ਉਹ ਕੈਸਾ ਅਮੋਲਕ ਸਮਾਂ ਹੋਵੇਗਾ ਜਦ ਬਾਬਾ ਈਸ਼ਰ ਸਿੰਘ ਜੀ ਮਹਾਰਾਜ਼ ਨਾਨਕਸਰ ਵਿਖੇ ਸਰੀਰ ਰੂਪੀ ਚੋਲੇ 'ਚ ਪਰਗਟ ਹੋ ਕੇ ਸੰਗਤਾਂ ਨੂੰ ਤਾਰਦੇ ਸਨ! ਉਹ ਸਮੇਂ ਜੋ ਕੀਮਤ ਨਾਲ ਨਹੀਂ, ਭਾਗਾਂ ਨਾਲ ਮਿਲਦੇ ਨੇ.... 'ਜੇ ਹੋਵੈ ਭਾਗੁ ਤਾ ਦਰਸਨੁ ਪਾਈਐ !! " ਹੁਣ ਉਹ ਭਾਗ ਕਿਵੇਂ ਬਣਨ ? ਜਿੰਨ੍ਹਾਂ ਨੇ ਦਰਸ਼ਨ ਕੀਤੇ ਨੇ ਉਹ 'ਹੱਥਾਂ ਚੋਂ ਖੁੱਸੇ ਹੋਏ ਲਾਲ ਨੂੰ ਰੋਂਦੇ ਨੇ' ਤੇ ਜਿੰਨ੍ਹਾਂ ਪਿਆਰ ਵਾਲਿਆਂ ਨੇ ਇਸ ਜਨਮ 'ਚ ਦਰਸ਼ਨ ਨਹੀਂ ਕੀਤੇ ਉਹ ਵੀ ਝੂਰਦੇ ਨੇ! ਦੋਹਤਿਆਂ ਪੋਤਿਆਂ ਵਾਲੇ ਬਜ਼ੁਰਗਾਂ ਨੂੰ ਉਹਦੀ ਯਾਦ 'ਚ ਹਟਕੋਰੇ ਲੈਂਦਿਆਂ ਅੱਖੀਂ ਦੇਖਿਐ ! ਪੁਰਾਣੇ ਸੰਗੀਆਂ ਤੋਂ ਇਹ ਸੁਣਕੇ ਢਾਰਸ ਵੀ ਮਿਲਦਾ ਐ ਕਿ 'ਬਾਬੇ ਫੇਰ ਆਉਣਗੇ, ਬਚਨ ਕਰਕੇ ਗਏ ਨੇ! ਕੌਣ ਸੀ ਓਹ ? ਚਿੱਟਾ ਚੋਲਾ ਤਾਂ ਅੱਜ ਵੀ ਬਥੇਰੇ ਸੰਤਾਂ ਨੇ ਪਾਇਆ ਹੁੰਦੈ ...ਚਿੱਟੀਆਂ ਪੱਗਾਂ ਵੀ ਬੰਨਦੇ ਆ, ਨਾਨਕਸਰ ਆਲੇ ਵੀ ਲਿਖਾਉਂਦੇ ਆ ਆਪਣੇ ਨਾਮ ਨਾਲ! ਜਿਵੇਂ ਕਾਗਜ਼ ਦਾ ਬਿਰਖ ਅਸਲੀ ਬਿਰਖ ਹੋਣ ਦਾ ਭੁਲੇਖਾ ਤਾਂ ਪਾ ਸਕਦੈ ਪਰ ਕਾਗਜ਼ ਦੇ ਬਿਰਖ ਨੂੰ ਕਦੇ ਫਲ ਤੇ ਫੁੱਲ ਨੀ ਲੱਗਿਆ ਕਰਦੇ ! ਬਾਬਾ ਈਸ਼ਰ ਸਿੰਘ ਜੀ ਮਹਾਰਾਜ਼ ਨੇ ਕਹਿਣਾ ਕਿ ਮੈਂ ਕੋਈ ਸੰਤ ਨੀ, ਬਾਬਾ ਨੀ ...ਮੈਂ ਤਾਂ ਝਾੜੂ ਬਰਦਾਰ ਆਂ, ਸਿੱਖੀ ਦੀ ਵਰਦੀ ਐ ਸਾਡੀ...ਪੜ੍ਹਾਈ ਕਰ ਰਹੇ ਹਾਂ (ਨਿਮਰਤਾ) ਪਰ ਉਹਨਾਂ ਦੇ ਕਰਤਬ - ਲੱਛਣ ਦੱਸਦੇ ਸੀ ਕਿ ਉਹ ਕੋਈ ਦਰਗਾਹੀ ਹਸਤੀ ਸੀ! ਅੱਜ ਕਿਸੇ ਚੋਂ ਸੰਤ ਦੇ ਲੱਛਣ ਨੀ ਦਿਸਦੇ ਪਰ ਅਖਵਾਉਣ ਵਾਲੇ ਬਾਹਲੇ ਨੇ! ' ਸੰਗੀ ਵਿਚਾਰੇ ਕਹਿੰਦੇ ਨੇ ਕਿ 'ਜੀ, ਲੋਕੀ ਨਾਨਕਸਰ ਦੀ ਨਿੰਦਿਆ ਬੜੀ ਕਰਦੇ ਨੇ, ਗਲਤ ਬੋਲਦੇ ਨੇ, ਦੁੱਖ ਲਗਦੈ! ਕੋਈ ਕੁਛ ਕਰਦਾ ਕਿਉਂ ਨੀ ' ਪਰ ਇਸ ਤਰ੍ਹਾਂ ਦੇ ਨਿੰਦਕ ਤਰਕਵਾਦੀ ਲੋਕ ਪਹਿਲਾਂ ਤੋਂ ਹੀ ਹੁੰਦੇ ਆ ਰਹੇ ਹਨ! ਬਾਬਾ ਈਸ਼ਰ ਸਿੰਘ ਜੀ ਮਹਾਰਾਜ਼ ਦੇ ਸਮੇਂ ਵੀ ਆਉਂਦੇ ਸੀ ਪਰ ਉਹ ਜੌਹਰੀ 'ਖੋਟਿਆਂ ਨੂੰ ਖਰੇ ਕਰ ਕੇ ਤੋਰਦਾ ਸੀ'! ਜਿਹੜੇ ਜਿਆਦਾ ਅੜੀਅਲ ਸਨ ਜਾਂ ਵਿਚਾਰ ਮੂਹਰੇ ਆਕੜਦੇ ਸੀ ਉਹਨਾਂ ਨੂੰ ਬਾਬਾ ਜ਼ਾਹਰ ਕਲਾ ਵੀ ਦਿਖਾਉੰਦਾ ਸੀ, ਅਗਲਾ ਫੇਰ ਆਤਮ ਸਮਰਪਣ total surrender ਕਰਕੇ ਹੀ ਜਾਂਦਾ ਸੀ ! ਬਾਬਾ ਈਸ਼ਰ ਸਿੰਘ ਜੀ ਮਹਾਰਾਜ਼ ਨਾਨਕਸਰ ਵਾਲਿਆਂ ਨੇ ਬਚਨ ਕਰਨੇ ਕਿ ਜਿੱਥੇ ਜਾਈਦੈ ਲੋਕ ਜਾਨ ਵਾਰਦੇ ਨੇ, ਤੁਸੀਂ ਕਹਿਨੇ ਹੋਂ ਕਿ ਮਾੜੇ ਨੇ! ਭਾਈ, ਦੁਨੀਆਂ ਤਾਂ ਕੱਚਾ ਦੁੱਧ ਐ, ਆਗੂ ਰਹਿਬਰਾਂ ਨੇ ਵਿਗਾੜੀ ਹੋਈ ਐ, ਸਾਨੂੰ ਤਾਂ ਕੋਈ ਬੁਰਾ ਨੀ ਭਾਸਦਾ! ' ਉਸ ਅਰਸ਼ੀ ਦਾਤੇ ਦਾ ਅਵਤਾਰ ਦਿਹਾੜਾ 24 ਤੋਂ 28 ਮਾਰਚ ਤੱਕ ਝੋਰੜਾਂ ਨਗਰ ਅਤੇ ਹੋਰ ਪਿੰਡਾਂ ਸ਼ਹਿਰਾਂ ਵਿੱਚ ਮਨਾਇਆ ਜਾ ਰਿਹਾ ਹੈ! #🇮🇳 ਦੇਸ਼ ਭਗਤੀ ਵੀਡਿਓਜ਼ #🙏ਸ਼੍ਰੀ ਗੁਰੂ ਨਾਨਕ ਦੇਵ ਜੀ #🙏ਅਧਿਆਤਮਕ ਗੁਰੂ🙏 #👳‍♂️ਰਾਜ ਕਰੇਗਾ ਖਾਲਸਾ 💪