#📙 നോവൽ - കാശിയുടെ പെണ്ണ് 💥💥 🔻 പാർട്ട് _59 ✍️ രചന - ജിഫ്ന നിസാർ 💥 പറഞ്ഞില്ലേ ഞാൻ.. ഇതൊക്കെ തന്നെയേ സംഭവിക്കൂ എന്ന്.. കാശിയുടെ കാര്യം വരുമ്പോ അശോകന് കയ്യും കരളും വിറക്കും.. പുല്ല് " പറയുന്നതിനൊപ്പം തന്നെ മഹേഷ്‌ കയ്യിലുള്ള ചില്ല് ഗ്ലാസ്‌ ചുവരിലേക് നീട്ടി എറിഞ്ഞു. മദ്യത്തിന്റെ പാട് വീഴ്ത്തി കൊണ്ടത് ചിന്നി തെറിച്ചു. ദേഷ്യം കൊണ്ട് ചുവന്നു കിടക്കുന്ന അവന്റെയാ കണ്ണുകൾ.. സ്റ്റീഫൻ കൗതുകത്തോടെ.. അതിനേക്കാൾ പുച്ഛത്തോടെ അവനെയും അവന്റെ ഭാവങ്ങളെയും നോക്കിയിരിപ്പാണ്. അശോകൻ കാശിനാഥനെ കാണാൻ പോകുകയാണ് എന്ന് പറഞ്ഞു കൊണ്ട് മഹേഷിന് വിളിച്ചത്തിന്റെ ബാക്കിയാണ് അവിടെയപ്പോൾ അരങ്ങേറി കൊണ്ടിരിക്കുന്നു. അതൊരു വെറും പോക്കല്ല. അത് തന്നെയാണ് മഹേഷിന്റെ ദേഷ്യവും. അശോകന് കാശിയെ അത്രയും പെട്ടന്നൊന്നും വിട്ട് കളയാൻ വയ്യ. ജീവൻ പോലും നോക്കാത്ത അശോകന് വേണ്ടി കാശി ഇറങ്ങി കളിച്ചു കൊണ്ട് വിജയം നേടി കൊടുത്ത ഒത്തിരി പോരാട്ടങ്ങളെ കുറിച്ച് അശോകന് മറന്നു കളയാൻ വയ്യ. ഞാൻ പറഞ്ഞാൽ കാശി കേൾക്കും മഹി.. അവനോട് ഞാൻ പറയാം. എന്നേക്കാൾ വലുതല്ല അവന് അവന്റെ പ്രണയം...എനിക്കുറപ്പുണ്ട്. " അശോകന്റെ വാക്കുകൾ ഓർക്കുമ്പോൾ കലിയോടൊപ്പം തന്നെ മഹിക്കൊരു വെപ്രാളവുമുണ്ട്. അവരിനിയും ഒന്നിച്ചു നിന്നാൽ പിന്നെ തന്റെ പ്ലാൻ ഒന്നും നടക്കാൻ പോണില്ല. ഏത് വിധേനയും കാശി നാഥൻ തനിക്കു ചെക്ക് പറയും. അതും ഉറപ്പാണ്. ഈ പ്രശ്നത്തിന്റെ മറവിൽ അവരുടെ ബന്ധം അറുത്തു മുറിച്ചിടണം എന്നായിരുന്നു പ്ലാൻ. അതിന് വേണ്ടിയും അത് കഴിഞ്ഞും നടത്തേണ്ട നിരവധി കാര്യങ്ങളെ കുറിച്ചുള്ള പ്ലാൻ പോലും നടന്നു കഴിഞ്ഞു. അപ്പോഴാ അയാളുടെ ഒരു ഒടുക്കത്തെ ഒരു സന്ധി സംഭാഷണം. ഓർക്കുമ്പോൾ മഹിക്ക് അശോകനെയാണ് കയ്യിലിട്ട് ഞെരിച്ചുടക്കാൻ പാകത്തിന് ദേഷ്യം തോന്നുന്നുണ്ട്. ഇനിയിപ്പോ അശോകൻ അവനെ ചെന്ന് കാണും. ചങ്കിൽ കുത്തി തുളയുന്ന നാലഞ്ചു വാക്കുകൾ പറഞ്ഞാൽ ജീവൻ കൊടുക്കാൻ പോലും കാശി നാഥൻ തയ്യാറായി നിൽക്കും. ആ അവസരം കുറുക്കന്റെ ബുദ്ധിയുള്ള അശോകൻ വെറുതെ കളയുമെന്നാണോ.. ഒരിക്കലുമില്ല. അയാളാ സെന്റിമെൻസിൽ പിടിച്ചു തൂങ്ങും. കാർത്തികയെ എന്റെ തലയിൽ കെട്ടി വെക്കാൻ അവന്റെ സഹായവും വാങ്ങിച്ചു കൊണ്ട് അശോകൻ സന്തോഷത്തോടെ.. സമാധാനത്തോടെ തിരികെ പോരും. പക്ഷേ അതോടെ.. ഈ എന്റെ മുഴുവൻ സന്തോഷവും സമാധാനവും പോയി.. ആ ബസ്സിൽ നിന്നും അവനെ ചവിട്ടി ഇറക്കി വിടാൻ എന്തെല്ലാം ചെയ്തു ഞാൻ. പലവട്ടം.. പലവിധത്തിൽ. അതെല്ലാം എനിക്ക് തന്നെ പാരയായി മാറി. അതിന്റെ കണക്കുകൾ അവന്റെ കയ്യിലാണ്. അത് നോക്കാൻ എന്നാ മട്ടിലാണ് അവൻ മണിയേട്ടനെ കാണുന്നത്. എന്നാൽ അശോകന്റെ ബിസിനസ് കണക്കുകൾ മൊത്തം അവനാ കുറിച്ച് നേരം കൊണ്ടൊന്ന് ഓടിച്ചു വിടുന്നുണ്ട്. കണക്കുകളിലെ ക്രമക്കേട് അവനൊരിക്കൽ അശോകനോട്‌ നേരിട്ട് പറഞ്ഞപ്പോഴാണ് ഞാനിത് അറിഞ്ഞത്. അന്നവൻ അയാൾക്ക് ഫോൺ വിളിക്കുമ്പോൾ എന്തോ ഭാഗ്യത്തിന് ഞാനും അശോകന്റെ കൂടെ ഉണ്ടായിരുന്നു. അത് കൊണ്ടിത് എനിക്കറിയാൻ പറ്റി. പെട്ടന്ന് ക്ലിയർ ചെയ്യാനും പിടിക്കപ്പെടാതെ രക്ഷപ്പെട്ടു പോകാനും പറ്റി. ഇല്ലേൽ ഇതൊന്നും അറിയാതെ ഞാൻ ചെയ്യുന്നത് തന്നെ തുടർന്നേനെ.." മഹി ഒന്ന് കിതച്ചു കൊണ്ട് നിർത്തി. സ്റ്റീഫൻ അവൻ പറയുന്നത് ശ്രദ്ധിച്ചു കേട്ടിരിപ്പാണ്. അശോകന്റെ ലൈഫിൽ കാശിക്ക് വല്ലാത്ത സ്വാധീനമുണ്ടെന്ന് സ്റ്റീഫനും അറിയാം. പക്ഷേ അത് ഇത്രയും ഡീപ് ലെവലിൽ ആണെന്നുള്ളത് സ്റ്റീഫന് അറിയില്ലായിരുന്നു. "ഇനിയിപ്പോ അവനെ പറഞ്ഞു മയക്കി അയാളാ ബസ്സിൽ തന്നെ പ്രതിഷ്ഠ വെക്കും. അതോടെ ഇത് വരെയും ഞാൻ കണ്ട സ്വപ്നങ്ങൾ ഒക്കെയും ഗോവിന്ദ.." മുഷ്ടി ചുരുട്ടി മഹേഷ്‌ ദേഷ്യമൊതുക്കി. "ഹാ.. താനിങ്ങനെ ടെൻഷൻ ആവാതെടോ മഹേഷ്‌.. അശോകൻ അവനെ കാണാൻ പോയിട്ടേ ഒള്ളു.. അതിനിപ്പോ തന്നെ നീ പായും മടക്കി പോണേ.. അവരുടെ തീരുമാനം വരട്ടെ. അത് വരെയും നീയൊന്ന് വൈയിറ്റ് ചെയ്യടോ.." സ്റ്റീഫനൊരു ചിരിയോടെ പറഞ്ഞു കൊണ്ട് എഴുന്നേറ്റു. "അതിന്റെ വരാനുള്ള തീരുമാനം തന്നെയാടോ ഞാനിപ്പോ പറഞ്ഞത്.." മഹേഷ്‌ കലിയോടെ അയാളെ നോക്കി. ഇതിപ്പോ നീ ഊഹിച്ചു പറഞ്ഞത്..ശെരിക്കുമുള്ളത് വരട്ടെ.. അപ്പൊ നമ്മുക്ക് ഈ മ്യാമൻ മോൻ കളിയൊന്നു നിർത്തി കൊടുക്കണം. എന്നിട്ട് നേർക്ക് നേർ കളത്തിൽ ഇറങ്ങി കളിക്കാലോ.. നീ അശോകന്റെ മരുമോൻ മാത്രമെല്ലെടാ.. അവന് പറ്റിയ എതിരാളി തന്നെയാ.. നിന്നെ ഒതുക്കാൻ ആ കാശി നാഥനൊന്നും മതിയാവില്ല. " കിട്ടിയ അവസരം കൊണ്ട് സ്റ്റീഫൻ മഹിയെ ഒന്നറിഞ്ഞു പൊക്കിയടിച്ചു. അവർ തമ്മിലുള്ള യുദ്ധം മുറുക്കേണ്ടത്.. ചോര ചിന്തണ്ടത്.. കൂടെ ആരും ഇല്ലാതെ അശോകന്റെ അടി പതറി പോകുന്നത്.. അതെല്ലാമപ്പോൾ സ്റ്റീഫന്റെ കൂടി ആവിശ്യമാണ്. ഇതിനിടയിൽ കൂടി അയാൾക്കും നടത്തി എടുക്കേണ്ട കുറെയേറെ കാര്യങ്ങളുണ്ട്. അത് മാത്രമായിരുന്നു അപ്പോഴും അയാളുടെ മുഖ്യ അജണ്ടയും. "ഏയ്.. അത്ര പെട്ടന്നൊന്നും എനിക്കീ നല്ല കുട്ടിയുടെ മുഖമൂടി കളയാൻ പറ്റില്ലല്ലോ. ഈ മുഖമൂടി ഇല്ലാതെ എനിക്കായാളുടെ മുന്നിൽ പിടിച്ചു നിൽക്കാൻ പറ്റില്ല. ഇങ്ങനെ തന്നെ വേണം എനിക്കായാളുടെ മകളുടെ സ്വന്തമാക്കാൻ. അമ്പലപ്പറമ്പിൽ അശോകന്റെ അടിത്തറയിൽ പോലും സ്വാധീനം ചെലുത്താൻ പാകത്തിന് ബന്ധം ഉണ്ടാക്കിയിട്ട് വേണം..." അതും പറഞ്ഞു കൊണ്ട് ഊറി ചിരിക്കുന്ന മഹേഷിന്റെ നേരെ നോക്കുമ്പോൾ സ്റ്റീഫന് അപ്പോഴും പുച്ഛം തന്നെയാണ്. അശോകൻ എന്താണെന്ന് അറിഞ്ഞതിന്റെയാവാം അത്.. 💥💥 മഹേഷിന്റെ നിഗമനം പോലെ തന്നെ അശോകന് മുന്നിൽ തല കുനിച്ചു കൊണ്ട് കൈകൾ നെഞ്ചിൽ കെട്ടി നിൽപ്പുണ്ട് കാശി. "നിനക്ക് ഞാൻ പറഞ്ഞത് മനസ്സിലായോ കാശി.." ശാന്തമായിട്ടാണ് ചോദ്യം. കാശി ഒന്ന് മൂളുക മാത്രം ചെയ്തു. "വാ തുറന്നു കൊണ്ട് ഉത്തരം പറയ്യ് നീയ് .. ഇതിങ്ങനെ മൂളി കൊണ്ട് നിസ്സാരമാക്കാൻ പറ്റുന്ന ഒന്നല്ല. എന്റെ മകളുടെ ജീവിതതിന്റെ കാര്യമാണ്.. എനിക്കത് അങ്ങനെ കാണാൻ കഴിയില്ല.. ഞാൻ പറയുന്നത് നിനക്ക് മനസ്സിലാവും.. നീ അത് അനുസരിക്കും എന്നുള്ള ഒറ്റ വിശ്വാസത്തിലാണ് ഞാനിപ്പോ നിന്റെ മുന്നിൽ വന്നിരിക്കുന്നത്. കാർത്തികയെ നിന്റെ കയ്യിൽ നിന്നും മോചിപ്പിക്കാൻ എനിക്ക് മുന്നിൽ വഴിയൊന്നും ഇല്ലാഞ്ഞിട്ടല്ല അതെന്ന് നീ കരുതരുത്. മറ്റാരെക്കാളും നിനക്കറിയില്ലേ എന്നേ.. എന്റെ രീതികളെ.." ഒന്ന് നിർത്തിയിട്ടു അശോകൻ കാശിയെ നോക്കി. അവന്നപ്പോഴും അതേ നിൽപ്പ് തന്നെയാണ്. വന്നിട്ടിപ്പോ അര മണിക്കൂറു കഴിഞ്ഞു. വന്നപ്പോൾ തുടങ്ങിയതാണ് അവനോട് ഓരോന്നു പറയുന്നത്. എതിർത്തു കൊണ്ട് അവനൊന്നും മിണ്ടുന്നില്ല. എങ്കിലും ആ മൗനത്തെ പോലും അശോകനപ്പോൾ ഭയമായിരുന്നു. അവന് തന്നെ അറിയാം എന്നാ പോലെ തന്നെ തനിക്കവനെയും നല്ലത് പോലെ അറിയാം. പ്രിയപ്പെട്ട ഒന്നിനെയും ഒന്നിനും വേണ്ടി അവന് ഉപേക്ഷിച്ചു കളയാൻ കഴിയില്ലെന്ന് അയാൾക്കുറപ്പുണ്ട്. അനുഭവമുണ്ട്. അങ്ങനെ ഒരുവൻ അവന്റെ പ്രണയം വിട്ട് കളയുമോ..? അതൊക്കെയും ഓർക്കുമ്പോൾ അശോകന്റെ ഹൃദയമിടിപ്പ് തെറ്റുന്നുണ്ട്. എങ്കിലും കാശി നാഥൻ താൻ പറയുന്നത് അനുസരിക്കും.. അത് പോലെ തന്നെ ചെയ്യും എന്നുള്ള തോന്നൽ അയാളിൽ ശക്തമായുണ്ട്. ആ ഒരു ബലത്തിൽ തന്നെയാണ്അവന്റെ വീട്ടിലേക്ക് കയറി വന്നത്. തന്നെ കണ്ടു മുഖം കുനിഞ്ഞു പോയവൻ.. അവന്റെ ആ അവസ്ഥയെ ചൂഷണം ചെയ്തു കൊണ്ട് തന്നെയാണ് താൻ തുടങ്ങി വെച്ചത്. ഇരയെ മാനസികമായി തളർത്തി പിന്നെയവന്റെ എതിർക്കാനും ആക്രമിക്കാനുമുള്ള ശക്തിയെ തടഞ്ഞു വെക്കുക എന്നുള്ള നയം. "നിന്നെ എനിക്ക് ഇഷ്ടമാണ് കാശി.. പക്ഷേ അത് നിന്നെ എനിക്കെന്റെ മകളുടെ ഭർത്താവിന്റെ സ്ഥാനം തന്നു കൊണ്ട് കൈ പിടിക്കാൻ മാത്രം വലുപ്പമില്ല. കാർത്തുവിനെ പോലെ തന്നെയാ എനിക്ക് നീയും. ഇതിപ്പോ നിന്റെ സ്ഥാനത്തുള്ളത് വേറെ ആരായാലും അവനിപ്പോ ജീവനോടെ ഉണ്ടാവില്ല. അത് നിനക്കും അറിയാമല്ലോ.. പക്ഷേ നിന്നോട് എനിക്കങ്ങനെ ചെയ്യാൻ പറ്റില്ല ല്ലോ.." എന്ന് പറഞ്ഞു തുടങ്ങിയത് മുതൽ അവനൊന്നും മിണ്ടിയിട്ടില്ല. അതോടെ കാർത്തു പറഞ്ഞത് പോലെ അവർ തമ്മിലുള്ള ഇഷ്ടം താനും ഉറപ്പിച്ചു. ഇല്ലെങ്കിൽ അവൻ അത് എതിർക്കേണ്ടതാണല്ലോ.. ഇതിപ്പോ അങ്ങനൊന്നും ഉണ്ടായിട്ടില്ല. താൻ പറയുന്നതെല്ലാം അവൻ കേൾക്കുന്നുണ്ട്. അതിനർത്ഥം അതെല്ലാം കേൾക്കേണ്ടി വരും എന്നവനും അറിയാമായിരുന്നു എന്നല്ലേ.. എല്ലാം കൂടി ഓർക്കുമ്പോൾ അശോകന് തല പെരുക്കുന്നുണ്ട്. "അന്ന് ഞാൻ നിന്നോട് ചോദിച്ചതാ കാശി ആ ഫോട്ടോ കിട്ടിയ ദിവസം. അന്നൊന്നും ഇല്ലെന്ന് നീ തന്നെയാ എന്നോട് പറഞ്ഞത്. അത് പറയുമ്പോൾ അയാൾക്കൊരു കുറ്റപ്പെടുത്തലിന്റെ കനമുണ്ട്. "അവളുടെയും മഹിയുടെയും കാര്യം അറിഞ്ഞിട്ടും നീയിങ്ങനെ ചെയ്യാൻ പാടില്ലായിരുന്നു.. അവളെ നീ പറഞ്ഞു തിരുത്തുകയാണ് വേണ്ടിയിരുന്നത്. അതുണ്ടായില്ല. പോട്ടെ.. പ്രായത്തിന്റെ വികൃതി എന്നൊക്കെ കരുതി ഇത് വരെയു നിന്റെ ഭാഗത്ത് നിന്നു വന്ന തെറ്റുകൾ ഞാൻ ക്ഷമിക്കും ആരുമില്ലാതെ നീ നടന്നൊരു കാലത്ത് നിന്നെ ഞാൻ എന്റെ കൂടെ കൂട്ടിയതല്ലേ. അത്ര പെട്ടന്നത് പറിച്ചു കളയാൻ നമ്മൾക്ക് കഴിയോടാ.." വളരെ വിദക്തമായിട്ട് തന്നെ കാശിയെ വളഞ്ഞിട്ട് ലോക്കക്കി കളയാൻ തന്നെയാണ് അശോകന്റെ ശ്രമം. പിന്നെയും പല പ്രാവശ്യം തമ്മിലുള്ള ബന്ധതിന്റെ പേരും പറഞ്ഞു കൊണ്ടയാൾ അവന്റെ മുന്നിൽ ഞെളിഞ്ഞിരുന്നു. "കാർത്തുവിനെ ഞാൻ പറഞ്ഞു ശെരിയാക്കും. പക്ഷേ ഈ ഇഷ്ടത്തിന്റെ നിഴൽ പറ്റി കൊണ്ട് നീയിനി അവളുടെ ലൈഫിൽ ഉണ്ടാവാൻ പാടില്ല. അങ്ങനെ എന്തെങ്കിലും ഉണ്ടെന്ന് ഞാൻ അറിഞ്ഞാൽ.. പിന്നെ ഇത് പോലൊരു ഞാനല്ല നിനക്ക് മുന്നിൽ ഉണ്ടാവുക. അവളെ മഹേഷ്‌ തന്നെ കല്യാണം കഴിക്കും. അത് ഞാൻ അവന് വാക്ക് കൊടുത്തതാണ്. അശോകന്റെ വാക്കിന്റെ ഉറപ്പ് നിനക്കറിയില്ലേ.. മരിക്കേണ്ടി വന്നാൽ പോലും എന്നെ ചതിച്ചവരോട് ഞാൻ പൊറുക്കാറില്ല. അതും നിനക്കറിയാം. ഇനി ആ ലിസ്റ്റിൽ നീ ഉണ്ടാവരുത് എന്ന് തന്നെയാണ് എന്റെ ആഗ്രഹം. നീയായിട്ട് അത് ഇല്ലാതാക്കാൻ ശ്രമിക്കരുത്.." അന്ത്യ ശാസനം പോലെ അത്രയും പറഞ്ഞു കൊണ്ടയാൾ എഴുന്നേറ്റു. കാശി അപ്പോൾ മാത്രം മുഖം ഉയർത്തി നോക്കി. അവന്റെ മുഖത്തുള്ള കടുപ്പം.. അശോകൻ പറഞ്ഞതെല്ലാം അംഗീകരിക്കുകയോ നിരസിക്കുകയോ ചെയ്യാത്ത അവന്റെ മൗനം. കാർത്തുവും താനും ഒന്നുമില്ല എന്ന് പറഞ്ഞാൽ.. അവൾക്ക് മാത്രമേ തന്നോട് ഇഷ്ടമുള്ളു എന്ന് പറഞ്ഞാൽ.. ചിലപ്പോൾ.. ചിലപ്പോൾ മാത്രം അശോകേട്ടൻ അത് വിശ്വാസിക്കും. പക്ഷേ കാർത്തിക വെറുതെ ഇരിക്കില്ല. വാശി കൊണ്ടവൾ എന്തൊക്കെ ചെയ്യുമെന്ന് പിന്നെ പറയാൻ കഴിയില്ല. അതോടെ അശോകേട്ടൻ അവരുടെ കല്യാണത്തിന് തിടുക്കം കാണിക്കും. അവളിപ്പോ മിണ്ടാതെ എല്ലാം ക്ഷമിക്കുന്നത് താൻ നോക്കി കൊള്ളാം എന്നുള്ള വാക്ക് കൊടുത്തത് കൊണ്ട് തന്നെയാണ്. അതില്ലാതായാൽ പിന്നെ കാർത്തു ഇങ്ങനെ ആവില്ല.. ഇനി ഞങ്ങൾ തമ്മിൽ ഇഷ്ടമുണ്ട് എന്ന് പറഞ്ഞാലും മഹേഷിന്റെ പ്ലാൻ പോലെ എല്ലാം പെട്ടന്ന് നടത്തി കൊടുക്കും. അപ്പോൾ അവന്റെ ഒറിജിനൽ ഉദ്ദേശം എന്തെന്ന് അശോകേട്ടന് മുന്നിൽ വെളിപ്പെടുത്തി കൊടുക്കാൻ തനിക്ക് മുന്നിൽ സമയം കിട്ടില്ല. എന്തായാലും അശോകേട്ടൻ മനസോടെ അവളെ തനിക്കു തരില്ല. അതൊരു ഊഹം മാത്രമായിരുന്നു... ഇത് വരെയും. ഇപ്പോഴത് ഉറപ്പാണ്. അതിന് വേണ്ടി ഉള്ളതൊക്കെ ഇവിടെയിപ്പോ ബന്ധത്തിന്റെ പേരും പറഞ്ഞു കൊണ്ട് പെയ്തിറങ്ങി കഴിഞ്ഞു. തമ്മിൽ ഭേദം മൗനമാണ്.. ഉണ്ടന്നോ ഇല്ലെന്നോ പറയാതെ തന്നെ അയാൾ ആരോപിച്ചത് മുഴുവൻ കേട്ട് നിൽക്കുമ്പോഴും.. അശോകേട്ടൻ ഇത്രയും വിശ്വാസിക്കുന്ന മഹേഷിനെ കുരുക്കാൻ അങ്ങനെ ചെറിയ കാരണങ്ങൾ ഒന്നും പോരെന്നു കൂടി കാശി മനസ്സിലാക്കി. "അപ്പോൾ പറഞ്ഞതൊന്നും മറക്കണ്ട നീ.. നാളെ ബസ്സ് ഇറക്കണം. നമ്മുക്കാ പഴയ പോലെ തന്നെ മതി. നിന്നെ അങ്ങനെ അല്ലാതെ കാണാൻ എനിക്ക് പറ്റുന്നില്ലെടാ മോനെ.." അത്രയും പറഞ്ഞു കൊണ്ട് അയാൾ യാത്ര ചോദിച്ചപ്പോഴും ഇനി നാളെ ആ ബസ് എടുക്കാൻ അയാളുടെ വീട്ടിൽ പോണമല്ലോ എന്നായിരുന്നു അവന്റെ മനസ്സിൽ. കുസൃതിയെല്ലാം വിട്ട് സങ്കടത്തോടെ തന്നെ നോക്കുന്നൊരു മുഖം അവനപ്പോൾ തന്നെ അവിടെ കാണാൻ കഴിയുന്നുണ്ട്. അതവനെയപ്പോൾ വല്ലാതെ നോവിച്ചു. എങ്കിലും കാശി ചിരിയോടെ അശോകന്റെ നേരെ നോക്കി. നാളെ വരില്ലേ നീ.. കാറിലേക്ക് കയറും മുന്നേ ഒരു വട്ടം കൂടി ഉറപ്പിക്കാൻ വേണ്ടിയെന്നാ പോലെ അശോകൻ ചോദിച്ചു. വരാം.. മുടക്കമൊന്നും കൂടാതെ.. അങ്ങോട്ട് പോകുന്നത് ഓർക്കുമ്പോൾ വല്ലാത്തൊരു പിടച്ചിൽ ഉണ്ടായിട്ടും അവനത് സമ്മതിച്ചു കൊടുത്തത്.. ആ കൂടെ നിന്നു കൊണ്ട് തന്നെ വേണം മഹേഷിന്റെ പതനം ഉറപ്പ് വരുത്താൻ എന്നുള്ള ചിന്തയൊന്ന് കൊണ്ട് മാത്രമായിരുന്നു.. മാറി നിന്നാൽ അവൾക്ക് കൊടുത്ത വാക്ക് തനിക്കു പാലിക്കാൻ കഴിയില്ല എന്നത് കൊണ്ടും... തുടരും.. ആ ചെക്കൻ പറഞ്ഞതായിരുന്നു ശെരി.. ഇങ്ങര് സമ്മതിച്ചു കൊടുക്കില്ല.. പരട്ട.. 😬😬 റിവ്യൂ ഇട്ടിട്ട് പോണേ.. സ്നേഹത്തോടെ jif #💞 പ്രണയകഥകൾ #📔 കഥ