#ओम शिवगोरक्ष #ओम श्री नवनाथाय नमः #!! ओम चैतन्य मच्छिन्द्रनाथाय नमः !! #गोरक्षनाथ वाणी #ओम चैतन्य कानिफनाथाय नमः
#गुरुगोरक्षनाथजी_महाराज_आणि_त्यांच्या_अवतार_कथा
(भाग-१)
एकंदरीत नाथ संप्रदाय आणि त्याचा जनमानसातील व्यापक असा संपर्क बघितला की, या समाज व्यवस्थेतील अंतिम विचारधारेपर्यंत त्या संप्रदायांतील साधू आणि त्यांच्या शिकवणीचा प्रभाव प्रांत-प्रांतानुसार भिन्न भिन्नपणे समोर येतो. आणि त्यातही नाथ संप्रदाय म्हटले की सर्वप्रथम सर्वश्रूत नाव समोर येते आणि ते म्हणजे ‘#गोरक्षनाथ_महाराज’!
आपल्या सर्वाच्या मनांत त्यांच्या विषयी जितकी उत्सुकता जाणवून येते तितकीच त्यांची अवतार किंवा व्यक्ति विशेषता गहन आणि रहस्यमय आहे हे देखील विसरता कामा नये. आजच्या या पहिल्या लेखामध्ये आपण थोडे पण नाविण्यपणे ते जाणून रहस्य जाणून घेण्याचा प्रयत्न करूयांत. (अनेक ग्रंथांचे संदर्भ दिले आहेत ते देखील लक्षात घेणे)
गुरु गोरक्षनाथजी :- व्यक्ति आणि व्यक्तित्व यांच्या अनुरूप भगवान गुरु गोरक्षनाथांच्या उत्पत्ति संबंधी दोन रूपांचे विवरण आपल्याला सनातन साहित्यांत पाहावयास मिळते. त्यांत सर्वप्रथम व्यक्तित्वाचा विचार करता श्रीगुरू गोरक्षनाथ महाराज हे भगवान आदिनाथ म्हणजेच महादेवाचा अवतार म्हणविल्या जातात. (१) ‘#महाकाल_योगशास्त्रामध्ये’ मध्ये भगवान शकरांनी स्वत: हे स्वीकार केले आहे की “मी योगमार्गाचा प्रचारक प्रत्यक्ष गोरक्षनाथ आहे”.
अतिप्रसिद्ध ग्रंथ (२) “#हठयोगप्रदीपिकेनुसार” आदिनाथ भगवान शिवांनी योग-मार्ग प्रचारार्थ गोरक्षनाथ ह्या रूपाचा अवलंब केला.
(३) ‘#गोरक्षसिद्धान्तसंग्रह’ मध्ये भगवान गुरु गोरक्षनाथांना प्रत्यक्ष ईश्वराचा पुत्र अशी संज्ञा दिली आहे.
बंगीय (बंगाल) काव्य (४)“#गोरक्षविजय” अनुसार भगवान गुरु गोरक्षनाथांचा अवतार हा प्रत्यक्ष आदिनाथ भगवान शंकरांच्या जटेतून झाला आहे. नेपाळ दरबारांतील ग्रंथालयातील प्राप्त
(५) “#गोरक्षसहस्त्रनाम” मुळे हे ज्ञात होतं की, गुरु गोरक्षनाथ महाराज हे दक्षिण प्रांतातील बडव नामक देशांत महामंत्राच्या प्रसादाने प्रगट झाले आहेत.
(६) ‘#तहकिकाक_चिश्ति’ नावाच्या पुस्तकाच्या उल्लेखानुसार भगवान शंकराच्या एका भक्ताने संतानोत्पत्तीच्या इच्छेने शिव-धूनी प्राप्त करून आपल्या पत्नीला ग्रहण करावयास दिली पण लोक्लज्जेच्या भीतीने त्या स्त्रीने तो भस्म राखेमध्ये फेकला. तो भस्म व्यर्थ न जाता त्याच स्थानावर एक सुकुमार दिव्य-तेजस्वी बालकाने जन्म घेतला आणि भगवान आदींनाथांनी त्याचे नामकरण ‘गोरक्ष’ असे केले. वर्तमानात देखील गुरु गोरक्षनाथांना शिव-गोरक्ष याच रूपांत पूजल्या जाते.
(७)‘#योगीसंप्रदायविष्कृती’ नामे ग्रंथात देखील असाच उल्लेख आला आहे. पण इथे गुरु गोरक्षनाथांचा जन्म किंवा उत्पत्ति दादागुरु मत्स्येंद्रनाथजी महाराजांच्या कृपेने झाल्याचे दिसून येते. अशीच थोडी साम्य असलेली कथा आपल्याला महाराष्ट्र ग्रंथ
(८) #नवनाथ_भक्तीसारामध्ये देखील ऐकायला मिळते.
#निरंजननाथ_गुरु_श्रीशांतिनाथजी
नाथयोगाश्रम-भेडाघाट-श्रीनर्मदाजी उत्तर तट (जबलपुर)
सदर लेख हा कुठल्याही लिखाणसंदर्भात प्रमाण म्हणून वापरता येईल. सोशल मिडियावर यांत कुठलाही बदल करणे अपेक्षित नाही त्यासाठी © नियमांचे बंधन लागू पडतील.
(सर्व न्यायालयीन बाबी #नाथयोगी_महासभेच्या न्यायालयीन कक्षेत येतील)
