Dhruv Kapoor
జగన్నాథాష్టకం
కదాచిత్-కాలిందీ తటవిపిన సంగీతకరవో
ముదాభీరీ నారీవదన కమలాస్వాదమధుపః ।
రమా శంభు బ్రహ్మామరపతి గణేశార్చిత పదో
జగన్నాథః స్వామీ నయనపథగామీ భవతు మే ॥ 1 ॥
భుజే సవ్యే వేణుం శిరసి శిఖిపింఛం కటితటే
దుకూలం నేత్రాంతే సహచరకటాక్షం విదధతే ।
సదా శ్రీమద్వృందావనవసతిలీలాపరిచయో
జగన్నాథః స్వామీ నయనపథగామీ భవతు మే ॥ 2 ॥
మహాంభోధేస్తీరే కనకరుచిరే నీలశిఖరే
వసన్ ప్రాసాదాంతస్సహజ బలభద్రేణ బలినా ।
సుభద్రా మధ్యస్థస్సకలసుర సేవావసరదో
జగన్నాథః స్వామీ నయనపథగామీ భవతు మే ॥ 3 ॥
కృపా పారావారాస్సజల జలద శ్రేణిరుచిరో
రమావాణీ రామస్ఫురదమల పంకెరుహముఖః ।
సురేంద్రైరారాధ్యః శ్రుతిగణశిఖా గీత చరితో
జగన్నాథః స్వామీ నయనపథగామీ భవతు మే ॥ 4 ॥
రథారూఢో గచ్ఛన్ పథి మిలిత భూదేవపటలైః
స్తుతి ప్రాదుర్భావం ప్రతిపదముపాకర్ణ్య సదయః ।
దయాసింధుర్బంధుస్సకల జగతా సింధుసుతయా
జగన్నాథః స్వామీ నయనపథగామీ భవతు మే ॥ 5 ॥
పరబ్రహ్మాపీడః కువలయ-దలోత్ఫుల్లనయనో
నివాసీ నీలాద్రౌ నిహిత-చరణోఽనంత-శిరసి ।
రసానందో రాధా-సరస-వపురాలింగన-సఖో
జగన్నాథః స్వామీ నయనపథగామీ భవతు మే ॥ 6 ॥
న వై యాచే రాజ్యం న చ కనక మాణిక్య విభవం
న యాచేఽహం రమ్యాం నిఖిలజన-కామ్యాం వరవధూమ్ ।
సదా కాలే కాలే ప్రమథ-పతినా గీతచరితో
జగన్నాథః స్వామీ నయనపథగామీ భవతు మే ॥ 7 ॥
హర త్వం సంసారం ద్రుతతరమసారం సురపతే
హర త్వం పాపానాం వితతిమపరాం యాదవపతే ।
అహో దీనోఽనాథే నిహితచరణో నిశ్చితమిదం
జగన్నాథః స్వామీ నయనపథగామీ భవతు మే ॥ 8 ॥
జగన్నాథాష్టకం పుణ్యం యః పఠేత్ ప్రయతః శుచిః ।
సర్వపాప విశుద్ధాత్మా విష్ణులోకం స గచ్ఛతి ॥
ఇతి శ్రీమద్ శంకరాచార్యవిరచితం జగన్నాథాష్టకం సంపూర్ణం॥
#🚩జగన్నాథ రథయాత్ర🛕 ##🛕జగన్నాథ రథయాత్ర🙏 #🙏జై జగన్నాథ ✊ #🙏🏻భక్తి సమాచారం😲 #🌅శుభోదయం
Kiaan Raman#🚩జగన్నాథ రథయాత్ర🛕
1314
Nisha Iyer#🙏దేవుళ్ళ స్టేటస్ #🚩జగన్నాథ రథయాత్ర🛕 #🌷గురువారం స్పెషల్ విషెస్ #🙏శుభాకాంక్షలు #🗓చరిత్రలో నేడు
1413
Ved Naidu#🚩జగన్నాథ రథయాత్ర🛕 #జగన్నాథ స్వామి #జగన్నాథ రథ యాత్ర.. 🌀
159
1114
1413
Avni Reddy#🚩జగన్నాథ రథయాత్ర🛕
137
7247
1411
Krishna Pandey#🚩జగన్నాథ రథయాత్ర🛕
1110