सेनापती धनाजी जाधव यांनी मराठ्यांचे मनोधैर्य वाढविले ।। मराठ्यांच्या इतिहासातील सेनानी धनाजी जाधव हे एक पराक्रमी व्यक्तिमत्त्व होय. छत्रपती संभाजी महाराजांच्या हत्येनंतरच्या उद्भवलेल्या असाधारण परिस्थितीत छत्रपती राजारामांच्या नेतृत्वाखाली ज्या कर्तबगार व्यक्तींनी मराठ्यांचे स्वराज्य रक्षिले त्यामध्ये धनाजी जाधव हा एक प्रमुख होते.. मराठ्यांमध्ये जी पराभूततेची भावना निर्माण झाली त्यावेळी त्याने एकापेक्षा एक देदीप्यमान पराक्रम गाजविले. त्यामुळे मराठ्यांमध्ये मोगलांशी लढण्याची नवी उमेद व प्रचंड आत्मविश्वास त्याने निर्माण केला. मराठ्यांच्या स्वातंत्र्य युद्धातील ही धनाजीची सर्वात मोठी कामगिरी होय..! छत्रपती राजाराम महाराजांने कर्नाटकात जाताना स्वराज्याचा कारभार ज्यांच्या स्वाधीन केला त्यात धनाजी जाधव एक होते. त्यावेळी त्या चौघांनी मोगलांच्या ताब्यात गेलेले गडकोट व ठाणी सोडविली, शेख निजाम विजापुरी व सर्जाखान या सारख्यांचा पराभव करून गेलेला मुलूख परत मिळविला. त्यामुळे मराठ्यांत शत्रुशी खंबीरपणे लढण्याचा उत्साह पैदा केला. मराठा राज्य बुडालेले नाही व ते मोगलांना बुडविता येणार नाही असा आत्मविश्वास त्यांनी निर्माण केला. त्यामुळे मराठ्यांच्या पडत्या काळात मोगलांना जाऊन मिळालेले मराठे सरदार मोगलांना सोडून भराभर स्वराज्य सेवेत रुजू होऊ लागले. हा नव्या उत्साहाचा व आत्मविश्वासाचाच परिणाम होता. असे घडवून आणण्यात धनाजी जाधवांचा पराक्रमच कारणीभूत होते... ● या नव्या उत्साहाची साक्ष आपल्याला २२ मार्च १६९० मधील छत्रपती राजारामराजेंच्या एका पत्रावरून येते. त्यात छत्रपती राजारामराजे म्हणतो : “गनिमाचा हिसाब काय आहे..? तुम्ही लोक जेव्हा मनावरी धरिता तेव्हा गनीम तो काय आहे..? गनिमाला तुम्ही लोकी केला आहे..! ते तुम्हीच लोक या राज्याची पोटतिडिक धरिता तेव्हा औरंगजेबाचा हिसाब धरीत नाही...” उपरोक्त पत्रातून मराठ्यांचा आत्मविश्वास किती शिगेला पोहोचला ते दिसते. छत्रपती राजारामराजेंनी स्वराज्याचा कारभार ज्या आत्मविश्वासने सोपविला त्याच आत्मविश्वासाने सेनापती धनाजी जाधव व त्यांच्या सहकाऱ्यांनी खरा करून दाखविला... “ही त्यांची स्वामीनिष्ठा व स्वराज्यनिष्ठा होती”...🙏🚩 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त