#💐संत महंत🙏 #🌻आध्यात्म 🙏 #🌸संतश्रेष्ठ ज्ञानेश्वर माउली🙏 #✍️भक्ती संदेश. . ll ज्ञानेश्वरीतील ज्ञानामृत चिंतन ll . *********************** खऱ्या भक्ताचे प्रत्येक कर्म ईश्वरस्वरूप होते. उपासक हा शिवस्वरूप आत्मा. शुद्ध मति हीच गिरिजा; प्राण हेच सहचर, शरीर हेच घर, कर्म हीच पूजा, निद्रा हीच समाधी, चालणे हीच प्रदक्षिणा, बोलणे हेच स्तोत्रपठण; मग अशा भक्ताचा मरणसमयी भगवंत सेवक होतो. .************************************************ . . ऐसे निरंतर एकवटले । जे अंतःकरणी मजसी लिगटले l . मीचि होऊनि आटले । उपासिती ll ******************[ ज्ञानेश्वरी-८/१२६]**************** . ll अर्थ ll . याप्रमाणे माझ्याशी अखंडपणे एकरूप होऊन अंतःकरणपूर्वक जे माझ्याशी एकरूप झाले ते माझीच भक्ति करतात. ll स्पष्टीकरण ll . ज्यांना देह योगमागनि टाकता येत नाही त्यांचे काय? असा जेव्हा प्रश्न निर्माण होतो त्याची ही भक्तिमार्गाने कशी गती सुलभ होते हे सांगताना भगवंत म्हणतात, 'अर्जुना, जो पुरुष अनन्यभावाने आजीवन सतत माझेच स्मरण करतो अशा भक्ताला मी सुलभ आहे.'भगवंत अतिशय सुंदर वचन बोलले आहेत भक्त अनन्य चेतन् पाहिजे. त्याने भगवंताला नित्य स्मरले पाहिजे. जो मला सतत स्मरतो त्याला मी सुलभ आहे. . हे नित्य स्मरण होण्यासाठी अज्ञानाकडून ज्ञानाकडे जावे लागते. संबंध स्मरणाकडून क्रिया स्मरणाकडे जावे लागते. आपल्या स्मरणाकडून आपण त्याच्या स्मरणात राहू इथपर्यंत जायला हवे. . इंद्रियांचा विषयाशी संबंध आल्यावर जे स्मरण होते ते म्हणजे संबंधस्मरण होय. क्रिया स्मरण हे जाणिवपूर्वक प्रयत्नाने अभ्यास व वैराग्य याद्वारे प्राप्त करावे लागते. ✓ प्रपंच करीत असता भगवंताला आठवणे ही कनिष्ठ पायरी झाली. भगवंत आठवत असताना प्रपंच करणे ही मध्यम पायरी झाली व प्रत्येक कर्मच ईश्वराला अर्पण करणे ही अत्युच्य पायरी झाली. . खऱ्या भक्ताचे प्रत्येक कर्म ईश्वरस्वरूप होते. उपासक हा शिवस्वरूप आत्मा. शुद्ध मति हीच गिरिजा; प्राण हेच सहचर, शरीर हेच घर, कर्म हीच पूजा, निद्रा हीच समाधी, चालणे हीच प्रदक्षिणा, बोलणे हेच स्तोत्रपठण; मग अशा भक्ताचा मरणसमयी भगवंत सेवक होतो. . असे सर्वोत्तम भक्त कोण होते? अर्जुन, उध्दव, ज्ञानेश्वर, तुकाराम, तुलसीदास, मीराबाई, एकनाथ, नामदेव, रामदास हे सारे भक्त भगवंताचे लाडके भक्त होते. अशा भक्तांसाठी भगवंतांनी आपला जीव ओवाळून टाकला. . . . ll राम कृष्ण हरी, माऊली ll