🙏शिवदिनविशेष📜, 📜इतिहास शिवरायांचा Image & Post

🆔Official_Sagar 💞💤👑 - Author on ShareChat: Funny, Romantic, Videos, Shayari, Quotes

राजा राजगडी राहतो.....! ✍️ महालाच्या सज्ज्यातून उगवतीकडं नजर लावून राजांनी उघड्या डोळ्यांनी ध्यान लावलं होतं. छताच्या कौलारीतून कोसळणारं पाणी; अखंड धारेप्रमाणे सतत पडतच होतं जोरदार वाहणाऱ्या वाऱ्यातून दालनाचे पडदे तेवढे फरफरत होते. शेवटी कोकणात अनुभवला जाणारा हा राजांचा पहिला पाउस होता. माणूस हा वयानं नाही तर अनुभवानं मोठा होतो त्याप्रमाणे बरेच पावसाळे राजांनी झेलले होते पर गेले २५ वर्ष ज्या राजगडाहून गावगाडा चालायचा तो राजगड आता मागे सोडून राजास्नी रायगडावर यावं लागलं होतं. राजांचा मागे जिजाऊ कधी येऊन उभ्या राहिल्या ते राजांना समजले सुद्धा नाही. उबदार हात व आवाजाचा एकत्रित स्पर्श राजास्नी झालं अन राजं थोडे भानावर आले. "अरे हे काय आऊसाहेब आम्हाला सांगावा धाडायचा आम्ही आलो असतो आपणास भेटायला" जिजाउंनी त्या विषयास बगल देत राजांना सवाल केला "सिवबा आम्ही पाहतो आहोत आपलं भानं आज कुठेतरी हरपलं आहे. काय गोष्ट आहे राजे ? " इतक्यात मल्हारबा आल्याची वर्दी झाली अन मागोमाग भिजल्या अंगानं त्यो बी येऊन हुजूरदाखल झाला बी. पण काही बोलायच्या आधी राजांनी त्यास कपडे बदलून येण्यास सांगितले जिजाऊ राजांकडे पहातच होत्या. मल्हारबा आवरण्यासाठी गेला अन जिजाऊस पलंगावर बसवत राजे खाली बसते झाले व म्हणाले "आऊसाहेब आपण प्रश्न केलात अन लगोलग त्याचं उत्तर देखील मिळालं" "म्हणजे" "मल्हारबा आल्यावर कळेलच आपणास अन् जाडजुड कापडं अंगावर चढवून मल्हारबा येऊन एका कोनाला अवघडून उभा राहिला राजांनी त्यांस बसण्याची आज्ञा केली. बसल्यावर "बोल मल्हारबा बोल काय खबरबात" "जी राजं इस्वराच्या कृपेनं राज्याचा मामला येकदम चोख आहे जी माहेरवाशीण जेवढ्या टवटवीत चेहऱ्यानं वावरती अक्षी तशी गुंजवणी खळाखळां वाहितीया" राजांच्या मनात चमकणारा राजगड जिजाउंनी हेरला पण त्या काही बोलल्याच नाही. गेल्या सालाला कमी १२ मावळात पाउस थोडकाचं झाला त्यामुळे राजांनी यंदाची परिस्थिती हेरण्यासाठी मल्हारबास धाडले होते हे त्यांनी ओळखलं. मल्हारबा सांगत होता "राजं तोरण्याकडं त्वांड करून शिवापट्टनच्या वाड्यात उभारलं तर म्होरल काय बी दिसत नाही बघा ! तेवढा त्या माउलीचा खळखळाट कानात गुंजतोया कशीबशी नदी पत्तूर नजर जातीया पर त्यावरबी नजर थांबत न्ह्याय अन सणसांचा तोरण्या तर कुठं मोकाट हिंडतोय त्ये त्याचे त्यालाच माहित." असं म्हणताच जिजाऊ अन शिवबा मुक्तपणाने हसले तसंच पुढे सपाटा चालू ठेवत मल्हारी बोलतचं हुता. #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त