🚩जय भवानी जय शिवाजी🚩, 🚩छत्रपति शिवाजी महाराज Image & Post

❤🚩शिवभक्त🚩❤ - Author on ShareChat: Funny, Romantic, Videos, Shayari, Quotes

*महाराष्ट्र प्रदेश गड किल्ले संवर्धन सेल* *इतिहास शिवरायांचा* ********************************** *शिव दिनविशेष* 🚩🚩🚩⛳⛳⛳⛳🚩🚩🚩 *२७ जुन इ.स.१६६२* *(आषाढ वद्य ६, शके १५८४, म्हणजे वार शुक्रवार)* *बाजी सर्जेराव जेधेना दिलासा देण्यासाठी पाठवलेले पत्र.* *शाहिस्तेखान स्वराज्यात येऊन 2 वर्षे झाली होती. स्वराज्यात येताच मुघल सैन्याने लुटालूट आरंभली होती. शाहिस्तेखानाने चाकण,पुणे प्रांत ताब्यात घेऊन लालमहालात तळ ठोकला होता. मोगली सैन्याने शिरवळ भागातही गुरेढोरे व धान्याची पेवे लुटून न्यायला सुरू केले होते. आक्रमक बनलेल्या मोगलांनी भोर,रोहीडा भागातही हालचाली सुरू केल्या होत्या. कान्होजी जेधेंच्या मृत्यूनंतर या भागाची देशमुखी बाजी सर्जेराव जेधे सांभाळत होते. मुघल सैन्याच्या दबावामुळे जेधेंचे सैन्य व नोकर आपला मुलुख सोडून शिवाजी महाराजांच्याकडे नोकरीसाठी जाऊ लागले. त्यामुळे बाजी जेधेनी महाराजाना पत्र पाठवून आपले लोक येतील त्यांना नोकरीवर ठेऊन घेऊ नये अशी विनंती केली होती. यावेळी महाराजांनीही बाजी जेधेंच्या पत्राला लागलीच उत्तर पाठवून दिलासा दिला होता . त्यात महाराज म्हणतात,"तुमचे लोक हुजूर येतील त्यास साहेब ठेवणार नाहीत. तुमचे तुम्हापासी फिराउनु पाठवितील." बाजी सर्जेराव जेधेना दिलासा देण्यासाठी पाठवलेले पत्र.* 🚩🚩⛳⛳⛳🚩🚩 *२७ जुन इ.स.१६७०* *(आषाढ वद्य ५, पंचमी, शके १५९२, संवत्सर साधारण, वार सोमवार)* *मराठ्यांनी कोकणातील मंदारगड (कुर्डुगड) जिंकून स्वराज्यास जोडला.* *कोकणातील रायगड जिल्ह्यातील मंदारगड उर्फ कुर्डुगड जिंकून आणखीन एक गड स्वराज्यास जोडला गेला.* 🚩🚩⛳⛳⛳🚩🚩 *२७ जुन इ.स.१६७७* *(आषाढ शुद्ध ७, सप्तमी, शके १५९९,संवत्सर पिंगळ, वार बुधवार‌)* *मराठे शेरखानाच्या पाठलागावर!* *वाटेत अकलनायकाचे अरण्य होते त्यात शेरखान व पाठोपाठ महाराजांचे घोडेस्वार शिरले. शेरखानाच्या ५०० पठाणांनी या अरण्यात मराठ्यांना रोखून धरण्याचा प्रयत्न केला. त्यामुळे रात्री २ तासपर्यंत दोन्ही सैन्यांची धुमश्चक्री उडाली. पण मध्यरात्री नंतर चंद्र खाली गेला तोच शेरखान काही हत्ती, घोडे घेऊन (दक्षिणेकडे) भुवनगिरीपट्टनकडे निसटला. मराठ्यांची एक तुकडी तशीच पुढे त्याच्या पाठलागावर निघाली. व दुसऱ्या तुकडीने खानाचे २७० घोडे, २० उंट, कित्येक बैल, तंबू, नगारे वगैरे पकडून महाराजांकडे आणले. महाराजांचा मुक्काम यावेळी तेवनापट्टणच्या दक्षिणेस एका कोसावर होता. तिरुवाडीचा किल्ला शेरखानाच्या सासऱ्याने अजून झुंजता ठेवला असल्यानेमहाराजांचे काही सैन्य तिथे वेढा देऊन बसले. शेरखानाच्या पाठलागावर गेलेल्या दुसऱ्या तुकडीने पुन्हा २०० घोडे व ४ हत्ती पकडून आणले. फक्त १०० स्वारांनिशी शेरखान भुवनगिरीपट्टनच्या किल्ल्यात निसटून गेला. मराठ्यांनी तिकडेही त्याचा पाठलाग सुरू ठेवला.* 🚩🚩⛳⛳⛳🚩🚩 *२७ जून इ.स.१६८०* *(आषाढ शुद्ध एकादशी, शके १६०२, संवत्सर रौद्र, वार रविवार)* *शिवराज्ञी श्रीमंत महाराणी पुतळाबाईसाहेब सती गेल्या.* *महाराजांचे मन जाणनाऱ्या दुसऱ्या शिवराज्ञी म्हणजेच महाराणी साहेब पुतळाबाईसाहेब जन्मभर पुरेल अशा महाराजांच्या जोड्याची साथ घेऊन 'सकलसौभाग्यसंपन्न श्रीमंत पुतळाबाईसाहेब महाराजांचे जोडे उराशी कवटाळून शांतपणे...संभाजी महाराज व राजाराम महाराज यांच्या उपस्थितीत धीरोदात्तपणे सती गेल्या. आजही ज्या शिळेवर पाय ठेवून पुतळाबाईसाहेब सती गेल्या ती सतीशिळा किल्ले रायगडावर पहावयास मिळते.* 🚩🚩⛳⛳⛳🚩🚩 *२७ जून इ.स.१७०८* *सेनापती धनाजी जाधव यांची पुण्यतिथि (जन्म : १६५०)* *शिवकाळामध्ये धनाजी जाधव यांनी सेनापती प्रतापराव गुजर आणि सेनापती हंबीरराव मोहिते यांच्या नेतृत्वाखाली विशेष पराक्रम केला. यामध्ये उंबरखिंडीची लढाई (१६६१), उमराणीचे युध्द (१६७२), नेसरीचे युद्ध (१६७४), कोपल बहादुरविंडा तसेच सावनूरची लढाई अशा अनेक मोहिमांमध्ये धनजीरावांनी पराक्रमाची शर्त केली आणि स्वतःची मुद्रा (शिक्का) तयार करून शिवचरणी तत्पर 'धनजी जाधव किंकर' असा बहुमान प्राप्त केला. या मुद्रेमध्ये त्यांनी स्वतःला किंकर म्हणजेच सेवक अगर चाकर असे म्हटले आहे. छत्रपती संभाजी महाराज आणि त्यांच्यानंतरच्या प्रतिकूल काळात स्वराज्याचे रक्षण करणारे सेनापती म्हणून धनाजी जाधव यांचा उल्लेख केला जातो. त्यांच्या सेनापतीबाबत अनेक प्रश्न उपस्थित केले जात असले तरी समकालीन संदर्भातून धनाजी जाधव यांनी अतुलनीय कामगिरी करत सेनापतीपद सांभाळले.* 🚩🚩⛳⛳⛳🚩🚩 *जय जगदंब जय जिजाऊ* *जय शिवराय जय शंभूराजे* ⛳ *जय गडकोट*⛳ *!! हर हर महादेव !!* 🚩आम्ही_शिवपाईक_बारा_मावळचे🚩 *श्री मंगेश चंद्रकांत वीर* ( भोर तालुका गड किल्ले संवर्धन सेल सोशल मीडिया प्रमुख ) मा श्री महेंद्र तानाजी देवघरे* ( अध्यक्ष पुणे जिल्हा ) मा श्री योगेशजी सुदामराव शेलार (प्रदेशाध्यक्ष - महाराष्ट्र प्रदेश गड किल्ले संवर्धन सेल) महाराष्ट्र प्रदेश गड किल्ले संवर्धन सेल #🚩जय भवानी जय शिवाजी🚩 #🚩छत्रपति शिवाजी महाराज #🙏शिवदिनविशेष📜 #📜इतिहास शिवरायांचा #🙏 शिवराय स्टेटस

🚩जय भवानी जय शिवाजी🚩 - शिवकालीनदिनविशेबाा २७जुन इ.स॰१६७० मराढ्यांनी कोकणानील मंदॉरगड (कुर्डुगड) जिंकून स्वराज्यास जोडला. शिवकालीनदिनविशेबाा २७जुन इ.स॰१६७० मराढ्यांनी कोकणानील मंदॉरगड (कुर्डुगड) जिंकून स्वराज्यास जोडला. - ShareChat