#📝 ഞാൻ എഴുതിയ വരികൾ #എന്റെ പോസ്റ്റുകൾ #💞 പ്രണയകഥകൾ ഒരു മഴക്കാലത്തിന്റെ തുടക്കത്തിലായിരുന്നു ആ കഥയുടെ ജനനം. കാറ്റിന്റെ ദിശയിൽ എവിടെയോ വെച്ച് അവിചാരിതമായി കണ്ടുമുട്ടിയ രണ്ട് അപരിചിതർ... വാക്കും നോക്കും പതുക്കെ ആഴമുള്ള സൗഹൃദത്തിലേക്ക് വഴിമാറിയ നാളുകൾ. ഒടുവിൽ, മഴയുടെ കുളിര് മൂടിനിന്ന മറ്റൊരു പ്രഭാതത്തിൽ ആ സൗഹൃദം ആഴമുള്ളൊരു പ്രണയമായി പൂത്തുലഞ്ഞു. ​പറയാൻ നീക്കിവെച്ച കൊച്ചു കൊച്ചു വിശേഷങ്ങളെ പോലും മടുപ്പില്ലാതെ കേട്ടിരുന്ന മനോഹരമായ ദിനങ്ങൾ... എവിടെയും കിട്ടാത്ത സ്നേഹവും കരുതലും വാരിപ്പുണർന്ന നിമിഷങ്ങൾ. മനസ്സ് മടുക്കുമ്പോൾ ചേർത്തുപിടിച്ച് ചിരിപ്പിക്കാനും സന്തോഷിപ്പിക്കാനും കാണിച്ച ആ കരുതൽ, ആ ജീവിതത്തിൽ ഇതുവരെ അനുഭവിക്കാത്ത അത്രയും വലിയ സന്തോഷമാണ് സമ്മാനിച്ചത്.ദിവസങ്ങൾ കടന്നുപോയി... കുശലാന്വേഷണങ്ങൾ പതുക്കെ പരസ്പരം താങ്ങാവുന്ന നല്ലൊരു ആഴമുള്ള ബന്ധത്തിലേക്ക് വഴിമാറി. ഉള്ളിലെ എല്ലാ സങ്കടങ്ങളും സന്തോഷങ്ങളും പഴയ പ്രണയകഥകൾ പോലും ഒളിച്ചുവെക്കാതെ പരസ്പരം പങ്കുവെച്ച നാളുകൾ. അത്രമേൽ സത്യസന്ധമായിരുന്നു ആ പ്രണയം. ​ ​വാക്കുകൾ കൊണ്ട് പ്രണയത്തിന്റെ മനോഹരമായ കൊട്ടാരങ്ങൾ തീർക്കപ്പെട്ടുവെങ്കിലും അധിക ആയുസ്സ് ഉണ്ടായിരുന്നില്ല പുതിയൊരു പൂവിനോട് കൗതുകം തോന്നി പടിയിറങ്ങിപ്പോയപ്പോഴും യാതൊരു പരാതിയുമില്ലാതെ പ്രണയത്തോടെയും അവരുടെ സന്തോഷത്തെയും മാനിച്ച് വഴിയൊഴിഞ്ഞുകൊടുത്തു. എന്നാൽ, നഷ്ടബോധത്തിന്റെ തണുപ്പറിഞ്ഞ് തിരികെ വന്നപ്പോൾ, പഴയ സ്നേഹത്തോടെ വീണ്ടും നെഞ്ചോട് ചേർത്തുപിടിച്ചു. ​പിന്നീടങ്ങോട്ട് ആ യാത്രയിൽ പലരും വന്നുപോയി. സ്വന്തം നിലപാടില്ലാതെ ആയി ആരോ കറക്കി വിടുന്ന പാവയെ പോലെ പല വേഷവും അണിഞ്ഞു അണിഞ്ഞ വേഷം നന്നായില്ല എന്ന് പറഞ്ഞപോഴാ(.......................... )തെറ്റുകൾ മറ്റുള്ളവരിൽ ആരോപിക്കപ്പെട്ടപ്പോൾ, ശരിയുടെ പക്ഷത്തുനിന്നു സംസാരിച്ചതും സ്വന്തം നിലപാടുകളിൽ ഉറച്ചുനിന്നതും മാത്രമായിരുന്നു ഞാൻ ചെയ്തകുറ്റം. എവിടെയോ വെച്ച് വീണ ചെറിയ ചില പിണക്കങ്ങളുടെ വിത്തുകൾ, വാശിയുടെയും സംശയത്തിന്റെയും വലിയ മതിൽക്കെട്ടുകളായി വളർന്നു. ആത്മാർത്ഥമായി സ്നേഹിച്ച ഇടത്ത് വിശ്വാസത്തിന് പകരം സംശയത്തിന്റെ നിഴലുകൾ വീണപ്പോൾ, ഹൃദയം കൊണ്ട് കെട്ടിപ്പടുത്ത ആ കൊട്ടാരം പതുക്കെ തകരുകയായിരുന്നു.ജീവന് തുല്യം സ്നേഹിച്ചതും സ്വന്തം ആത്മാഭിമാനം പണയം വെക്കാതിരുന്നതും തെറ്റായി വ്യാഖ്യാനിക്കപ്പെട്ടപ്പോഴും സ്വന്തം സഹോദരങ്ങളെപ്പോലെ കരുതിയ സൗഹൃദങ്ങൾ പോലും സംശയത്തിന്റെ കണ്ണുകളാൽ നോക്കിക്കണ്ടപ്പോൾ, ഉള്ളു വല്ലാതെ തകരുകയായിരുന്നു എങ്കിലും ആദ്യമായി പ്രണയം പറഞ്ഞ ആ പ്രഭാതത്തിലെ കുളിരിൽ എത്രത്തോളം സത്യസന്ധതയുണ്ടായിരുന്നോ, അത്രത്തോളം ആത്മാർത്ഥതയുണ്ട് ഇപ്പോഴും മരണം വരെയും ആ പ്രണയത്തിന് യാതൊരു മാറ്റവും വരികയില്ല ​പക്ഷേ, ഇന്നിപ്പോൾ അങ്ങോട്ട് നീട്ടുമ്പോൾ മാത്രം തിരികെ കിട്ടുന്ന, അല്ലാത്തപ്പോൾ മരവിച്ചു നിൽക്കുന്ന ഒന്നായി ആ ബന്ധം മാറിയിരിക്കുന്നു. വാക്കുകൾ തോറ്റയിടത്ത് സ്വന്തം ആത്മാഭിമാനം മുറുകെപ്പിടിച്ച് മൗനത്തിന്റെ കവചമണിയുകയായിരുന്നു. ​ഇന്ന്ആ പ്രണയവസന്തത്തിന് ഒരു വർഷം തികയുകയാണ്! ​ഒരുപാട് മനോഹരമായ ഓർമ്മകളും, ഹൃദയം നിറച്ച സന്തോഷവും ഒപ്പം മായാത്ത കുറെ മുറിവുകളും ബാക്കിയാക്കിയ കുഞ്ഞു പ്രണയം! ​വാക്കുകൾ അവസാനിക്കുന്നിടത്ത് ആ കഥയും നിശ്ചലമാകുകയാണ് ഇനി തിരിച്ചുവിളിക്കാത്ത ആ മൗനത്തിന് മുൻപിൽ, പ്രണയത്തിന്റെ ഓർമ്മപ്പൂക്കൾ മാത്രം ബാക്കി! 🥀ഒരു വർഷത്തിന്റെ ഓർമ്മകൾക്ക് മുൻപിൽ പ്രണയദിനാശംസകൾ! 🥀"