நித்தியநாம யோகங்கள் பற்றிய புரிதல் தொடர்ச்சி... சென்ற பதிவில் நித்தியநாம யோகங்களில் யோகி/அவயோகி கிரகத்தை கணிப்பது பற்றி பார்த்தோம்.இப்பதிவில் யோகி/ அவயோகி கிரகங்களின் அட்டவணையோடு பலாபலன்கள் நன்மை/ தீமைகள் பற்றி சுருங்கச் சொல்ல முயற்சிக்கிறேன்.யோகியில் வரும் கிரகம் சுப பலனையும்,அவயோகியில் வரும் கிரகம் அசுப பலனையும் தரும் என்பது பொதுவான கருத்தாகும்.ஆனால் சுய ஜாதகத்தில் கிரகங்கள் அமரும் நிலையை பொருத்து சுப /அசுப பலன்களில் மாற்றம் ஏற்படும்.யோகி கிரகம் லக்ன யோகாதிபதியாக இருந்து பலம் பெற்றால் தசா புத்தி காலங்களில் சுப பலனையும்,பாதகாதிபதி மற்றும் மாரகாதிபதியாக இருந்து பலம் பெற்றால் சுப/அசுப பலன்களை மாறி மாறி தருகின்றது.அவயோகி கிரகம் லக்ன யோகாதிபதியாக இருந்து பலம் பெற்றால் தசா புத்தி காலங்களில் சுப/அசுப பலனை மாறி மாறியும்,பாதகாதிபதி மற்றும் மாரகாதிபதியாக இருந்து பலம் பெற்றால் அசுப பலன்களை குறைத்தும் தருகின்றது.யோகியின் நட்சத்திர சாரத்தில் நிற்கும் கிரகம் லக்ன யோகாதிபதியாக இருப்பின் தசாபுத்திக் காலங்களில் நற்பலன்களையும்,பாதகாதிபதியாக இருப்பின் கெடுபலன்களை குறைத்தும் தருகின்றது. அதேபோல் அவயோகியின் நட்சத்திர சாரத்தில் நிற்கும் கிரகம் லக்ன யோகாதிபதியாக இருப்பின் தசாபுத்திக் காலங்களில் நற்பலன்களை குறைத்தும் பாதகாதிபதியாக இருப்பின் கெடுபலன்களை குறைத்தும் தருகின்றது.யோகியின் நட்சத்திரத்தின் மற்ற இரண்டு நட்சத்திரங்களையும் கணக்கில் எடுத்துக்கொள்ளலாம்.உதாரணத்திற்கு யோகி நட்சத்திரம் அவிட்டம் என்றால் அதன் அதிபதி செவ்வாயின் மற்ற நட்சத்திரங்களான மிருகசீரிஷம்/ சித்திரம் நட்சத்திரத்தையும் யோக வரிசையில் எடுத்துக்கொள்ளலாம்.இதேபோல் அவயோகி நட்சத்திரத்தையும் எடுத்துக்கொள்ள வேண்டும்.அடியேனின் அனுபவத்தில் இது ஓரளவிற்கு சரியாக வருகிறது.லக்னாதிபதியின் பலம் பற்றி நான் ஏற்கனவே பல பதிவுகளில் குறிப்பிட்டுள்ளேன்.இதிலும் லக்னாதிபதியின் பலம் அடங்கியுள்ளது.லக்னாதிபதி யோகி நட்சத்திர சாரத்தில் அமர்ந்தால் பலம் பெறும்.அவயோகியின் நட்சத்திர சாரத்தில் அமர்ந்தால் பலவீனம் அடையும்.எப்பொழுதுமே லக்னாதிபதியின் தசாபுத்திக்கு பலன் சொல்லும்பொழுது இது போன்ற சூட்சமங்களை ஆய்வுக்கு உட்படுத்தினால்தான் துல்லியமான பலனை எடுத்துரைக்கும் நண்பர்களே... ஒரு கிரகம் தசா புத்தி நடத்தும் பொழுது நன்மை/தீமைகளை கணித்துக் கூற இதுபோன்ற சூட்சுமங்கள் கண்டிப்பாக ஆய்வு செய்யப்பட வேண்டும்.யோகி கிரகமும் அவயோகி கிரகமும் பரிவர்த்தனை அடைந்தால் யோகியின் தசாபுக்தி காலங்களில் சுப பலன்களையும்,அவ யோகியின் தசாபுக்தி காலங்களில் அசுப பலன்களையும் லக்னஆதிபத்தியத்திற்கு ஏற்ப மாறி மாறி தருகின்றது.பரிவர்த்தனை பெற்ற கிரகங்கள் மற்றும் நீசபங்க யோகம் பெற்ற கிரகங்கள் தசாபுத்தி நடத்தும் போது பலன் சொல்வதற்கு இதுபோன்ற சூட்சுமங்கள் நிச்சயம் ஆய்வு செய்யப்பட வேண்டும். யோகி/ அவயோகி ஆய்வில் சுப கிரகங்களின் பார்வை சேர்க்கை தொடர்பும் ஆய்வு செய்யப்பட வேண்டும்.அடியேனின் அனுபவத்தில் அவயோகி கிரகம் தனதுகாரகத்துவ பலன்களில் குறையோ பாதிப்போ நிச்சயம் தருகிறது.உதாரணத்திற்கு சுக்கிரன் அவயோகி ஆனால் திருமண வாழ்க்கையில் மகிழ்ச்சியின்மையை கொடுக்கிறது.திருமணப் பொருத்தம் பார்க்கும் பொழுது யோகி /அவயோகி சூட்சமம் கண்டிப்பாக ஆய்வு செய்யப்பட வேண்டும் நண்பர்களே... கணவனின் ஜென்ம நட்சத்திரம் பெண்ணின் அவயோகி நட்சத்திரமாக வரக்கூடாது.அதேபோல் மனைவியின் ஜென்ம நட்சத்திரம் கணவனின் அவயோகி நட்சத்திரமாக வரக்கூடாது.அதேபோல் கணவன் ஜாதகத்தில் 7 க்கு உரியவர் நின்ற நட்சத்திரம் மனைவிக்கு அவயோகி நட்சத்திரமாகவும்,மனைவி ஜாதகத்தில் 7 க்கு உரியவர் நின்ற நட்சத்திரம் கணவனுக்கு அவயோகி நட்சத்திரமாகவும் அமைந்தால் தம்பதிகளுக்குள் ஒற்றுமை குறைவை தரும்.அதேபோல் கணவனின் லக்னாதிபதி பெண்ணுக்கு அவயோகி நட்சத்திரமாகவும்,பெண்ணின் லக்னாதிபதி கணவனுக்கு அவயோகி நட்சத்திரமாகவும் அமைவது சிறப்பல்ல.மேற்சொன்ன முறையில் அமைந்து அந்த நட்சத்திர அதிபதி திசையோ புக்தியோ நடப்பில் வரும்பொழுது சுய ஜாதகத்தில் கிரகங்கள் நிற்க்கும் சுப/அசுப நிலையைப் பொருத்து நன்மை/தீமைகள் உண்டாகும்.மேற்சொன்ன முறைகளில் யோகி நட்சத்திரங்கள் அமைவது மிகச் சிறப்பான அமைப்பாகும் நண்பர்களே... ஸ்ரீ செல்வநாயகி அம்மன் ஜோதிடாலயம் குறிப்பு: அடியேனின் ஜோதிட அனுபவ ஆய்வுக்கட்டுரைப்பதிவுகளை தொடர்ந்து பார்வையிட கீழே உள்ள லிங்கில் சென்று குழுவில் இணைந்து கொள்ளவும் நண்பர்களே. Facebook link: https://www.facebook.com/groups/4141332219242280/?ref=share #ஸ்ரீ செல்வநாயகி அம்மன் ஜோதிடாலயம் Page link: https://www.facebook.com/sriselvanayakiammanastro/ Instagram link: https://instagram.com/astro_sri_selvanayagi_amman Subscribe to youtube link: https://youtube.com/channel/UCVLM0NuIJeGCv5Lk-EIGUSw உங்களின் தனிப்பட்ட சுயஜாதகத்தை கட்டண முறையில் ஆய்வு செய்ய விரும்பினால் 9842757275 என்ற எண்ணில் நேரடியாகவோ அல்லது வாட்ஸ்அப் மூலமாகவோ தொடர்பு கொள்ளலாம். தயவுசெய்து கமெண்ட்டில் ஜாதகத்தை பதிவிட்டு பலன் கேட்காதீர்கள்.சந்தேகங்கள் ஆலோசனைகளுக்கு மேற்கண்ட எண்ணில் தொடர்புகொள்ளவும்.கமெண்டில் அனைவருக்கும் பதில் அளிக்க நேரம் ஒதுக்க முடிவதில்லை... நன்றி