#💔NEET पेपरफुटीमुळे विद्यार्थ्यांनी संपवलं आयुष्य लातूरच्या क्लासवाल्यांनी विद्यार्थांना अजून लुटण्यासाठी NEET ReTest क्रॅश कोर्स चालू केले आहेत. असा हा लुटीचा लातूर पॅटर्न कशाला पाहिजे? जिथे कुलकर्णी सारखे भडवे मरायला टेकलेल्या वयात पैसे कमावण्यासाठी लातूरचे नाव धुळीस मिळवतात.यापुढे देशातील संस्था कशाला पेपर काढण्याची जबाबदारी अशा भ्रष्ट लोकांवर देतील.किंवा लातूरपर्यंत येतील. याआधीही लातूरमध्ये जेव्हा निकाल ९०%+ लागायचा आणि त्यानंतर कॉपीमुक्त परीक्षा अभियान राबवण्यात आले आणि लातूर जिल्ह्याचा निकाल ५१-५२% च्या आसपास लागला होता. लातूर पॅटर्न हा लातूर जिल्ह्यातील विद्यार्थ्यांमुळे किंवा शिक्षकांमुळे नसून तिथं पूर्ण महाराष्ट्रातून आपापल्या गावातील, तालुक्यातील आणि जिल्ह्यातील टॉपर शिकायला येतात त्यामुळे आहे.त्यामुळेच कट ऑफ फुगतो.त्यामुळेच लातूरची अर्थव्यवस्था चालते.पण जर पेपर फोडून टॉपर आणले जात असतील तर अशा व्यवस्थेवर लोक कसा विश्वास ठेवतील? लातूरच्या टॉप कॉलेजमधील विद्यार्थीसुद्धा खाजगी शिकवण्या लावल्याशिवाय परीक्षा क्रॅक करू शकत नाहीत.मग लातूर पॅटर्न हा खाजगी क्लासेस वाल्यांचाच पॅटर्न म्हणावा का? कॉलेजच्या कॉलेजेस ओस पडली आहेत. प्रॅक्टिकल होत नाहीत.सहामाही परीक्षा मॅनेज केल्या जातात.बोर्डाच्या परीक्षा कॉपी सेंटरला जाऊन दिल्या जातात.आणि NEET ची तयारी लातूरला केली जाते.NEET ची लातूरची तयारी हे फास्ट फूड सारखे आहे चवीला चांगले लागते पण नंतर पोट दुखते.विद्यार्थ्यांच्या कन्सेप्ट डेव्हलप होण्याऐवजी त्याला फक्त उत्तर कसे काढायचे आणि परीक्षेत प्रश्न कसा सोडवायचा एवढे माहिती आहे. MBBS सीट वाढल्याने NEET चे व्यापारीकरण इतर परीक्षांपेक्षा जास्त झाले. प्रत्येक पालकाला आपला मुलगा डॉक्टर व्हावा वाटतो.तसेच अनेक मुलांमध्ये असलेली गणिताची भिती त्यांना NEET कडे ढकलते.आज MBBS होऊनही त्यानंतर पोस्ट ग्रॅज्युएशन नसेल तर डॉक्टरकी चालण्यासाठी अडचणी येतात त्यामुळे विद्यार्थ्यांच्या आयुष्यात संघर्ष डॉक्टर होऊनही संपत नाही.आणि सोबतच आई वडिलांचाही संघर्ष सुरूच राहतो. NEET चा पेपर याआधीही फुटत आला आहे पण यावेळी क्लासेसवाल्यांनी कार्बन कॉपी काढून विद्यार्थ्यांना प्रती वाटल्या आहेत.पुस्तकात टिक करून कुठल्या टॉपिकमधून प्रश्न येणार आहेत सांगितले आहे. सुपर स्पेशालिटी सारखे बॅचेसमध्ये आधीच हुशार असलेल्या मुलांचे ७२० पैकी ७२० मार्क्स कसे येतील यासाठी काळजी घेतलेली आहे.मला वाटतं NTA ने Answer Booklet चेक करून ७००+ मार्क मिळवलेल्या विद्यार्थ्यांची प्राथमिक चौकशी केली तर सगळेच क्लासवाले सापडतील ज्यांनी फुटलेला पेपर विकत घेतला होता. या घोटाळ्याची व्याप्ती फक्त कुलकर्णी पर्यंत ठेवता कामा नये.यातले लाभार्थी, हॉस्टेल चालवणारे स्लीपिंग पार्टनर, क्लासेसला जाऊन विद्यार्थ्यांना खोटी स्वप्ने दाखवणारे प्रतिष्ठित डॉक्टर मंडळी यांनाही याची झळ पोचली पाहिजे. #😏मतलबी दुनिया #1️⃣महाराष्ट्र अपडेट्स #🏛️राजकारण #🔴आजचे ताजे अपडेट्स📰