നു.. അതും വിജയിച്ചു..അതിനു ശേഷം വന്നതാണ് ആരെയും മോഹിപ്പിക്കുന്ന ഈ സിനിമ....അതും ഇന്ദ്രജിത്തിന്റെ കൂടെ.. സ്ക്രിപ്റ്റ് തന്നപ്പോഴേ കിസ്സിങ് സീൻ പറഞ്ഞിരുന്നു.. തനിക്ക് പ്രശ്നം ഇല്ലായിരുന്നു.. കരിയറിലെ ആദ്യത്തെ ലിപ് ലോക്ക് സീൻ ആണ്.. അതുകൊണ്ട് തന്നെ വല്ലാത്ത പരിഭ്രമം ഉണ്ടായിരുന്നു.. പക്ഷേ ഒരുനിമിഷത്തേക്ക് എല്ലാം മറന്നു പോയി.. അതിനും കാരണമുണ്ട്.. ""ഇന്ദ്രജിത്ത്.."" അവിവാഹിതനായ മുപ്പത്തി മൂന്നുകാരൻ.. വെളുത്ത നിറവും പൊക്കവും ഉറച്ച ശരീരവും ഒക്കെ ഉള്ള ഇന്ദ്രനു വലിയൊരു ഫാൻ ഫോളോയിങ് ഉണ്ട്.. ഇൻസ്റ്റയിൽ ഏറ്റവും കൂടുതൽ ഫോളോവേർസ് ഉള്ള സൗത്ത് ഇന്ത്യൻ താരവും ഇന്ദ്രൻ ആണ്..നീളൻ മുടിയും കനത്ത താടിയും നാണം കലർന്ന പോലെ ഉള്ള ചിരിയും മുന്തിരി കണ്ണുകളും ഒക്കെ ഉള്ള അതിസുന്ദരൻ.. അവനെ രഹസ്യമായി ഇഷ്ടപെടുന്നവർ ആണ് ഇൻഡസ്ട്രിയിലെ ഒട്ടുമിക്ക നടികളും.. അപവാദങ്ങളുടെയും രാജകുമാരൻ..പക്ഷേ ഒന്നിനെയും കൂസാത്ത മട്ട്.. പാർവതി ചിന്തകളിൽ പെട്ട് ഉലഞ്ഞു ഇരുന്നു.. "ഇന്ദ്രജിത്തിന്റെ കാര്യം ഓർത്താണോ നീയിങ്ങനെ ഇരിക്കുന്നത്..? വാണി നല്ല ശുദ്ധ മലയാളത്തിൽ സംസാരിച്ചു.. പാർവതി തലയുയർത്തി നോക്കി.. അവളുടെ കണ്ണുകൾ കലങ്ങി ഇരുന്നു.. "എന്റെ കൊച്ചേ നിനക്ക് വട്ടാണോ..? അവൻ ചുമ്മാ ഷോ ഇറക്കുന്നത് അല്ലെ.. ഓഹ്.. അങ്ങോട്ട് ഉമ്മ കൊടുത്തു എന്ന് കരുതി ഇടിഞ്ഞു വീഴാൻ പോകുന്നത് അല്ലെ അവന്റെ മാനം.. പോകാൻ പറ പൊമ്പിളപൊറുക്കി..! നിനക്ക് അറിഞ്ഞൂടാ മോളെ അവന്റെ സ്വഭാവം.. മിക്കവാറും രാത്രി അവനു പെണ്ണുങ്ങളെ വേണം.. എത്തിച്ചു കൊടുക്കുന്നത് ആരെന്നോ.. അവന്റെ നിർമ്മാണ കമ്പനി ഇല്ലെ കലാക്ഷേത്ര.... അത് നടത്തിക്കുന്ന ഒരുത്തൻ ഉണ്ടല്ലോ അവന്റെ പേര് ഞാൻ മറന്നു പോയി.." "വിനീത് സർ ആണോ..? "ആ അവൻ തന്നെ.. അവൻ ആണ് ഇവന് പെണ്ണുങ്ങളെ എത്തിച്ചു കൊടുക്കുന്നത്..അവൻ ഒരു പെണ്ണിനെ നോട്ടം ഇട്ടാൽ അവളെ എങ്ങനെ എങ്കിലും അവന്റെ ബെഡിൽ എത്തിക്കും.. ചിലപ്പോ നിന്നെ അങ്ങനെ എത്തിക്കാൻ വേണ്ടി ആയിരിക്കും ഇങ്ങനെ ഒരു അഭിനയം.." വാണി പുച്ഛത്തോടെ പറഞ്ഞു.. പാർവതി ഞെട്ടലോടെ കേട്ടിരുന്നു.. വാണി പാർവതിക്ക് ചേച്ചിയെ പോലെ ആണ്..കുറച്ചു നാളുകളെ ആയുള്ളൂ വാണി പാർവതിയോടൊപ്പം കൂടിയിട്ട്..ഇൻഡസ്ട്രിയിൽ എങ്ങനെ ഒക്കെ പെരുമാറണം എന്നൊക്കെ ഉള്ള ട്രെയിനിങ് രഹസ്യമായി പാർവതിക്ക് വാണി കൊടുക്കുന്നുണ്ട്.. അതുകൊണ്ട് തന്നെ അവർ കള്ളം പറയില്ല എന്ന് ഉറപ്പുണ്ട്.. പാർവതി ആലോചനയോടെ ഇരുന്നു.. തന്നെ കിടപ്പറയിലേക്ക് ക്ഷണിക്കാൻ വേണ്ടി ആണോ ഇത്ര വലിയ മാന്യൻ ചമയുന്നത് ഇന്ദ്രജിത്ത്..അയാൾ എത്രയോ സിനിമകളിൽ ഇഴുകി ചേർന്നു അഭിനയിച്ചിട്ടുണ്ട്.. കിടപ്പറ രംഗങ്ങളും ഉണ്ട്.. അപ്പോൾ ഒക്കെയും ഇതു പോലെ നായികമാരെ ഗൗനിക്കാതെ ഇരിക്കുമോ അവൻ.. വാണി പറഞ്ഞു കൊടുത്തത് പാർവതിയുടെ ചിന്തകളെ ഇളക്കി.. താൻ ശ്രദ്ധിക്കാൻ ഉള്ള അടവാണ്.. തന്നെ അവഗണിക്കുന്നു എന്ന് പറയുമ്പോൾ താൻ കൂടുതൽ ശ്രദ്ധിക്കുമല്ലോ.. കൊള്ളാം അടവ്..പക്ഷേ ആ അടവിന് വേണ്ടി മനസ് കൊതിക്കുന്നുണ്ടോ.. എല്ലാവർക്കും അവനെ ഇഷ്ടം എന്ന് കേൾക്കുമ്പോൾ ഇത്രയേറെ എന്താ അവന്റെ പ്രത്യേകത എന്ന് ചിന്തിച്ചിട്ടുണ്ട്.. പക്ഷേ ഇപ്പോൾ അറിയാം..എന്തോ പ്രത്യേകത ഉണ്ട് അവനു.. ഒരു അലക്ഷ്യ ഭാവം... അഹങ്കാരം.. വാക്കിലും നോക്കിലും നടപ്പിലും ഉള്ള രാജകീയത.. അവന്റെ പേരിന്റെ അറ്റത്തുള്ള വർമ്മ ആലോചിച്ചു പാർവതി.. ലഞ്ച് ബ്രേക്കിന് ശേഷം ഇന്ദ്രജിത്തിന്റെ മുന്നിലേക്ക് വന്ന പാർവതിയുടെ മുഖത്ത് ഒരു പുച്ഛം നിറഞ്ഞു.. ഇന്ദ്രജിത്തിനെ പരീക്ഷിക്കണം.. ലോങ്ങ്‌ ഷോട്ട് ആണ്.. ക്രൂ കുറച്ചു ദൂരെ ആണ്.. സീൻ പറഞ്ഞു കൊടുത്തു അസിസ്റ്റന്റ്.. പാർവതിയെ അവൻ അപ്പോഴൊന്നും ഒരു തരി പോലും ഗൗനിച്ചില്ല.. ഇന്ദ്രജിത്തിനെ കടന്നു പോകുന്നവളെ അരയിലൂടെ കയ്യിട്ട് പിടിച്ചു തന്നിലേക്ക് ചേർത്തു നിർത്തത്തി മുടിയിൽ തഴുകി വാരി എടുത്തു പോകണം.. അതാണ് സീൻ.. അസിസ്റ്റന്റ് കാണിച്ചു കൊടുത്തു രണ്ട് പേർക്കും.. ലിപ് മൂവ്മെന്റ് ഇല്ല വെറും മ്യൂസിക് ആണ്.. നേരത്തെ പോലെ നേർത്ത ഷിഫോൺ സാരി ആണ് പാർവതിയുടെ വേഷം..ഇപ്പോൾ കറുത്ത നിറം.. അതിനു മാച്ച് ആകുന്ന ട്രാൻസ്പെരന്റ് ഷർട്ടും വെള്ള പാന്റ്സും ആണ് ഇന്ദ്രജിത്തിന്റെ വേഷം..കറുത്ത സാരിയിൽ പാർവതിയുടെ സൗന്ദര്യം ജ്വലിച്ചു നിന്നു.. ഇത്രയേറെ ആകാര വടിവ് ഉള്ള നായിക ഇപ്പോൾ മലയാളത്തിൽ വേറെ ഇല്ല.. കുറേ കാലം അവൾ ഇൻഡസ്ട്രി ഭരിക്കുമെന്ന് ഇപ്പോൾ തന്നെ പാപ്പരാസികൾ വരെയും പറയുന്നുണ്ട്.. ഷോട്ട് എടുക്കുന്നതിനിടെ ഇന്ദ്രജിത്തിനെ പരീക്ഷിക്കാൻ തന്നെ പാർവതി തീരുമാനിച്ചു..ആക്ഷൻ പറഞ്ഞതും അവന്റെ മുഖത്തെ പുച്ഛഭാവം മാറി പ്രണയം നിറഞ്ഞു.. ആ പരകായ പ്രവേശത്തെ അത്ഭുതത്തോടെ പാർവതി നോക്കി നിന്നു.. ഇപ്പോൾ കണ്മുന്നിൽ ഉള്ളത് യഥാർത്ഥ പ്രണയിനി ആണെന്ന് തോന്നും അവന്റെ ഭാവം കണ്ടാൽ.. കൈകൾ വിരിച്ചു നിൽക്കുന്നവന്റെ മുന്നിലേക്ക് നടന്നു വന്നതും പാർവതി മനഃപൂർവം തട്ടി വീഴുന്നത് പോലെ ഭാവിച്ചു അവന്റെ കൈകളിലേക്ക് വീണു.. കട്ട് പറഞ്ഞു അസിസ്റ്റന്റ് ഓടി വരുന്നുണ്ട്..അവന്റെ കൈകളിൽ നിന്നും എഴുന്നേൽക്കാൻ തുടങ്ങിയ പാർവതി അറിയാത്ത മട്ടിൽ മാറിൽ നിന്നും സാരി മാറ്റി..കഴുത്ത് വെട്ടിയിറക്കിയ വി കട്ട് സ്ലീവ് ലെസ് ബ്ലൗസിലെ അവളുടെ മാറിടം പകുതിയും വെളിവായിരുന്നു.. ഇന്ദ്രജിത്തിന്റെ നോട്ടം അവിടേക്ക് പതിഞ്ഞു.. അസിസ്റ്റന്റ്ഡയറക്ടർ വന്നു ഓക്കേ ആണോ എന്ന് ചോദിച്ചു.. പാർവതി ആണെന്ന് തലയാട്ടി.. തിരികെ ആക്ഷൻ പറഞ്ഞതും കോറിയോഗ്രാഫർ പറഞ്ഞത് പോലെ അഭിനയിച്ചു ഇന്ദ്രജിത്ത്.. എന്നാൽ അവനെ ചുറ്റിപ്പിടിക്കുമ്പോഴും അവനിൽ നോട്ടം പതിപ്പിക്കുമ്പോഴും എല്ലാം പാർവതി അവനെ ചൂട് പിടിപ്പിക്കാൻ ശ്രമിച്ചു.. ഇന്ദ്രജിത്തിന്റെ നെറ്റി ചുളിഞ്ഞു.. അവളുടെ തന്നോടുള്ള സമീപനത്തിൽ വല്ലാത്തൊരു മാറ്റം.. നേരത്തെ അറിയാതെ സംഭവിച്ചതാണ് മാപ്പ് പറയണം എന്നൊക്കെ പറഞ്ഞു വന്നവളുടെ നോട്ടത്തിൽ പേടിയും ബഹുമാനവും ആയിരുന്നു..എന്നാൽ ഇപ്പോൾ മറ്റെന്തോ കൊതിക്കുന്ന ഭാവം..അവനോടൊപ്പം ഉള്ള രാത്രി അവളും മോഹിച്ചു തുടങ്ങി..അവസാനം കെട്ടിപ്പിടിച്ചു നിൽക്കുന്നിടത്ത് ഷോട്ട് തീരും.. പാർവതി അവനെ വരിഞ്ഞു മുറുക്കി.. ഡയറക്ടർ കട്ട് പറയുന്നത് വരെയും ക്ഷമയുടെ നെല്ലിപ്പലക കണ്ടത് പോലെ ഇന്ദ്രൻ നിന്നു.. കട്ട് മൈക്കിൽ കൂടെ കേട്ടതും അവളെ തള്ളിമാറ്റി അവളുടെ വലതു കവിളിലേക്ക് ആഞ്ഞടിച്ചു...! വാണി അവളുടെ അടുത്തേക്ക് ഓടി എത്തി.. കൂടെ ബാക്കി എല്ലാവരും.. "നായിന്റെ മോളെ.. നിനക്ക് &₹* തീർക്കണം എങ്കിൽ അത് വേറെ വല്ലവരോടും ആയിക്കോളണം.. എന്നോട് എടുക്കേണ്ട ആവശ്യം ഇല്ല.. അവളുടെ മുട്ടിയുരുമ്മൽ..നേരത്തെ നീ സാരി മാറ്റി കാണിച്ചു എന്നെ ഇളക്കിയത് ആണല്ലേ.. നിന്റെ #&#** കണ്ടു എനിക്ക് ഇളകില്ല.. നീയെന്നല്ല ഒരു സിനിമ നടിമാരെ കണ്ടാലും എനിക്ക് ഇളകില്ല....നീയൊക്കെ വെള്ളിത്തിരയിൽ മാത്രമല്ല അതിന്റെ പുറകിലും ഒക്കെ അഭിനയിക്കും..ക്യാമറയുടെ മുന്നിലും പിന്നിലും അഭിനയിക്കുന്ന വൃത്തികെട്ട ജന്മങ്ങൾ..!!! ദേഷ്യം കൊണ്ടു വിറയ്ക്കുകയായിരുന്നു ഇന്ദ്രൻ.. പാർവതി വിളറി വെളുത്തു ചുറ്റിനും നോക്കി.. സെറ്റ് മുഴുവൻ സ്തംഭിച്ചു തങ്ങളെ നോക്കി നിൽപ്പുണ്ട്..ഭൂമി പിളർന്നു താഴേക്ക് പോയിരുന്നുവെങ്കിൽ എന്ന് അവൾ ആത്മാർത്ഥമായി ആഗ്രഹിച്ചു..എത്ര പേരുടെ കയ്യിൽ ക്യാമറയും മൊബൈലും മറ്റും ഉണ്ട്.. പല മാസികകളിൽ നിന്നും പ്രതിനിധികൾ ഉണ്ട്.. പല യൂട്യൂബ് ചാനലുകളിൽ നിന്നും വീഡിയോക്ക് വേണ്ടി ആൾക്കാർ വന്നിട്ടുണ്ട്.. എല്ലാവരുടെയും മുന്നിൽ നാണം കെട്ട് ചൂളി ചുരുങ്ങി അവൾ നിന്നു.. "ഒരു നേരത്തെ അന്നത്തിനു തുണി അഴിക്കുന്നവൾക്കൊക്കെ നിന്നെക്കാളും അന്തസ്സ് ഉണ്ടല്ലോടി.. അവളുടെ അഭിനയം..! നിനക്ക് അഭിനയിക്കാൻ അല്ല മുട്ടി നിൽക്കുന്നത്.." ബാക്കി പറയാതെ അവൻ ദേഷ്യത്തോടെ അങ്ങേയറ്റം വെറുപ്പോടെ അവളെ നോക്കി.. "ചേട്ടാ.. എല്ലാവരും കാണുന്നുണ്ട്.." അഖിൽ ഓടി വന്നു ഇന്ദ്രന്റെ അടുത്ത് പറഞ്ഞു.. "കാണട്ടെ.. എല്ലാവരും കാണട്ടെ.. നിങ്ങൾക്ക് ആർക്കെങ്കിലും പൂതി ഉണ്ടെങ്കിൽ ഇവളുടെ അടുത്തേക്ക് ചെല്ല്.. ആരെയെങ്കിലും കിട്ടാൻ വേണ്ടി കാത്തിരിക്കുകയാണ് ഇവൾ.." ഇന്ദ്രൻ ദേഷ്യത്തോടെ പറഞ്ഞു കൊണ്ടു തിരിഞ്ഞു നടന്നു.. ഡയറക്ടർ രഞ്ജി അവന്റെ അടുത്തേക്ക് വന്നു.. "ഇന്ദ്രേട്ട.." അവൻ ദയനീയമായി വിളിച്ചു.. "നീയായത് കൊണ്ടു രഞ്ജി ഞാൻ ഈ പടത്തിൽ നിന്നും പിന്മാറുന്നില്ല.. നായികയെ മാറ്റാനും ഞാൻ പറയില്ല.. പക്ഷേ നിന്റെ നായികയോട് പറയണം അഭിനയിക്കുമ്പോൾ മറ്റുള്ളവന്റെ നെഞ്ചത്ത് കയറരുത് എന്ന്..ഇന്നത്തേക്ക് ഇത്രയും മതി.." ഇന്ദ്രൻ പോയതും പിന്നാലെ അഖിലും ഓടി.. രഞ്ജി പായ്ക്കപ്പ് പറഞ്ഞു.. "അമ്മാ.. പാർവതി അമ്മ.." വാണി പാർവതിയെ വിളിച്ചു..അവൾ സ്ഥലകാല ബോധം നശിച്ചത് പോലെ വാണിയെ മിഴിച്ചു നോക്കി.. "വാമ്മാ.. പോയിടലാം.." വാണി രഞ്ജിയെ നോക്കി.. അവൻ തലയാട്ടി..വാണി ഡ്രൈവറെ വിളിച്ചു.. കാരവാനിൽ ചെന്നു ഡ്രസ്സൊ മേക്കപ്പോ മാറ്റാതെ പാർവതിയെ വിളിച്ചു വാണി ഹോട്ടൽ റൂമിലേക്ക് ചെന്നു... ചെന്നു കയറിയതും അവൾ പൊട്ടിക്കരച്ചിലോടെ താഴേക്ക് വീണു.. ആർത്തലച്ചു കരയുന്നവളെ കണ്ടതും വാണിക്ക് കാര്യം മനസിലായി.. അവളെ കരയാൻ വിട്ടു കൊണ്ടു അവർ അടുത്ത് തന്നെ നിന്നു.. 📽️🎞️ 📽️🎞️ 📽️🎞️ 📽️🎞️ 📽️🎞️ 📽️🎞️ 📽️🎞️ കാർ ചീറി പാഞ്ഞു പോവുകയാണ്..ദേഷ്യം കൊണ്ട് ഇന്ദ്രന് പ്രാന്ത് പിടിക്കുന്നത് പോലെ തോന്നി.. ഇത്രയൊക്കെ റിയാക്റ്റ് ചെയ്യേണ്ടത് ഉണ്ടോ എന്ന മട്ടിൽ അഖിൽ തൊട്ടടുത്ത് ഇരുന്നു അവനെ ഭയത്തോടെ നോക്കി..രണ്ട് വർഷമായി ഇന്ദ്രജിത്തിന്റെ അസിസ്റ്റന്റ് ആയി കൂടിയിട്ട്..ദേഷ്യം വരുമ്പോൾ വല്ലതും ഒക്കെ വിളിച്ചു പറയും എന്നൊഴിച്ചാൽ ആൾ അത്ര പ്രശ്നം ഒന്നുമില്ല..മറ്റുള്ള നടന്മാരുടെ കൂടെ വർക്ക് ചെയ്യുന്ന അസിസ്റ്റന്റ് ഒക്കെ പറയുന്നത് കേൾക്കാം.. പുറമെ മാന്യൻ എന്ന് നടിക്കുന്നവർ ഒക്കെ യഥാർത്ഥത്തിൽ ചെറ്റകൾ ആണ്.. താര പകിട്ട് കണ്ടു പിന്നാലെ പായുന്ന ഫാൻസ്‌കാർ യഥാർത്ഥത്തിൽ മണ്ടന്മാർ ആണ്..അത്രക്കും വൃത്തികെട്ട ആൾക്കാർ ആണ് ഇൻഡസ്ട്രിയിൽ ഉള്ളത്.. പക്ഷേ തമ്മിൽ ഭേദം ഇന്ദ്രൻ ആണെന്ന് തോന്നിയിട്ടുണ്ട്..അനാവശ്യ പാര വായ്‌പ്പോ ഗോസിപ്പ് പറച്ചിലോ ഇല്ല.. പിന്നെ പ്രധാന പ്രശ്നം സ്ത്രീ വിഷയത്തിൽ താല്പര്യം ഉള്ളത് ആണ്.. അതും കാശിനു ശരീരം വിൽക്കുന്നവരെ റൂമിൽ വിളിക്കും.. ആരോടോ വാശി തീർക്കുന്നത് പോലെ..പക്ഷേ ഇന്ന് വരെയും ആരെയും ശരീരികമായി വേദനിപ്പിക്കുന്നത് കണ്ടിട്ടില്ല. ഇന്നാദ്യമായി ഒരു പെണ്ണിനെ കൈ നീട്ടി അടിച്ചിരിക്കുന്നു.. അതും മലയാളത്തിലെ മുൻനിര നായിക ആകാൻ കഴിവ് ഉള്ളവൾ എന്ന് മാധ്യമങ്ങളൊക്കെ വാഴ്ത്തിപ്പാടുന്ന ഒരുവളെ.. ഈ പ്രശ്നം എവിടെ ചെന്ന് നിൽക്കും എന്ന് ആലോചിച്ചു അവന് തല പെരുത്തു.. ഹോട്ടൽ പാർക്കിങ്ങിലേക്ക് ഇരച്ചു എത്തി നിന്നു ഇന്ദ്രന്റെ വണ്ടി.. പിന്നാലെ മറ്റൊരു വണ്ടിയും കുതിച്ചു എത്തി.. ആളെ തിരിച്ചറിഞ്ഞതും അഖിലിന് ആശ്വാസം ആയി..ആ വണ്ടിയിൽ നിന്ന് ഇറങ്ങുന്ന ആളെ കണ്ടിട്ടും ഇന്ദ്രൻ മിണ്ടാതെ നടന്നു.. "ഇന്ദ്രാ നിൽക്കവിടെ..! 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/52746/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ