*(वाचाल तर वाचाल👇)* डॉ.बाबासाहेब आंबेडकरांच्या विचारांच्या आणि प्रगतीच्या महामेरुला नाकारणे आता आवाक्याच्या बाहेर गेल्याने त्यांच्या पासून दोन हात लांब राहणाऱ्या संघटना, व्यक्ती, समाज नाईलाजाने जयंतीत घुसखोरी करून आज त्यांचे डॉ.बाबासाहेब आंबेडकरांना व त्यांच्या समाजाला बदनाम करण्याचे अजंडे राबवत आहेत. सर्व व्यापक होत जाणाऱ्या भीम उत्सवात अनुयायांनी जागृत असणे गरजेचे आहे. नारळ फोडणे, दुग्ध अभिषेक करणे, DJ वर फिल्मि वा थिल्लर गाणी वाजवणे, अशा महाभागांना वेळीच आवरले पाहिजे. कर्ण कर्कश आवाजात कानात बोट घालून मिरवणुकीत लहान मुले, वयस्कर लोक जर सामील होत असतील तर आपण चुकतोय आणि ती चूक आपण सुधारली पाहिजे हे नक्की मनी यायलाच हवे. डॉ.बाबासाहेबांवर अफाट सुंदर आणि प्रेरणादायी गाणी असताना सुद्धा काही मंडळानी DJ वर थिल्लर गाणी वाजताना दुःख होतेच. जयती उत्सव समितीने आप आपल्या मंडळात येणाऱ्या काळात याचे परीक्षण करून DJ ला पहिलीच सक्त ताकीद केली पाहिजे की गाणी ही फक्त डॉ. बाबासाहेब आंबेडकर या महापुरुषाचीच वाजली पाहिजेत. भिमराया बरोबरच तथागत गौतम बुद्धा पासून ते संत गाडगेबाबा पर्यंत सर्व महापुरुष ज्यांनी डॉ.बाबासाहेब आंबेडकरांच्या समाजसुधारक लढ्यात मदत केली तेच महापुरुष लोकांना समजले पाहिजेत ( भामशेब,बहुजन समाज पार्टी व इतर संघटनांनी थोपवलेले नव्हेत त्यांना राजकारणात यश मिळावे म्हणून केलेले प्रोपोगँडे आहेत) जयंती झाल्यावर प्रत्येक अनुयायांनी जयंतीचे अवलोकन आणि समीक्षा करून झालेल्या चूका सुधारत आणि चांगले कृती कार्यक्रम वृद्धिंगत करत पुढील उत्सव साजरा केला पाहिजे. बाकी भीम अनुयायांचे कौतुकच आहे की तुम्हीच काही नसताना सुद्धा हा देखणा सोहळा दरवर्षी गेल्या 100 वर्षात जीवावर उदार होऊन साजरा करत आता कुठे या 30- 35 वर्षात तो व्यापक होत आला आहे. हे तुमच्या अथकपणे केलेला परिश्रमातून, शैक्षणिक प्रगतीमुळे, अविरत प्रबोधनात्मक कार्यक्रमातून आणि बदलत्या आर्थिक कारणातून अधिक व्यापक करत आहात. जागृतीचा अग्नी तेवत ठेवताना महिनाभर अनेक प्रबोधनाचे कार्यक्रम चालू असतात. तुमच्यामुळेच बंदिस्त करून ठेवलेला आंबेडकरी विचार आज सर्वत्र झिरपत आहे. बाबासाहेबांचे प्रत्येक घटकांसाठी केलेले कार्य त्यांच्यापर्यंत पोहचत आहे आणि बाबासाहेब हे आपले सुद्धा मुक्तिदाते आहेत हे सर्वांना समजत आहेत. जिथे शिक्षणाचा स्तर सुधारत आहे तिथे बाबासाहेब अजून मजबुत होत आहेत. २१ वी सदी ही आंबेडकरी सदी आहे हे मात्र निश्चित आहे. स्वतःचे आत्मपरीक्षण करून आता 364 दिवस कामाला लागा. एकमेका सहाय्य करत, मोक्याच्या जागा काबीज करत , शैक्षणिक प्रगती करत पुढे चालत राहू म्हणजे येणारा 365 वा दिवस अजून गोड साजरा होत राहील सर्व भीम अनुयायांना क्रांतिकारी जय भीम --- #🙏 डॉ. बाबासाहेब आंबेडकर #☸️जय भीम #🙏डॉ.बाबासाहेब आंबेडकर जयंती स्टेट्स🩵 #🙏महामानव डॉ. आंबेडकर