रोज रोज काय नाश्ता बनवायच. मी दोन दिवसाने एकदा वेजिटेबल चा वापर करून. थालीपीठ बनवते. कारण ते आपल्याला व्हेजिटेबल तून पोस्टीक आहार पण मिळतो. आणि मुले जास्त वेजिटेबल खात नाही. असं काहीतरी बनून दिल्यावर. मुले दही, सॉस, लावून आवडीने खातात. बारीक चिरलेला/किसलेला कोबी: २ कप पीठ: १ वाटी ज्वारीचे पीठ, अर्धी वाटी तांदळाचे पीठ (खुसखुशीतपणासाठी), आणि २ चमचे बेसन मसाले: १ चमचा हळद, १ चमचा ओवा, १ चमचा तीळ, चवीनुसार मीठ मिरची लसूण ठेचा: २-३ चमचे (आवडीनुसार) इतर: १ मध्यम बारीक चिरलेला कांदा, बारीक चिरलेली कोथिंबीर, तेल मिश्रण तयार करणे: एका मोठ्या परातीत बारीक चिरलेला कोबी, कांदा, मिरची-लसूण ठेचा, तीळ, ओवा, हळद, कोथिंबीर आणि चवीनुसार मीठ एकत्र करा. कोबीला पाणी सुटण्यासाठी ५ मिनिटे तसेच ठेवा. पीठ मळणे: आता कोबीच्या मिश्रणात ज्वारीचे, तांदळाचे आणि बेसनाचे पीठ घाला. गरज वाटल्यास खूप थोडे पाणी घालून घट्ट पीठ मळून घ्या (कोबीला पाणी सुटत असल्याने पाण्याची जास्त गरज लागत नाही). थालीपीठ थापणे: गॅसवर तवा गरम करायला ठेवा. सुती कापड किंवा बटर पेपरला थोडे तेल लावून त्यावर पिठाचा गोळा घेऊन थालीपीठ थापून घ्या. मध्ये एक-दोन छिद्रे पाडा. भाजणे: गरम तव्यावर थालीपीठ अलगद टाका. छिद्रांमध्ये आणि कडेने तेल सोडा. मध्यम आचेवर झाकण ठेवून दोन्ही बाजूंनी सोनेरी आणि खुसखुशीत होईपर्यंत भाजा. #😋आम्ही खादाडी🥧