📙 നോവൽ, Image & Post

𝓥 𝓲 𝓷 𝓪 𝔂 𝓪 𝓷 - Author on ShareChat: Funny, Romantic, Videos, Shayari, Quotes

#📙 നോവൽ മുന്നോട്ട് എടുത്തപ്പോൾ ഒരു സേഫ്റ്റിക്ക് എന്നോണം മീര അവന്റെ തോളിനു പിന്നിൽ കൈ വച്ചു... താലികെട്ട് ❤️ ഭാഗം 13 വായിക്കാം (മുൻഭാഗം വായിക്കാത്തവർക്കായി കമന്റിൽ കൊടുത്തിട്ടുണ്ട്) വേണി അത് കൃത്യമായി കാണുകയും ചെയ്തു. അവൾ തങ്ങളെ നോക്കുന്നത് റിയർവ്യൂ മിററിൽ കൂടി കണ്ട ശ്രീഹരി പെട്ടെന്ന് സഡൻ ബ്രേക്കിട്ടു. അപ്പോൾ മുന്നോട്ടാഞ്ഞു പോയ മീര അവനോട്‌ കൂടുതൽ ചേർന്ന് പോയി. ആ കാഴ്ച വേണിയിൽ വല്ലാത്തൊരു അസ്വസ്ഥത പടർത്തി. അവൾ നോക്കി നിൽക്കുന്നത് കണ്ടപ്പോൾ മീരയ്ക്കും ചെറിയൊരു ചളിപ്പ് തോന്നി. "ശ്രീയേട്ടൻ ഇതെന്താ പറയാതെ ബ്രേക്ക്‌ ഇട്ടത്. വേണി എന്ത് വിചാരിച്ചു കാണും." മീര ദേഷ്യത്തിൽ ചോദിച്ചു കൊണ്ട് പിന്നിലേക്ക് നീങ്ങി ഇരുന്നു. "സോറി മീര... പെട്ടെന്ന് ഫ്രന്റ്‌ ബ്രേക്ക് അറിയാതെ അമർത്തി പോയതാ." മിററിൽ കൂടി വേണിയെ നോക്കി കൊണ്ട് ശ്രീഹരി പറഞ്ഞു. ശേഷം അവൻ വീണ്ടും ബൈക്ക് സ്റ്റാർട്ട്‌ ചെയ്ത് കോളേജ് കവാടം കഴിഞ്ഞു പുറത്തേക്ക് ഇറങ്ങി. ആ സമയം മീര പിന്തിരിഞ്ഞു വേണിയെ നോക്കി കൈവീശി കാണിച്ചു. അവളും യാന്ത്രികമായി മീരയ്ക്ക് നേരെ കൈവീശി. "വാ വേണി, നമുക്കും പോകാം." കിഷോർ വന്ന് തട്ടി വിളിച്ചപ്പോഴാണ് അവൾ ചിന്തകളിൽ നിന്നുണർന്നത്. വേണി ശ്രീഹരിയെയും മീരയെയും നോക്കി നിന്നതും ശ്രീഹരി ബൈക്ക് ബ്രേക്ക്‌ പിടിച്ചപ്പോ മീര അവനെ മുട്ടി ഉരുകിപോയതുമൊക്കെ ഗൂഢമായ ഒരു മന്ദാഹാസത്തോടെ കണ്ട് നിൽക്കുകയായിരുന്നു അവൻ. പക്ഷേ അവൻ അതേക്കുറിച്ച് വേണിയോട് ഒന്നും തന്നെ ചോദിച്ചില്ല. കിഷോർ അവളുടെ കൈപിടിച്ച് കാറിനു അരികിലേക്ക് കൊണ്ട് പോയി. വീട്ടിലേക്കുള്ള യാത്രയിൽ ഉടനീളം താൻ കണ്ട കാഴ്ച അവളെ അസ്വസ്ഥയാക്കി. എങ്കിലും അത് ആകസ്മികമായി സംഭവിച്ചതാണെന്ന് തന്നെ വേണി വിശ്വസിച്ചു. ദിവസങ്ങൾ പിന്നെയും കടന്ന് പോയി. കല്യാണത്തിന്റെ തീയതി അടുത്ത് വന്നിട്ടും ശ്രീഹരി വിവാഹത്തിൽ നിന്നും പിന്മാറാതെ മുന്നോട്ട് പോകുന്നത് കിഷോറിനെയും മീരയെയും അസ്വസ്ഥരാക്കാൻ തുടങ്ങി. തങ്ങളുടെ പ്ലാൻ എല്ലാം വെള്ളത്തിൽ വരച്ച വരപോലെ ആയോ എന്നോർത്ത് അവർ ഇരുവരും ആധി പിടിക്കാൻ തുടങ്ങി. ശ്രീഹരി തന്നെ ചതിച്ചതിനുള്ള പ്രതികാരം വീട്ടാൻ വേണിയെ കല്യാണം കഴിച്ചാൽ അതോടെ തങ്ങൾ ആഗ്രഹിച്ചവരെ തങ്ങൾക്ക് കിട്ടില്ലെന്ന്‌ ഓർത്ത് കിഷോറും മീരയും പരിഭ്രാന്തരാകാൻ തുടങ്ങി. അവസാന നിമിഷത്തോട് അടുത്തതിനാൽ ഇനി എന്ത് പ്ലാൻ ചെയ്ത് കല്യാണം മുടക്കുമെന്ന് അവർക്ക് തന്നെ അറിയില്ലായിരുന്നു. ഈ ദിവസങ്ങളിൽ എല്ലാം ശ്രീഹരി വേണിയുമായി പഴയ അടുപ്പവും വച്ചിട്ടുണ്ടായിരുന്നില്ല. കല്യാണ തിരക്കുകളിൽ മുങ്ങി പോയതിനാൽ ഇത്തവണ അവന്റെ ഒഴിഞ്ഞു മാറ്റം അത്ര കണ്ട് അവളെ ബാധിച്ചില്ല. ശ്രീഹരിക്കും തിരക്കുകൾ ഉള്ളത് കൊണ്ടാകും പഴയത് പോലെ വിളിക്കാൻ പറ്റാത്തതെന്നും കല്യാണം കഴിഞ്ഞാൽ ഇനി എപ്പോഴും അടുത്ത് കാണാലോ എന്ന ചിന്തയിൽ താൻ സ്വപ്നം കണ്ട ദിവസം മനോഹരമാക്കാനുള്ള തിരക്കിൽ മുഴുകി വേണി. കല്യാണത്തിന്റെ തലേ ദിവസം ശ്രീമംഗലത്ത്‌ നാട് മൊത്തം ക്ഷണിച്ചു കൊണ്ട് വലിയൊരു പാർട്ടി തന്നെ ഉണ്ടായിരുന്നു. പീച് കളർ ലഹങ്ക ധരിച്ച് അതിന് മാച്ച് ആയ ആഭരണമൊക്കെ ഇട്ട് അതിസുന്ദരിയായി വേണി തറവാട്ടിന് മുന്നിലൊരുക്കിയ സ്റ്റേജിൽ ഇരുന്നു. ഫ്രണ്ട്സും റിലേറ്റീവ്സുമൊക്കെ അവളോടൊപ്പം നിന്ന് ഫോട്ടോ എടുത്ത് പൊയ്ക്കൊണ്ടിരുന്നു. ഈ സമയത്തെല്ലാം മീരയും അവൾക്കൊപ്പം ഉണ്ടായിരുന്നു. വേണി ആണ് അവളെ നിർബന്ധപൂർവ്വം തനിക്കൊപ്പം നിർത്തിയത്. കുട്ടിക്കാലം മുതലേ അവർ ഇരുവരും ബെസ്റ്റ് ഫ്രണ്ട്സ് ആണ്. പക്ഷേ വേണിയും ശ്രീഹരിയും സ്നേഹിക്കാൻ തുടങ്ങിയത് അറിഞ്ഞ നാൾ മുതൽ മീര മനസ്സ് കൊണ്ട് അവളിൽ നിന്നും അകലാൻ തുടങ്ങിയിരുന്നു. താൻ സ്നേഹിച്ച പുരുഷനെ സ്വന്തമാക്കാൻ പോകുന്ന വേണിയോട് ഉള്ളിന്റെ ഉള്ളിൽ അവൾക്ക് പകയും ദേഷ്യവും സങ്കടവുമൊക്കെ തോന്നി. വേണിക്ക് മുമ്പ് തന്നെ തന്റെ ഇഷ്ടം ശ്രീഹരിയെ അറിയിച്ചിരുന്നെങ്കിൽ ഇങ്ങനെ വിഷമിക്കേണ്ടി വരില്ലായിരുന്നു എന്നോർത്ത് മീര കരയാത്ത ഒരു ദിവസം പോലുമില്ല. അതൊക്കെ കൊണ്ടാണ് ഒരവസരം കിട്ടിയപ്പോൾ മീര കിഷോറിനൊപ്പം നിന്ന് ശ്രീഹരിയുമായുള്ള അവളുടെ വിവാഹം മുടക്കാൻ ശ്രമിച്ചത്. പക്ഷേ അതൊന്നും ഫലം കാണാതെ വന്നത് അവളെ നന്നേ തളർത്തിയിരുന്നു. കിഷോറിന്റെ അവസ്ഥയും അതൊക്കെ തന്നെയായിരുന്നു. പുറമേക്ക് പുഞ്ചിരി അണിഞ്ഞു ഉള്ളിലെ നോവ് ആരുമറിയാതിരിക്കാൻ മീര നന്നായി കഷ്ടപ്പെട്ടു. എട്ടര മണി കഴിഞ്ഞിട്ടും പാർടിക്ക് ആളുകൾ വന്ന് കൊണ്ടിരുന്നു. വേണി മൊത്തത്തിൽ വരുന്ന ആളുകൾക്കൊപ്പം ഫോട്ടോ എടുക്കുന്ന തിരക്കിലായിരുന്നതിനാൽ അവളുടെ കണ്ണ് വെട്ടിച്ച് സ്റ്റേജിൽ നിന്നിറങ്ങിയ മീര നേരെ തന്റെ വീട്ടിലേക്ക് പോയി. മീരയുടെ വീട്ടുകാർ എല്ലാം ശ്രീമംഗലത്ത് തന്നെ ആയിരുന്നതിനാൽ അവൾ വീട്ടിൽ ഒറ്റയ്‌ക്കെ ഉണ്ടായിരുന്നുള്ളൂ. അവൾ തനിച്ച് വന്ന് വീട്ടിലേക്ക് കയറി പോകുന്നത് ശ്രീഹരി അവന്റെ വീടിന്റെ മുറ്റത്തു നിന്ന് കാണുന്നുണ്ടായിരുന്നു. വേണിയുടെ അടുത്ത് നിന്നാണ് മീര വന്നതെന്ന് അവൻ ഊഹിച്ചു. ശ്രീഹരിയും വീട്ടുകാരും വൈകുന്നേരം 5 മണിക്ക് ശ്രീമംഗലത്ത് പോയി വേണിയെ കണ്ട് വന്നിരുന്നു. കല്യാണ തലേന്ന് ആയതിനാൽ അവരുടെ വീട്ടിലും ആളും ബഹളവുമൊക്കെയായിരുന്നു. മീരയുടെ ഒറ്റയ്ക്കുള്ള വരവ് കണ്ടപ്പോൾ ശ്രീഹരിയുടെ കാതുകളിൽ അപായ മണി മുഴങ്ങാൻ തുടങ്ങിയിരുന്നു. അതുകൊണ്ട് തന്റെ വീടിന്റെ മുറ്റത്തു നിന്നുകൊണ്ട് അവൻ മീരയുടെ മുറിയുടെ തുറന്ന് കിടക്കുന്ന ജനാലയിലൂടെ അവൾ അവിടെ എന്താ ചെയ്യുന്നതെന്ന് നോക്കി കൊണ്ട് നിന്നു. മീര അവൾ ധരിച്ചിരുന്ന വസ്ത്രങ്ങൾ അഴിച്ച് മാറ്റുന്നത് കണ്ടപ്പോൾ ശ്രീഹരി മുഖം തിരിച്ചു കളഞ്ഞു. 5 മിനിറ്റ് കഴിഞ്ഞു വീണ്ടും അങ്ങോട്ടേക്ക് നോക്കിയപ്പോ മീര വീട്ടിൽ ധരിക്കുന്ന ഒരു ദാവണി ഉടുത്തു അലമാരയിൽ എന്തോ തിരഞ്ഞു കൊണ്ട് നിൽക്കുന്നത് കണ്ടു. ശ്രീഹരി ഫോണിൽ സംസാരിക്കുന്ന ഭാവേന അവിടേക്ക് തന്നെ ശ്രദ്ധ തിരിച്ചു കൊണ്ട് മുറ്റത്തു കൂടി ഉലാത്തി. അലമാരയിൽ നിന്നും ഒരു സാരി വലിച്ചെടുത്ത മീര അതും കൈയ്യിൽ പിടിച്ച് ഫാനിലേക്ക് നോക്കിയിട്ട് ഫാൻ ഓഫ് ആക്കുന്നതും എന്നിട്ട് അവൾ ഒരു സ്റ്റൂൾ വലിച്ചിട്ട് അതിൽ കയറി നിന്ന് ഫാൻ എത്തുന്നുണ്ടോ എന്നൊക്കെ നോക്കുന്നത് കണ്ടപ്പോൾ ശ്രീഹരിയുടെ നെഞ്ചിൽ ഒരു വെള്ളിടി വെ. ട്ടി. മീര ഫാനിൽ കെ. ട്ടി തൂങ്ങാ. നുള്ള പുറപ്പാടിലാണെന്ന് അവന് മനസ്സിലായി. അങ്ങോട്ട്‌ ചെന്ന് അവളെ രക്ഷപ്പെടുത്തണമെന്ന് ശ്രീഹരി ചിന്തിച്ചു നിൽക്കെ ആണ് ഫാനിൽ കുരുക്കിടാൻ പറ്റാതെ മീര സ്‌ട്ടൂളിൽ നിന്ന് ഇറങ്ങിയത്. അത് കണ്ടപ്പോൾ അവന് ചെറുതായി ആശ്വാസം തോന്നിയെങ്കിലും അവൾ വീണ്ടും എന്തെങ്കിലും കടുകൈക്ക് ശ്രമിക്കുമെന്ന് ശ്രീഹരിക്ക് തോന്നി. ശ്രീഹരി തന്റെ ചലനങ്ങൾ വീക്ഷിക്കുന്നുണ്ടെന്ന് അറിഞ്ഞു തന്നെയാണ് മീര അങ്ങനെയെല്ലാം ചെയ്തത്. താൻ ആത്മഹത്യ ചെയ്യാൻ പോകുന്നത് കണ്ടെങ്കിലും അവന്റെ മനസ്സ് മാറി തന്നെ കല്യാണം കഴിച്ചിരുന്നെങ്കിൽ എന്നാണ് അവൾ ആഗ്രഹിച്ചത്. ശ്രീഹരിയുടെ ശ്രദ്ധ തന്നിൽ ഉള്ളത് താൻ എന്ത് ചെയ്താലും അവൻ രക്ഷിക്കാൻ വരുമെന്ന് അവൾക്ക് ഉറപ്പുണ്ടായിരുന്നു. അതുകൊണ്ട് തന്നെ മീര മുടി വാരി കെട്ടികൊണ്ട് അടുക്കള വാതിൽ തുറന്ന് അവിടുത്തെ ലൈറ്റ് ഒന്നും ഇടാതെ കിണറിനു അരികിലേക്ക് നടന്നു. അവൾ കിണറിന്റെ അടുത്തേക്ക് പോകുന്നത് ശ്രീഹരിയും കണ്ടു. അവന്റെ വീട്ടിൽ കെട്ടിയിട്ടുള്ള പന്തലിൽ നിന്നുള്ള വെളിച്ചം മീരയുടെ വീടിന്റെ കിണർ ഇരിക്കുന്ന ഭാഗത്തേക്ക്‌ പോകുന്നുണ്ടായിരുന്നില്ല. അതുകൊണ്ട് ആരുടെയും ശ്രദ്ധ അങ്ങോട്ട്‌ തിരിയില്ല. അതിനാൽ മീര കിണറ്റിൽ ചാടി ആത്മ. ഹത്യാ ചെയ്താൽ കൂടിയും അത് എല്ലാവരും പിറ്റേന്ന് നേരം പുലരുമ്പോ ആയിരിക്കും അറിയുക. താനും ഇപ്പോ ഇത് കണ്ടില്ലെങ്കിൽ നാളെ മീരയുടെ വീട് ഒരു മരണ വീട് ആകുമല്ലോന്ന് ചിന്തിച്ചപ്പോൾ തന്നെ ഹൃദയത്തിൽ ഒരു മുള്ള് കൊണ്ട പോലെ ശ്രീഹരിക്ക് തോന്നി. തന്നെ നഷ്ടപ്പെടുന്നത് ഓർത്താണ് അവളീ കടുംകൈ ചെയ്യാൻ പോകുന്നതെന്നും അവന് മനസ്സിലായി. ശ്രീഹരി ഇങ്ങനെയെല്ലാം ചിന്തിച്ചു നിൽക്കുന്ന സമയം കൊണ്ട് കിണറിനു അടുത്തെത്തിയ മീര അതിന്റെ ഭിത്തിയിൽ കയറി ഇരുന്നിരുന്നു. അത് കണ്ടുകൊണ്ടാണ് ശ്രീഹരി അവിടേക്ക് ധൃതിയിൽ വന്നത്. "മീരാ... നീ അബദ്ധമൊന്നും കാണിക്കല്ലേ." അവളുടെ അടുത്തേക്ക് വരുന്നതിനിടയിൽ ശ്രീഹരി വിളിച്ചു പറഞ്ഞു. അവന്റെ ശബ്ദം കേട്ട് മീര തിരിഞ്ഞു നോക്കിയ ആ നിമിഷത്തിലാണ് അവൾ ഇരുന്നിരുന്ന കിണറിന്റെ ഭിത്തി ഇടിഞ്ഞു മീര താഴേക്ക് പോയത്. തുടരും

📙 നോവൽ - ஸஸிண வ 13 பி]் மஜபி வm ஸஸிண வ 13 பி]் மஜபி வm - ShareChat