📙 നോവൽ, 📔 കഥ Image & Post | ShareChat

𝑺𝒉𝒂𝒇𝒆𝒆𝒌 𝑴𝒐𝒉𝒂𝒎𝒎𝒆𝒅 - Author on ShareChat: Funny, Romantic, Videos, Shayari, Quotes

#📙 നോവൽ - നീലാംബരം.... 🔻 ഭാഗം _15 ✍️ രചന - Aysha akbar അന്ന്..... ആനന്ദിയെ കൊണ്ട് എങ്ങോട്ടായിരുന്നു ആ യാത്ര....... അവൻ അവൾക്ക് നേരെ പതിയെ തലയൊന്ന് ചെരിച്ചു കൊണ്ടത് ചോദിക്കുമ്പോൾ അവളുടെ കണ്ണുകൾ പെട്ടെന്ന് ഒന്ന് പതറി... പിന്നേ പതിവ് പോലെ ആ നിർവികാരതയെ കൂട്ട് പിടിച്ചു..... അറിയില്ലായിരുന്നു...എങ്ങോട്ടെന്ന് അറിയില്ലെങ്കിലും അവളെ സുരക്ഷിതയാക്കണമെന്ന് മാത്രമേ മനസ്സിലുണ്ടായിരുന്നുള്ളു..... അപ്പോഴാണ് താൻ... അവളൊരു നേർത്ത പുഞ്ചിരിയോടെ പാതിക്ക് നിർത്തി..... എന്തായിരുന്നു എന്നേ തിരഞ്ഞെടുക്കാനുള്ള കാരണം..... തന്നേ ഇവിടെയെത്തിച്ച ആ ചോദ്യം ചോദിക്കാൻ ഇതിനേക്കാൾ നല്ലൊരു അവസരമില്ലെന്ന് അവനറിയാമായിരുന്നത് കൊണ്ട് തന്നേ ആ ചോദ്യത്തിന് പതിവിൽ കവിഞ്ഞൊരു ധൃതി യുണ്ടായിരുന്നു.... അവളവന്റെ കണ്ണുകളിലേക്കൊന്ന് നോക്കി.... കുസൃതി നിറഞ്ഞു നിൽക്കുന്ന ആ ചെറിയ കണ്ണുകളിൽ ഉത്തര മറിയാനുള്ള കൗതുകമാണ്..... തന്റെ കയ്യിൽ എന്റെ മോള് സുരക്ഷിതയായിരിക്കുമെന്നെനിക്ക് തോന്നി.... അവൾ വളരേ ലാഘവത്തോടെ യത് പറയുമ്പോൾ ഉത്തരത്തിലേക്കിനിയും ദൂരമുണ്ടെന്ന വണ്ണം അവനവളെ സംശയത്തോടെ നോക്കി...... എങ്ങനെ...... ആദ്യമായി കാണുന്ന ഒരാളുടെ കയ്യിൽ സ്വന്തം മകൾ സുരക്ഷിതയാണെന്നെങ്ങനെയറിയും... അവനത് ചോദിക്കുമ്പോൾ ഉത്തരം അറിഞ്ഞേ തീരുവെന്ന ഭാവമുണ്ടയായിരുന്നു...... അവളവനെ യോന്ന് നോക്കി..... ഏറെ നേർമയായോന്ന് പുഞ്ചിരിച്ചു...... ആദ്യമായി കാണുന്ന എന്റെ കുഞ്ഞിനോടുള്ള സ്നേഹവും വാത്സല്യവും തന്റെയുള്ളിലെ സഹാനുഭൂതി എനിക്ക് കാണിച്ചു തന്നു.... പിന്നേയീ പ്രായത്തിനിടക്ക് ഒരുപാട് പുരുഷൻ മാരെ കണ്ടത് കണ്ട് തന്നെ കണക്ക് കൂട്ടലുകളൊന്നും തെറ്റാറില്ല........ അവൾ പതിഞ്ഞൊരു ചിരിയോടെ യത് പറയുമ്പോൾ അഭി അവളെയൊന്ന് നോക്കി. അഥവാ..... കണക്ക് കൂട്ടലോന്ന് തെറ്റിയിരുന്നെങ്കിലോ.... അഭി അല്പം ഗൗരവത്തോടെ അത് ചോദിക്കുമ്പോൾ അവളൊന്നു ചിരിച്ചു..... കാൽ പാദം വല്ലാതെ തണുത്തെന്ന പോൽ കാലുകൾ രണ്ടും കട്ടിലിനു മുകളിലേക്കു കയറ്റി വെച്ചു കൊണ്ട് ഇരു കൈകൾ കൊണ്ടും കാലുകൾ കൂട്ടി പ്പിടിച്ചവൾ ..... അഭി അപ്പോഴും ഉത്തരത്തിനായെന്ന വണ്ണം അവളെ നോക്കിയിരിക്കുകയാണ്.... അവൾ നിസ്സാരമായി പറയുന്ന കാര്യങ്ങൾ അവനെ സംബന്ധിച്ച് ഏറെ ഗൗരവമുള്ളതാണ്..... തെറ്റിയില്ലല്ലോ..... അങ്ങനെ തെറ്റിയിരുന്നെങ്കിൽ എന്റെ മകൾക്ക് വേണ്ടി താനിന്നെന്റെ മുമ്പിലെത്തില്ലായിരുന്നല്ലോ.... അവൾ അവന്റെ കണ്ണുകളിലേക്ക് നോക്കി വല്ലാത്തൊരു ഭാവത്തോടെ യത് ചോദിക്കുമ്പോൾ അവളുടെ കണ്ണുകളിലെ ഭാവം അവനിലേക്കും ഒരു വേള പടർന്നു...... ശെരിയാണ്...... അവൾക്ക് തെറ്റിയില്ലല്ലോ...... പിന്നീടൊരു ചോദ്യത്തിനിടമില്ലെന്ന വണ്ണം അവൻ ചൂട് കാപ്പി ചുണ്ടോടു ചേർത്തു..... മുറിവ്..... മുറിവിനു ആഴമുണ്ട്....മരുന്നെന്തെങ്കിലും തേച്ചിട്ട് വന്നോളൂ...... പെട്ടെന്ന് അവന്റെ കണ്ണിൽ അവളുടെ മുറിവ് തങ്ങിയപ്പോഴാണ് അവനത് പറഞ്ഞത്..... അതൊന്നും സാരമില്ല.... അതൊക്കെ താനേ ഉണങ്ങിക്കോളും.....അങ്ങനെ എത്രയെത്ര മുറിവുകൾ..... താനെ ഉണങ്ങിയില്ലെങ്കിലും അതിനെ ശുശ്രൂഷിക്കാനും മരുന്ന് വെക്കാനുമോന്നും ആരുമില്ലെന്ന് മുറിവിനുമറിയാം.... അവളതും പറഞ്ഞു ആത്മ നിന്ദയോടെ ഒന്ന് ചിരിക്കുമ്പോൾ അഭിക്ക് നെഞ്ച് പിളരുന്നത് പോലെ തോന്നി...... ആ ചിരിക്കും വാക്കുകൾക്കും അത്രയേറെ ഭാരമുണ്ടായിരുന്നു.... അവനവളോട് അളവടറ്റ കരുണ തോന്നി...... വേദനയുണ്ടോ..... അവൾ പതിയെ മുറിവിലോന്ന് തൊട്ട് നോക്കുമ്പോഴാണ് പെട്ടെന്ന് അവനത് ചോദിച്ചത്...... വിടർന്ന കണ്ണുകൾ പെട്ടെന്ന് അവന്റെയാ പതിഞ്ഞ ശബ്ദത്തിലേക്കൊന്നുയർന്നു...... ആ കണ്ണുകളിൽ നിറഞ്ഞു നിൽക്കുന്ന അലിവ് അവളുടെ ഉള്ളിലൊരു ആനന്ദത്തിനിടം നൽകിയിരുന്നു...... ഒത്തിരി കാലങ്ങൾക്ക് ശേഷം കരുണയുടെ ഒരു നോട്ടം തന്റെ മേൽ വീണത് അവളറിഞ്ഞു...... അവളൊരു നിമിഷം അവനെ തന്നേ നോക്കി യിരുന്നു പോയി..... മ്മ്......? വീണ്ടും അവൻ പുരികമുയർത്തുമ്പോൾ ആ ചെറിയ കണ്ണുകളിൽ ഒരു നീർ തിളക്കം..... അവൾക്ക് നെഞ്ചിലെന്തോ ഒന്ന് തടഞ്ഞു നിന്നത് പോലെ തോന്നി..... സന്തോഷം കൊണ്ട് മനസ്സ് തുളുമ്പി..... പെട്ടെന്ന് കണ്ണുകൾ നിറഞ്ഞെന്ന് തോന്നിയതും അവൾ ഇല്ലെന്ന അർത്ഥത്തിൽ തലയൊന്ന് വെട്ടിച്ചു മിഴികൾ താഴെക്കൂന്നിയിരുന്നു..... ഒരു നിമിഷം അവനും മിഴികളിൽ പുറത്ത് വിരിഞ്ഞു നിൽക്കുന്ന പൂക്കളിലേക്ക് നീക്കി..... അവളുടെ ഉള്ളിലെ കനൽ അവനും ഏറ്റെടുത്തെന്ന വണ്ണം ആ രണ്ട് ഹൃദങ്ങളിലും വല്ലാത്തൊരു നോവ് നിറഞ്ഞിരുന്നു ..... കോച്ചുന്ന ആ തണുപ്പിൽ അവർക്കിടയിൽ ഒരു നിശബ്ദത നിറഞ്ഞു നിന്നു.... കണ്ണ് നീരിന്റെ ഈർപ്പം തങ്ങി നിൽക്കുന്നൊരു നിശബ്ദത..... നോവിന്റെ ഭാരം നിറഞ്ഞു നിൽക്കുന്നൊരു നിശബ്ദത...... വിടർന്നു തുടങ്ങുന്ന പൂക്കൾക്കപ്പുറത്തു നിന്നും ഒഴുകി നീങ്ങുന്ന പുഴയുടെ ഈണം കേൾക്കാം....... ഞാൻ.... ഞാൻ നാളെ തിരിച്ചു പോകും....... നിശബ്ദത യെ കീറി മുറിച്ചു കൊണ്ടവന ത് പറഞ്ഞത് പതിഞ്ഞ ശബ്ദത്തിലായിരുന്നേങ്കിൽ കൂടി അവളൊരു ഞെട്ടലോടെയാണ് അവനു നേരെ മിഴികളുയർത്തിയത്.... അവളുടെ കണ്ണുകളിലേ തിളക്കം പാടേ മങ്ങിയത് അവൻ കണ്ടു..... പോകരുതെന്ന് തന്നോട് പറയാൻ ബന്ധമില്ലെങ്കിൽ കൂടി പോകരുതെന്ന് ആ മിഴികൾ തന്നോട് പറയുന്നത് അവനറിയാൻ കഴിഞ്ഞു..... അതവനിൽ പ്രത്യേകിച്ച് അത്ഭുതമൊന്നും ചെലുത്തിയില്ല..... കാരണം ചുരുങ്ങിയ ഈ നിമിഷങ്ങളിൽ തങ്ങൾക്കിടയിൽ മുള പൊട്ടിയ ഒരടുപ്പമുണ്ട്..... തന്റെ ഭാഷയിൽ അതിനെ സഹതാപമെന്ന് വിളിക്കാമെങ്കിൽ കൂടി അവൾക്കതെന്തായിരിക്കുമെന്ന് അവനറിയില്ലായിരുന്നു.... പെട്ടെന്നൊരാൾക്ക് പിടി തരാൻ കഴിയാത്ത ഒരു പ്രത്യേക വികാരം ആ കണ്ണുകളിൽ പറ്റി പ്പിടിച്ചിരിക്കുന്നുണ്ട്.... അതൊരിക്കലും ഒരു വേശ്യ യുടെ ശൃംഗാര ഭാവമല്ല..... അവളുടെ ശരീരം തന്നേ ആഗ്രഹിക്കുന്നതുമില്ല..... പിന്നെന്താണത് ..... അവൻ ഒന്ന് കൂടി ചായ കപ്പ് ചുണ്ടോട് ചേർത്തു....... അവളിൽ നിന്ന് ശബ്ദമൊന്നും കേൾക്കുന്നില്ലെന്ന് കണ്ടതും അവനൊന്ന് കൂടി അവളിലേക്ക് തിരിഞ്ഞു...... താൻ പറഞ്ഞത് തന്നെയാ ശരിയാ.... ഈ അഴുകിയ ചുമരുകൾക്കുള്ളിൽ ആനന്ദി ജനിച്ചു പോയി....... പക്ഷെ അവൾ ഇവിടെ വളരരുത്.... അത് കൊണ്ടവളെ കൊണ്ട് ഞാനിങ്ങോട്ട് വരില്ല....... അവളെന്റെ കയ്യിൽ സുരക്ഷിതയായിരിക്കും........ തനിക്കവളെ കാണാൻ എപ്പോൾ വേണമെങ്കിലും വരാം........ അവനതും കൂടി പറഞ്ഞു നിർത്തുമ്പോഴും അവളുടെ കണ്ണുകളിലെ തിളക്കം വീണ്ടു കിട്ടിയിരുന്നില്ല..... തിരികെ പോകുന്നു എന്നോർക്കുമ്പോൾ തന്നേ അറിയാത്തൊരിടത്തു സ്വന്തമായ ആരെയോ ഉപേക്ഷിച്ചു പോകും പോലെ അവനു സ്വയം തോന്നുന്നുണ്ടായിരുന്നു.. അത്രയേറെ അവളുടെ ഉള്ളിലെ നോവ് തന്റെതായിട്ടുണ്ട്.... കൂടെ അവളും........ അവൻ തല ചെരിച്ചു കൊണ്ടവളെയൊന്ന് നോക്കി..... ആകാശത്തു പാതി മുറിഞ്ഞു നിൽക്കുന്ന ചന്ദ്രൻ തങ്ങളെ നോക്കുന്നുണ്ട്..... ജന വാതിലിലൂടെ കടന്ന് വരുന്ന തണുത്ത പാതിരാ കാറ്റിൽ കട്ടിലിന് താഴേക്ക് വീണു കിടക്കുന്ന അവളുടെ സാരിയുടെ അറ്റം പതിയെ ഒന്ന് പാറി..... മിനുസമുള്ള അവളുടെ മുടിയിഴകളും കാറ്റിലോന്നിളകി ..... അവളൊന്നും മിണ്ടിയില്ല..... കാൽ മുട്ടിൽ പിടിച്ച പിടുത്തം ഒന്ന് കൂടി മുറുക്കി..... അവൻ അവൾ കൊടുത്ത ഗ്ലാസ്സ് ടേബിളിൽ വെച്ചു കൊണ്ട് ഇരുന്നിടത് നിന്നോന്നെഴുന്നേറ്റു..... എന്തിനോ അവളുടെ നെഞ്ചോന്ന് പിടച്ചു.... വർഷങ്ങൾക്ക് ശേഷം തന്നെയൊന്ന് കേട്ട കരുണ കാണിച്ച മനുഷ്യനാണ് അകന്ന് പോകുന്നത്..... കുറച്ചു നേരം കൂടി തന്റെ കൂടെയിരിക്കാമോ എന്ന് ചോദിക്കാൻ തോന്നിയവൾക്ക്..... ഒന്നിനും വേണ്ടിയല്ല..... അരികിലിരിക്കുന്ന ആ ഒരുവൻ തന്റെ നോവിന്റെ ഭാരം പേറുമ്പോൾ തനിക്കത് വല്ലാത്തൊരു ആശ്വാസം നൽകുന്നുണ്ട്..... ഹൃദയം ഭാരമില്ലാത്തത് പോൽ ഉയർന്നു പൊങ്ങുന്നുണ്ട്..... ഓരോ രാത്രി ഓരോ പുരുഷൻ മാരെ കാണുന്ന താൻ ഇങ്ങനെയൊരുവനെ കണ്ടിട്ടില്ല..... അവനിത്രയും തന്നേ കേൾക്കേണ്ട കാര്യമില്ലായിരുന്നു.... എന്നിട്ടും അവൻ തന്നേ കേട്ടു..... താൻ പറയുന്ന വാക്കുകൾ ഹൃദയം കൊണ്ട് ഏറ്റെടുത്തെന്ന പോൽ അവന്റെ കണ്ണുകളിലെ ഭാവം മാറി മറിയുന്നത് താൻ നേരിട്ട് അനുഭവിച്ചു.... ഇപ്പൊ അവനിവിടെ നിന്നിറങ്ങുന്നത് തന്റെ ഭാരം കൊണ്ടാണെന്നും തനിക്ക് ബോധ്യമുണ്ട്..... കാൽ മുട്ടുകളിൽ പിടിച്ചിരുന്ന പിടുത്തം അവൾ പതിയെ ഒന്നയച്ചു..... തന്റെ രണ്ട് രാത്രി വെറുതെ പോയല്ലേ....അതും ഒരു വേശ്യക്ക് വേണ്ടി..... യാത്ര പറച്ചിലിനെന്ന വണ്ണം എഴുന്നേറ്റവൾ അത് പറഞ്ഞു മുഴുവനാക്കും മുന്പേ അവന്റെ ഇടത് കൈ അവളുടെ ചുണ്ടിനു മേൽ അമർന്നിരുന്നു....... അവളൊരു ഞെട്ടലോടെ അവനെ നോക്കി..... തന്റെ കൈക്ക് മുകളിൽ കാണുന്ന ആ വലിയ കണ്ണുകളിൽ ഒരു നിമിഷം അവനും ഒന്ന് കൊരുത്തു പോയി...... നെറ്റിയിൽ കാണുന്ന ആ വലിയ വട്ടപ്പൊട്ട് നെഞ്ചിലേക്ക് പറ്റി പ്പിടിച്ചത് പോലെ...... അവന്റെ വെളുത്ത നിറമുള്ള കൈ ക്ക് മുകളിൽ അവളുടെ എണ്ണ ക്കറുപ്പുള്ള നിറത്തിനു ഒരു പ്രത്യേക ഭംഗി തോന്നിയവന്..... ഒരു നിമിഷം അവനവളിൽ നിന്ന് കണ്ണുകൾ പറിച്ചെടുക്കാൻ കഴിഞിരുന്നില്ല..... ഒരു നിമിഷത്തിന് ശേഷം ചെയ്ത തെന്തെന്ന ബോധം വന്നപ്പോഴേക്കും അവൻ പെട്ടെന്നൊരു ഞെട്ടലോടെയാണ് കൈ വലിച്ചത്.... അവളും ആ നിമിഷത്തിലേക്ക് കടന്ന് വന്നു..... അവന്റെ മുഖത്തേക്ക് നോക്കാൻ കഴിയാതെ പെട്ടെന്നവൾ നോട്ടം വെട്ടിച്ചു ..... തറയിലേക്കും താഴേക്കും തെന്നി മാറി കളിക്കുന്ന ആ വലിയ മിഴികൾ കാൻകെ അവന്റെ ചുണ്ടിലൊരു പുഞ്ചിരി മൊട്ടിട്ടിരുന്നു...... അവളുടെ കവിളുകൾ അത് വരെ മറച്ചു വെച്ച നുണ ക്കുഴിയെ വരച്ചു കാട്ടി..... തന്നെ ആദ്യമായി നേരിട്ട ആ ചങ്കൂറ്റമുള്ള പെണ്ണിന് പകരം ഇപ്പൊ തന്റെ മുമ്പിൽ നിൽക്കുന്ന വളുടെ ഭാവമെന്താണ്...... അവനെന്തോ അവളിൽ നിന്ന് കണ്ണെടുക്കാൻ കഴിഞ്ഞില്ല....... ഞാൻ....ഞാൻ തന്നേ എന്തൊക്കെയോ പറഞ്ഞു........ സോറി..... അവനും നെറ്റിയിൽ ഒന്ന് കൈ വിരലോടിച്ചു കൊണ്ടത് പറയുമ്പോൾ ആ കണ്ണുകൾ തന്നിലേക്കൊന്നു കൂടി ഉയർന്നു കാണാൻ മനസ്സ് കൊതിച്ചിരുന്നു....... അവൾ പെട്ടെന്ന് അവനെയൊന്ന് നോക്കി..... വീണ്ടും വീണ്ടും നോക്കും തോറും കണ്ണെടുക്കാ ൻ കഴിയാത്ത വിധമെന്തോ ഒന്ന് തങ്ങൾക്കിടയിൽ വളരുന്നുണ്ടെന്ന് അവന് തോന്നിയിരുന്നു...... ഏയ്.... അങ്ങനെ പറയേണ്ട ആവശ്യമോന്നുമില്ല.... തെറ്റ് എന്റെ ഭാഗത്തല്ലേ..... എന്റെ കുഞ്ഞിനെ ഞാൻ തന്നെയേൽപ്പിക്കുമ്പോൾ തന്നേ കുറിച് ചിന്തിച്ചില്ല.... മാത്രവുമല്ല...... ഉള്ളിൽ ദേഷ്യത്തോടെ എന്നേ തേടി ഇവിടെ വരെയെത്തിയിട്ടും പറയുന്നത് കേൾക്കാനുള്ള വലിയ മനസ്സ് കാണിച്ചല്ലോ...... കേട്ടിരിക്കാൻ ഒരാളുണ്ടെങ്കിൽ കുറയുന്ന ഭാരത്തെ കുറിച് ഇന്നാണ് ഞാനറിഞ്ഞത്....... വർഷങ്ങൾക്ക് ശേഷമായിരിക്കും ഞാൻ എന്നേ കുറിച്ചൊന്നോർത്തത്...... അത് മുന്നിലിരിക്കുന്ന തനിക്കെന്നെ അറിയണമെന്ന ഒറ്റ കാരണം കൊണ്ടായിരുന്നു...... ഈ പൂക്കളും ഗന്ധവുമൊന്നും ഇഷ്ടമല്ലാത്ത ആ പഴയ എന്നേ വർഷ ങ്ങൾക്ക് ശേഷം ഞാൻ കണ്ടത് ഇന്നാണ്...... നന്ദി........ എന്നിലേ എന്നേ ഓർമപ്പെടുത്തിയതിനു........ അവൾ കൈ കൂപ്പി കൊണ്ടതും കൂടി പറഞ്ഞു നിർത്തുമ്പോഴേക്കും ആ കണ്ണുകളെന്തിനോ നിറഞ്ഞിരുന്നു..... അഭിക്കവളോട് എന്തെന്നില്ലാത്തൊരു അലിവ് തോന്നി.... ചേർത്ത് പിടിച്ചു നെഞ്ചിലേക്കിട്ട് ആശ്വസിപ്പിക്കാനാണ് തോന്നിയത്..... എന്നാൽ താനും അവളും ആരെന്ന ബോധ്യം അവനെ പുറകോട്ട് വലിച്ചു.... അപ്പോഴും ഹൃദയം അവളോട് തന്നേ ചേർന്നിരുന്നിരുന്നു...... അവൻ മറുപടിയൊന്നും പറയാതെ തന്നേ അവിടെ നിന്നും നടന്നു..... വാതിൽ പടിയിലെത്തിയതും ഒരു നിമിഷം അവനൊന്നു നിശ്ചലനായി....... അവളപ്പോഴും അതേ നിൽപ്പ് തന്നെയാണ്...... തനിക്ക്.... തനിക്കെന്നോടെന്തെങ്കിലും പറയാനുണ്ടോ..... അവൻ തലയൊന്ന് ചെരിച്ചു കൊണ്ടത് ചോദിക്കുമ്പോൾ അവളവനിലേക്കൊന്ന് തിരിഞ്ഞു..... വാക്കുകൾ അവളുടെ നെഞ്ചിൽ കിടന്നു തിളച്ചു മറിഞ്ഞു..... ഒരു വേശ്യക്ക് ആവശ്യപ്പെടാൻ അർഹതയുണ്ടോ എന്നറിയില്ല..... എങ്കിലും ചോദിക്കുകയാണ്.... ഈ യൊരു രാത്രിയുടെ കുറച്ചു സമയം എനിക്ക് തരാമോ...... വെറുതെ ഒന്ന് കൂടെയിരിക്കാൻ..... എന്നേ മനസ്സിലാക്കുന്ന പരിഗണിക്കുന്ന അലിവുള്ള ഒരാളുടെ കൂടെയിരിക്കാനുള്ള കൊതി കൊണ്ടാണ്...... ഇനി ഇങ്ങനെയൊരാളെ ഒരിക്കലും ഞാൻ കണ്ട് മുട്ടാനിടയില്ല..... അവൾ അവനു നേരെ തിരിഞ്ഞു കൊണ്ടത് പറയുമ്പോൾ ആ വാക്കുകൾക്ക് എന്തെന്നില്ലാത്തൊരു തീവ്രത യുണ്ടായിരുന്നു...... ആഗ്രഹിച്ചതെന്തോ കേട്ടത് പോൽ അവനും ഒന്ന് നിശ്ചല നായി...... മനസ്സ് ഒരു പ്രത്യേക ആനന്ദത്തെ പേറുന്നത് പോലെ....... അതും പറഞ്ഞു കൊണ്ടവൾ മറുപടി ക്കെന്ന പോൽ അവനെ നോക്കിയില്ല...... പോകണമെന്നാ ണെങ്കിൽ പോകാനുള്ള അനുവാധമെന്ന പോൽ അവളവനിൽ നിന്നും പിന്തിരിഞ്ഞു കൊണ്ട് തല താഴ്ത്തി യിരുന്നു..... ഹൃദയം അകാരണമായി മിടിക്കുന്നുണ്ട്.... എന്താണെറിയില്ല.... വൈശാലി കാണുന്ന ആദ്യത്തെ പുരുഷനല്ല അവൻ..... എന്നിട്ടും എന്താണിങ്ങനെ...... വെറും രണ്ട് രാത്രിയുടെ പരിചയം മാത്രമുള്ള അവൻ പൊയ് കഴിഞ്ഞാൽ തന്നിലുണ്ടാകുന്ന ഒരു ശൂന്യത അവൾക്ക് സങ്കല്പിക്കാൻ കഴിഞ്ഞിരുന്നു...... തന്റെ അരികിൽ ആളനക്കം പോലെ തോന്നിയതും അവൾ പെട്ടെന്ന് തലയുയർത്തിയിരുന്നു..... അരികിലിരിക്കുന്നവന്റെ കണ്ണുകൾ തന്നിലാണെന്നറിഞ്ഞ നിമിഷം ആ കണ്ണുകളിൽ ഒരു തരം നാണം പരന്നു... അതിലേറെ നിറഞ്ഞു നിന്നൊരു തരം ആനന്ദവും....... ഇത് വരെ കാണാത്ത അവളിലെ ആ ഭാവത്തിലേക്ക് അവനും മിഴി നട്ടു........ അവളൊരു ചോദ്യ ഭാവത്തോടെ അവനെ നോക്കിയതും അവനൊരു കുസൃതി ചിരിയോടെ ഇരു കണ്ണുകളും ഇറുക്കെ ചിമ്മിയിരുന്നു...... ആ ചിരി അത് പോലെ അവളിലേക്കും പടർന്നതും അവളതിനെ പെട്ടെന്ന് മറച്ചു പിടിക്കാൻ ശ്രമിച്ചു.... കാരണം ഈ യൊരു രാത്രി മാഞ്ഞു പോകുക തന്നേ ചെയ്യുമെന്ന് അവൾക്കറിയാമായിരുന്നു......... (തുടരും) Aysha Akbar #📔 കഥ #💞 പ്രണയകഥകൾ

📙 നോവൽ - SAfEEKMOHAMMED Greations @ep७७@o @omedvshukbun SAfEEKMOHAMMED Greations @ep७७@o @omedvshukbun - ShareChat