ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/m3XMJO0?d=n&ui=v64j8rk&e1=cശെരിയാണെങ്കിൽ നാളെ നമ്മുടെ തറവാട്ടിലെ ഫിംഗർ പ്രിന്റ് പരിശോധനയിൽ നിന്നും കണ്ടെത്താൻ പോകുന്നത്. ഇസ്രയുടെയോ, ഫിദയുടെയോ, ഷാക്കിറയുടെയോ, ഷാരോണിന്റെയോ അല്ലെങ്കിൽ സൂര്യ നാരായണന്റെയോ ഫിംഗർ പ്രിന്റ് ആകും." "ഇതെന്താണ് ചേച്ചി... കുറെ സംശയങ്ങൾ തീർന്നപ്പോൾ അടുത്തതും ആയി വന്നോ...?" """എന്റെ പ്രതികാരം... അവരുടെ ക്രൂര ചെയ്തികൾക്ക് ഇരയായവരിലൂടെ തന്നെ നിറവേറ്റപ്പെടും.""" "എന്തോന്ന്...?" കിരൺ പറഞ്ഞത് കേട്ട് ഒന്നും മനസിലാകാതെ ജുവൽ അന്തം വിട്ട് നിന്നു...! "ഇത് ഞാൻ പറഞ്ഞതല്ല ജുവൽ... UNDER WORLD ഇന്റെ അവസാനം മുന്ന എഴുതിയിക്കുന്നതാ. നീ അതൊന്ന് വായിച്ചു നോക്ക്, അപ്പോൾ നിനക്ക് വ്യക്തമായി മനസിലാകും." "മം... അപ്പോ ഓക്കേ ഗുഡ് നൈറ്റ്‌." പുസ്തകം കയ്യിലെടുത്ത് ജുവൽ സാവധാനം റൂമിലേക്ക് നീങ്ങുന്നതിനിടയിൽ അവസാനത്തെ മൂന്ന് പേജിന്റെ മുൻപിൽ ഉള്ള ഇസ്രയുടെ മരണത്തെ ഓർമ്മിപ്പിക്കുന്ന ചിത്രത്തിൽ എത്തി ചേർന്നു. അൽപനേരം ആ ചിത്രം നോക്കി ഇരുന്ന ശേഷം അവൾ ആ പേജൊന്ന് മറിച്ചു...!!! ========================================= നിഗൂഢപ്രസ്ഥാനങ്ങള്‍ ================== ലോകത്തെമ്പാടും അതീവരഹസ്യ സ്വഭാവത്തോടെ ദുരൂഹമായ അനുഷ്ഠാനരീതികളുമായി പ്രവര്‍ത്തിക്കുന്ന സംഘങ്ങളാണ് ഫ്രീമേസണ്‍റി (Freemasonry). ദുരൂഹതകളുടെ കൂടാരമായിട്ടാണു ഇവരുടെ കേന്ദ്രങ്ങളെ പൊതുസമൂഹം കരുതുന്നത്. ഇതിലെ അംഗങ്ങള്‍ ഫ്രീമേസണ്‍ (Freemason) എന്നാണു വിളിക്കപ്പെടുന്നത്. ഈ സംഘത്തെ വിശദീകരിക്കുക ദുഷ്കരമാണ്. മതവിശ്വാസികളെയാണു ഫ്രീമേസണ്‍റി ലക്ഷ്യമിടുന്നത്. ഒരിക്കലും ഒരു നിരീശ്വരവാദിയെ അവര്‍ സംഘത്തില്‍ ഉള്‍പ്പെടുത്തുകയില്ല. അതേസമയം, ഏതു മതത്തില്‍പ്പെട്ടയാളെയും ഫ്രീമേസണായി സ്വീകരിക്കും. ആരാധനാരീതികളിലും അനുഷ്ഠാനങ്ങളിലുമൊക്കെ അതീവരഹസ്യം കാത്തുസൂക്ഷിക്കുന്ന ഈ സംഘം അത്രയ്ക്കു കൂറും വിശ്വാസ്യതയും നേടുന്നവരെ മാത്രമേ സംഘത്തിലേക്കു പ്രവേശിപ്പിക്കൂ. അതുതന്നെ മിക്കപ്പോഴും സമ്പന്നരും സമൂഹത്തിലെ ഉന്നതപദവിയിലുള്ളവരുമൊക്കെയായിരിക്കും ഇവരുടെ അംഗങ്ങള്‍. ഡോക്ടര്‍മാരും ജഡ്ജിമാരും മറ്റു പ്രഫഷണലുകളുമൊക്കെ ഇക്കൂട്ടത്തിലുണ്ട്. വിദേശരാജ്യങ്ങളില്‍ ഉദ്യോഗസ്ഥരെയും ഭരണാധികാരികളെയും വരെ ഈ നിഗൂഢവിശ്വാസത്തിലേക്കു ചേര്‍ക്കാന്‍ ഇവര്‍ക്കു കഴിഞ്ഞിട്ടുണ്ട്. അതുകൊണ്ടു തന്നെ നയരൂപീകരണത്തിലും നിയമങ്ങളുണ്ടാക്കുന്നതിലുമൊക്കെ നിര്‍ണായക സ്വാധീനം ചെലുത്താന്‍ ഇത്തരം സംഘങ്ങള്‍ക്കു കഴിയുന്നുണ്ടെന്നുള്ളതാണു ലോകത്തിന്റെ ഏറ്റവും വലിയ ആശങ്ക. ധാര്‍മികമൂല്യങ്ങള്‍ക്കു വിഘാതവും വിരുദ്ധവുമായ നിയമങ്ങളും മറ്റും പല രാജ്യങ്ങളിലും നിര്‍മിക്കപ്പെടുന്നതിനു പിന്നില്‍ ഇത്തരം സ്വാധീനശക്തികളുണ്ടോയെന്ന സംശയവും ലോകത്തില്‍ പ്രബലമാണ്. ഇന്ത്യയിലും കേരളത്തിലും ഇത്തരം ഗ്രൂപ്പുകളുടെ പ്രവര്‍ത്തനങ്ങള്‍ ശക്തമാണ്. ഇന്ത്യയില്‍ 350 തിലേറെ ലോഡ്ജുകളും ഇരുപതിനായിരത്തോളം അനുയായികളുമുണ്ടെന്നാണ് ഇതുമായി ബന്ധപ്പെട്ടവര്‍ അവകാശപ്പെട്ടിട്ടുള്ളത്. സാത്താനിക സംഘങ്ങള്‍ പുലര്‍ത്തി വന്നിരുന്നതിനോടു സാമ്യം തോന്നുന്ന അനുഷ്ഠാന രീതികളാണ് ഇവരും വച്ചുപുലര്‍ത്തുന്നത്. ഫ്രീമേസണ്‍റിയില്‍നിന്നു പുറത്തുപോയവര്‍ പറഞ്ഞ കഥകളാണ് ഇവരുടെ ആരാധനാരീതികളെക്കുറിച്ചു ലോകത്തിനുള്ള വിവരം. പ്രത്യേകരീതിയില്‍ നല്കുന്ന ഹാന്‍ഡ് ഷേക്ക്, കോഡ് വാക്ക്, മറ്റു ചിഹ്നങ്ങള്‍ തുടങ്ങിയവയിലൂടെ ഫ്രീമേസണായിട്ടുള്ള ഒരാള്‍ക്കു മറ്റൊരാളെ തിരിച്ചറിയാന്‍ കഴിയും. വിവിധ മതനേതൃത്വങ്ങള്‍ ഫ്രീമേസണ്‍റി പ്രവര്‍ത്തനങ്ങളില്‍ ഏര്‍പ്പെടുന്നതില്‍നിന്നു മതവിശ്വാസികളെ വിലക്കിയിട്ടുണ്ട്. 1884ല്‍ ലിയോ പതിമൂന്നാമന്‍ മാര്‍പാപ്പ ചാക്രികലേഖനത്തിലൂടെ ഫ്രീമേസണ്‍ ഗ്രൂപ്പുകളുടെ തത്ത്വശാസ്ത്രവും ധാര്‍മികതയും കത്തോലിക്ക സഭയ്ക്ക് എതിരാണെന്നു പഠിപ്പിച്ചു. 1983 നവംബര്‍ 26ന് മാസോണിക് ഗ്രൂപ്പുകളെക്കുറിച്ചു വത്തിക്കാനിലെ വിശ്വാസതിരുസംഘം വ്യക്തമായ വിലയിരുത്തല്‍ നടത്തി. ഈ സംഘടനയില്‍ വിശ്വാസികള്‍ അംഗമാകുന്നത് നിരോധിച്ചു. ഇത്തരം ഗ്രൂപ്പുകളോടു ചേര്‍ന്നു പ്രവര്‍ത്തിക്കുന്നവര്‍ പാപാവസ്ഥയിലാണെന്നും വിശുദ്ധ കുര്‍ബാന സ്വീകരിക്കാന്‍ പാടില്ലെന്നും തിരുസംഘം പുറപ്പെടുവിച്ച രേഖയില്‍ പറയുന്നു. ഇനിയും സമയമുണ്ട് ================= അറിഞ്ഞോ അറിയാതെയോ ഇത്തരം സംഘങ്ങളുമായി ചേര്‍ന്നു പ്രവര്‍ത്തിക്കുന്നവരെ ശാരീരികവും മാനസികവും ആത്മീയവുമായ നിരവധി പ്രശ്‌നങ്ങള്‍ കാത്തിരിക്കുന്നു. വ്യക്തിയുടെയും കുടുംബങ്ങളുടെയും തകര്‍ച്ചയാണ് ഇത്തരം അവസ്ഥകളുടെ പരിണിതഫലം. അവരുടെ ആശയങ്ങളോട് അടുക്കാനോ ഇടയായിട്ടുള്ളവര്‍ രക്ഷപ്പെടാന്‍ വൈകിയിട്ടില്ലെന്നു തിരിച്ചറിയണം. തിരിച്ചുവരവിനായി അവര്‍ പല കാര്യങ്ങളിലും ശ്രദ്ധിക്കേണ്ടി വരും. 1. ഇത്തരം സംഘങ്ങളിലേക്കു വീണപോയതു സ്വയം ഏറ്റുപറയുക 2. തിന്മയുമായുള്ള ബന്ധവും കരാറുകളും അവസാനിപ്പിക്കുക, സാത്താനികമായ എല്ലാ പെരുമാറ്റങ്ങളില്‍നിന്നും നിര്‍ബന്ധബുദ്ധിയോടെ പിന്‍മാറുക, ദൈവികമായ കാര്യങ്ങളില്‍ കൂടുതല്‍ ഇടപെടുക 3. സാത്താനുമായി ബന്ധപ്പെട്ട എല്ലാ വസ്തുക്കളെയും ശേഖരണങ്ങളെയും ഉപേക്ഷിക്കുക 4. മതപരമായ അനുഷ്ഠാനങ്ങളില്‍ ശ്രദ്ധയൂന്നുക 5. മറ്റുള്ളവര്‍ക്കു നന്മ ചെയ്യാന്‍ സമയം ചെലവഴിക്കുക. 6. സാത്താനികമായ എല്ലാ കാര്യങ്ങളെയും ഉപേക്ഷിച്ചെന്ന് എല്ലാ ദിവസവും സ്വയം ബോധ്യപ്പെടുത്തുക. 7. ദൈവത്തെക്കുറിച്ചു കൂടുതല്‍ അറിയാന്‍ ശ്രമിക്കുക, ആവശ്യമെങ്കില്‍ കൗണ്‍സലിംഗ് അടക്കമുള്ള സംവിധാനങ്ങള്‍ പ്രയോജനപ്പെടുത്തുക. പ്രഫഷണല്‍ വിദ്യാഭ്യാസവും മെച്ചപ്പെട്ട ജോലിയും ജീവിതനിലവാരവുമൊക്കെ സ്വന്തമാക്കുന്നതുപോലെ തന്നെയോ അതിനേക്കാള്‍ പ്രാധാന്യത്തോടെയോ നടത്തേണ്ടതാണു മൂല്യപഠനവും മതപഠനവുമെന്ന ബോധ്യം യുവതലമുറയ്ക്കു പകരുക, അതിനു അവസരമൊരുക്കുക. കുട്ടികളുമായി ഊഷ്മളമായ ബന്ധം നിലനിര്‍ത്തുക, അവരുടെ ആത്മീയ കാര്യങ്ങള്‍ക്കു പ്രാധാന്യം കല്പിക്കുക ഇങ്ങനെ പ്രധാനപ്പെട്ട കുറച്ചു കാര്യങ്ങളിലെങ്കിലും ശ്രദ്ധ പുലര്‍ത്തിയാല്‍ വരും തലമുറകളെ നമുക്ക് ഓരോരുത്തർക്കും സംരക്ഷിച്ചു നിര്‍ത്താം…!!! """ഞാൻ ഇത്രയും എഴുതിയത് എന്റെ ജീവിത അനുഭവത്തിൽ നിന്നും ഉൾകൊണ്ട പാഠങ്ങളിൽ നിന്നും ആണ്, ഈ പുസ്തകം വായിച്ചു ഇഷ്ടമായ ഓരോരുത്തരുടെയും അഭിപ്രായ പ്രകടനങ്ങൾ മുൻ നിർത്തി, എന്റെ അനുഭവം നിങ്ങളിലേക്ക് എത്തിക്കാൻ ഞാൻ ആഗ്രഹിക്കുന്നു. അതിനായി അടുത്ത പുസ്തകം എന്റെ യതാർത്ഥ ജീവിത കഥ തന്നെയാണ്. ഇൻഫ്യൂരിയറ്റ് (INFURIATE) എന്ന പേരിൽ പുറത്തിറക്കാൻ ആഗ്രഹിക്കുന്ന എന്റെ ജീവിത കഥയെ നിങ്ങൾ ഏവരും അകമഴിഞ്ഞ് സപ്പോർട്ട് ചെയ്യും എന്ന വിശ്വാസത്തോടെ UNDER WORLD = a mystery in parallel life എന്ന ഈ പുസ്തകം അവസാനിപ്പിക്കട്ടെ.""" """എന്റെ പ്രതികാരം... അവരുടെ ക്രൂര ചെയ്തികൾക്ക് ഇരയായവരിലൂടെ തന്നെ നിറവേറ്റപ്പെടും.""" ========================================= പുസ്തകം മുഴുവൻ വായിച്ചു കഴിഞ്ഞതും കിരൺ പറഞ്ഞ കാര്യങ്ങളെ ജുവൽ കോർത്തിണക്കാൻ ശ്രമിച്ചു...! 'അപ്പോ... INFURIATE ഇറങ്ങുമ്പോൾ യഥാർത്ഥ ജീവിത കഥ ആയതുകൊണ്ട് മറഞ്ഞിരിക്കുന്ന രഹസ്യങ്ങൾ മനസിലാക്കാം, അല്ലെങ്കിൽ ഗബ്രിയേലിന്റെ കൊലപാതകിയുടെ അന്വേഷണത്തിലൂടെ ചുരുളുകൾ ആഴിയും എന്നാണല്ലേ ചേച്ചിയുടെ വിശ്വാസം...?' 'അവസാനം പുസ്തകത്തിൽ പറഞ്ഞതുപോലെ പ്രതികാരം ഇരകളിലൂടെ തന്നെ നിറവേറ്റപ്പെടും എന്ന് പറഞ്ഞതുകൊണ്ടാകണം, ഇസ്രയുടെ ഫിംഗർ പ്രിന്റ് കൊലപാതകം അരങ്ങേറിയ സ്ഥലങ്ങളിൽ നിന്നും കിട്ടിയത്. ചേച്ചി പറഞ്ഞതുപോലെ തറവാട്ടിൽ ഉണ്ടാകുന്ന ഫിംഗർ പ്രിന്റ് അതുപോലെ വല്ലതും ആണോ എന്ന് നോക്കാമല്ലോ.' തളർച്ചകൊണ്ടും, മരുന്നിന്റെ എഫക്ട് കൊണ്ടും ആലോചനകൾക്ക് ഇടയിൽ തന്നെ ജുവലിന്റെ കണ്ണുകളെ ഉറക്കം തഴുകി...! പിറ്റേ ദിവസം കോടതിയിൽ...!!! "മോളെ വിധി പറഞ്ഞോ...?" ജസ്റ്റിസ് ലീലാ കൃഷ്ണൻ കേസ് ഫയലുകളും, തെളിവുകളും, കിരൺ തയ്യാറാക്കിയ FIR ഉം വിധി പറയുന്നതിനായി പരിശോധിക്കുന്ന വേളയിൽ മൂസ കിരണിനെ വിളിച്ചു ചോദിച്ചു...! "ഇല്ല ഇക്കാ... മാഡം ഫയലുകളെല്ലാം നോക്കുന്നു, വിധി ഇപ്പോൾ തന്നെ പറയുമായിരിക്കും. എന്തായി അവിടുത്തെ കാര്യങ്ങൾ...?" "ഇവിടെ ഫിംഗർപ്രിന്റ് പരിശോധന നടക്കുന്നു, ഇതുവരെ ഒരാളുടെ ഫിംഗർപ്രിന്റ് മാത്രമേ കണ്ടെത്തിയിട്ടുള്ളു, അത് ആരുടെയാണെന്ന് ചെക്ക് ചെയ്യുന്നതിന്റെ കൂടെ, വേറെ വിരലടയാളം വല്ലതും ഉണ്ടോ എന്നും നോക്കുകകയാണ്." "ഓക്കേ ഇക്ക ഞാൻ വിളിക്കാം." പ്രതികൂട്ടിൽ നിൽക്കുന്ന നവോമിയെയും, അലൻ അലക്സിനെയും നോക്കി ചിരിച്ചുകൊണ്ട് കിരൺ കോൾ കട്ട് ആക്കിയതും, ലീല കൃഷ്ണൻ മാഡത്തിന്റെ ശബ്ദം അവിടമാകെ നിറഞ്ഞു...!!! "ജനങ്ങൾക്ക് സേവനം അനുഷ്ഠിക്കേണ്ട ഡോക്ടർ അലൻ അലക്‌സും, അവരുടെ ഭാര്യയായ കുട്ടികൾക്ക് നന്മ പഠിപ്പിക്കേണ്ട നവോമി ടീച്ചറും ചേർന്ന് ഇസ്ര എന്ന പെൺകുട്ടിയെ ആ കുട്ടിയുടെ സുഹൃത്ത് കെവിനെ മയക്കുമരുന്ന് നൽകി കൊലപാതകം ചെയ്യിച്ചതിന് പിന്നാലെ, അതി ദാരുണമായി കെവിനെ കൊലപ്പെടുത്തി അപകടമരണം ആക്കി മാറ്റിയതും, കൂടാതെ സമൂഹത്തിന് തന്നെ ദോഷകരവും, നീചവുമായ ഒട്ടനവധി സാമൂഹ്യ വിരുദ്ധ പ്രവർത്തനങ്ങളിൽ ഏർപ്പെട്ടിട്ടുണ്ടെന്ന ഇവരുടെ മേൽ മുക്തമാക്കപ്പെട്ട കുറ്റം സത്യമാണെന്നു തെളിവുകളുടെയും, സാക്ഷി മൊഴികളുടെയും അടിസ്ഥാനത്തിൽ ഈ കോടതിക്ക് ബോധ്യപ്പെട്ടതിനാൽ, ജീവപര്യന്തം ജയിൽ ശിക്ഷ അനുഭവിക്കാൻ ഈ കോടതി ഉത്തരവിടുന്നു. വർഷങ്ങൾക്ക് മുൻപ് അരങ്ങേറിയ ഈ കൊലപാതക കുറ്റം തെളിയിക്കുന്നതിന് സ്വന്തം ജീവൻ പോലും പണയം വെച്ച കിരൺ IPS നെ അഭിനന്ദിക്കാനും ഈ അവസരം ഞാൻ വിനയോഗിക്കുന്നു." കോടതി വിധിക്ക് അപ്പുറം വരാന്തയിലൂടെ വിലങ്ങണിയിച്ചുകൊണ്ട് നടന്ന് വരുന്ന ടീച്ചറിന്റെയും ഡോക്ടറിന്റെയും മുന്നിലേക്ക് കിരൺ സ്ട്രക്ച്ചറിൽ വന്ന് നിന്നു...!!! "ഇപ്പോ മനസ്സിലായോ എന്റെ അമ്മ ആലിയ എന്നെ പിഴച്ചു പെറ്റതല്ലെന്ന്, നിങ്ങൾ ചെയ്ത ക്രൂരതക്കുള്ള യഥാർത്ഥ ശിക്ഷ ഇതൊന്നും അല്ല... അതിന് വേണ്ടി കാത്തിരുന്നോളു." പോലീസുകാർ അവരെയും കൊണ്ട് നടന്നകന്നതും കിരണിന്റെ ഫോൺ ശബ്‌ദിച്ചു...! "നമ്മൾ പ്രതീക്ഷിച്ച പോലെ തന്നെ ജീവപര്യന്തം തന്നെ മാഡം വിധിച്ചു." "നന്ദി മോളെ... ഫഹദിനെ ഉൾപെടുത്താതിരുന്നതിൽ." "അതിന്റെ ഒന്നും ആവശ്യം ഇല്ല ഇക്ക... അവൻ വളർന്ന് വരുന്ന കുട്ടി അല്ലെ...? ചെയ്ത തെറ്റുകളുടെ തീവ്രത മനസിലാക്കി അവൻ നമ്മളെ സഹായിക്കുകയും ചെയ്തു, അപ്പോ ഒരു അവസരം കൂടി അവന് കൊടുക്കുന്നതിൽ തെറ്റില്ല. അതൊക്കെ പോട്ടെ അവിടുത്തെ ഫിംഗർപ്രിന്റ് ആരുടെ ആണെന്ന് കണ്ടെത്തിയോ...?" "വേറെ ഫിംഗർ പ്രിന്റ് ഒന്നും ഇവിടെ ഇല്ല... ആദ്യം കിട്ടിയത് മാത്രമേ ഒള്ളു." "അത് ആരുടേയാ... ഇസ്രയുടെയോ... അതോ ആ FIR ഇൽ പേരുകൾ ഉള്ള ആരുടെയെങ്കിലും ആണോ...?" "അവരുടെതൊന്നും അല്ല മോളെ... കാണാതായ CI സൂര്യ നാരായണന്റെ ആണ്." "ഹ... ഹാ... ഹാാാ... അപ്പോ എന്റെ ഊഹം തെറ്റിയിട്ടില്ല. അപ്പോ ശെരി ഇക്ക പിന്നെ കാണാം." "ഓക്കേ മോളെ." കോൾ കട്ട് ആക്കിയതും ഉറക്കെ ചിരിച്ചുകൊണ്ട് കിരൺ മനസ്സിൽ ഓർത്തു...!!! MUNNAAAA IAM WAITING FOR YOUR REAL LIFE STORY INFURIATE... AND WAITING FOR YOU IN FRONT OF ME...!!! ========== THE END ==========കണ്ണൂർകാരൻ 🌹🌹🌹🌹🌹🌹 #🕵️‍♀️ കുറ്റാന്വേഷണ കഥകൾ #🧟 പ്രേതകഥകൾ! #✍ തുടർക്കഥ #📔 കഥ #📙 നോവൽ