#தற்போது செய்தி #செய்திகள் 🌹✍️ மக்கள் முகம் நாளிதழ் ✍️🌹 *தவெக ராமநாதபுரம் மேற்கு மாவட்ட செயலாளர் மதன் தலைமையில் அஞ்சலையம்மாளின் 136 -வது பிறந்தநாள் விழா* கமுதி ஜூன் 2, இந்திய விடுதலைப் போராட்ட வீராங்கனையும், தமிழக வெற்றிக் கழகத்தின் கொள்கை முன்னோடிகளில் ஒருவராக போற்றப்படும் அஞ்சலையம்மாளின் 136வது பிறந்தநாள் விழா, ராமநாதபுரம் மேற்கு மாவட்ட செயலாளர் மதன் தலைமையில் கமுதி பேருந்து நிலையம் முன்பு சிறப்பாக நடைபெற்றது. நிகழ்ச்சிக்கு தலைமை தாங்கிய ராமநாதபுரம் மேற்கு மாவட்ட செயலாளர் மதன், அஞ்சலையம்மாளின் உருவப்படத்திற்கு மலர்தூவி மரியாதை செலுத்தினார். விடுதலைப் போராட்டத்தில் பெண்களின் பங்களிப்பை உயர்த்திப் பிடித்த வீராங்கனையான அஞ்சலையம்மாள், ஆங்கிலேய ஆட்சிக்கு எதிராக அச்சமின்றி போராடி சிறைத் தண்டனைகளையும் தாங்கிய தியாகச் செம்மல் என்பதை அவர் நினைவுகூர்ந்தார். தொடர்ந்து பேசிய அவர், நாட்டின் சுதந்திரத்திற்காக தன்னலமின்றி பாடுபட்ட அஞ்சலையம்மாளின் தியாகமும், தேசப்பற்றும் இன்றைய தலைமுறைக்கு முன்மாதிரியாக திகழ்கின்றன என்றும், அவரது கொள்கைகளையும் மக்கள் சேவை எண்ணங்களையும் பின்பற்றி தமிழக வெற்றிக் கழகம் செயல்பட்டு வருவதாகவும் தெரிவித்தார். இந்த நிகழ்வில் மாவட்ட, ஒன்றிய, நகர, கிளை மற்றும் அனைத்து நிலை நிர்வாகிகள், தொண்டர்கள் மற்றும் பொதுமக்கள் என ஆயிரத்திற்கும் மேற்பட்டோர் பெருந்திரளாக கலந்து கொண்டு அஞ்சலையம்மாளுக்கு மரியாதை செலுத்தினர். இதனைத் தொடர்ந்து கமுதி வடக்கு ஒன்றியத்திற்குட்பட்ட மேலமுடிமன்னார்கோட்டை ஊராட்சி, கோட்டையூர் கிராமத்தில் கமுதி வடக்கு ஒன்றிய செயலாளர் வீரகுமார் முன்னிலையில் பள்ளி மாணவ, மாணவிகளுக்கு பள்ளிப் பைகள் வழங்கும் நிகழ்ச்சி நடைபெற்றது. இந்நிகழ்வில் வடக்கு ஒன்றிய இணைச் செயலாளர் வேல்முருகன் மற்றும் ராமநாதபுரம் மேற்கு மாவட்டத்தின் அனைத்து நிலை நிர்வாகிகளும், பொதுமக்களும் கலந்து கொண்டு மாணவர்களுக்கு பள்ளிப் பைகளை வழங்கினர். மாணவர்களின் கல்வி முன்னேற்றத்திற்கு துணை நிற்கும் வகையில் நடைபெற்ற இந்த நலத்திட்ட நிகழ்ச்சிக்கு பொதுமக்கள், சமூக ஆர்வலர்கள் மற்றும் கல்வியாளர்கள் பாராட்டு தெரிவித்தனர். மேலும், தமிழக வெற்றிக் கழக நிர்வாகிகள் மேற்கொண்டு வரும் மக்கள் நலப் பணிகளுக்கு பொதுமக்கள் தங்களது ஆதரவையும் வாழ்த்துகளையும் தெரிவித்தனர். நிகழ்ச்சி உற்சாகமான சூழலில் நிறைவடைந்தது.