*_‘పాత పుస్తకాలు’.. ఈసారి రోడ్డు పక్కన కనిపిస్తే కాస్త ఆగండి: పూరి జగన్నాథ్_* *ఈసారి రోడ్డు పక్కన పాత పుస్తకాలు కనిపిస్తే కాస్త ఆగి వాటిని చూడమంటున్నారు దర్శకుడు పూరి జగన్నాథ్. ‘పూరి మ్యూజింగ్స్' పేరుతో ఆయన అనేక అంశాలు మాట్లాడుతున్న సంగతి తెలిసిందే. తాజాగా 'పాత పుస్తకాలు' అనే అంశంపై తన అభిప్రాయాన్ని పంచుకున్నారు*. *“రోడ్డు పక్కన చాపలు, పెట్టెలు, నేలపై పాత పుస్తకాలు పెట్టుకుని అమ్ముతారు. వాటి కవర్లు, రంగులు కోల్పోయి.. పేజీలు పసుపు రంగులోకి మారిపోయి ఉంటాయి. అవి కేవలం పుస్తకాలు కావు. కాలాన్ని దాటుకుని వచ్చిన కథలు.* *రోడ్డు పక్కన పుస్తకాల దుకాణాల్లో ప్రత్యేక ఆకర్షణ ఏమి ఉంటుంది. గ్లాస్ డోర్లు, ఏసీలు ఉండవు. కేవలం ఆకాశం కింద నీకోసం ఎదురు చూస్తున్న పాత జ్ఞాపకాలు అవి*. *అక్కడున్న ప్రతి పుస్తకంలో నీ జీవితం ఉంటుంది.ఈ పుస్తకాలు అమ్మేవాళ్లు సాధారణంగా కనిపిస్తారు. కానీ, ప్రతి పుస్తకం గురించి ఒక జ్ఞాపకం ఉంటుంది*. *మీరు ఒక పుస్తకం గురించి అడిగితే, కేవలం ధర మాత్రమే చెప్పరు. ఆ పుస్తకం ఎక్కడి నుంచి వచ్చిందో కూడా చెబుతారు. ఇలాంటి పాత పుస్తకాలు కొనడం ఒక ప్రత్యేక అనుభూతి”* *కొత్త పుస్తకాల్లో కనిపించని చాలా విషయాలు ఇందులో ఉంటాయి. పుస్తకం తెరిస్తే, మొదటి పేజీలో ఎవరో రాసిన పేరు. మధ్యలో పెట్టి మర్చిపోయిన పాత రైల్వే టికెట్. గీతలు పెట్టిన వాక్యాలు, పక్కనే పెన్నుతో రాసిన నోట్స్.* *ఖరీదైన పుస్తకాలు కొనలేని విద్యార్థికి ఇవి ఎంతో ఉపయోగపడతాయి.చిన్న డబ్బుతో పెద్ద ప్రపంచాన్ని అందిస్తాయి. ఈ పుస్తకాలు అమ్మేవాళ్లు గొప్పవాళ్లు. వేడి, దుమ్ము, శబ్దాల మధ్య రోజంతా కూర్చొని వాటిని అమ్ముతూ ఉంటారు.* *వాళ్లు కథల్ని కాపాడుతున్నారు. మర్చిపోయే పుస్తకాలకు కొత్త జ్ఞాపకాలు ఇస్తున్నారు.ఫోన్, ఇంటర్నెట్ వినియోగం పెరిగిన తర్వాత పుస్తకాల దుకాణాలు తగ్గిపోతున్నాయి*. *ఒక్కోసారి మీరు వెతుకుతున్న పుస్తకం కాకుండా మరో పుస్తకం దొరకవచ్చు. పుస్తకాలన్నీ కొత్తగా ఉండాల్సిన అవసరం లేదు. పాతవాటిలో మీకు తెలియని ఎన్నో విషయాలు ఉంటాయి"* *ఈసారి రోడ్డు పక్కన పాత పుస్తకాలు కనిపిస్తే ఆగండి. ఆ పుస్తకాన్ని ఎవరో మనసు పెట్టి రాశారు. ఇంకెవరో మనసు పెట్టి చదివారు.మరో వ్యక్తి కొన్ని వాక్యాలను అండర్ లైన్ చేసుకున్నారు.* *ఇప్పుడు ఆ పుస్తకం మీకోసం ఎదురు చూస్తోంది.అదే పుస్తకం మీ జీవితాన్ని మార్చవచ్చు*. *పారిస్లో నోట్రాడ్యామ్ కేథడ్రిల్ పక్కన బుకినిస్ట్స్ ఆఫ్ సెయిన్ ఏరియా ఉంది. సెయిన్ రివర్కు ఇరువైపులా పాత పుస్తకాలు అమ్ముతారు*. *16వ శతాబ్దం నుంచి ఇప్పటివరకూ ఎంతో మంది బుక్ సెల్లర్స్ అక్కడ పాత పుస్తకాలు అమ్ముతూనే ఉన్నారు*. *అక్కడకు అరుదైన పుస్తకాలు, వింటేజ్ పోస్ట్ కార్డులు, పాత మ్యాప్లు, క్లాసిక్ ఫ్రెంచ్ లిటరేచర్ దొరుకుతాయి.* *చాలామంది కాఫీ తాగుతూ పుస్తకాలు చదువుతూ* *కనిపిస్తారు*. *పారిస్లో ఉన్న* *కవులు,సంగీతకారులు* *విద్యార్థులు, నటులు అందరూ కలుసుకునే* *ప్రదేశమది*. *ఎప్పుడైనా పారిస్* *వెళ్తే, ఈ ప్రదేశాన్ని* *చూడండి.* *ప్రతి పుస్తకం ఒక జీవితాన్ని గడిపిందే. వాటి వయసు మీకంటే ఎక్కువే ఉండవచ్చు. వృద్ధాప్యంలో కూడా అవి మీకు ఏదో చెప్పడానికి ప్రయత్నిస్తున్నాయి” అని పూరి జగన్నాథ్ అన్నారు.* *_@ఈనాడు వెబ్ నుండి సేకరణ_* #మన సంప్రదాయాలు సమాచారం