🚩🚩★PRAMOD★«SAHOO»🚩🚩
*ହେରା ପଞ୍ଚମୀ କଥା*
ଆଜି ପବିତ୍ର ହେରା ପଞ୍ଚମୀ ଶ୍ରୀ ଗୁଣ୍ଡିଚା ଯାତ୍ରା ର ପଞ୍ଚମ ଦିବସ । ଆଜି ବଡ଼ଠାକୁରଙ୍କ ପରିବାର ଲୀଳା ଯାହାଙ୍କ ପାଇଁ ଶ୍ରୀକ୍ଷେତ୍ରର ‘ଶ୍ରୀ’ ଆଜି ରୋଷ କରିଛନ୍ତି । ଶ୍ରୀମନ୍ଦିରରେ ଏକୁଟିଆ ସ୍ତ୍ରୀକୁ ଛାଡ଼ି ଭାଇଭଉଣୀକୁ ଘେନି କାଳିଆଠାକୁର ଗୁଣ୍ଡିଚାଘରେ । ବଡ଼ଦେଉଳର ଅଭିମାନିନୀ ମାଲିକାଣି ଏବଂ ମହାପ୍ରଭୁଙ୍କ ଆଜି ମନବିୟ ଲିଳା । ଦୀର୍ଘଦିନ ଧରି ମହାପ୍ରଭୁଙ୍କ ସହ ମହାଲକ୍ଷ୍ମୀଙ୍କ ସାକ୍ଷାତ ହୋଇନାହିଁ । ମହାଲକ୍ଷ୍ମୀ ବ୍ୟସ୍ତ ବିବ୍ରତ ହୋଇପଡିଛନ୍ତି । ଆଜି ମହାପ୍ରଭୁଙ୍କୁ ଦର୍ଶନ କରିବା ପାଇଁ ଶ୍ରୀଗୁଣ୍ଡିଚା ମନ୍ଦିର ଅଭିମୁଖେ ଯାତ୍ରା କରିବେ । ସେପଟେ ମହାଲକ୍ଷ୍ମୀଙ୍କ ଆଗମନ ଖବର ପହଞ୍ଚିବା ପରେ ମହାପ୍ରଭୁ ଗତକାଲି ବନକଲାଗି ହୋଇଛନ୍ତି ।
ଶ୍ରୀକ୍ଷେତ୍ରରେ ବିଜେ କରି ଥିବା ମାଆ ମହାଲକ୍ଷ୍ମୀ ଖାଲି ଜଣେ ଦେବୀ ନୁହଁନ୍ତି । ଅଧିକନ୍ତୁ ସେ ଜଣେ ଆଦର୍ଶ ଓଡ଼ିଆଣୀ ବୋହୁ। ପ୍ରତି ଓଡ଼ିଆଘର ପରି ତାଙ୍କର ଅଛନ୍ତି, ସ୍ବାମୀ, ନଣନ୍ଦ ଏବଂ ଦେଢ଼ସୁର । ପ୍ରତି ଓଡ଼ିଆ ଘର ପରି ସେ ଶାଶୁ ଶ୍ବଶୁରଙ୍କୁ ଶ୍ରାଦ୍ଧ ଦିଅନ୍ତି । ସେ ଛପନ ଭୋଗ ରାନ୍ଧି ବାଢ଼ି ସମସ୍ତଙ୍କୁ ପରସି ଦିଅନ୍ତି । ତାଙ୍କର ରାନ୍ଧଣା, କେବେ ଶେଷ ହୁଏ ନାହିଁ କି ବଡ଼ ଖିଆ ଜଗା ଓ ବଳିଆଙ୍କ ହାତ କେବେ ଶୁଖେ ନାହିଁ ସେ ଲୀଳାମୟୀ ।ତାଙ୍କର ମହାପ୍ରଭୁଙ୍କ ପରି ବହୁତ ଲୀଳା ଅଛି ।
ମହାଲକ୍ଷ୍ମୀ ପୁଣି ରାଗନ୍ତି, ରୁଷନ୍ତି, ସ୍ଵାମୀ ଉପରେ ଅଭିମାନ କରନ୍ତି। ସେ ପୁଣି ଘର ବାହୁଡ଼ା ବେଳ ହେଲେ ସ୍ୱାମୀ ଆସିଲେ ନାଁ ନାହିଁ, ଜାଣିବା ପାଇଁ ବାରମ୍ବାର ଏରୁଣ୍ଡି ବନ୍ଧ ପର୍ଯ୍ୟନ୍ତ ଦଉଡ଼ି ଯାଆନ୍ତି । ଦେଢ଼ଶୁରଙ୍କୁ ତାଙ୍କର ଭାରି ଲାଜ । ତାଙ୍କ ଆଗକୁ ହାତେ ଲମ୍ବା ଓଢ଼ଣି ଟାଣି ଯାଆନ୍ତି ।ହଳଦୀ ମୁହିଁ ନଣନ୍ଦକୁ ସେ ବହୁତ ସ୍ନେହକରନ୍ତି । ଆକଟ କରି କେତେବେଳେ ପୁଣି ନାନା କଥା କହନ୍ତି ।
*ଏଥର ଆସନ୍ତୁ ରଥଯାତ୍ରା କଥାକୁ।*
ଠାକୁରାଣୀଙ୍କୁ ମହାପ୍ରଭୁ ଭୁଲେଇ ଭଣ୍ଡେଇ ଭାଇ ଭଉଣୀଙ୍କୁ ଧରି ବାହାରି ଗଲେ ଗୁଣ୍ଡିଚା ବାଡ଼ିକୁ ।ପରେ ଜଣାଗଲା ମହାପ୍ରଭୂ କି ଆନନ୍ଦରେ ଆଡ଼ପମଣ୍ଡପରେ ଭକ୍ତଙ୍କ ମେଳରେ ବସି ଛପନ ଭୋଗ ଖାଉଛନ୍ତି ।କଳମ
ଶାଗ ଆଉ ବଗଡା ଅନ୍ନରେ ସଂସାରର ପଡ଼ିଦାତ୍ରୀ ପଡ଼ିରହିଛନ୍ତି ଶ୍ରୀମନ୍ଦିରରେ।
ଆଉ ସମ୍ଭାଳେ କିଏ। ମାଆ ରାଗ ତମ ତମ ହୋଇ ସବାରି ଚଢ଼ି ଦାସୀ ପରିବାରୀ ନେଇ ଚାଲିଲେ ଗୁଣ୍ଡିଚା ମନ୍ଦିରକୁ କଣ ଲୀଳା ଲାଗିଛି ଦେଖିବା ପାଇଁ ।
ବେଦୀରେ ତ ଦେଢ଼ଶୁର ବସିଛନ୍ତି ଆଉ ଆଗକୁ ଯିବେ କେମିତି । ହାତେ ଓଢ଼ଣା ଟାଣି, ନାକଚଣା ଦ୍ଵାରବାଟେ ଟିକେ ପ୍ରଭୁଙ୍କୁ ଚାହିଁ ମାଆ ବିମଳେଇ ଦେଇ ଥିବା ମୋହଚୂର୍ଣ୍ଣ ପକେଇ ଦେଇ ଟାଉକରି ବାହାରି ଆସିଲେ ସେଠାରୁ ।ଦେଖିଲେ, ଆଗରେ ନନ୍ଦିଘୋଷ ରଥ ଥୁଆ ହୋଇଛି । ଆରେ, ନାଟର ଗୋବର୍ଦ୍ଧନ ତ ଏହିରେ ।ଧାଉଁକରି ପାହାରେ ପିଟି ଦେଲେ କାଠ ଖଣ୍ଡେ ଭାଙ୍ଗି ଗଲା ।ଲାଜରେ ବଡ଼ ଦାଣ୍ଡ ଦେଇ ଆଉ ଆସିବେ କଣ, ହେରାଗୋହିରୀ ସାହି ବାଟେ ସବାରୀ ଚାଲିଲା ଶ୍ରୀମନ୍ଦିର ।
ସେତିକିରେ ରାଗ ଶାନ୍ତି ହେଲା ନାହିଁ । ମନ୍ଦିରରେ ପହଞ୍ଚି ସିଂହଦ୍ବାର କିଳି ଦେଲେ । ଆସ ତୁମେ ତିନି ଭାଇ ଭଉଣୀ । ଦେଖିବି, କିଏ ତୁମକୁ ମନ୍ଦିରରେ ପୁରୋଉଛି । ପୁଣି ହଳଦୀ ମୁହିଁ ନଣନ୍ଦ ସୁଭଦ୍ରାଙ୍କୁ ଉଲୁଗୁଣା ଦେଇ କୁହନ୍ତି ଏ ଉପର ମୁହିଁ ଭଉଣୀର ଗୁଣ ବି କମ୍ ନୁହେଁ । ଭାଇମାନଙ୍କ କାନରେ କହି କଣ କେତେ ନାଟ ସବୁ ଲଗେଇ ଦଉଛି । କହିଲା ବେଳେ ମାଆ ମହାଲକ୍ଷ୍ମୀ ତାଙ୍କ ସ୍ଵାମୀ ଅର୍ଜ୍ଜୁନଙ୍କୁ ବି ଛାଡନ୍ତି ନାହିଁ, "ହାତ ଗୋଡ଼ ନାହିଁ ହଳଦୀ ମୁହିଁଟା ଗଉଡ଼ ଘରର ଝିଅ । ଗେରସ୍ତ ନିକମ୍ମା, ରଥରେ ବସିଛି କୋଉ କୂଳକୁ ସେ ନୁହଁ"।
ମହାପ୍ରଭୁ ବାହୁଡ଼ା ଦିନ ଫେରି ଆସୁଛନ୍ତି ଲକ୍ଷ୍ମୀଙ୍କ ରାଗ ଇଆଡ଼େ ପଞ୍ଚମରେ । ମହାପ୍ରଭୁ ଦେଉଳ ନ ଧରୁଣୁ ତାଙ୍କୁ ଟିକେ ଭଲକି ଜବତ କରିବା ପାଇଁ ମାଆ ଯାଇ, ଠାକୁର ରାଜାଙ୍କ ନଅରରେ ହାଜର ଫେରାଦ ହେବାକୁ । ବୁଝେଇ, ବାଝେଇ ମାଆଙ୍କୁ ବିଦା କଲେ ଗଜପତି ମହାରାଜା । ଅସଲ ଖେଳା ଲାଗିଲା ନୀଳାଦ୍ରୀ ବିଜେ ଦିନ.................
..........
.......
*ରଥଯାତ୍ରା ପାଳନ ଅବସରରେ ହେରାପଞ୍ଚମୀ ଉତ୍ସବ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ । ଯାତ୍ରା ଭାଗବତରେ କୁହାଯାଇଛି-*
*“ ତତୋ ଗୁଣ୍ଡିଚାନନ୍ତରଂ ପଞ୍ଚମ ଦିବସେ ହେରାପଞ୍ଚମୀ ଭବତି” ।*
ବାମଦେବ ସଂହତିର ବର୍ଣ୍ଣନାନୁଯାୟୀ ସ୍ୱୟଂ ବାମଦେବ ଶ୍ରୀ ଜଗନ୍ନାଥଙ୍କ ଲୀଳା ବର୍ଣ୍ଣନା କ୍ରମରେ ଦେବୀ ପାର୍ବତୀଙ୍କୁ କହିଥିଲେ -
*“ଦ୍ୱିତୀୟା ପଞ୍ଚମ ଦିନେ ତୟାଯାତ୍ରାକୃତା ପ୍ରିୟେ ଧବଂସା ବୀକ୍ଷିତୁଂ ତତ୍ର ଗୁପ୍ତଯାତ୍ରା କୃତାତୟା ।*
*“ହରଂ ଚ ମନସା କୃତ୍ୱା ହେରେତି ନାମ ଯୋଗତଃ ରାଜେ୍ଞ କୃଦ୍ଧବତୀ ଚାପି ସାୟଂ ପୂଜା ସମାପନେ” ।*
ମହାଲକ୍ଷ୍ମୀ ଆଷାଢ ଦ୍ୱିତୀୟା ତିଥୀ ଘୋଷଯାତ୍ରାର ପଞ୍ଚମ ଦିନରେ ସ୍ୱାମୀ ପ୍ରଭୁ ଜଗନ୍ନାଥଙ୍କୁ ଦେଖିବାକୁ ଗୋପନରେ ଯାତ୍ରା କରିଥିଲେ । ହରଙ୍କୁ ମନରେ ଧ୍ୟାନ କରି ଯାତ୍ରା କରିଥିବାରୁ ମହାଲକ୍ଷ୍ମୀଙ୍କର ଏହି ଯାତ୍ରା ହେରାପଞ୍ଚମୀ ନାମରେ ପ୍ରସିଦ୍ଧ । ଏହି ଯାତ୍ରା ଜଗନ୍ନାଥ ସଂସ୍କୃତିର ଏକ ମହତ୍ୱପୂର୍ଣ୍ଣ ବିଭବ ଅଟେ । ପ୍ରତ୍ୟେକ ଯୁଗରେ ଯେତେବେଳେ ଭଗବାନ ବିଷ୍ଣୁ ଧରାବତରଣ କରିଛନ୍ତି ସେତେବେଳେ ତାଙ୍କ ଅନୁରୋଧ ରକ୍ଷାକରି ମହାଲକ୍ଷ୍ମୀ ସର୍ବଦା ମର୍ତ୍ତ୍ୟାବରଣ କରିଥାନ୍ତି ।
ପରମ୍ପରା ଅନୁଯାୟୀ ପ୍ରଭୁ ଶ୍ରୀଜଗନ୍ନାଥ କୃଷ୍ଣ ଭାବରେ ଜ୍ୟେଷ୍ଠ ଶୁକ୍ଲ ଏକାଦଶୀ ଦିନ ଲକ୍ଷ୍ମୀ ସ୍ୱରୁପା ରୁକ୍ମଣୀଙ୍କୁ ବିବାହ କରିଥାନ୍ତି । ଶୁକ୍ଲ ଚତୁଦର୍ଶୀ ରାତ୍ରରେ ତାଙ୍କର ଚତୁର୍ଥୀ ହୋମ ହୋଇଥାଏ । କିନ୍ତୁ ମହାପ୍ରଭୁ ଚତୁର୍ଥୀ ସ୍ନାନ କରିବାକୁ ଯାଇ ଗୋପ୍ୟ ହୋଇଯାଇଥାନ୍ତି, ମାତା ଲକ୍ଷ୍ମୀଙ୍କ ସହ ଆଉ ଦେଖା ସାକ୍ଷାତ ହୁଏ ନାହିଁ । ଏପଟେ ମହାପ୍ରଭୁଙ୍କୁ ସ୍ନାନ ପରେ ଜ୍ୱରାଗ୍ରସ୍ତ ହୋଇ ଅଣସର ଘରେ ରହିବାକୁ ପଡିଥାଏ ଓ ପରେ ପରେ ନବଯୌବନ ଦର୍ଶନ ଦେଇ ବଡଭାଇ ବଳଭଦ୍ର ଓ ଭଉଣୀ ଦେବୀ ସୁଭଭଦ୍ରାଙ୍କୁ ନେଇ ଲକ୍ଷଲକ୍ଷ ଭକ୍ତ ଗହଣରେ ଗୁଣ୍ଡିଚା ରାଣୀ ଘରକୁ ଘୋଷଯାତ୍ରାରେ ବାହାରି ପଡନ୍ତି ।
ଏଥିରେ ମହାଲକ୍ଷ୍ମୀ କ୍ରୋଧିତ ହୋଇ ଏକ ସାଧାରଣ ଲୌକିକ ନାରୀ ରୂପେ ନିଜ ଦୁଃଖ ସମ୍ପର୍କରେ ଶ୍ରୀକ୍ଷେତ୍ର ରାଜେଶ୍ଵରୀ ମା ବିମଳାଙ୍କୁ କହିଥାନ୍ତି । ଏହାପରେ ବିମଳା ଦେବୀ ଲକ୍ଷ୍ମୀଙ୍କୁ ସାନ୍ତ୍ୱନା ଦେବାକୁ ଯାଇ କହିଥିଲେ-
“ ସ୍ୱାମୀ ଯଦି ବିବେକ ଶୂନ୍ୟ ହୋଇ ଅକରଣୀୟକୁ କରଣୀୟ ବୋଲି ମନେ କରନ୍ତି, ତେବେ ତାଙ୍କୁ ଉଚ୍ଚାରିତ କରିବାକୁ ପଡିଥାଏ ।
ତେଣୁ ତୁମେ ମୋହଚୂର୍ଣ୍ଣ ନେଇ ସ୍ୱାମୀଙ୍କ ନିକଟକୁ ଯିବା ଉଚିତ୍ । ଏହା ପରେ ମା ବିମଳାଙ୍କ ପରାମର୍ଶ କ୍ରମେ ମା ଭଗବତୀ କଲ୍ୟାଣ ମୟୀ ରଥ ଯାତ୍ରାର ପଞ୍ଚମ ଦିନ ଆଜିର ପବିତ୍ର ଦିବସ ହେରା ପଞ୍ଚମୀ ରେ ( ହେରା ଶବ୍ଦ ର ଅର୍ଥ ଦେଖିବା ) ଶ୍ରୀ ଗୁଣ୍ଡିଚା ମନ୍ଦିରକୁ ଯାତ୍ରା କରନ୍ତି। କାଳିଆ ସାଆନ୍ତ ଆଜି ମା ସାଆନ୍ତାଣୀ ଙ୍କୁ ଦେଖିବେ। ମା ସାଆନ୍ତାଣୀ ଆଜି କାଳିଆ ସାଆନ୍ତଙ୍କୁ ଦେଖିବେ ।
ଶ୍ରୀମନ୍ଦିର ନୀତି ମୁତାବକ ପ୍ରଥମେ ଶ୍ରୀମନ୍ଦିର ଭଣ୍ଡାର ଘରେ ବିଜେ ହୋଇଥିବା ଲକ୍ଷ୍ମୀଙ୍କୁ ପାଳିଆ ମହାଜନମାନେ ମାଜଣା କରନ୍ତି । ତା’ ପରେ ବନକ ଲାଗି, ପାଟ ଓ ଅଳଙ୍କାର ଲାଗି ହୁଏ । ପାଳିଆ ମେକାପ, ପ୍ରତିହାରୀ ଓ ମୁଦୁଲି ଦେଇଥିବା ପନ୍ତି ଭୋଗ ପୂଜାପଣ୍ଡା କରନ୍ତି । ଏହାପରେ ମହାଜନମାନେ ଲକ୍ଷ୍ମୀଙ୍କୁ ନେଇ ବଟବୃକ୍ଷ ତଳେ ଥିବା ବିମାନରେ ବିଜେ କରାନ୍ତି ।
ବିମାନବଡୁ ମାନେ ବିମାନ କାନ୍ଧେଇ, ଘଣ୍ଟ, କାହାଳୀ ବାଜା, ଛତାର ଛତ୍ର ସହ ସିଂହଦ୍ୱାର ଦେଇ ବଡ଼ଦାଣ୍ଡରେ ଗୁଣ୍ଡିଚା ଘର ସାମନାରେ ଶ୍ରୀଜଗନ୍ନାଥଙ୍କ ରଥ ପାଖରେ ଠିଆ ହୁଅନ୍ତି । ଏଠାରେ ପତି ମହାପାତ୍ର ପ୍ରସାଦ ଲାଗି ବନ୍ଦାପନା ଓ ଚାମର ଆଲଟ କରନ୍ତି । ଘଷା ବିଡ଼ିଆ ଓ ଦହିପଟି ମଣୋହି କରନ୍ତି । ଏ ମଧ୍ୟରେ ଗୁଣ୍ଡିଚା ଘରେ ତିନିବାଡ଼ରେ ସର୍ବାଙ୍ଗ ପରେ ବେଶ ହୋଇ ଓ ସଂଧ୍ୟାଧୂପ ଉଠି ପୂଜାପଣ୍ଡା ପୂଜାରେ ବସିଥାନ୍ତି ।
ଲକ୍ଷ୍ମୀ ରଥ ପାଖରୁ ଜଗମୋହନ ଜୟ ବିଜୟ ଦ୍ୱାରଠାକୁ ଆସିଥାନ୍ତି । ପତି ମହାପାତ୍ର ସିଂହାସନ ଉପରକୁ ଉଠି ଶ୍ରୀଜଗନ୍ନାଥଙ୍କ ଶ୍ରୀଅଙ୍ଗରୁ ଆଜ୍ଞାମାଳ ଆଣି ଲକ୍ଷ୍ମୀଙ୍କୁ ଦେଲା ପରେ ପୂଜାପଣ୍ଡା ପୂଜା ବଢ଼ାଇ ଧୂପ ଦୀପ ଦେଇ ଟେରା ପକାନ୍ତି । ଲକ୍ଷ୍ମୀଙ୍କ ବିମାନକୁ ଜଗମୋହନରୁ ନାକଚଣା ଦ୍ୱାର ଦେଇ ତେନ୍ତୁଳିଗଛ ପାଖରେ ରଖାଯାଏ । ସେଠାରେ ଭିତରଚ୍ଛ ମହାପାତ୍ର ଗରାବଡ଼ୁଠାରୁ ହାତୁଆଣି ନେଇ ବନ୍ଦାପନା କରନ୍ତି ଓ ଦହିପଟି ମଣୋହି କରାନ୍ତି ।
ଏହାପରେ ତାଙ୍କର ବିମାନକୁ ଶ୍ରୀଜଗନ୍ନାଥଙ୍କ ରଥ ପାଖକୁ ନିଆଯାଏ । ପ୍ରେମର ସୂଚକ ଭାବର ସୂଚକ ରୂପରେ ନନ୍ଦିଘୋସ ରଥର ହଂସ ପଟାରୁ ଗୋଟିଏ ଅଂଶ କୁ ସେବକଙ୍କ ଭିତରୁ ଜଣେ ଭାଙ୍ଗି ଦେବା ପରେ ହରଗୌରୀ ସାହି ଦେଇ ବଡ଼ ଦେଉଳକୁ ବିଜେ କରନ୍ତି ।
ଲକ୍ଷ୍ମୀ ଶ୍ରୀ ମନ୍ଦିରରୁ ଶ୍ରୀଜିଉଙ୍କ ଦର୍ଶନ ନିମନ୍ତେ ଗୁପ୍ତରେ ଯାଇ ଏକାନ୍ତରେ ଦର୍ଶନ କରି ମୋହାଞ୍ଜନରେ ପ୍ରଭୁଙ୍କୁ ମୁଗ୍ଧ କରିବାରେ ସଫଳ ହେବାପରେ ଏହାର ପରଦିନ ପ୍ରତ୍ୟାବର୍ତ୍ତନ ପାଇଁ ରଥକୁ ଦକ୍ଷିଣାଭିମୁଖି କରିବା ନିମନ୍ତେ ଆଦେଶ ଦିଆଯାଇଥାଏ । ଫଳରେ ହେରାପଞ୍ଚମୀର ପରଦିନ ପ୍ରଭୁଙ୍କର ଆଜ୍ଞାମାଳ ଦିଆଯାଇ ରଥ ଦକ୍ଷିଣ ମୋଡ କରା ଯାଇଥାଏ।
ଶ୍ରୀମନ୍ଦିର ଇତିହାସରୁ ଜଣାଯାଏ, ହେରାପଞ୍ଚମୀ ଉତ୍ସବ ମହାରାଜା କପିଳେନ୍ଦ୍ରଦେବଙ୍କ ସମୟରୁ ପାଳିତ ହୋଇଆସୁଅଛି । ଏହାପୂର୍ବରୁ ଏହି ଉତ୍ସବ କେବଳ ପ୍ରତୀକାତ୍ମକ ଭାବେ ଏକ ପୂଜାମନ୍ତ୍ର ବିଧିରେ ପାଳିତ ହେଉଥିଲା ।
ମାଦଳା ପାଞ୍ଜିର ବର୍ଣ୍ଣନାନୁସାରେ, ସେତେବେଳେ ମା ମହାଲକ୍ଷ୍ମୀ ଓ ଶ୍ରୀ ଜଗନ୍ନାଥଙ୍କୁ ଦୀପ ତଥା ଅନ୍ୟାନ୍ୟ ପବିତ୍ର ଦ୍ରବ୍ୟରେ ପୂଜା କରାଯାଉଥିଲା । ପରବର୍ତ୍ତୀ ସମୟରେ ରାଜା କପିଳେନ୍ଦ୍ର ଦେବଙ୍କଦ୍ୱାରା ମହାଲକ୍ଷ୍ମୀଙ୍କ ଏକ ସୁବର୍ଣ୍ଣ ପ୍ରତିମାନେଇ ଲୌକିକ ପୂଜାଚାର ପଦ୍ଧତିରେ ମହାଡମ୍ବରରେ ଏହି ଉତ୍ସବ ପାଳନ କରାଗଲା । ଏହି ପବିତ୍ର ହେରାପଞ୍ଚମୀ ପାଳନ ମାଧ୍ୟମରେ ସାମାଜିକ ଜୀବନରେ ସ୍ୱାମୀ ଓ ସ୍ତ୍ରୀ ମଧ୍ୟରେ ଅନାବିଳ ପ୍ରେମର ଏକ ଭିନ୍ନ ପରିପ୍ରକାଶ ହେବା ସହ ଏହା ଗୃହସ୍ଥମାନଙ୍କ ପାଇଁ ଏକ ଶିକ୍ଷଣୀୟ ଚଳଣୀର ବାର୍ତ୍ତା ବହନ କରୁଛି ।
*ଆଜି ହେରାପଞ୍ଚମୀ ପରି ଏହି ପବିତ୍ର ଦିନରେ ମା’ ଲକ୍ଷ୍ମୀ ସାଆନ୍ତାଣୀ ଓ ମହାପ୍ରଭୁ ଶ୍ରୀଜଗନ୍ନାଥ ଏହି ଜଗତବାସୀଙ୍କୁ କହିଦେବାକୁ ଚାହାଁନ୍ତି ଯେ, ମାନ-ଅଭିମାନ, ରାଗ-ରୁଷା ସଂସାର କରିଥିଲେ ସମ୍ମୁଖୀନ ହେବାକୁ ପଡ଼ିଥାଏ । ପାରିବାରିକ କଳହ ସାଂସାରିକ ଜୀବନରେ ଅପରିହାର୍ଯ୍ୟ । କଳହ ପରର ପ୍ରେମ ସୋହାଗ ପ୍ରତ୍ୟେକ ଦମ୍ପତ୍ତିଙ୍କ ବୈବାହିକ ଜୀବନର ମଧୁର ସମ୍ପର୍କକୁ ଆହୁରି ଅଧିକ ମଧୁମୟ କରିଦେଇଥାଏ ।ମହାପ୍ରଭୁ ଶ୍ରୀଜଗନ୍ନାଥଙ୍କୁ ଆଶ୍ରାକରି ଚାଲିଲେ ଆମେ ସମସ୍ତେ ଏହି ସଂସାର ତରୀକୁ ତାରି ପାରିବା ।🙏*
*🙏🌹ଜୟ ଶ୍ରୀଜଗନ୍ନାଥ 🌹🙏*
*🙏🪷ଜୟ ମାଁ ମହାଲକ୍ଷ୍ମୀ 🪷🙏*🌸🚩🌸🚩🌸🚩 #🙏ପ୍ରାର୍ଥନା🎶 #💐ଶୁଭେଚ୍ଛା #🌹🌹good morning 🌹🌹 #😍ପ୍ରେମଭରା ଶୁଭେଚ୍ଛା💚 #🌞ସୁପ୍ରଭାତ🌞
🚩🚩★PRAMOD★«SAHOO»🚩🚩‼️ ଜୟ ଜଗନ୍ନାଥ ସ୍ବାମୀ ‼️ #🙏ପ୍ରାର୍ଥନା🎶 🙏 #💐ଶୁଭ ରବିବାର💐 #🌹🌹good morning 🌹🌹 #😍ପ୍ରେମଭରା ଶୁଭେଚ୍ଛା💚 #ଜୟ ଜଗନ୍ନାଥ ସ୍ବାମୀ
1220
. ꯭꯭⎯꯭̽🍹𝆺𝅥⃝🌼⃪⃪꯭꯭꯭⃯🇸𝐔͕𝗥꯭𝗕꯭꯭⃯𝐈🍁꯭◡̈⃝➻#🙏ମା ମଙ୍ଗଳା🌸 #🌺ଶୁଭ ମଙ୍ଗଳବାର🌹 #💐ଶୁଭେଚ୍ଛା #🙏ପ୍ରାର୍ଥନା🎶 #🙏ଭକ୍ତି ଶର୍ଟ ଭିଡିଓ ଚ୍ୟାଲେଞ୍ଜ✨
1320
𝄟❥⃟🇻 𝐢𝐠𝐧𝐞𝐬𝐡°♥⃟🕊:Lord, you are angry with me. I could not go to see the darshan. Please forgive me, Lord 🙏😭🚩 #🙏ପ୍ରାର୍ଥନା🎶 #🪕ଶ୍ରୀ ଜଗନ୍ନାଥ ଭଜନ🎶 #🙏ପୁରୀ ବଡ଼ଦେଉଳ କଥା
3968
⭕‼️⭕🙏🌷 Sun𝓴𝓾𝓷𝓾 ♘♥ Project C N R#🕉️ହର ହର ମହାଦେଵ🔱 #🙏ସୋମବାର ଭକ୍ତି ସ୍ପେଶାଲ 🙏 #📹ଭକ୍ତି ଭିଡ଼ିଓ #🙏ଆଜିର ଭକ୍ତି ଷ୍ଟାଟସ🎶 #🙏ପ୍ରାର୍ଥନା🎶
5155
118112
Tapan Bagha#🔱ଶିବ ମନ୍ଦିର🙏 #🔱ଶିବ ଭକ୍ତ🧘 #🙏ପ୍ରାର୍ଥନା🎶 #🚩ସନାତନ ଧର୍ମ💪 #😊ବାସ୍ତବିକ ଖୁସି😇
2636
Bulu Mohanty#🌹🌹good morning 🌹🌹 #ଶୁଭ ସକାଳ #🙏ପ୍ରାର୍ଥନା #ଶୁଭ ସକାଳ #ଶୁଭ ସକାଳ
2713
117
2415
3624